T-A

Paris, BnF, Français 23112

Digitization available via Gallica HERE.

show the code

# Load the xml2 package
library(xml2)

#Path to xml file
path_xml <- "data/T-A.xml"
# function to create html from xml
convert_xml_to_html <- function(xml_file, 
                                version_name = c("minimal", "intermediate", "extensive"),
                                min_line = NULL, 
                                max_line = NULL) {
    
    # Check if the version name is valid
    version_name <- match.arg(version_name)
    
    # WHITESPACE PRESERVATION: Apply placeholders before xml2 parsing
    # Read the entire XML file as a single string (avoids readLines warnings)
    file_size <- file.info(xml_file)$size
    raw_xml <- readChar(xml_file, file_size)
    
    # Replace whitespace between elements with placeholder tags
    processed_xml <- gsub("(</[^>]+>)\\s+(<[^>]*>)", "\\1<SPACE/>\\2", raw_xml)
    
    # Now parse the XML with placeholders in place
    xml_file <- read_xml(processed_xml)
    
    # Extract both <l>, <cb>, and <pb> elements
    lines <- xml_find_all(xml_file, "//text//l | //text//cb | //text//pb")
    
    # Initialize an empty list to store the processed lines
    processed_lines <- list()
    
    # --- NEW: state for folio handling and range tracking
    line_count <- 0
    in_desired_range <- FALSE
    last_folio <- NULL           # most recent <pb n="..."> seen (always recorded)
    folio_emitted <- FALSE       # ensure we only inject the prelude folio once
    need_prelude_folio <- FALSE  # signal to inject just before first kept line
    
    # Function to process each element with whitespace preservation
    process_line <- function(line) {
        
        # Handle page breaks: always record latest folio, render only if in-range
        if (xml_name(line) == "pb") {
            last_folio <<- xml_attr(line, "n")  # record regardless of range
            if (!in_desired_range) return(NULL) # do not render until we're in range
            return(sprintf("<div class='folio-number'>%s</div>", last_folio))
        }
        
        # Only increment line count and compute range for verse lines
        if (xml_name(line) == "l") {
            line_count <<- line_count + 1
            
            # compute whether *this* line is in range
            current_in_range <- if (is.null(min_line) && is.null(max_line)) {
                TRUE
            } else if (is.null(min_line) && !is.null(max_line)) {
                line_count <= max_line
            } else if (!is.null(min_line) && is.null(max_line)) {
                line_count >= min_line
            } else {
                line_count >= min_line && line_count <= max_line
            }
            
            # detect first entry into range (FALSE -> TRUE)
            if (current_in_range && !in_desired_range) {
                need_prelude_folio <<- TRUE
            }
            in_desired_range <<- current_in_range
            
            if (!in_desired_range) return(NULL) # Skip lines outside our range
            
            # Add line number div every 5th line
            line_number <- if (line_count %% 5 == 0) {
                sprintf("<div class='line-number'>%d</div>", line_count)
            } else {
                ""
            }
        } else {
            # Non-<l> elements (<cb>, etc.)
            line_number <- ""
            if (!in_desired_range) return(NULL) # Skip non-line elements outside range
        }
        
        # Process emph elements (decorative initials)
        emph_elements <- xml_find_all(line, ".//emph")
        for (emph in emph_elements) {
            # Get the initial letter text
            initial_letter <- xml_text(emph)
            
            # Get the size attribute (n) and style attribute (rend)
            size_attr <- xml_attr(emph, "n")
            style_attr <- xml_attr(emph, "rend")
            
            # Create the HTML for the styled initial
            styled_initial <- sprintf('<span class="decorative-initial %s" data-size="%s">%s</span>', 
                                      style_attr, size_attr, initial_letter)
            
            # Replace the emph element with the styled HTML
            xml_text(emph) <- styled_initial
        }
        
        if (version_name == "minimal") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                # Extract the text from the <orig> tag
                orig_text <- xml_text(xml_find_first(choice, ".//orig"))
                # Remove all children and set text directly
                xml_remove(xml_children(choice))
                xml_text(choice) <- orig_text
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "intermediate") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                abbr_exists <- xml_find_first(choice, ".//abbr")
                expan_exists <- xml_find_first(choice, ".//expan")
                # First check if there's an intermediate tag
                if (!is.na(abbr_exists) && !is.na(expan_exists)) {
                    intermediate_node <- xml_find_first(choice, ".//expan/intermediate")
                    if (!is.na(intermediate_node)) {
                        # If intermediate exists, use its text
                        text_to_use <- xml_text(intermediate_node)
                    } else {
                        # If no intermediate, use reg text
                        text_to_use <- xml_text(xml_find_first(choice, ".//expan/reg"))
                    }
                    xml_remove(xml_children(choice))
                    xml_text(choice) <- text_to_use
                } else {
                    orig_text <- xml_text(xml_find_first(choice, ".//orig"))
                    xml_remove(xml_children(choice))
                    xml_text(choice) <- orig_text
                }
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "extensive") {
            # remove <orig> entirely
            orig_elements <- xml_find_all(line, ".//orig")
            xml_remove(orig_elements)
            # collapse <choice> to <reg>
            choices <- xml_find_all(line, ".//choice")
            for (choice in choices) {
                reg_text <- xml_text(xml_find_first(choice, ".//reg"))
                xml_remove(xml_children(choice))
                xml_text(choice) <- reg_text
            }
        }
        
        # Remove <lb/> tags entirely
        lb_elements <- xml_find_all(line, ".//lb")
        xml_remove(lb_elements)
        
        # Replace SPACE placeholder elements with actual spaces
        space_elements <- xml_find_all(line, ".//SPACE")
        for (space_elem in space_elements) {
            xml_text(space_elem) <- " "
            xml_name(space_elem) <- "span"
            xml_attr(space_elem, "class") <- "space-marker"
        }
        
        # Extract text
        line_text <- xml_text(line)
        
        # Clean up extra whitespace but preserve intended spaces
        line_text <- trimws(line_text)
        line_text <- gsub("\\s+", " ", line_text)
        
        # Return line with number if applicable
        return(sprintf("<div style='line-height: 1.2;'>%s%s</div>", 
                       line_number, line_text))
    }
    
    # Process each line and wrap with <div class='column-break'> at each <cb/>
    for (line in lines) {
        processed_line <- process_line(line)
        if (!is.null(processed_line)) {
            
            # --- NEW: inject the folio that immediately precedes the first kept line
            if (need_prelude_folio && !folio_emitted && !is.null(last_folio)) {
                processed_lines <- c(processed_lines,
                                     sprintf("<div class='folio-number'>%s</div>", last_folio))
                folio_emitted <- TRUE
                need_prelude_folio <- FALSE
            }
            
            if (xml_name(line) == "cb" && in_desired_range) {
                # Add a closing </div> for the previous column and an opening <div> for the new column
                processed_lines <- c(processed_lines, "</div>", "<div class='column-break'>")
            } else {
                # Process the line and add it to the current column
                processed_lines <- c(processed_lines, processed_line)
            }
        }
    }
    
    # Process lines and wrap in edition-text div
    formatted_text <- paste(c("<div class='edition-text'>", processed_lines, "</div>"), collapse = "\n")
    cat(formatted_text)
}
# PRINT "MINIMAL" VERSION
convert_xml_to_html(xml_file = path_xml, version_name = "minimal")
# PRINT "INTERMEDIATE VERSION"
convert_xml_to_html(xml_file = path_xml, version_name = "intermediate")
#PRINT "EXTENSIVE" VERSION
convert_xml_to_html(xml_file = path_xml, version_name = "extensive")

Minimal

334v

Oies segn une raison

ou il ne a se vte non

faite est & tote de vte

Ni a -i- mot de faussete

Bn ci q volents lorrot

Cil q Dameldui amont

Car a chiaus qui de lui not cure

Mlt est se pole aspre & dure

Tout cil qui le volront amer

& por samor moi escouter

De me dame sainte Marie

LEyptiene orront le vie

Car che saichent tout pecheor

Ki forfait sont au Creator

Que nus pekies nest si pesant

Ne si horrible ne si grant

Dont Dex ne fache vrai pdon

Par foi & par confession

A ciax qui prendent penitance

Mais gardent soi de mescreance

Se hom gpist le mchi De

Cil pecies niert ja pdone

Pechies ne nest giens creature

Anchois est mehains de nature

Onqs Dex ne cria pechie

& ne porqunt le consentie

En tous homes a son ostal

& se force de faire mal

Nus hom nen est e ceste vie

Tant soit saiges nait fait folie

Par maintes fois pechie firent

Li apostre q Diu servirent

Por chou ne me p merveillier

Dun pecheor qnt loi pechier

Mais de celui est gnz mveille

Q tost ans dort & ne sesveille

Et en sen ort pechie sendort

Entrues q il vient a le mort

Qnt il se muert & il se sent

Lors si dist il je me repent

Qnt il est venus au morir

A tart se prent au repentir

Selonc les dis s Augustin

Nest mie bone icele fin

Car qnt li caitis sent le mort

Il ne puet faire droit ne tort

Guerpist le male iniquite

Car il nen a mais pooste

Se plus ieust de se vie

Encore fesist il folie

Qnt lame senvait miserine

Kilipuet faire medecine

Fors Damedieu q le cria

335r

Chou q a fait che trovera

Cheste dame dont vuel pler

Marie loi apeler

Egyptiene est porce dite

Car ele fu nee dEgypte

Illuec fu nee & baptisie

Mais malemt fu enseignie

Legiere devint ensenfance

Honte pdi & amaanche

Mlt fu esprise de luxure

De nule autre rien navoit cure

Porche q ele ele iert bele & gente

Se fioit tant en se jovente

Que tout faisoit le sien plaisir

Ne li membroit pas de morir

De -ii- parens ne se gardoit

A tous homes sabandonoit

Neqt q fust en ceste vie

Feme de plus gnt legerie

Ses pes , se me vivoient

Por peu q de duel ne moroient

Il le voloient castoier

El nes psoit -i- seul denier

Ne psoit casti de parent

Plus q fesist trespas de vent

Fille chou li disoit li mere

Car croi le casti de ten pere

Selonguemt tiens cest mest

Mlt en arons gnt reprouvier

Por dieu te p fille Marie

Guerpis mais cette legerie

Qnt cest mest aras guerpi

Nous te donrros rice mari

Nest drois q tu soies perdue

Por souffraite de nre aiue

Fille tu ies de gnt parage

Mlt p est de ti grant damage

Que tu ainssi soies perie

Pour te malvaise de legerie

Tes pes en est si iries

Jamais nul jour ne sera lies

& maudist tote saventure

Qnt faite a tel engenrrure

Qnt Marie loi parler

Neleput seule escouter

Des quele ot passe -xii- ans

100

A tous volst faire ses talens

Por pfaire se volente

Sen fui en autre regne

Tout sen pente deguerpi

Onqs p nus diaus nel vei

105

Ainssi sen fui ꝯme lerre

Sans seu de pere & de mere

El cemin sen entra Marie

Onc ni demanda ꝯpaignie

En Alixandre en est venue

110

El plus chief de le maistre rue

Cies les metrix prist ostel

Illuec fist son cors venel

Ele estoit blance ꝯme flour

Des jovenciax avoit lamor

115

Tot i venoient au bordel

Por se biaute li jovenchel

Ele les rechevoit volentiers

Non seulemt por lor deniers

Mais por faire le sien deduit

120

Les avoit o soi toute nuit

A sen delit iert ententive

De jor & de nuit le caitive

Car boire & meng & luxure

Che ert toute le siue cure

125

Qnt ele levoit del souper

O les daziaus aloit joer

Tant p amort a iaus border

Nentendoit gaires al souper

Li jovencel tout li plusor

130

Erent si espris de samor

Que devat sen huis alentree

En faisoient mainte mellee

Por chou quil erent si ami

335v

Se faisoient illuec hardi

135

Des gisarmes & des espees

Sentre donoient gns colees

Del sanc q diax ert espandus

Encouroit aval li palus

Le caitive q che veoit

140

Nule paor ne len prendoit

Se uns moroit de ses amis

Ele en ravoit xl- vis

Qnt ele en avoit -ii- ocis

Ja plus tart ne faisoit -i- ris

145

Ja cil q iert por li navres

Par li ne fust seul regardes

Plus amoit oles sains joer

Q les malades visiter

En Alixandre estoit Marie

150

ou demenoit iceste vie

Illuec demena ses talens

le caitive dirsca vii- ans

Le vile iert de li empirie

Auqs estoit ja mehaignie

155

& li pais tot environ

En iert en grant pdicion

De se biaute de se figure

Si co ele est en escriture

Vueil -i- peu dire le samblant

160

Anchois q je trespas avant

Car a cel tans en icel regne

Ne vit nus hom plus bele feme

Ne onc contesse ne roine

Nen ot el front plus bele crine

165

Reondes avoit les oreilles

Mais blanches erent a mveilles

Les iex clers & sosrians

les sorchix noir & avenans

bouche petite p mesure

170

& le pie & le regardeure

Le face tenrre & coloree

Co le rose q sempre est nee

Ja el nes ne el menton

Napceussies mesfaichon

175

En som le col blanc ꝯ ermine

li un doit le bloie crine

Les mameles de cele dame

Nestoient merres dune pome

Desous le goule en le poitne

180

Ert blanche ꝯme flor despine

blans bras avoit & blaces mains

Les dois reons gilles & plains

Gent cors avoit & bn molle

Sous laissele lonc le coste

185

El niert tp gnt ne tp petite

Ja se faichon ne iert escte

Ja le biaute de ceste dame

Nen iert escte p nul home

Tant iert cortoise de parler

190

Riens ni avoit q amender

A plaindre fait tel caature

Qnt del Creator navoit cure

El recevoit plusors psens

Sen acatoit bons vestems

195

Bons dras avoit . & avenans

Por mix plaisir a ses amans

Ele navoit soig de dras de laine

Au pior jor de le semaine

Bon bliaut avoit dostorin

200

& affubloit mantel dermin

Soullers bn pains de cordovam

Cauchoit a tous les jors del an

Li citoien de le cite

Lamoient tout por se biaute

205

Li anchien home & li saige

disoient tout Dex quel damage

Com mar fu onc ceste dolante

Tant fait a plaindre se jovete

Tant mar fu onqs le siue vie

210

Qnt si est plainne de folie

Tout disoient p le cite

Quele estoit de haut pente

Car a tos respondoit raison

336r

& tant iert bele de fachon

215

ke li fix dun empereor

Le peust prendre a gnt honor

Che fu en mai le mois deste

Quele iert al mur de le cite

& esgarda aval au port

220

Ou soloit faire sen deport

Arriver vit une galie

Qui de Libe iert esqpie

Toute iert plainne de pelerins

De viex homes & de meschins

225

En Jhrlm en aloient

P bon coraige se hastoient

Por estre atans a une feste

Qui de le Crois idevoit estre

Cil q estoient plus legier

230

Sen saloient hors el gravier

Main amain saloient joant

Par le rivaige li enfant

Mais qnt les apchut Marie

Ne pot muer quele ne rie

235

Apres soi vit un home ester

Comenche li a demander

Sire fait ele car me dis

Por icel Dieu p cui tu vis

Quel pt iront icil baron

240

Qui la issent de cel dromon

Se ie porroie i iaus aler

Car nai mais soig de ci ester

Aler vuel de ceste cite

Cho mest vis trop i ai este

245

Che li respondi li preudom

En Jhrlm en irom

Se lor avies q doner

Bien porries o iaus aler

Par Diu sire dist le dolante

250

Je i voi mlt bele jovente

Men cors lor metroie abandon

Je ne lor puis faire autre don

Nelor puis faire altre loier

Car je nen ai un seul denier

255

Qnt li preudom ot le folie

Ne pot muer quil ne sen rie

Qnt il oi le couvenant

Guerpist le si sen va riant

& le dolante sen torna

260

Onqs a ostel ne repaira

Aval sen va grat aleure

Si ꝯ le menoit saventure

Onqs ne fina duscau vaissel

Ou estoient li jovencel

265

A chiaus pla auqs briement

Tel sens ꝯ ele la lor despent

Seignor dist ele pelerin

Dex v amaint a bone fin

& v doinst tele volente

270

Que me fessissies carite

Je sui chi une povre feme

& si sui nee dautre regne

Jo ni ai ami ne parent

Se mi esta mlt malement

275

O moi je nai argent ne or

Tot poes veir mo tresor

Je ni ai autre manandie

Mais mlt pris vre ꝯpaignie

Se jou laiens o v estoie

280

Mlt volentiers v serviroie

& mlt volroie o v aler

Se v me volies porter

Ja por porter une caitive

Ne venres ja plus tart a rive

285

Che respondent li jovencel

Venes o nos mlt nos iert bel

Sus en le nef le font monter

Apres se font desaancrer

Dele rive se font voler

290

O les rains pnent a nager

Ne finerent li bacheler

Dusqs furent en haute mer

En haute mer drechent lor voiles

336v

Toute nuit ceurent as estoiles

295

Mais del dormir ni ot nient

Car Marie si lor deffent

Lors les ꝯmence a acoler

Apres lesprent a tastoner

A tous sengles aloit gesir

300

Porchou q miex peust plaisir

Onc ni ot tant nu oscrir dos

Fust jovenciax ou fust espous

Ki onqs peust prendre respit

Ke ne pecast o li le nuit

305

Tant fust cointes de sen mest

Ke tos les fist o soi pekier

Qnt ele vit les hautes ondes

Desmesurees & pfondes

& ele voit le grant ore

310

Qui amenoit le tempeste

Li cors de li estoit tat lies

De riens ne cremoit ses pekies

Tous les peurex ꝯfortoit

& ajoer les envioit

315

Car tant lavoit diale esprise

Toute nuit iert en se chemise

Ele niert mie tote le nuit

Nient seulemt en un lit

Por parfaire a tos ses delis

320

Aloit le nuit p tous les lis

Cil le voloient de bon gre

Qui en fisent lor volente

Merveille iert dune feme seule

Ki pooit souffrir si gnt foule

325

Mais de chou nestoit nul ni

Que diales ne fust en li

Qui mlt volents le noiast

Se Nre Sires li laissast

Mais cil le mena a droit port

330

& le gari tres bien de mort

Quant Marie fu arrivee

Dolante fu & esgaree

Souspire & pleure ale rive

Ne seit a faire le caitive

335

El ni conoist home ne feme

Mlt li sambla estrange regne

A le pfin se ppensa

Que en le cite sen ira

& fera illuec son mestier

340

Na coraige de li cangier

En Jhrlm est entree

Or oies del maleuree

Onc ne se targa de pekier

Anchois ꝯmce a empirier

345

Oies ꝯ gnt perdition

Ains q venist lAscension

De le sainte feste aoree

Qui devoit estre honoree

Ot empirie si cel liu

350

Miex vaussist q icourust li fus

Car ele decevoit le jovencente

Por chou quele iert & bele & get

Li jovencel de la cite

Erent espris de se biaute

355

Ne demora q un petit

Que li jors de le feste vint

De la sainte Assension

Este v le pcession

Despelerins doutre le mer

360

Qui erent venu por orer

Venu erent p bon coraige

Come pdome & ꝯme saige

Mais qnt les apchut Marie

Mist soi en cele copeignie

365

Mist soi en le pcession

Nient p bone entention

Li pelerin q le veoient

Se malvaistie pas ne savoient

Car se il seussent se vie

370

Ja o iaus neust ꝯpaignie

Sor les degres en sont monte

Dedens le temple en st entre

Dedens entra le copaignie

337r

Mais ainc ni pot entrer Marie

375

Qnt ele voloit avant aleer

Arriere lestouvoit reculer

Dedens le presse se metoit

Mais nule riens ne li valoit

Chou li ert vis son escient

380

Que ele veoit une gent

Qui li samloient chevalier

Mais mlt avoient le vis fier

Cascus tendi vers li sespee

& le manechoient del entree

385

Qnt ele aloit un peu avant

Des espees cremoit le brant

Qnt vit q [] niet ert del ente

En un agle [] ses reculee

Dont si ꝯmenche a porpenser

390

ke doit quele ni pooit entrer

A le parfin voit & entent

ke ses pekies si li deffent

Del cuer ꝯmche a souspirer

& des iex formt a plourer

395

A ses -ii- mains derront se cne

Gns cops se done en se poitne

Set q Dex est vs li marri

Ne li osa crier merchi

Ahi dist ele pecherris

400

Tant mar fui onqs metris

Co mar fis les ordes pekies

Porqi Dex est vers moi iries

Mal conseil ai tostans eu

Qnt men Creator ai perdu

405

Tant sui plaine de ville ordure

De malvaistie & de luxure

Que el temple ne puis entrer

Ne Dameldiu nos apeler

Que fera ore le caitive

410

Chou li poise q ele est vive

Del cuer li issent li souspir

Mains prise vivere Que morir

Resgarda vers destre partie

Vit lymaige sainte Marie

415

En le maisiere iert figuree

Mlt pieumt la esgardee

Dame dist ele douce Mere

Qui enten cors portas ten Pere

Sains Gabriel en fu messaiges

420

Tu li respondis ꝯme saige

Qnt il te dist ave Marie

De le grace Diu raemplie

En ti prendra humanite

Li Fix au Roi de majeste

425

Qnque il dist tu otrias

Et soie ancele te clamas

Et porche ies ore Roine

A toi seule quier medecine

A mes plaies q sont mortax

430

Ne quier autre me decinax

Se tu ole tien Fil mapaies

Bien seront sances mes plaies

Ichi guerpis jou le diale

& sen conseil car tot est fable

435

Chi deguerpis le siue voie

Q je mais olui ne soie

O le ton fil meth me creance

Toi meth en plege & en fiance

Ke toustans mais lui servirai

440

Ne ja de lui ne ptirai

Toute guerpis je ceste vie

& le malvaise legerie

Jamais niert jors naie pesance

Mlt iert aspre me peneance

445

Virgine Roine je croi bien

Que onqs nest icele rien

Qui tant soit forte aavanchier

Se tu ten Fil en viex prier

Sempres ne soit faite p toi

450

Dame aies hui merchi de moi

En men coraige ai me creance

Que tes Fix fu ata naissanche

337v

Il mist en ti virginite

Apres imist se deite

455

Mlt fu gnt merveille del Pere

Qui de le Fille fist se Mere

Il prist de toi humanite

Onc nen pdis virginite

Il fu & tes Fix & tes Peres

460

Tu fus & se Fille & se Mere

Mlt su chou mveilleuse cose

& neqdent bn dirẽ lose

Que del espine issi li fruis

p quoi deables fu destruis

465

Un no avos ce est Marie

Mlt est diverse nre vie

Tu amas toustans caaste

& jouluxure & ordee

Deable eus a anemi

470

& je li ai toustans servi

Onc de le toie saintee

Ne nasq feme en cest regne

Je sui povre & orgueilleuse

& de mon cors luxurieuse

475

Li Nres Sires toi ama

& moi caitive refusa

Moi refusa & ama toi

Dame aies lui merchi de moi

Virge tu portas le tresor

480

Qui plus vaut q argent ne or

De toi prist car li Fix le Roi

Que s- Jehans moustra au doi

Il dist q li Angeles estoit

Par qi li mons salves seroit

485

Mais qnt loi li Anemis

Qui nos jeta de paradis

Ke il devoit le mont sauver

Issi le cuida enganer

Come il fist le pmerain home

490

Que il dechut p une pome

Par -iii- fois il len essaia

LiFel ainc riens ni esploita

Qnt si le vit arme & fort

Par traison li dona mort

495

Mlt fu le mors boneuree

Par qi fuvies recouvree

Seli Fix Dieu ne fust ochis

Ja nentrast hom enpadis

Parle mort prist il le vretu

500

P qi Deables fu vainc’u

Ochis vainqui le oceor

Del tout le traist a desonor

Dinfer froissa les serreures

& rompi toutes les clostures

505

Hors en geta se compaignie

Q del Deable es[]toit ravie

El ciel les cduist [] a sen Pe

En se gloire la ou [] il ere

Puis vint au sepulcre a sen cors

510

Par gnt vtu len geta hors

A ses apostre sapparu

& xl- jours o iax fu

Moustra lor le nouvele Loi

Puis les baisa cascun par soi

515

Comanda lor se douce Mere

Puis monta es ciex a sen Pere

Del ciel lor tramist tel confort

Conqs puis ne cremiret mort

Saint Esprit lor tramist

520

Ki tons langaiges lor aprist

Or siet a le destre sen Pere

Tu ies o lui, se douce Mere

Qnt il venrra al Jugement

A sen secont advenement

525

Tu seras en se cpaignie

ꝯme le soie douce amie

Il juga & mors & vis

Li juste iront en paradis

Li mal iront el fu durable

530

La les tormtera deale

Virge Roine coronee

Q tant p fus boneuree

338r

Ki chelui portas en ton ventre

Que tos li mons ne pot ꝯprendre

535

Si ꝯ je croi chou q je di

Aies tu hui de moi merchi

Qnt ele ot faite sorison

Dex li a ja fait le pardon

DE sorison leva Marie

540

en son novel Seignor se fie

En lui mist tote se fianche

El temple en ent sans doltance

El temple entra sans destorbier

Si va oir le Dieu mestier

545

Qnt a oi le saint mestier

Estes le v hors del moustier

De sen pechie se sent legie

Droit alymaige est repairie

En li a toute se fiance

550

Conseil qert de se penitance

Confaitemt ele fera

& en quel tere sen ira

Ot une vois q ele entent

Qui li a dit apertement

555

Vatent al moust Saint Jehan

Puis passeras le flun Jordan

El moustier prendras medecine

Puis ten iras en le gastine

Illueqs espaneiras

560

Toustans mais que viveras

Qnt ele ot oie le vois

Saigna soi dele sainte crois

Es le v entree el chemin

Devat li vint un pelerin

565

Trois maailles li psenta

Trois petis pains en acata

Auqs fu che de se substance

Tant ꝯ el fu en penitance

Au flun Jordain en va Marie

570

Le nuit ipst herbegie

Bien pres del mostier S. Jehan

Sor le rive del flun Jordan

Se herbega sans nul ati

Un de ses pains menga demi

575

But del iaue saintefie

Qnt en ot but mlt p fu lie

Sen chief lava de le pure onde

De tous ses pechies devint mode

Ele se sent alqs lassee

580

Car ele ot faite grant jornee

De terre dure fist sen lit

Illueqs jut tout le nuit

Dormi mais che fu petit

Car li durs lis si li toli

585

P matin leva; au moustier

Sen va oir le Dieu mestier

La rechut corpus domini

Adonc fu lie ainc ne fu si

Qnt ele fu acomenie

590

Poes savoir q mlt fu lie

Puis si entra en un calan

Outre passa le flun Jordan

Qnt ele fu outre passee

En le forest en est entree

595

Marie va p le gastine

Souvent deprie le Roine

Que ele avoit mis en hostage

Le jor devat : devant lymaige

Par se mchi ne le guerpisse

600

& del deale le garisse

Par le gast va gnt aleure

En Dieu se fie toute est seure

Mais qnt ele ot fait se jornee

Sous un arbre sest acostee

605

Ele not q .ii. pains .& demi

Or ai Jhc merchi de li

De ciax ne vivra ele mie

Se Dex ne li fait autre aie

Un petit menga de sen pain

610

Puis se dormi duscal demain

Lendemain leva p matin

Vers oriant tint sen chemin

338v

Tant ala p jor & p nuit

A faim & a soif & a dur lit

615

Que tant pfont fu el boscaige

Toute devint illuec salvaige

Mais ele ne soublioit mie

De deprier sainte Marie

Sovent li menbroit del y maige

620

Que ele avoit mis en ostaige

Si souller furent tout use

& tout si drapel deschire

Li cors de li remaint tout nu

Navoit drapel ne fust rompu

625

Lichars de li mua coulor

Qui ains iert blance ꝯme flor

Que por yver q por este

Tout li noircirent li coste

Coulor mua se bloie crine

630

Blanche devint ꝯ une hmine

Le bouce li fu tenevie

& environ toute noirchie

& avoit tant noir le menton

Come sil fust taint de carbon

635

Atenerge furent li oel

Ni avoit ore poit dorguel

Se v veissies les oreilles

Mlt p v presist gns mveilles

Car noire estoit & decrevee

640

Le blanche char toute muee

Noire & muee ert le poitne

A escorce samblant despine

Navoit plus char en ses tians

Ne mais ꝯ il a en uns gans

645

Les bras les mais & leslos dois

Avoit plus noirs q nule pois

Ongles avoit longes & grans

Ele les retailloit a ses dens

Li ventres li estoit caoit

650

Petit de des despensse imetoit

Li pie li erent decreve

Enplusors lius erent navre

Car ele ne se gardoit despine

Qnt ele aloit p le gastine

655

Che li ert vis sien esciant

Que ele ni failloit nient

Cuns de ses pekies li caoit

Qnt une espine le pongnoit

Porchou estoit ele mlt lie

660

Qnt ele souffroit le hasqe

Nest mveille se iert noirchie

Car mlt demenoit aspee vie

Plus de xl. ans ala nue

Niert mveille se iert moussue

665

Povre despense avoit o li

Or ait Jhc de li merchi

.ii. pains avoit ne gaires gns

De chiaus vesq p plusors ans

El pmier an devinrret dur

670

Co se fust pierre de mur

Cascu jor en usoit Marie

Mais che iert petite partie

Qnt ele ot tot son pain use

Puis esrachoit lerbe del pre

675

Qnt autre beste le mengoit

de rien ne se confortoit

As mains buvoit liaue el ruissel

Qnt ele navoit autre vaissel

Ne font a plaindre li pechie

680

Dont li cors fu si castie

Derbe vesq & de rachines

Xvii. ans. p les gastines

Puis fu .xxx. ans onc ne menga

Se angeles ne li aporta

685

Li Diables le an premier

Le soloit sovent essaier

Tout che li faisoit rembrer

Quele soloit tos jors amer

Les bons mgiers & les biax lieus

690

Ou ele soloit faire les geus

Or fu ichi boneuree

Quele de tout fu obliee

339r

Onqs puis en toute se vie

Ne li souvint mais de folie

695

Ne ainc en trestot le boscaige

Ne li vint puis beste salvaige

Ne autre vive creature

P le gaut va toute seure

En plusors lius prist son ostel

700

Se vie ert tote esperitel

OR lairons ici de Marie

Si plerons dune abeie

Qui iert al cief de le forest

Si co le livre en trai a test

705

Onqs Dex ne fist nule gent

Qui plus boneueseurement

Servissent a lor Creator

Que faisoient icil seignor

Il navoient soing de mal faire

710

Cascus avoit vestu se haire

Tant eret en gnt descepline

Ne vestoient pas estamine

En haires erent & nus pies

Por espaneir lor pechies

715

Ne il de jors ne il de nuit

Ja ne fussent trove en lit

Toustans estoient el moust

Fors seul a leure del mengier

Il vivoient mlt povrement

720

Chert de pain dorge & de polmt

A tos les venredis del an

Vivoient de nois & de glan

Iaue buvoient nient saine

Car ele niert pas de fontaine

725

Entax navoit pas symonie

Ne covoitise ne envie

Navoient soing dargent ne dor

En Dieu estoit tot lor tresor

Nus diaus navoit ppriete

730

Tot erent dune volente

Nest hom q ja lor bonte die

Tant estoient de sainte vie

Qnt venue iert le Qrantaine

El pmier jor faisoient caine

735

Li abes les acumenioit

corp dni lor donnoit

Qnt les avoit comenies

Par ordre lor lavoit lor pres

Puis aloient a orison

740

& il lor faisoit le sermon

Comandoit les entrebaisier

Puis lor ouvroit luis del most

En le forest les envoia

A Damodieu les ꝯmanda

745

Li sait moine se deptoient

Fors seul .ii. q luec remanoiet

Nient por le paor des larrons

Quil cremissent de lor maisons

Mais por faire le Dieu mestier

750

Car nest pas bien de ꝯ saiteglise

Que li mests Dieu en defise

Li autre sen issoient tuit

El desert vivoient de fruit

En Dieu avoient gnt amor

755

Derbe vivoient li plusor

Qnt lun veoit lautre el desert

Fuioit sen de la ou il iert

Ainssi sen aloit en emble

Ja p lui ne fust salue

760

La ou le nuit lentreprenoit

Sor lerbe froide se gisoit

P matin levoit el demain

Saignoit soi de se destre main

Il ne savoit ou il aloit

765

A Damediu se comandoit

Ceste meisme entention

Avoient tot si ꝯpaignon

Des iex plouroiet tenrremt

Souvenoit lor del Jugemt

770

Ou tout li angele tnlleront

De le paor q il aront

Qnt il vront le Fil Dieu

339v

En sen siege de majestieu

& devant lui le fu durable

775

Dont il cruciera Deale

& toute li malvaise gent

Seront cruciet ensement

& puis enfernal deschendront

Si q il jamais nen istront

780

Porchou estoient icil moine

En le forest en tel essoine

Poe tos lor pechies espanir

Estoient il en tel peril

Qnt passee iert le Qrantaine

785

& venoit le jor de le Cene

Au jor de ramis palmar

Repairoient tot en maison

Por escout le saint sermon

Li sains abes estoit tous lies

790

qnt les veoit tos repairies

Li paistres estoit lies del bercil

Qui escapes iert del peril

El moustier les faisoit entrer

Aps faisoit les huis fremer

795

Puis estoient tot lan seur

Ne lor estoit cremir eur

Li pmiers jors vint de Qresme

que cascus diax aloit sen esme

Li abes fist q il soloit

800

Ses oeilles mist hors del toit

Anchois les fist entrebaisier

Puis lor ouvri luis del most

En le forest les envoia

A Damedieu les ꝯmanda

805

Uns senva a destre ptie

Qui mlt estoit de sainte vie

Cil iert apeles Zosimas

Vest iert de mlt povres dras

Miex ama il se povrete

810

Que nus qns naime se conte

En le forest parfondemt

Se mist o povre fornemt

Hermites i cuida trouver

De Dieu voloit o iaus pler

815

Mais qnt il ot fait .xx. jornees

Qui mlt erent desmesurees

& vit q nul ne peut trover

Na coraige davant aler

A droit miedi comence seure

820

De Damediu & si laeure

Qnt il ot sorison fenie

Si resgarda vs orient

Un ombre vit son essient

Qui estoit ou dome ou de feme

825

Mais ele estoit del Egyptiene

Dex lavoit illuec amenee

Ne voloit plus q fust celee

Descouvr voloit le tresor

Qui ert plus pcieus q or

830

Li sains hom fu formt pensis

Qnt vs lombre torna son vis

Cuida q fust encantemt

Reclama Diu omnipotent

Ke le deffende de Felon

835

& de male temptation

Qnt il ot sorison fenie

Le figure vit de Marie

De Marie vit le figure

Aptemt sans covreture

840

Car il ne savoit pas so non

Se p sainte esperite non

Environ li estoit se crine

Tant blance ꝯme Flor despine

Li blanc cavel & li delgies

845

Li avaloient duscaspies

El navoit altre vestemt

Qnt celi soslevoit li vent

dessous paroit le char bruslee

Del solel & dele gelee

850

Le dame qnt le vit venir

Isnelemt prent a fuir

Li s. hom le vait encauchant

340r

Anqs le va ja aproismant

Ne garda pas a se viellece

855

Mlt li est peu qnt il seblece

P le forest va achoupant

Mlt sovent le va apelant

Dame fait il parole a moi

Se tu en Diu as nule foi

860

Je te ꝯjur p Dieu le grant

Q tu ne voises plus avant

Qnt le dame ot de Diu pler

De pitie ꝯmence a plorer

Dex dist ele Rois Creator

865

Sire toi lo & toi aor

.xl. ans a. & vi. che croi

Q noi mais parler de toi

Or mas chi un home tmis

Jou ne li os torner mo vis

870

Ne li os torner me faiture

Car je sui une creature

OR est arrestee le dame

Nosa son vis torn vs lome

Ele ne se volra mais celer

875

A lui ꝯmencha a parler

Keles dist ele Zosimas

Jetes me chi .i. de vos dras

Car je nos mie aler a toi

Apres porras parler a moi

880

Qnt Zosimas soi nomer

Sot q Dex le faisoit pler

Car ele ne savoit pas so non

Se p le Sainte Esperite non

Un de ses dras li geta

885

& le dame si aproisma

Audrapel vint rusant Marie

De son cors covri gnt ptie

Qnt du drapel fu affublee

Vers le s. home sest tornee

890

Sire dist ele dous amis

Car me di q tu as chi qs

Chi pues veir une dolante

Ki en cest gast pleure & gemte

Por les pecies q jou ai fais

895

Qui si sont horrible & lais

Nest ho ses ot nen ait pesance

Or enfas chi le peneance

Qnt li s. hom lot si parler

De pitie ꝯmence a plourer

900

As pies li fait affliction

Requiert li se beneichon

Le dame reqet a ses pies

Mlt cremeuse de ses pechies

Merchi li ce mlt souvent

905

& il li crie ensement

Zosimas se gist en le place

Liaue li decort p le face

Les larmes li caent des iex

Mlt teremt pleure li viex

910

Tele angoisse a q tot tressue

Par le barbe quil a cenue

Li dekeurt aval li suor

Le dame pe p amor

Que por lui fache orison

915

& doinst li se beneichon

Sire dist ele dous amis

Tu mas beneichon requis

Je nenten pas q soit raison

Ke te doigne beneichon

920

Tu ies pstres messe cantant

Por ce est il plus avenant

Que tu le doignes ore a moi

Que se je le donnoie toi

Mlt iert le rien saintefie

925

Q de te main sera segnie

Je croi bn q par ten signacle

Fait Dex sor son autel miracle

Que li pains devient le sien cors

Li vins . le sanc qn issi hors

930

Dex ꝯnoist bn ten sacrefice

Toute te vie ma aprise

Tu li as svi des tenfance

340v

En lui pues avoir gnt fiance

Mlt en aras gnt guerredon

935

Mais or vull te beneichon

Dame che respont Zosimas

Ja me beneichon ni aras

Se tu pmes ne le me fais

Ne deci ne leverai mais

940

Por faim ne por nule souffraite

Deci q tu le maras faite

Or voit bien & entet Marie

Q li s. hom ne levera mie

Toustans iert en cele orison

945

Se il na se beneichon

Torne sen vis vers orient

Desprie Dieu omnipotent

Dex dist ele Rois Creator

Pere toi loe & toi aor

950

Sire Beneois soies tu

& tote le toie vertu

De nos pecies nos fai pdon

Puis arons te Beneichon

Lors se leva Zosimas

955

Gnt plaint jeta & mlt ert las

& Marie parole o lui

Mlt sentregardent ambedui

& li comence a demander

Mlt li comenche a demander

960

& mlt sovent a entroner

Des rois des contes de le tere

Se il ont pais ou il ont guerre

& des pastors q le loi tienent

Confaitemt il se ꝯtienent

965

Dame Zosimas li respont

Dex amis pais p tot le mot

Nest hom q tat voist p le te

Qui ja oie parler de guerre

Mais Sainte Eglise a gnt besong

970

Que por la faichies orison

Que Dex li envoit pais durable

& le deffende del Diale

Marie li a respondu

Dex le govert p se vertu

975

Ele garda vs orient

Drece ses mains al ciel les tent

& deproie le Creatour

Mlt pieumt & p amour

Si q le bouce li movoit

980

Mais nule vois ne sen issoit

De te fu semps ravie

Si qle ni avenoit mie

Zosimas ot paor mlt gnt

Damediu entrait a garant

985

Ke plus de .ii. pies & demi

Avoit entre le tere & li

Ou ele faisoit se proiere

Tant lavoit Nre Sire chiere

De le paor quot Zisomas

990

Sen comenche a aler le pas

Cuida fantosme avoir tve

Arriere sest auqs ruses

Qnt Marie len vit torner

Sel comenche aapeler

995

Keles dist ele Zosimas

Biaus ciers pes por qi dotas

Por qoi dotas por une feme

Saiches q je sui crestienne

Baptizie fui en menfance

1000

En Dieu ai toute me creance

Ici sui por espaneir

Nen ptirai duscau morir

Se destre main leva amont

Le sainte crois fist en son front

1005

Li s. hmite bn le vit

As pies de le dame cai

Ele lempst a lever

Derekies se pst aplorer

Dame dist il saintime feme

1010

Dont estu ? nee & de ql regne

Descoevre me tote te vie

Por Dieu nel me celer tu mie

341r

Di le moi par confession

Que Dex ten face avoir pdon

1015

Sire che li respont Marie

Je ne le te celerai mie

Qnt tu mie mas esgardee

Ja me vie ne tiert celee

Trestoute le te conterai

1020

Si q ja rien ne celerai

OR comence a ꝯter Marie

Rien ni laissa q tot ne die

mais demtres quele conta

poes savoir q gnt honte a

1025

Qnt ele ot contee se vie

as pies li chiet mchi li crie

Zosimas a oi se vie

le Creator en glorefie

merchi en rent au Creator

1030

Puis li adit p gnt amor

dame por qi cies a mes pies

Por Dieu te pri q tu ten lies

Nest pas e moi le dignite

Ne ne sui del auctorite

1035

a ce q tai oi conter

Que te doie sens escout

Ainc mais le tue p noi

Por Dieu aies de moi merci

Par carite conseille moi

1040

Se porroie remaindre otoi

Nenil fait ele p me foi

Car nest pas gent q soie otoi

Zosimas ce respont Marie

Ains ten iras en tabeie

1045

mais ne te caut dire me vie

Entre q je soie Fenie

Se Dex ma a toi demoustree

p toi volrai estre celee

a labe Jehan pleras

1050

Cest messaige li porteras

De ses oeilles pnge cure

Car tel ia tp lascure

Pregne conroi del esgarder

car il ia a es amender

1055

mais qnt venrra a en cestans

Emferm seras si ꝯ je pens

Qnt ti per & ti compaignon

Sen iront hors de le maison

& li jor venrront de Qresme

1060

Que cascu dele ira son esme

En ton lit testovra gesir

Ne porras pas o iax issir

Molt tiert gnt ues de reposer

Ne porras pas o iax aler

1065

Qnt passee iert le Qrantene

& venrra le jour de le Cene

Garis seras si ꝯ je croi

Dont reporras venir a moi

Le cors Nre Seigneur me met

1070

En -i- vaissel q mlt soit net

Del sanc en un autre vaissel

mais che garde q mlt soit bel

Peres qnt tu maporteras

Plus pres de toi me trouvas

1075

Saiches q serai alautre en

Encontre toi al Flun Jordan

Illues serai acomenie

Por ce men serai aproismie

desq passai le Flun Jordan

1080

Desous le moust S’. Jehan

Ne rechui le cors mo Seignor

O cui est toute me douchor

Ne ne vi home fors q toi

Aler men vuel prie por moi

1085

OR sen est le dame tornee

El gnt desert sen est entree

Qnt li s’. hom len vit torner

Sor ses pies pas ne pot ester

A ses iex le siut el desert

1090

mlt a grant doel qnt il le pert

A le tere est agenoullies

La ou avoit tenu ses pies

341v

Baisa le tere mlt Souvent

& loa Dieu omnipotent

1095

Dex dist il loes soies tu

Qui en feme as mis tel vtu

Sire ti puisse je amer

Qui le me donnas encontrer

Puis li membra de sen mostier

1100

Dont se ꝯmenche a repairier

Repairies est en se maison

Ensemt sont si copaignon

Li abes Jehans fu mlt lies

Qnt trestos les vit repairies

1105

mais cascus diax sest bn tenu

de chou q il avoit ueu

Nul nen iavoit novelier

Qui se volsist gloirefier

Bien les garda labes Jehan

1110

mais qnt orent passe cel an

li pmiers jors vint de Qresme

Q cascus aloit a son esme

En sen lit se jut Zosimas

malades fu ni ala pas

1115

Sot q voire ert le pphetie

Quavoit oi dire Marie

Toute passa le Qratene

Qnt vint au juesoi de le Cene

Zosimas se senti gari

1120

dont a pris corpus dni

le sanc pciex ensement

por faire le ꝯmandemt

dont la dame lavoit proie

Qnt ele prist de lui congie

1125

Zosimas ꝯmenche sen oirre

O lui porta -i- peu de coirre

& de lentilles ensement

Il navoit soig dautre formt

al Flun Jordan vint Zisomas

1130

Qnt il i fu vespres fu bas

Illuec qda tver Marie

mais encore ni estoit mie

Crient de le rien q plus covoite

Que ses pecies li ait toloite

1135

Ou qle i eust ja este

& il eust trop demore

del atendre soit anuie

& por ce sen fust repairie

Dex dist il Rois de majeste

1140

Ne me laissier ci esgare

Lai me veir encor le feme

Qui na sen per en tot le regne

Ja nen irai si ꝯ jespoir

Sencore ne le puis veoir

1145

mais sel venoit a mi pler

Coment porroit ele passer

Com passera le Flun Jordan

Qnt il ni a nef ne chalan

Peres de toute creature

1150

De trestout pues tu prendre ce

Tant p est gnt te poeste

de tot est faite de volente

Qnt il ot sorison fenie

Outre le Flueve vit Marie

1155

Sor le rive le vit ester

Dont le ꝯmce a apeler

Dame chou li dist Zosimas

Bele mere ql le feras

Coment passeras tu a moi

1160

Car poit de passaige ni voi

Qnt Marie loi parler

De pitie ꝯmce a plorer

A Damediu sest comandee

Dedens le Flu en est entree

1165

Seur le Flu va sans doutance

Oies ꝯ fu de gnt creance

Seur liaue rade va le pas

mlt sen mveille Zosimas

Li sains ho le voust aorer

1170

Le dame le prent a coser

Qnt a le rive fu venue

Va al saint home sel salue

342r

Apres li est caue as pies

mlt cmeuse de ses pekies

1175

As pies li fait affliction

Reqert li se beneichon

Li sains len aie a lever

De pitie ꝯmenche a plorer

Nosa seur li faire signacle

1180

Qnt Dex por li fait tel miracle

Qapie le fait aler sor londe

Del iaue q tant est pfonde

Qnt de le te sest drechie

Par vraie amistie la baisie

1185

Ele li qert le Credo De

Que il li die por lamor De

& il li dist mlt belement

& le Patre notre ensement

La dame respot apres lui

1190

mlt sentregardent ambedui

Qnt orent fait lor plement

Li s’. li moustre tel present

Come del cors Nre Seignor

Par cui eret salve peceor

1195

Zosimas le rient en se main

Dame dist il ce samle pain

Mais chou est li cors Jhu crist

Que li malvais puiles ocist

Encrois fu penes & ocis

1200

Ja hom nara sen padis

Seil nel rechoit en se vie

Che croi je bien ce dist Marie

mais encore ai en me creance

Que il fu fer de le lance

1205

O le sien Pere nos fist paie

P le sanc quissi de la plaie

Par lui furent cil si ami

Qui ains erent si anemi

Por le forfait del pmier home

1210

Qui seur sen ve menga le pome

Icel sanc nos laissa il

mlt est cil fox qui lui a uil

Se tu las aporte o toi

Por Dieu te pri done le moi

1215

Li sains hom lot si desraismer

Formt se pnt a mveillier

le saintisme cors li moustra

Le sainte dame li ora

Il li donna ele le rechut

1220

Le cors menga & le vin but

Qnt ele fu comenije

Poes savoir q mlt fu lie

Dex dist ele Rois Creator

Peres toi lo & toi aor

1225

Biax Sire or oes me raison

& si men ren men guerredon

-L- & iii- ans tai servi

Dex aies hui de moi mchi

Fait de tancele a ton plaisir

1230

Car or volroie jou morir

Or si te plaist q vive plus

Biax chers Peres pas nel refus

Ceste vie ne refus pas

Tant le volrai ꝯ tu volras

1235

mais sil te venist a plaisir

Des ore volroie je morir

Des ore volroie mes soldees

Sire q tu mas aprestees

Pri en ten Fil Virge Marie

1240

Que mete me en se ꝯpaignie

Se une fois estoie o toi

Nen ptiroie mais je croi

la canteroie o tes anceles

En tes cabres q tant sont beles

1245

Le cant novel o le douc son

Q canta li rois Salemon

Ici ne puis je pas canter

mais tenremt mestuet plorer

En ceste vie q est poie

1250

Nara jamais hom vraie joie

Car le joie de ceste vie

Est tote tornee a folie

342v

Qnt sorison ot a kievee

vers le saint home sest tornee

1255

Sire dist ele Zosimas

Chiers peres or ten repairras

Aempli mas men desirrier

Repaire ten a ten moustier

mais a lautre an ne moublier

1260

ke ne vignes a moi parler

Del Flun Jordan passe le rive

Trovas moi ou morte ou vive

la u tu pmiers me tuveras

Si ferai jo dist Zosimas

1265

mais se tu fais men desirrier

de nre fruit testuet mgier

Lentilles traist de sen sacon

Niavoit autre garison

Il lentendi en ses -ii- mains

1270

& le dame en mga -iii- grains

Trente ans avoit sieret passe

Qel navoit mais de riens goste

Del eve but sans nule Foi

Puis li a dit prie por moi

1275

a i cest mot sen est tornee

En une heure fu rapassee

En icel liu q mlt ot chier

On Zosimas le vit pmier

En une heure fu tresportee

1280

& si iavoit mlt gnt jornee

Qnt a cel liu fu pvenue

Ou Zosimas le trova nue

Ki mielx oloit & plus formt

Que ne fait basme ne piumt

1285

A le te ses acoutee

A Damedieu ses comandee

Diex dist ele q me fesis

& en men cors ame mesis

A toi le puisse je livrer

1290

& oter & ꝯmander

Or sai je bn q tu mas chiere

Car tu as oi me priere

Seurer me viex de ceste vie

Chi voi venir te copaignie

1295

Je ci quele vient por moi

mame & mo cors ꝯmat a toi

Dont sest a le te estendue

Si come ele estoit tote nue

Ses mais cisa seur se poitne

1300

& senvolepa en se crine

& clost ses iex avenament

& sen nes & se bonce ensement

Enpadis sen va durable

Onc ni osa venir deable

1305

Enlangeliel copaignie

Sen ala lame de Marie

Li cors de li remest tot nu

Fores du drapel tot desrompu

ki encovroit une partie

1310

Povremt fu ensevelie

Essample nos dona la dame

Que ce saichent tot li riche home

Qui povre ne sont a le mort

Que a Dameldui en font tort

1315

Ja li rice ni enterr ont

Se il ancois povre ne sont

A te vit li cors Marie

Tot lan sans altre ꝯpaignie

Not el desert ferain tant fier

1320

Qui ainc iosast aproismier

Sor li nosa oisiaus voler

Tant le voloit Dex honorer

Tant gnt miracle por li fist

Conqs se chars ne li malmist

1325

Onqs por froit ne por calor

Nissi de li malvais odor

Tant fu li cors desenteres

Qnt li ans fu trestoz passes

Zosimas ne soblia mie

1330

Repaira sen en sabeie

mais dune rien fu mlt iries

Li s’. qnt il fu repairies

343r

Qnt ala dame avoit ple

& son non navoit demande

1335

Ne li avoit son non enquis

Del tout sen tint a entrepris

Mais qnt il ot eu congie

Que il pot issir de sen sie

& passes fu tot icil an

1340

Mlt tost passa le Flun Jordan

Par le desert qert le mollier

O mlt mveillex desirrier

Tant la quise p le desert

Que il vint la ou li cors ert

1345

mais ancois quil leust trove

Le veissies mlt esgare

Duel fait mlt gnt & pleure & ce

Pres iere del cors ne savoit mie

Pere dist il qui me fesis

1350

mouste moi ce q jai ci quis

Sachies de chi ne movrai

Navant ne arriere nirai

Dusqs jo voie encor le feme

Quil na se per en tot le regne

1355

Ja nen irai si ꝯ je croi

Se morte ou vive ne le voi

Lai me veir le cors Marie

Car je qt q ele est fenie

Sele vesquist si ꝯ je croi

1360

Ele fust ja venue a moi

Ja esgare ne me laissast

Si ꝯ je croi ens en cest gast

Sire se tu de moi as cure

Lai me faire se sepulture

1365

Biax Peres Rois de majeste

Ne me laisssies chi esgare

Qnt il ot sorison fenie

Dex li mostra le cors Marie

vers se destre a resgarde

1370

En un lui vit une clarte

a le clarte sest aproismies

le cors trova mlt se fist lies

A le tere estoit estendus

Par un peu ql nestoit tot nus

1375

Sen vis avoit vers orient

& les iex clos avenanment

Se cne avoit seur sen viaire

Ele navoit altre suaire

Au cors aprocha Zosimas

1380

Seur li posa -i- de ses dras

Les pies li ꝯmenche a baisier

A lautre cors nose apchier

Il resgarda amot au chief

Letres i vit ꝯ en -i- brief

1385

Es letres q li s’ hom vit

Est cest ꝯmandemt escrit

Zosimas pren le cors Marie

Silensevli o Dieu aie

Qnt tu laras enseveli

1390

Prie por li par te merchi

Les letres furent de bon tor

ꝯ se fussent faites le jour

En le te erent figurees

Li s’. hom les a recitees

1395

mais qnt il a le non trove

Grace & mchi en rent a De

Por le bel non mlt en est lie

Lebel svige a comenchie

mais qnt il ot fait sen mestier

1400

& dit les psalmes du sautier

Dont veissies home esgare

Car il navoit riens aporte

Dont il peust le te ouvrir

& le saintisme cors enfoir

1405

un fust trova p aventure

Foir en voust le te dure

Il voust le te manouvrer

Ne le pooit seul entamer

Tous tressuoit desous se haire

1410

& nule rien ne pooit Faire

Gnt besong a li s’. daiue

Tel ahan a q tous tressue

343v

& neporqnt por tot lahan

Nel achievast il en tot lan

1415

Se Dex ne li donast aie

Por les desertes de Marie

Dex li tmist bon ꝯpaignon

Noient altre mais -i- lion

Un lion issi del desert

1420

la sapisma ou li cors ert

les pies li ꝯmence a lechier

Nes savoit altremt baisier

Signe faisoit del obeir

& q il le voloit servir

1425

Qnt li s’. hom vit le lion

Navoit apris tel ꝯpaignon

Neust soig de se ꝯpaignie

Se Dex li donast autre aie

Premieremt le volt fuir

1430

Qnt il le vit au cors venir

mais qnt il le vit si pve

& de si gnt humilite

& tant soef ꝯ un agnel

Poes savoir mlt li fu bel

1435

Sot q Dex li avoit tramis

Puis li a dit biax doz amis

Ceste dame quot no Marie

Qui mlt p fu de sainte vie

ma ci demoustre en -i- brief

1440

Que je ai trove a son cief

Q pmi vielt estre enfoie

mais jai gnt besong daie

Se tu me voloies aidier

Son s’ cors volroie entrier

1445

Li lions fu appareillies

Del mandemt estoit mlt lies

Oies co il sot obeir

Le tere ꝯmche a foir

Li lions fuet le tere dure

1450

Li sains li mostre le mesure

O les pies devat lesraioit

O ciax derriere li couroit

Gns iert le vertu del lion

Qnt il estruoit le sablon

1455

Par son le bos q niert niet clers

En faisoit el sablon voler

Se -iiii- homes ieust mis

Qui eussent besces & pis

ancois se peussent crever

1460

Quil peusset tant manovrer

Le fosse fu sempres cavee

& de le tere bien curee

Zosimas fu lies q chou vit

Devers le chief le cors si pst

1465

& li lions la as pies pris

El sarcus lont entax -ii- mis

Qnt en le te ont mis le cors

Zosimas sen est issus hors

Dont dist le ꝯmendation

1470

Sans adjutoire del lion

Cil ne li pooit faire aiue

Car il iert une beste mue

mais qnt ce vint al racovrer

Nel estut pas amonester

1475

Tote le tere rauna

Sor le saint cors le ramena

Aps qnt il lot raune

Sobedience ot akievee

A terre sest agenollie

1480

Signe fist de pndre congie

Dont sen est arriere torne

El gnt desert sen est ale

Qnt Zosimas le vit torner

Damedieu comence a loer

1485

Dex dist il loes soies tu

Tant p est gnde te vtu

Bien mas demostre p Marie

Que mlt est fox cil qui toblie

Bien voi & ci tot sas dotance

1490

Que fort cose a en penitance

Jamais jor sans espanir

Ne serai mais duscal morir

344r

Tous jors mais espanierai

Ja de mon cors merci narai

1495

Or se comence a repairier

plorant sen va a so mostier

Ensement font si ꝯpaignon

Tot sen repairent en maison

Qnt tot furent en lor ostel

1500

En lor capitre comunel

Zosimas ꝯmce a parler

Il ne se volra mais celer

Del Egyptiene Marie

Lor raconte toute le vie

1505

Co il le trova el desert

El liu delitaule ou ele ert

Et co ele vint al altran

Encontre lui al Flun Jordan

Co ele ala apie sor londe

1510

Del eve q tant p est pfonde

li moine oent trestos ses dis

A Diu en rendent il mchis

Li abes pleure tenrrement

& li autre moine ensement

1515

Ni ot nul q namdast se vie

Por les miracles de Marie

Nos meismes nos amendon

Qui pl gnt mestier e avon

& deprison ceste Marie

1520

Dont nos avos oi le vie

Quele deprit Nre Seignor

A cui il ot tant gnt amor

Que il nos pdoinst nos pechies

Tos les noviax & tos les vies

1525

& li puissons faire psent

De nos ames au Jugemt . Am .

Intermediate

334v

Oies seignor une raison

ou il ne a se verte non

faite est & tote de verte

Ni a -i- mot de faussete

Bien croi que volentiers lorront

Cil qui Dameldui ameront

Car a chiaus qui de lui nont cure

Molt est se parole aspre & dure

Tout cil qui le volront amer

& por samor moi escouter

De me dame sainte Marie

LEyptiene orront le vie

Car che saichent tout pecheor

Ki forfait sont au Creator

Que nus pekies nest si pesant

Ne si horrible ne si grant

Dont Dex ne fache vrai pardon

Par foi & par confession

A ciax qui prendent penitance

Mais gardent soi de mescreance

Se hom guerpist le merchi De

Cil pecies niert ja pardoné

Pechies ne nest giens creature

Anchois est mehains de nature

Onques Dex ne cria pechie

& ne porquant le consentie

En tous homes a son ostal

& se force de faire mal

Nus hom nen est en ceste vie

Tant soit saiges nait fait folie

Par maintes fois pechie firent

Li apostre qui Diu servirent

Por chou ne me puis merveillier

Dun pecheor quant loi pechier

Mais de celui est granz merveille

Qui tost ans dort & ne sesveille

Et en sen ort pechie sendort

Entrues que il vient a le mort

Quant il se muert & il se sent

Lors si dist il je me repent

Quant il est venus au morir

A tart se prent au repentir

Selonc les dis saint Augustin

Nest mie bone icele fin

Car quant li caitis sent le mort

Il ne puet faire droit ne tort

Guerpist le male iniquite

Car il nen a mais pooste

Se plus ieust de se vie

Encore fesist il folie

Quant lame senvait miserine

Kilipuet faire medecine

Fors Damedieu qui le cria

335r

Chou que a fait che trovera

Cheste dame dont vuel parler

Marie loi apeler

Egyptiene est porce dite

Car ele fu nee dEgypte

Illuec fu nee & baptisie

Mais malement fu enseignie

Legiere devint ensenfance

Honte perdi & amaanche

Molt fu esprise de luxure

De nule autre rien navoit cure

Porche quele ele iert bele & gente

Se fioit tant en se jovente

Que tout faisoit le sien plaisir

Ne li membroit pas de morir

De -ii- parens ne se gardoit

A tous homes sabandonoit

Nequit que fust en ceste vie

Feme de plus grant legerie

Ses peres , se mere vivoient

Por peu que de duel ne moroient

Il le voloient castoier

El nes prisoit -i- seul denier

Ne prisoit casti de parent

Plus que fesist trespas de vent

Fille chou li disoit li mere

Car croi le casti de ten pere

Selonguement tiens cest mestier

Molt en arons grant reprouvier

Por dieu te prie fille Marie

Guerpis mais cette legerie

Quant cest mestier aras guerpi

Nous te donrrons rice mari

Nest drois que tu soies perdue

Por souffraite de nostre aiue

Fille tu ies de grant parage

Molt par est de ti grant damage

Que tu ainssi soies perie

Pour te malvaise de legerie

Tes peres en est si iries

Jamais nul jour ne sera lies

& maudist tote saventure

Quant faite a tel engenrrure

Quant Marie loi parler

Neleput seule escouter

Des quele ot passe -xii- ans

100

A tous volst faire ses talens

Por parfaire se volente

Sen fui en autre regne

Tout sen parente deguerpi

Onques puis nus diaus nel vei

105

Ainssi sen fui conme lerre

Sans seu de pere & de mere

El cemin sen entra Marie

Onc ni demanda compaignie

En Alixandre en est venue

110

El plus chief de le maistre rue

Cies les meretrix prist ostel

Illuec fist son cors venel

Ele estoit blance conme flour

Des jovenciax avoit lamor

115

Tot i venoient au bordel

Por se biaute li jovenchel

Ele les rechevoit volentiers

Non seulement por lor deniers

Mais por faire le sien deduit

120

Les avoit o soi toute nuit

A sen delit iert ententive

De jor & de nuit le caitive

Car boire & mengier & luxure

Che ert toute le siue cure

125

Quant ele levoit del souper

O les daziaus aloit joer

Tant par amort a iaus border

Nentendoit gaires al souper

Li jovencel tout li plusor

130

Erent si espris de samor

Que devant sen huis alentree

En faisoient mainte mellee

Por chou quil erent si ami

335v

Se faisoient illuec hardi

135

Des gisarmes & des espees

Sentre donoient grans colees

Del sanc qui diax ert espandus

Encouroit aval li palus

Le caitive qui che veoit

140

Nule paor ne len prendoit

Se uns moroit de ses amis

Ele en ravoit xl- vis

Quant ele en avoit -ii- ocis

Ja plus tart nen faisoit -i- ris

145

Ja cil qui iert por li navres

Par li ne fust seul regardes

Plus amoit oles sains joer

Que les malades visiter

En Alixandre estoit Marie

150

ou demenoit iceste vie

Illuec demena ses talens

le caitive dirsca vii- ans

Le vile iert de li empirie

Auques estoit ja mehaignie

155

& li pais tot environ

En iert en grant perdicion

De se biaute de se figure

Si com ele est en escriture

Vueil -i- peu dire le samblant

160

Anchois que je trespas avant

Car a cel tans en icel regne

Ne vit nus hom plus bele feme

Ne onc contesse ne roine

Nen ot el front plus bele crine

165

Reondes avoit les oreilles

Mais blanches erent a merveilles

Les iex clers & sosrians

les sorchix noir & avenans

bouche petite par mesure

170

& le pie & le regardeure

Le face tenrre & coloree

Com le rose qui sempre est nee

Ja el nes ne el menton

Naperceussies mesfaichon

175

En som le col blanc com ermine

li un doit le bloie crine

Les mameles de cele dame

Nestoient menrres dune pome

Desous le goule en le poitrine

180

Ert blanche conme flor despine

blans bras avoit & blances mains

Les dois reons grailles & plains

Gent cors avoit & bien molle

Sous laissele lonc le coste

185

El niert trop grant ne trop petite

Ja se faichon nen iert escrite

Ja le biaute de ceste dame

Nen iert escrite par nul home

Tant iert cortoise de parler

190

Riens ni avoit que amender

A plaindre fait tel criaature

Quant del Creator navoit cure

El recevoit plusors presens

Sen acatoit bons vestemens

195

Bons dras avoit . & avenans

Por mix plaisir a ses amans

Ele navoit soing de dras de lainne

Au pior jor de le semainne

Bon bliaut avoit dostorin

200

& affubloit mantel dermin

Soullers bien pains de cordovam

Cauchoit a tous les jors del an

Li citoien de le cite

Lamoient tout por se biaute

205

Li anchien home & li saige

disoient tout Dex quel damage

Com mar fu onc ceste dolante

Tant fait a plaindre se jovente

Tant mar fu onques le siue vie

210

Quant si est plainne de folie

Tout disoient par le cite

Quele estoit de haut parente

Car a tos respondoit raison

336r

& tant iert bele de fachon

215

ke li fix dun empereor

Le peust prendre a grant honor

Che fu en mai le mois deste

Quele iert al mur de le cite

& esgarda aval au port

220

Ou soloit faire sen deport

Arriver vit une galie

Qui de Libe iert esquepie

Toute iert plainne de pelerins

De viex homes & de meschins

225

En Jherusalem en aloient

Par bon coraige se hastoient

Por estre atans a une feste

Qui de le Crois idevoit estre

Cil qui estoient plus legier

230

Sen saloient hors el gravier

Main amain saloient joant

Par le rivaige li enfant

Mais quant les aperchut Marie

Ne pot muer quele ne rie

235

Apres soi vit un home ester

Conmenche li a demander

Sire fait ele car me dis

Por icel Dieu par cui tu vis

Quel part iront icil baron

240

Qui la issent de cel dromon

Se ie porroie i iaus aler

Car nai mais soing de ci ester

Aler vuel de ceste cite

Cho mest vis trop i ai este

245

Che li respondi li preudom

En Jherusalem en irom

Se lor avies que doner

Bien porries o iaus aler

Par Diu sire dist le dolante

250

Je i voi molt bele jovente

Men cors lor metroie abandon

Je ne lor puis faire autre don

Nelor puis faire altre loier

Car je nen ai un seul denier

255

Quant li preudom ot le folie

Ne pot muer quil ne sen rie

Quant il oi le couvenant

Guerpist le si sen va riant

& le dolante sen torna

260

Onques a ostel ne repaira

Aval sen va grant aleure

Si com le menoit saventure

Onques ne fina duscau vaissel

Ou estoient li jovencel

265

A chiaus parla auques briement

Tel sens com ele la lor despent

Seignor dist ele pelerin

Dex vos amaint a bone fin

& vos doinst tele volente

270

Que me fessissies carite

Je sui chi une povre feme

& si sui nee dautre regne

Jo ni ai ami ne parent

Se mi esta molt malement

275

O moi je nai argent ne or

Tot poes veir mon tresor

Je ni ai autre manandie

Mais molt pris vostre compaignie

Se jou laiens o vos estoie

280

Molt volentiers vos serviroie

& molt volroie o vos aler

Se vos me volies porter

Ja por porter une caitive

Ne venres ja plus tart a rive

285

Che respondent li jovencel

Venes o nos molt nos iert bel

Sus en le nef le font monter

Apres se font desaancrer

Dele rive se font voler

290

O les rains prenent a nager

Ne finerent li bacheler

Dusques furent en haute mer

En haute mer drechent lor voiles

336v

Toute nuit ceurent as estoiles

295

Mais del dormir ni ot nient

Car Marie si lor deffent

Lors les conmence a acoler

Apres lesprent a tastonner

A tous sengles aloit gesir

300

Porchou que miex peust plaisir

Onc ni ot tant nu oscrir dos

Fust jovenciax ou fust espous

Ki onques peust prendre respit

Ke ne pecast o li le nuit

305

Tant fust cointes de sen mestier

Ke tos les fist o soi pekier

Quant ele vit les hautes ondes

Desmesurees & parfondes

& ele voit le grant ore

310

Qui amenoit le tempeste

Li cors de li estoit tant lies

De riens ne cremoit ses pekies

Tous les peurex confortoit

& ajoer les envioit

315

Car tant lavoit diale esprise

Toute nuit iert en se chemise

Ele niert mie tote le nuit

Nient seulement en un lit

Por parfaire a tos ses delis

320

Aloit le nuit par tous les lis

Cil le voloient de bon gre

Qui en fisent lor volente

Merveille iert dune feme seule

Ki pooit souffrir si grant foule

325

Mais de chou nestoit nul ni

Que diales ne fust en li

Qui molt volentiers le noiast

Se Nostre Sires li laissast

Mais cil le mena a droit port

330

& le gari tres bien de mort

Quant Marie fu arrivee

Dolante fu & esgaree

Souspire & pleure ale rive

Ne seit que faire le caitive

335

El ni connoist home ne feme

Molt li sambla estrange regne

A le parfin se porpensa

Que en le cite sen ira

& fera illuec son mestier

340

Na coraige de li cangier

En Jherusalem est entree

Or oies del maleuree

Onc ne se targa de pekier

Anchois conmence a empirier

345

Oies com grant perdition

Ains que venist lAscension

De le sainte feste aoree

Qui devoit estre honoree

Ot empirie si cel liu

350

Miex vaussist quicourust li fus

Car ele decevoit le jovencente

Por chou quele iert & bele & gente

Li jovencel de la cite

Erent espris de se biaute

355

Ne demora que un petit

Que li jors de le feste vint

De la sainte Assension

Este vos le procession

Despelerins doutre le mer

360

Qui erent venu por orer

Venu erent par bon coraige

Conme prodomme & conme saige

Mais quant les aperchut Marie

Mist soi en cele compeignie

365

Mist soi en le procession

Nient par bone entention

Li pelerin qui le veoient

Se malvaistie pas ne savoient

Car se il seussent se vie

370

Ja o iaus neust compaingnie

Sor les degres en sont monte

Dedens le temple en sont entre

Dedens entra le compaignie

337r

Mais ainc ni pot entrer Marie

375

Quant ele voloit avant aleer

Arriere lestouvoit reculer

Dedens le presse se metoit

Mais nule riens ne li valoit

Chou li ert vis son escient

380

Que ele veoit une gent

Qui li samloient chevalier

Mais molt avoient le vis fier

Cascuns tendi vers li sespee

& le manechoient del entree

385

Quant ele aloit un peu avant

Des espees cremoit le brant

Quant vit que [] nient ert de lentree

En un angle [] ses reculee

Dont si conmenche a porpenser

390

ke doit quele ni pooit entrer

A le parfin voit & entent

ke ses pekies si li deffent

Del cuer conmenche a souspirer

& des iex forment a plourer

395

A ses -ii- mains derront se crine

Grans cops se done en se poitrine

Set que Dex est vers li marri

Ne li osa crier merchi

Ahi dist ele pecherris

400

Tant mar fui onques meretris

Com mar fis les ordes pekies

Porquoi Dex est vers moi iries

Mal conseil ai tostans eu

Quant men Creator ai perdu

405

Tant sui plainne de ville ordure

De malvaistie & de luxure

Que el temple ne puis entrer

Ne Dameldiu nos apeler

Que fera ore le caitive

410

Chou li poise quele est vive

Del cuer li issent li souspir

Mains prise vivere Que morir

Resgarda vers destre partie

Vit lymaige sainte Marie

415

En le maisiere iert figuree

Molt pieument la esgardee

Dame dist ele douce Mere

Qui enten cors portas ten Pere

Sains Gabriel en fu messaiges

420

Tu li respondis conme saige

Quant il te dist ave Marie

De le grace Diu raemplie

En ti prendra humanite

Li Fix au Roi de majeste

425

Quantque il dist tu otrias

Et soie ancele te clamas

Et porche ies ore Roine

A toi seule quier medecine

A mes plaies qui sont mortax

430

Ne quier autre me decinax

Se tu ole tien Fil mapaies

Bien seront sances mes plaies

Ichi guerpis jou le diale

& sen conseil car tot est fable

435

Chi deguerpis le siue voie

Que je mais olui ne soie

O le ton fil meth me creance

Toi meth en plege & en fiance

Ke toustans mais lui servirai

440

Ne ja de lui ne partirai

Toute guerpis je ceste vie

& le malvaise legerie

Jamais niert jors naie pesance

Molt iert aspre me peneance

445

Virgine Roine je croi bien

Que onques nest icele rien

Qui tant soit forte aavanchier

Se tu ten Fil en viex prier

Sempres ne soit faite por toi

450

Dame aies hui merchi de moi

En men coraige ai me creance

Que tes Fix fu ata naissanche

337v

Il mist en ti virginite

Apres imist se deite

455

Molt fu grant merveille del Pere

Qui de le Fille fist se Mere

Il prist de toi humanite

Onc nen perdis virginite

Il fu & tes Fix & tes Peres

460

Tu fus & se Fille & se Mere

Molt su chou merveilleuse cose

& nequedent bien dire lose

Que del espine issi li fruis

por quoi deables fu destruis

465

Un non avons ce est Marie

Molt est diverse nostre vie

Tu amas toustans caaste

& jouluxure & ordee

Deable eus a anemi

470

& je li ai toustans servi

Onc de le toie saintee

Ne nasqui feme en cest regne

Je sui povre & orgueilleuse

& de mon cors luxurieuse

475

Li Nostres Sires toi ama

& moi caitive refusa

Moi refusa & ama toi

Dame aies lui merchi de moi

Virge tu portas le tresor

480

Qui plus vaut que argent ne or

De toi prist car li Fix le Roi

Que sains Jehans moustra au doi

Il dist que li Angeles estoit

Par quoi li mons salves seroit

485

Mais quant loi li Anemis

Qui nos jeta de paradis

Ke il devoit le mont sauver

Issi le cuida enganer

Conme il fist le premerain home

490

Que il dechut par une pome

Par -iii- fois il len essaia

LiFel ainc riens ni esploita

Quant si le vit arme & fort

Par traison li dona mort

495

Molt fu le mors boneuree

Par quoi fuvies recouvree

Seli Fix Dieu ne fust ochis

Ja nentrast hom enparadis

Parle mort prist il le vretu

500

Par quoi Deables fu vainc’u

Ochis vainqui le oceor

Del tout le traist a desonor

Dinfer froissa les serreures

& rompi toutes les clostures

505

Hors en geta se compaingnie

Qui del Deable es[]toit ravie

El ciel les conduist [] a sen Pere

En se gloire la ou [] il ere

Puis vint au sepulcre a sen cors

510

Par grant vertu len geta hors

A ses apostre sapparu

& xl- jours o iax fu

Moustra lor le nouvele Loi

Puis les baisa cascun par soi

515

Conmanda lor se douce Mere

Puis monta es ciex a sen Pere

Del ciel lor tramist tel confort

Conques puis ne cremirent mort

Saint Esprit lor tramist

520

Ki tons langaiges lor aprist

Or siet a le destre sen Pere

Tu ies o lui, se douce Mere

Quant il venrra al Jugement

A sen secont advenement

525

Tu seras en se compaingnie

Conme le soie douce amie

Il jugera & mors & vis

Li juste iront en paradis

Li mal iront el fu durable

530

La les tormentera deale

Virge Roine coronee

Qui tant par fus boneuree

338r

Ki chelui portas en ton ventre

Que tos li mons ne pot comprendre

535

Si com je croi chou que je di

Aies tu hui de moi merchi

Quant ele ot faite sorison

Dex li a ja fait le pardon

DE sorison leva Marie

540

en son novel Seignor se fie

En lui mist tote se fianche

El temple en entra sans doltance

El temple entra sans destorbier

Si va oir le Dieu mestier

545

Quant a oi le saint mestier

Estes le vos hors del moustier

De sen pechie se sent legie

Droit alymaige est repairie

En li a toute se fiance

550

Conseil quiert de se penitance

Confaitement ele fera

& en quel tere sen ira

Ot une vois que ele entent

Qui li a dit apertement

555

Vatent al moustier Saint Jehan

Puis passeras le flun Jordan

El moustier prendras medecine

Puis ten iras en le gastine

Illueques espaneiras

560

Toustans mais que viveras

Quant ele ot oie le vois

Saigna soi dele sainte crois

Es le vos entree el chemin

Devant li vint un pelerin

565

Trois maailles li presenta

Trois petis pains en acata

Auques fu che de se substance

Tant com el fu en penitance

Au flun Jordain en va Marie

570

Le nuit iprist herbegerie

Bien pres del mostier Saint Jehan

Sor le rive del flun Jordan

Se herbega sans nul ati

Un de ses pains menga demi

575

But del iaue saintefie

Quant en ot but molt par fu lie

Sen chief lava de le pure onde

De tous ses pechies devint monde

Ele se sent alques lassee

580

Car ele ot faite grant jornee

De terre dure fist sen lit

Illueques jut tout le nuit

Dormi mais che fu petit

Car li durs lis si li toli

585

Par matin leva; au moustier

Sen va oir le Dieu mestier

La rechut corpus domini

Adonc fu lie ainc ne fu si

Quant ele fu aconmenie

590

Poes savoir que molt fu lie

Puis si entra en un calan

Outre passa le flun Jordan

Quant ele fu outre passee

En le forest en est entree

595

Marie va par le gastine

Souvent deprie le Roine

Que ele avoit mis en hostage

Le jor devant : devant lymaige

Par se merchi ne le guerpisse

600

& del deale le garisse

Par le gast va grant aleure

En Dieu se fie toute est seure

Mais quant ele ot fait se jornee

Sous un arbre sest acostee

605

Ele not que .ii. pains .& demi

Or ai Jhesus merchi de li

De ciax ne vivra ele mie

Se Dex ne li fait autre aie

Un petit menga de sen pain

610

Puis se dormi duscal demain

Lendemain leva par matin

Vers oriant tint sen chemin

338v

Tant ala par jor & par nuit

A faim & a soif & a dur lit

615

Que tant parfont fu el boscaige

Toute devint illuec salvaige

Mais ele ne soublioit mie

De deprier sainte Marie

Sovent li menbroit del y maige

620

Que ele avoit mis en ostaige

Si souller furent tout use

& tout si drapel deschire

Li cors de li remaint tout nu

Navoit drapel ne fust rompu

625

Lichars de li mua coulor

Qui ains iert blance conme flor

Que por yver que por este

Tout li noircirent li coste

Coulor mua se bloie crine

630

Blanche devint com une hermine

Le bouce li fu tenevie

& environ toute noirchie

& avoit tant noir le menton

Conme sil fust taint de carbon

635

Atenerge furent li oel

Ni avoit ore point dorguel

Se vos veissies les oreilles

Molt par vos presist grans merveilles

Car noire estoit & decrevee

640

Le blanche char toute muee

Noire & muee ert le poitrine

A escorce samblant despine

Navoit plus char en ses traians

Ne mais com il a en uns gans

645

Les bras les mains & leslons dois

Avoit plus noirs que nule pois

Ongles avoit longes & grans

Ele les retailloit a ses dens

Li ventres li estoit caoit

650

Petit de des despensse imetoit

Li pie li erent decreve

Enplusors lius erent navre

Car ele ne se gardoit despine

Quant ele aloit par le gastine

655

Che li ert vis sien esciant

Que ele ni failloit nient

Cuns de ses pekies li caoit

Quant une espine le pongnoit

Porchou estoit ele molt lie

660

Quant ele souffroit le hasquie

Nest merveille se iert noirchie

Car molt demenoit aspee vie

Plus de xl. ans ala nue

Niert merveille se iert moussue

665

Povre despense avoit o li

Or ait Jhesus de li merchi

.ii. pains avoit ne gaires grans

De chiaus vesqui par plusors ans

El premier an devinrrent dur

670

Com se fust pierre de mur

Cascun jor en usoit Marie

Mais che iert petite partie

Quant ele ot tot son pain use

Puis esrachoit lerbe del pre

675

Quant autre beste le mengoit

de rien ne se confortoit

As mains buvoit liaue el ruissel

Quant ele navoit autre vaissel

Ne font a plaindre li pechie

680

Dont li cors fu si castie

Derbe vesqui & de rachines

Xvii. ans. par les gastines

Puis fu .xxx. ans onc ne menga

Se angeles ne li aporta

685

Li Diables le an premier

Le soloit sovent essaier

Tout che li faisoit remembrer

Quele soloit tos jors amer

Les bons mengiers & les biax lieus

690

Ou ele soloit faire les geus

Or fu ichi boneuree

Quele de tout fu obliee

339r

Onques puis en toute se vie

Ne li souvint mais de folie

695

Ne ainc en trestot le boscaige

Ne li vint puis beste salvaige

Ne autre vive creature

Par le gaut va toute seure

En plusors lius prist son ostel

700

Se vie ert tote esperitel

OR lairons ici de Marie

Si parlerons dune abeie

Qui iert al cief de le forest

Si com le livre en trai a test

705

Onques Dex ne fist nule gent

Qui plus boneueseurement

Servissent a lor Creator

Que faisoient icil seignor

Il navoient soing de mal faire

710

Cascuns avoit vestu se haire

Tant erent en grant descepline

Ne vestoient pas estamine

En haires erent & nus pies

Por espaneir lor pechies

715

Ne il de jors ne il de nuit

Ja ne fussent trove en lit

Toustans estoient el moustier

Fors seul a leure del mengier

Il vivoient molt povrement

720

Chert de pain dorge & de polment

A tos les venredis del an

Vivoient de nois & de glan

Iaue buvoient nient saine

Car ele niert pas de fontaine

725

Entriax navoit pas symonie

Ne covoitise ne envie

Navoient soing dargent ne dor

En Dieu estoit tot lor tresor

Nus diaus navoit propriete

730

Tot erent dune volente

Nest hom qui ja lor bonte die

Tant estoient de sainte vie

Quant venue iert le Quarantaine

El premier jor faisoient caine

735

Li abes les acumenioit

corpus domini lor donnoit

Quant les avoit conmenies

Par ordre lor lavoit lor pres

Puis aloient a orison

740

& il lor faisoit le sermon

Conmandoit les entrebaisier

Puis lor ouvroit luis del mostier

En le forest les envoia

A Damodieu les conmandoit

745

Li saint moine se departoient

Fors seul .ii. qui luec remanoient

Nient por le paor des larrons

Quil cremissent de lor maisons

Mais por faire le Dieu mestier

750

Car nest pas bien de ꝯ sainte glise

Que li mestier Dieu en defise

Li autre sen issoient tuit

El desert vivoient de fruit

En Dieu avoient grant amor

755

Derbe vivoient li plusor

Quant lun veoit lautre el desert

Fuioit sen de la ou il iert

Ainssi sen aloit en emble

Ja par lui ne fust salue

760

La ou le nuit lentreprenoit

Sor lerbe froide se gisoit

Par matin levoit el demain

Saignoit soi de se destre main

Il ne savoit ou il aloit

765

A Damediu se conmandoit

Ceste meisme entention

Avoient tot si compaingnon

Des iex plouroient tenrrement

Souvenoit lor del Jugement

770

Ou tout li angele tranlleront

De le paor que il aront

Quant il verront le Fil Dieu

339v

En sen siege de majestieu

& devant lui le fu durable

775

Dont il cruciera Deale

& toute li malvaise gent

Seront cruciet ensement

& puis enfernal deschendront

Si que il jamais nen istront

780

Porchou estoient icil moine

En le forest en tel essoine

Poe tos lor pechies espanir

Estoient il en tel peril

Quant passee iert le Quarantainne

785

& venoit le jor de le Cene

Au jor de ramis palmarum

Repairoient tot en maison

Por escouter le saint sermon

Li sains abes estoit tous lies

790

quant les veoit tos repairies

Li paistres estoit lies del bercil

Qui escapes iert del peril

El moustier les faisoit entrer

Apres faisoit les huis fremer

795

Puis estoient tot lan seur

Ne lor estoit cremir eur

Li premiers jors vint de Quaresme

que cascuns diax aloit sen esme

Li abes fist que il soloit

800

Ses oeilles mist hors del toit

Anchois les fist entrebaisier

Puis lor ouvri luis del mostier

En le forest les envoia

A Damedieu les conmenda

805

Uns senva a destre partie

Qui molt estoit de sainte vie

Cil iert apeles Zosimas

Vestus iert de molt povres dras

Miex ama il se povrete

810

Que nus quens naimme se conte

En le forest parfondement

Se mist o povre fornement

Hermites i cuida trouver

De Dieu voloit o iaus parler

815

Mais quant il ot fait .xx. jornees

Qui molt erent desmesurees

& vit que nul nen peut trover

Na coraige davant aler

A droit miedi conmence seure

820

De Damediu & si laeure

Quant il ot sorison fenie

Si resgarda vers orient

Un ombre vit son essient

Qui estoit ou dome ou de feme

825

Mais ele estoit del Egyptiene

Dex lavoit illuec amenee

Ne voloit plus que fust celee

Descouvrir voloit le tresor

Qui ert plus precieus que or

830

Li sains hom fu forment pensis

Quant vers lombre torna son vis

Cuida que fust encantement

Reclama Diu omnipotent

Ke le deffende de Felon

835

& de male temptation

Quant il ot sorison fenie

Le figure vit de Marie

De Marie vit le figure

Apertement sans covreture

840

Car il ne savoit pas son non

Se par sainte esperite non

Environ li estoit se crine

Tant blance conme Flor despine

Li blanc cavel & li delgies

845

Li avaloient duscaspies

El navoit altre vestemt

Quant celi soslevoit li vent

dessous paroit le char bruslee

Del solel & dele gelee

850

Le dame quant le vit venir

Isnelement prent a fuir

Li sains hom le vait encauchant

340r

Auques le va ja aproismant

Ne garda pas a se viellece

855

Molt li est peu quant il seblece

Par le forest va achoupant

Molt sovent le va apelant

Dame fait il parole a moi

Se tu en Diu as nule foi

860

Je te conjur par Dieu le grant

Que tu ne voises plus avant

Quant le dame ot de Diu parler

De pitie conmence a plorer

Dex dist ele Rois Creator

865

Sire toi lo & toi aor

.xl. ans a. & vi. che croi

Que noi mais parler de toi

Or mas chi un home tramis

Jou ne li os torner mon vis

870

Ne li os torner me faiture

Car je sui une creature

OR est arrestee le dame

Nosa son vis torner vers lome

Ele ne se volra mais celer

875

A lui conmencha a parler

Keles dist ele Zosimas

Jetes me chi .i. de vos dras

Car je nos mie aler a toi

Apres porras parler a moi

880

Quant Zosimas soi nonmer

Sot que Dex le faisoit parler

Car ele ne savoit pas son non

Se par le Sainte Esperite non

Un de ses dras li geta

885

& le dame si aproisma

Audrapel vint rusant Marie

De son cors covri grant partie

Quant du drapel fu affublee

Vers le saint home sest tornee

890

Sire dist ele dous amis

Car me di que tu as chi quis

Chi pues veir une dolante

Ki en cest gast pleure & gemente

Por les pecies que jou ai fais

895

Qui si sont horrible & lais

Nest hom ses ot nen ait pesance

Or enfas chi le peneance

Quant li sains hom lot si parler

De pitie conmence a plourer

900

As pies li fait affliction

Requiert li se beneichon

Le dame requiet a ses pies

Molt cremeuse de ses pechies

Merchi li crie molt souvent

905

& il li crie ensement

Zosimas se gist en le place

Liaue li decort par le face

Les larmes li caent des iex

Molt tenrement pleure li viex

910

Tele angoisse a que tot tressue

Par le barbe quil a cenue

Li dekeurt aval li suor

Le dame prie par amor

Que por lui fache orison

915

& doinst li se beneichon

Sire dist ele dous amis

Tu mas beneichon requis

Je nentent pas que soit raison

Ke te doigne beneichon

920

Tu ies prestres messe cantant

Por ce est il plus avenant

Que tu le doignes ore a moi

Que se je le donnoie toi

Molt iert le rien saintefie

925

Qui de te main sera segnie

Je croi bien que par ten signacle

Fait Dex sor son autel miracle

Que li pains devient le sien cors

Li vins . le sanc quen issi hors

930

Dex connoist bien ten sacrefice

Toute te vie ma aprise

Tu li as servi des tenfance

340v

En lui pues avoir grant fiance

Molt en aras grant guerredon

935

Mais or vull te beneichon

Dame che respont Zosimas

Ja me beneichon ni aras

Se tu primes ne le me fais

Ne deci ne leverai mais

940

Por faim ne por nule souffraite

Deci que tu le maras faite

Or voit bien & entent Marie

Que li sains hom ne levera mie

Toustans iert en cele orison

945

Se il na se beneichon

Torne sen vis vers orient

Desprie Dieu omnipotent

Dex dist ele Rois Creator

Pere toi loe & toi aor

950

Sire Beneois soies tu

& tote le toie vertu

De nos pecies nos fai pardon

Puis arons te Beneichon

Lors se leva Zosimas

955

Grant plaint jeta & molt ert las

& Marie parole o lui

Molt sentregardent ambedui

& li conmence a demander

Molt li conmenche a demander

960

& molt sovent a entroner

Des rois des contes de le tere

Se il ont pais ou il ont guerre

& des pastors qui le loi tienent

Confaitement il se contienent

965

Dame Zosimas li respont

Dex amis pais par tot le mont

Nest hom qui tant voist par le tere

Qui ja oie parler de guerre

Mais Sainte Eglise a grant besong

970

Que por la faichies orison

Que Dex li envoit pais durable

& le deffende del Diale

Marie li a respondu

Dex le govert par se vertu

975

Ele garda vers orient

Drece ses mains al ciel les tent

& deproie le Creatour

Molt pieument & par amour

Si que le bouce li movoit

980

Mais nule vois ne sen issoit

De tere fu sempres ravie

Si quele ni avenoit mie

Zosimas ot paor molt grant

Damediu entrait a garant

985

Ke plus de .ii. pies & demi

Avoit entre le tere & li

Ou ele faisoit se proiere

Tant lavoit Nostre Sire chiere

De le paor quot Zisomas

990

Sen conmenche a aler le pas

Cuida fantosme avoir trove

Arriere sest auques ruses

Quant Marie len vit torner

Sel conmenche aapeler

995

Keles dist ele Zosimas

Biaus ciers peres por quoi dotas

Por qoi dotas por une feme

Saiches que je sui crestienne

Baptizie fui en menfance

1000

En Dieu ai toute me creance

Ici sui por espaneir

Nen partirai duscau morir

Se destre main leva amont

Le sainte crois fist en son front

1005

Li sains hermite bien le vit

As pies de le dame cai

Ele lemprist a lever

Derekies se prist aplorer

Dame dist il saintime feme

1010

Dont estu ? nee & de quel regne

Descoevre me tote te vie

Por Dieu nel me celer tu mie

341r

Di le moi par confession

Que Dex ten face avoir pardon

1015

Sire che li respont Marie

Je ne le te celerai mie

Quant tu mie mas esgardee

Ja me vie ne tiert celee

Trestoute le te conterai

1020

Si que ja rien nen celerai

OR conmence a conter Marie

Rien ni laissa que tot ne die

mais dementres quele conta

poes savoir que grant honte a

1025

Quant ele ot contee se vie

as pies li chiet merchi li crie

Zosimas a oi se vie

le Creator en glorefie

merchi en rent au Creator

1030

Puis li adit par grant amor

dame por quoi cies a mes pies

Por Dieu te pri que tu ten lies

Nest pas en moi le dignite

Ne ne sui del auctorite

1035

a ce que tai oi conter

Que te doie sens escouter

Ainc mais le tue per noi

Por Dieu aies de moi merci

Par carite conseille moi

1040

Se porroie remaindre otoi

Nenil fait ele par me foi

Car nest pas gent que soie otoi

Zosimas ce respont Marie

Ains ten iras en tabeie

1045

mais ne te caut dire me vie

Entre que je soie Fenie

Se Dex ma a toi demoustree

par toi volrai estre celee

a labe Jehan parleras

1050

Cest messaige li porteras

De ses oeilles prenge cure

Car tel ia trop lascure

Pregne conroi del esgarder

car il ia a es amender

1055

mais quant venrra an en cestans

Emferm seras si com je pens

Quant ti per & ti compaignon

Sen iront hors de le maison

& li jor venrront de Quaresme

1060

Que cascun dele ira son esme

En ton lit testovra gesir

Ne porras pas o iax issir

Molt tiert grant ues de reposer

Ne porras pas o iax aler

1065

Quant passee iert le Quarantene

& venrra le jour de le Cene

Garis seras si com je croi

Dont reporras venir a moi

Le cors Nostre Seigneur me met

1070

En -i- vaissel qui molt soit net

Del sanc en un autre vaissel

mais che garde que molt soit bel

Peres quant tu maporteras

Plus pres de toi me trouveras

1075

Saiches que serai alautre en

Encontre toi al Flun Jordan

Illues serai aconmenie

Por ce men serai aproismie

desque passai le Flun Jordan

1080

Desous le moustier Saint Jehan

Ne rechui le cors mon Seignor

O cui est toute me douchor

Ne ne vi home fors que toi

Aler men vuel prie por moi

1085

OR sen est le dame tornee

El grant desert sen est entree

Quant li sains hom len vit torner

Sor ses pies pas ne pot ester

A ses iex le siut el desert

1090

molt a grant doel quant il le pert

A le tere est agenoullies

La ou avoit tenu ses pies

341v

Baisa le tere molt Souvent

& loa Dieu omnipotent

1095

Dex dist il loes soies tu

Qui en feme as mis tel vertu

Sire ti puisse je amer

Qui le me donnas encontrer

Puis li membra de sen mostier

1100

Dont se conmenche a repairier

Repairies est en se maison

Ensement sont si compaignon

Li abes Jehans fu molt lies

Quant trestos les vit repairies

1105

mais cascuns diax sest bien tenu

de chou que il avoit ueu

Nul nen iavoit novelier

Qui se volsist gloirefier

Bien les garda labes Jehan

1110

mais quant orent passe cel an

li premiers jors vint de Quaresme

Que cascuns aloit a son esme

En sen lit se jut Zosimas

malades fu ni ala pas

1115

Sot que voire ert le prophecie

Quavoit oi dire Marie

Toute passa le Quarantene

Quant vint au juesoi de le Cene

Zosimas se senti gari

1120

dont a pris corpus domini

le sanc preciex ensement

por faire le conmandement

dont la dame lavoit proie

Quant ele prist de lui congie

1125

Zosimas conmenche sen oirre

O lui porta -i- peu de coirre

& de lentilles ensement

Il navoit soing dautre forment

al Flun Jordan vint Zisomas

1130

Quant il i fu vespres fu bas

Illuec quida trover Marie

mais encore ni estoit mie

Crient de le rien que plus covoite

Que ses pecies li ait toloite

1135

Ou quele i eust ja este

& il eust trop demore

del atendre soit anuie

& por ce sen fust repairie

Dex dist il Rois de majeste

1140

Ne me laissier ci esgare

Lai me veir encor le feme

Qui na sen per en tot le regne

Ja nen irai si com jespoir

Sencore ne le puis veoir

1145

mais sel venoit a mi parler

Conment porroit ele passer

Com passera le Flun Jordan

Quant il ni a nef ne chalan

Peres de toute creature

1150

De trestout pues tu prendre cure

Tant par est grant te poeste

de tot est faite de volente

Quant il ot sorison fenie

Outre le Flueve vit Marie

1155

Sor le rive le vit ester

Dont le comence a apeler

Dame chou li dist Zosimas

Bele mere quil le feras

Conment passeras tu a moi

1160

Car point de passaige ni voi

Quant Marie loi parler

De pitie conmence a plorer

A Damediu sest conmandee

Dedens le Flun en est entree

1165

Seur le Flun va sans doutance

Oies com fu de grant creance

Seur liaue rade va le pas

molt sen merveille Zosimas

Li sains hom le voust aorer

1170

Le dame le prent a coser

Quant a le rive fu venue

Va al saint home sel salue

342r

Apres li est caue as pies

molt cremeuse de ses pekies

1175

As pies li fait affliction

Requiert li se beneichon

Li sains len aie a lever

De pitie conmenche a plorer

Nosa seur li faire signacle

1180

Quant Dex por li fait tel miracle

Qapie le fait aler sor londe

Del iaue qui tant est parfonde

Quant de le tere sest drechie

Par vraie amistie la baisie

1185

Ele li quiert le Credo De

Que il li die por lamor De

& il li dist molt belement

& le Patre notre ensement

La dame respont apres lui

1190

molt sentregardent ambedui

Quant orent fait lor parlement

Li sains li moustre tel present

Conme del cors Nostre Seignor

Par cui erent salve peceor

1195

Zosimas le rient en se main

Dame dist il ce samle pain

Mais chou est li cors Jhesucrist

Que li malvais puiles ocist

Encrois fu penes & ocis

1200

Ja hom nara sen paradis

Seil nel rechoit en se vie

Che croi je bien ce dist Marie

mais encore ai en me creance

Que il fu ferus de le lance

1205

O le sien Pere nos fist paie

Par le sanc quissi de la plaie

Par lui furent cil si ami

Qui ains erent si anemi

Por le forfait del premier home

1210

Qui seur sen ve menga le pome

Icel sanc nos laissa il

molt est cil fox qui lui a uil

Se tu las aporte o toi

Por Dieu te pri done le moi

1215

Li sains hom lot si desraismer

Forment se prent a merveillier

le saintisme cors li moustra

Le sainte dame li ora

Il li donna ele le rechut

1220

Le cors menga & le vin but

Quant ele fu aconmenjie

Poes savoir que molt fu lie

Dex dist ele Rois Creator

Peres toi lo & toi aor

1225

Biax Sire or oes me raison

& si men ren men guerredon

-L- & iii- ans tai servi

Dex aies hui de moi merchi

Fait de tancele a ton plaisir

1230

Car or volroie jou morir

Or si te plaist que vive plus

Biax chers Peres pas nel refus

Ceste vie ne refus pas

Tant le volrai com tu volras

1235

mais sil te venist a plaisir

Des ore volroie je morir

Des ore volroie mes soldees

Sire que tu mas aprestees

Pri en ten Fil Virge Marie

1240

Que mete me en se compaignie

Se une fois estoie o toi

Nen partiroie mais je croi

la canteroie o tes anceles

En tes cambres qui tant sont beles

1245

Le cant novel o le douc son

Que canta li rois Salemon

Ici ne puis je pas canter

mais tenrement mestuet plorer

En ceste vie qui est poie

1250

Nara jamais hom vraie joie

Car le joie de ceste vie

Est tote tornee a folie

342v

Quant sorison ot a kievee

vers le saint home sest tornee

1255

Sire dist ele Zosimas

Chiers peres or ten repairras

Aempli mas men desirrier

Repaire ten a ten moustier

mais a lautre an ne moublier

1260

ke ne vignes a moi parler

Del Flun Jordan passe le rive

Troveras moi ou morte ou vive

la u tu premiers me trouveras

Si ferai jo dist Zosimas

1265

mais se tu fais men desirrier

de nostre fruit testuet mengier

Lentilles traist de sen sacon

Niavoit autre garison

Il lentendi en ses -ii- mains

1270

& le dame en menga -iii- grains

Trente ans avoit sierent passe

Qel navoit mais de riens goste

Del eve but sans nule Foi

Puis li a dit prie por moi

1275

a i cest mot sen est tornee

En une heure fu rapassee

En icel liu que molt ot chier

On Zosimas le vit premier

En une heure fu tresportee

1280

& si iavoit molt grant jornee

Quant a cel liu fu parvenue

Ou Zosimas le trova nue

Ki mielx oloit & plus forment

Que ne fait basme ne piument

1285

A le tere ses acoutee

A Damedieu ses conmandee

Diex dist ele qui me fesis

& en men cors ame mesis

A toi le puisse je livrer

1290

& otrier & conmander

Or sai je bien que tu mas chiere

Car tu as oi me priere

Seurer me viex de ceste vie

Chi voi venir te compaingnie

1295

Je croi quele vient por moi

mame & mon cors conmant a toi

Dont sest a le tere estendue

Si conme ele estoit tote nue

Ses mains croisa seur se poitrine

1300

& senvolepa en se crine

& clost ses iex avenanment

& sen nes & se bonce ensement

Enparadis sen va durable

Onc ni osa venir deable

1305

Enlangeliel compaignie

Sen ala lame de Marie

Li cors de li remest tot nu

Fores dun drapel tot desrompu

ki encovroit une partie

1310

Povrement fu ensevelie

Essample nos dona la dame

Que ce saichent tot li riche home

Qui povre ne sont a le mort

Que a Dameldui en font tort

1315

Ja li rice ni enterr ont

Se il ancois povre ne sont

A tere vit li cors Marie

Tot lan sans altre compaingnie

Not el desert ferain tant fier

1320

Qui ainc iosast aproismier

Sor li nosa oisiaus voler

Tant le voloit Dex honorer

Tant grant miracle por li fist

Conques se chars ne li malmist

1325

Onques por froit ne por calor

Nissi de li malvais odor

Tant fu li cors desenteres

Quant li ans fu trestoz passes

Zosimas ne soblia mie

1330

Repaira sen en sabeie

mais dune rien fu molt iries

Li sains quant il fu repairies

343r

Quant ala dame avoit parle

& son non navoit demande

1335

Ne li avoit son non enquis

Del tout sen tint a entrepris

Mais quant il ot eu congie

Que il pot issir de sen sie

& passes fu tot icil an

1340

Molt tost passa le Flun Jordan

Par le desert quiert le mollier

O molt merveillex desirrier

Tant la quise par le desert

Que il vint la ou li cors ert

1345

mais ancois quil leust trove

Le veissies molt esgare

Duel fait molt grant & pleure & crie

Pres iere del cors nen savoit mie

Pere dist il qui me fesis

1350

mouste moi ce qui jai ci quis

Sachies de chi ne movrai

Navant ne arriere nirai

Dusques jo voie encor le feme

Quil na sen per en tot le regne

1355

Ja nen irai si com je croi

Se morte ou vive ne le voi

Lai me veir le cors Marie

Car je quit que ele est fenie

Sele vesquist si com je croi

1360

Ele fust ja venue a moi

Ja esgare ne me laissast

Si com je croi ens en cest gast

Sire se tu de moi as cure

Lai me faire se sepulture

1365

Biax Peres Rois de majeste

Ne me laisssies chi esgare

Quant il ot sorison fenie

Dex li mostra le cors Marie

vers se destre a resgarde

1370

En un lui vit une clarte

a le clarte sest aproismies

le cors trova molt se fist lies

A le tere estoit estendus

Par un peu quil nestoit tot nus

1375

Sen vis avoit vers orient

& les iex clos avenanment

Se crine avoit seur sen viaire

Ele navoit altre suaire

Au cors aprocha Zosimas

1380

Seur li posa -i- de ses dras

Les pies li conmenche a baisier

A lautre cors nose aprochier

Il resgarda amont au chief

Letres i vit com en -i- brief

1385

Es letres que li sains hom vit

Est cest conmandement escrit

Zosimas pren le cors Marie

Silensevli o Dieu aie

Quant tu laras enseveli

1390

Prie por li par te merchi

Les letres furent de bon tor

com se fussent faites le jour

En le tere erent figurees

Li sains hom les a recitees

1395

mais quant il a le non trove

Grace & merchi en rent a De

Por le bel non molt en est lie

Lebel servige a conmenchie

mais quant il ot fait sen mestier

1400

& dit les psalmes du sautier

Dont veissies home esgare

Car il navoit riens aporte

Dont il peust le terre ouvrir

& le saintisme cors enfoir

1405

un fust trova par aventure

Foir en voust le terre dure

Il voust le terre manouvrer

Ne le pooit seul entamer

Tous tressuoit desous se haire

1410

& nule rien ne pooit Faire

Grant besong a li sains daiue

Tel ahan a que tous tressue

343v

& neporquant por tot lahan

Nel achievast il en tot lan

1415

Se Dex ne li donast aie

Por les desertes de Marie

Dex li tramist bon compaignon

Noient altre mais -i- lion

Un lion issi del desert

1420

la saproisma ou li cors ert

les pies li conmence a lechier

Nes savoit altrement baisier

Signe faisoit del obeir

& que il le voloit servir

1425

Quant li sains hom vit le lion

Navoit apris tel compaignon

Neust soing de se compaingnie

Se Dex li donast autre aie

Premierement le volt fuir

1430

Quant il le vit au cors venir

mais quant il le vit si prive

& de si grant humilite

& tant soef com un agnel

Poes savoir molt li fu bel

1435

Sot que Dex li avoit tramis

Puis li a dit biax doz amis

Ceste dame quot non Marie

Qui molt par fu de sainte vie

ma ci demoustre en -i- brief

1440

Que je ai trove a son cief

Que parmi vielt estre enfoie

mais jai grant besong daie

Se tu me voloies aidier

Son saint cors volroie enterrier

1445

Li lions fu appareillies

Del mandement estoit molt lies

Oies com il sot obeir

Le tere conmenche a foir

Li lions fuet le tere dure

1450

Li sains li mostre le mesure

O les pies devant lesraioit

O ciax derriere li couroit

Grans iert le vertu del lion

Quant il estruoit le sablon

1455

Par son le bos qui niert nient clers

En faisoit el sablon voler

Se -iiii- homes ieust mis

Qui eussent besces & pis

ancois se peussent crever

1460

Quil peussent tant manovrer

Le fosse fu sempres cavee

& de le tere bien curee

Zosimas fu lies qui chou vit

Devers le chief le cors si prist

1465

& li lions la as pies pris

El sarcus lont entriax -ii- mis

Quant en le tere ont mis le cors

Zosimas sen est issus hors

Dont dist le conmendation

1470

Sans adjutoire del lion

Cil ne li pooit faire aiue

Car il iert une beste mue

mais quant ce vint al racovrer

Nel estut pas ammonester

1475

Tote le tere rauna

Sor le saint cors le ramena

Apres quant il lot raune

Sobedience ot akievee

A terre sest agenollie

1480

Signe fist de prendre congie

Dont sen est arriere torne

El grant desert sen est ale

Quant Zosimas len vit torner

Damedieu conmence a loer

1485

Dex dist il loes soies tu

Tant par est grande te vertu

Bien mas demostre par Marie

Que molt est fox cil qui toblie

Bien voi & croi tot sans dotance

1490

Que fort cose a en penitance

Jamais jor sans espanir

Ne serai mais duscal morir

344r

Tous jors mais espanierai

Ja de mon cors merci narai

1495

Or se conmence a repairier

plorant sen va a son mostier

Ensement font si compaingnon

Tot sen repairent en maison

Quant tot furent en lor ostel

1500

En lor capitre conmunel

Zosimas conmence a parler

Il ne se volra mais celer

Del Egyptiene Marie

Lor raconte toute le vie

1505

Com il le trova el desert

El liu delitaule ou ele ert

Et com ele vint al altran

Encontre lui al Flun Jordan

Com ele ala apie sor londe

1510

Del eve qui tant par est parfonde

li moine oent trestos ses dis

A Diu en rendent il merchis

Li abes pleure tenrrement

& li autre moine ensement

1515

Ni ot nul qui namendast se vie

Por les miracles de Marie

Nos meismes nos amendon

Qui plus grant mestier en avon

& deprison ceste Marie

1520

Dont nos avons oi le vie

Quele deprit Nostre Seignor

A cui il ot tant grant amor

Que il nos pardoinst nos pechies

Tos les noviax & tos les vies

1525

& li puissons faire present

De nos ames au Jugement . Amen .

Extensive

334v

Oiés seignor une raison

ou il ne a se verté non

faite est & tote de verté

N’i a -i- mot de fausseté

Bien croi que volentiers l’orront

Cil qui Dameldui ameront

Car a chiaus qui de lui n’ont cure

Molt est se parole aspre & dure

Tout cil qui le volront amer

& por s’amor moi escouter

De me dame sainte Marie

l’Egyptiene orront le vie

Car che saichent tout pecheor

Ki forfait sont au Creator

Que nus pekiés n’est si pesant

Ne si horrible ne si grant

Dont Dex ne fache vrai pardon

Par foi & par confession

A ciax qui prendent penitance

Mais gardent soi de mescreance

Se hom guerpist le merchi Dé

Cil peciés n’iert ja pardoné

Pechiés ne n’est giens creature

Anchois est mehains de nature

Onques Dex ne cria pechié

& ne porquant le consentié

En tous homes a son ostal

& se force de faire mal

Nus hom nen est en ceste vie

Tant soit saiges n’ait fait folie

Par maintes fois pechié firent

Li apostre qui Diu servirent

Por chou ne me puis merveillier

D’un pecheor quant l’oi pechier

Mais de celui est granz merveille

Qui tos tans dort & ne s’esveille

Et en sen ort pechié s’endort

Entrues que il vient a le mort

Quant il se muert & il se sent

Lors si dist il je me repent

Quant il est venus au morir

A tart se prent au repentir

Selonc les dis saint Augustin

N’est mie bone icele fin

Car quant li caitis sent le mort

Il ne puet faire droit ne tort

Guerpist le male iniquité

Car il n’en a mais poosté

Se plus i eust de se vie

Encore fesist il folie

Quant l’ame s’en vait miserine

Ki li puet faire medecine

Fors Damedieu qui le cria

335r

Chou que a fait che trovera

Cheste dame dont vuel parler

Marie l’oi apeler

Egyptiene est porce dite

Car ele fu nee d’Egypte

Illuec fu nee & baptisie

Mais malement fu enseignie

Legiere devint en s’enfance

Honte perdi & amaanche

Molt fu esprise de luxure

De nule autre rien n’avoit cure

Por che qu’ele ele iert bele & gente

Se fioit tant en se jovente

Que tout faisoit le sien plaisir

Ne li membroit pas de morir

De -ii- parens ne se gardoit

A tous homes s’abandonoit

Ne quit que fust en ceste vie

Feme de plus grant legerie

Ses peres , se mere vivoient

Por peu que de duel ne moroient

Il le voloient castoier

El nes prisoit -i- seul denier

Ne prisoit casti de parent

Plus que fesist trespas de vent

Fille chou li disoit li mere

Car croi le casti de ten pere

Se longuement tiens cest mestier

Molt en arons grant reprouvier

Por dieu te prie fille Marie

Guerpis mais cette legerie

Quant cest mestier aras guerpi

Nous te donrrons rice mari

N’est drois que tu soies perdue

Por souffraite de nostre aiue

Fille tu iés de grant parage

Molt par est de ti grant damage

Que tu ainssi soies perie

Pour te malvaise de legerie

Tes peres en est si iriés

Ja mais nul jour ne sera liés

& maudist tote s’aventure

Quant faite a tel engenrrure

Quant Marie l’oi parler

Ne le put seule escouter

Des qu’ele ot passé -xii- ans

100

A tous volst faire ses talens

Por parfaire se volenté

S’en fui en autre regné

Tout sen parenté deguerpi

Onques puis nus d’iaus nel vei

105

Ainssi s’en fui conme lerre

Sans seu de pere & de mere

El cemin s’en entra Marie

Onc n’i demanda compaignie

En Alixandre en est venue

110

El plus chief de le maistre rue

Ciés les meretrix prist ostel

Illuec fist son cors venel

Ele estoit blance conme flour

Des jovenciax avoit l’amor

115

Tot i venoient au bordel

Por se biauté li jovenchel

Ele les rechevoit volentiers

Non seulement por lor deniers

Mais por faire le sien deduit

120

Les avoit o soi toute nuit

A sen delit iert ententive

De jor & de nuit le caitive

Car boire & mengier & luxure

Che ert toute le siue cure

125

Quant ele levoit del souper

O les daziaus aloit joer

Tant par amort a iaus border

N’entendoit gaires al souper

Li jovencel tout li plusor

130

Erent si espris de s’amor

Que devant sen huis a l’entree

En faisoient mainte mellee

Por chou qu’il erent si ami

335v

Se faisoient illuec hardi

135

Des gisarmes & des espees

S’entredonoient grans colees

Del sanc qui d’iax ert espandus

Encouroit aval li palus

Le caitive qui che veoit

140

Nule paor ne l’en prendoit

Se uns moroit de ses amis

Ele en ravoit xl- vis

Quant ele en avoit -ii- ocis

Ja plus tart n’en faisoit -i- ris

145

Ja cil qui iert por li navrés

Par li ne fust seul regardés

Plus amoit o les sains joer

Que les malades visiter

En Alixandre estoit Marie

150

ou demenoit iceste vie

Illuec demena ses talens

le caitive dis et vii- ans

Le vile iert de li empirie

Auques estoit ja mehaignie

155

& li pais tot environ

En iert en grant perdicion

De se biauté de se figure

Si com ele est en escriture

Vueil -i- peu dire le samblant

160

Anchois que je trespas avant

Car a cel tans en icel regne

Ne vit nus hom plus bele feme

Ne onc contesse ne roine

Nen ot el front plus bele crine

165

Reondes avoit les oreilles

Mais blanches erent a merveilles

Les iex clers & sosrians

les sorchix noir & avenans

bouche petite par mesure

170

& le pié & le regardeure

Le face tenrre & coloree

Com le rose qui sempre est nee

Ja el nés ne el menton

N’aperceussiés mesfaichon

175

En som le col blanc com ermine

li undoit le bloie crine

Les mameles de cele dame

N’estoient menrres d’une pome

Desous le goule en le poitrine

180

Ert blanche conme flor d’espine

blans bras avoit & blances mains

Les dois reons grailles & plains

Gent cors avoit & bien mollé

Sous l’aissele lonc le costé

185

El n’iert trop grant ne trop petite

Ja se faichon n’en iert escrite

Ja le biauté de ceste dame

Nen iert escrite par nul home

Tant iert cortoise de parler

190

Riens n’i avoit que amender

A plaindre fait tel criaature

Quant del Creator n’avoit cure

El recevoit plusors presens

S’en acatoit bons vestemens

195

Bons dras avoit . & avenans

Por mix plaisir a ses amans

Ele n’avoit soing de dras de lainne

Au pior jor de le semainne

Bon bliaut avoit d’ostorin

200

& affubloit mantel d’ermin

Soullers bien pains de cordovam

Cauchoit a tous les jors de l’an

Li citoien de le cité

L’amoient tout por se biauté

205

Li anchien home & li saige

disoient tout Dex quel damage

Com mar fu onc ceste dolante

Tant fait a plaindre se jovente

Tant mar fu onques le siue vie

210

Quant si est plainne de folie

Tout disoient par le cité

Qu’ele estoit de haut parenté

Car a tos respondoit raison

336r

& tant iert bele de fachon

215

ke li fix d’un empereor

Le peust prendre a grant honor

Che fu en mai le mois d’esté

Qu’ele iert al mur de le cité

& esgarda aval au port

220

Ou soloit faire sen deport

Arriver vit une galie

Qui de Libe iert esquepie

Toute iert plainne de pelerins

De viex homes & de meschins

225

En Jherusalem en aloient

Par bon coraige se hastoient

Por estre atans a une feste

Qui de le Crois i devoit estre

Cil qui estoient plus legier

230

S’en saloient hors el gravier

Main a main s’aloient joant

Par le rivaige li enfant

Mais quant les aperchut Marie

Ne pot muer qu’ele ne rie

235

Aprés soi vit un home ester

Conmenche li a demander

Sire fait ele car me dis

Por icel Dieu par cui tu vis

Quel part iront icil baron

240

Qui la issent de cel dromon

Se ie porroie i iaus aler

Car n’ai mais soing de ci ester

Aler vuel de ceste cité

Cho m’est vis trop i ai esté

245

Che li respondi li preudom

En Jherusalem en irom

Se lor avies que doner

Bien porries o iaus aler

Par Diu sire dist le dolante

250

Je i voi molt bele jovente

Men cors lor metroie a bandon

Je ne lor puis faire autre don

Ne lor puis faire altre loier

Car je nen ai un seul denier

255

Quant li preudom ot le folie

Ne pot muer qu’il ne s’en rie

Quant il oi le couvenant

Guerpist le si s’en va riant

& le dolante s’en torna

260

Onques a ostel ne repaira

Aval s’en va grant aleure

Si com le menoit s’aventure

Onques ne fina dusc’au vaissel

Ou estoient li jovencel

265

A chiaus parla auques briement

Tel sens com ele la lor despent

Seignor dist ele pelerin

Dex vos amaint a bone fin

& vos doinst tele volenté

270

Que me fessissiés carité

Je sui chi une povre feme

& si sui nee d’autre regne

Jo n’i ai ami ne parent

Se m’i esta molt malement

275

O moi je n’ai argent ne or

Tot poés veir mon tresor

Je n’i ai autre manandie

Mais molt pris vostre compaignie

Se jou laiens o vos estoie

280

Molt volentiers vos serviroie

& molt volroie o vos aler

Se vos me voliés porter

Ja por porter une caitive

Ne venrés ja plus tart a rive

285

Che respondent li jovencel

Venés o nos molt nos iert bel

Sus en le nef le font monter

Aprés se font desaancrer

De le rive se font voler

290

O les rains prenent a nager

Ne finerent li bacheler

Dusques furent en haute mer

En haute mer drechent lor voiles

336v

Toute nuit ceurent as estoiles

295

Mais del dormir n’i ot nient

Car Marie si lor deffent

Lors les conmence a acoler

Aprés les prent a tastonner

A tous sengles aloit gesir

300

Por chou que miex peust plaisir

Onc n’i ot tant nu oscrir dos

Fust jovenciax ou fust espous

Ki onques peust prendre respit

Ke ne pecast o li le nuit

305

Tant fust cointes de sen mestier

Ke tos les fist o soi pekier

Quant ele vit les hautes ondes

Desmesurees & parfondes

& ele voit le grant oré

310

Qui amenoit le tempesté

Li cors de li estoit tant liés

De riens ne cremoit ses pekiés

Tous les peurex confortoit

& a joer les envioit

315

Car tant l’avoit diale esprise

Toute nuit iert en se chemise

Ele n’iert mie tote le nuit

Nient seulement en un lit

Por parfaire a tos ses delis

320

Aloit le nuit par tous les lis

Cil le voloient de bon gré

Qui en fisent lor volenté

Merveille iert d’une feme seule

Ki pooit souffrir si grant foule

325

Mais de chou n’estoit nul ni

Que diales ne fust en li

Qui molt volentiers le noiast

Se Nostre Sires li laissast

Mais cil le mena a droit port

330

& le gari tres bien de mort

Quant Marie fu arrivee

Dolante fu & esgaree

Souspire & pleure a le rive

Ne seit que faire le caitive

335

El n’i connoist home ne feme

Molt li sambla estrange regne

A le parfin se porpensa

Que en le cité s’en ira

& fera illuec son mestier

340

N’a coraige de li cangier

En Jherusalem est entree

Or oies del maleuree

Onc ne se targa de pekier

Anchois conmence a empirier

345

Oiés com grant perdition

Ains que venist l’Ascension

De le sainte feste aoree

Qui devoit estre honoree

Ot empirié si cel liu

350

Miex vaussist qu’i courust li fus

Car ele decevoit le jovencente

Por chou qu’ele iert & bele & gente

Li jovencel de la cité

Erent espris de se biauté

355

Ne demora que un petit

Que li jors de le feste vint

De la sainte Assension

Este vos le procession

Des pelerins d’outre le mer

360

Qui erent venu por orer

Venu erent par bon coraige

Conme prodomme & conme saige

Mais quant les aperchut Marie

Mist soi en cele compeignie

365

Mist soi en le procession

Nient par bone entention

Li pelerin qui le veoient

Se malvaistié pas ne savoient

Car se il seussent se vie

370

Ja o iaus n’eust compaingnie

Sor les degrés en sont monté

Dedens le temple en sont entré

Dedens entra le compaignie

337r

Mais ainc ni pot entrer Marie

375

Quant ele voloit avant aleer

Arriere l’estouvoit reculer

Dedens le presse se metoit

Mais nule riens ne li valoit

Chou li ert vis son escient

380

Que ele veoit une gent

Qui li samloient chevalier

Mais molt avoient le vis fier

Cascuns tendi vers li s’espee

& le manechoient de l’entree

385

Quant ele aloit un peu avant

Des espees cremoit le brant

Quant vit que [] nient ert de l’entree

En un angle [] s’es reculee

Dont s’i conmenche a porpenser

390

ke doit qu’ele n’i pooit entrer

A le parfin voit & entent

ke ses pekiés si li deffent

Del cuer conmenche a souspirer

& des iex forment a plourer

395

A ses -ii- mains derront se crine

Grans cops se done en se poitrine

Set que Dex est vers li marri

Ne li osa crier merchi

Ahi dist ele pecherris

400

Tant mar fui onques meretris

Com mar fis les ordes pekiés

Porquoi Dex est vers moi iriés

Mal conseil ai tostans eu

Quant men Creator ai perdu

405

Tant sui plainne de ville ordure

De malvaistié & de luxure

Que el temple ne puis entrer

Ne Dameldiu nos apeler

Que fera ore le caitive

410

Chou li poise qu’ele est vive

Del cuer li issent li souspir

Mains prise vivere Que morir

Resgarda vers destre partie

Vit l’ymaige sainte Marie

415

En le maisiere iert figuree

Molt pieument l’a esgardee

Dame dist ele douce Mere

Qui en ten cors portas ten Pere

Sains Gabriel en fu messaiges

420

Tu li respondis conme saige

Quant il te dist ave Marie

De le grace Diu raemplie

En ti prendra humanité

Li Fix au Roi de majesté

425

Quantque il dist tu otrias

Et soie ancele te clamas

Et por che iés ore Roine

A toi seule quier medecine

A mes plaies qui sont mortax

430

Ne quier autre medecinax

Se tu o le tien Fil m’apaies

Bien seront sances mes plaies

Ichi guerpis jou le diale

& sen conseil car tot est fable

435

Chi deguerpis le siue voie

Que je ja mais o lui ne soie

O le ton fil meth me creance

Toi meth en plege & en fiance

Ke tous tans mais lui servirai

440

Ne ja de lui ne partirai

Toute guerpis je ceste vie

& le malvaise legerie

Ja mais n’iert jors n’aie pesance

Molt iert aspre me peneance

445

Virgine Roine je croi bien

Que onques n’est icele rien

Qui tant soit forte a avanchier

Se tu ten Fil en viex prier

Sempres ne soit faite por toi

450

Dame aies hui merchi de moi

En men coraige ai me creance

Que tes Fix fu a ta naissanche

337v

Il mist en ti virginité

Aprés i mist se deité

455

Molt fu grant merveille del Pere

Qui de le Fille fist se Mere

Il prist de toi humanité

Onc n’en perdis virginité

Il fu & tes Fix & tes Peres

460

Tu fus & se Fille & se Mere

Molt su chou merveilleuse cose

& nequedent bien dire l’ose

Que de l’espine issi li fruis

por quoi deables fu destruis

465

Un non avons ce est Marie

Molt est diverse nostre vie

Tu amas tous tans caasté

& jou luxure & ordee

Deable eus a anemi

470

& je li ai tous tans servi

Onc de le toie saintee

Ne nasqui feme en cest regné

Je sui povre & orgueilleuse

& de mon cors luxurieuse

475

Li Nostres Sires toi ama

& moi caitive refusa

Moi refusa & ama toi

Dame aies lui merchi de moi

Virge tu portas le tresor

480

Qui plus vaut que argent ne or

De toi prist car li Fix le Roi

Que sains Jehans moustra au doi

Il dist que li Angeles estoit

Par quoi li mons salvés seroit

485

Mais quant l’oi li Anemis

Qui nos jeta de paradis

Ke il devoit le mont sauver

Issi le cuida enganer

Conme il fist le premerain home

490

Que il dechut par une pome

Par -iii- fois il l’en essaia

Li Fel ainc riens ni esploita

Quant si le vit armé & fort

Par traison li dona mort

495

Molt fu le mors boneuree

Par quoi fu vies recouvree

Se li Fix Dieu ne fust ochis

Ja n’entrast hom en paradis

Par le mort prist il le vertu

500

Par quoi Deables fu vaincu

Ochis vainqui le oceor

Del tout le traist a desonor

D’infer froissa les serreures

& rompi toutes les clostures

505

Hors en geta se compaingnie

Qui del Deable es[]toit ravie

El ciel les conduist [] a sen Pere

En se gloire la ou [] il ere

Puis vint au sepulcre a sen cors

510

Par grant vertu l’en geta hors

A ses apostre sapparu

& xl- jours o iax fu

Moustra lor le nouvele Loi

Puis les baisa cascun par soi

515

Conmanda lor se douce Mere

Puis monta es ciex a sen Pere

Del ciel lor tramist tel confort

C’onques puis ne cremirent mort

Saint Esprit lor tramist

520

Ki tons langaiges lor aprist

Or siet a le destre sen Pere

Tu iés o lui, se douce Mere

Quant il venrra al Jugement

A sen secont advenement

525

Tu seras en se compaingnie

Conme le soie douce amie

Il jugera & mors & vis

Li juste iront en paradis

Li mal iront el fu durable

530

La les tormentera deale

Virge Roine coronee

Qui tant par fus boneuree

338r

Ki chelui portas en ton ventre

Que tos li mons ne pot comprendre

535

Si com je croi chou que je di

Aies tu hui de moi merchi

Quant ele ot faite s’orison

Dex li a ja fait le pardon

DE s’orison leva Marie

540

en son novel Seignor se fie

En lui mist tote se fianche

El temple en entra sans doltance

El temple entra sans destorbier

Si va oir le Dieu mestier

545

Quant a oi le saint mestier

Estes le vos hors del moustier

De sen pechié se sent legie

Droit a l’ymaige est repairie

En li a toute se fiance

550

Conseil quiert de se penitance

Confaitement ele fera

& en quel tere s’en ira

Ot une vois que ele entent

Qui li a dit apertement

555

Va t’ent al moustier Saint Jehan

Puis passeras le flun Jordan

El moustier prendras medecine

Puis t’en iras en le gastine

Illueques espaneiras

560

Tous tans mais que viveras

Quant ele ot oie le vois

Saigna soi de le sainte crois

Es le vos entree el chemin

Devant li vint un pelerin

565

Trois maailles li presenta

Trois petis pains en acata

Auques fu che de se substance

Tant com el fu en penitance

Au flun Jordain en va Marie

570

Le nuit i prist herbegerie

Bien prés del mostier Saint Jehan

Sor le rive del flun Jordan

Se herbega sans nul ati

Un de ses pains menga demi

575

But de l’iaue saintefie

Quant en ot but molt par fu lie

Sen chief lava de le pure onde

De tous ses pechiés devint monde

Ele se sent alques lassee

580

Car ele ot faite grant jornee

De terre dure fist sen lit

Illueques jut tout le nuit

Dormi mais che fu petit

Car li durs lis si li toli

585

Par matin leva; au moustier

S’en va oir le Dieu mestier

La rechut corpus domini

Adonc fu lie ainc ne fu si

Quant ele fu aconmenie

590

Poes savoir que molt fu lie

Puis si entra en un calan

Outre passa le flun Jordan

Quant ele fu outre passee

En le forest en est entree

595

Marie va par le gastine

Souvent deprie le Roine

Que ele avoit mis en hostage

Le jor devant : devant l’ymaige

Par se merchi ne le guerpisse

600

& del deale le garisse

Par le gast va grant aleure

En Dieu se fie toute est seure

Mais quant ele ot fait se jornee

Sous un arbre s’est acostee

605

Ele n’ot que .ii. pains .& demi

Or ai Jhesus merchi de li

De ciax ne vivra ele mie

Se Dex ne li fait autre aie

Un petit menga de sen pain

610

Puis se dormi dusc’al demain

L’endemain leva par matin

Vers oriant tint sen chemin

338v

Tant ala par jor & par nuit

A faim & a soif & a dur lit

615

Que tant parfont fu el boscaige

Toute devint illuec salvaige

Mais ele ne s’oublioit mie

De deprier sainte Marie

Sovent li menbroit de l’ymaige

620

Que ele avoit mis en ostaige

Si souller furent tout usé

& tout si drapel deschiré

Li cors de li remaint tout nu

N’avoit drapel ne fust rompu

625

Li chars de li mua coulor

Qui ains iert blance conme flor

Que por yver que por esté

Tout li noircirent li costé

Coulor mua se bloie crine

630

Blanche devint com une hermine

Le bouce li fu tenevie

& environ toute noirchie

& avoit tant noir le menton

Conme s’il fust taint de carbon

635

Atenergé furent li oel

N’i avoit ore point d’orguel

Se vos veissiés les oreilles

Molt par vos presist grans merveilles

Car noire estoit & decrevee

640

Le blanche char toute muee

Noire & muee ert le poitrine

A escorce samblant d’espine

N’avoit plus char en ses traians

Ne mais com il a en uns gans

645

Les bras les mains & les lons dois

Avoit plus noirs que nule pois

Ongles avoit longes & grans

Ele les retailloit a ses dens

Li ventres li estoit caoit

650

Petit de despensse i metoit

Li pié li erent decrevé

En plusors lius erent navré

Car ele ne se gardoit d’espine

Quant ele aloit par le gastine

655

Che li ert vis sien esciant

Que ele n’i failloit nient

C’uns de ses pekiés li caoit

Quant une espine le pongnoit

Por chou estoit ele molt lie

660

Quant ele souffroit le hasquie

N’est merveille se iert noirchie

Car molt demenoit aspee vie

Plus de xl. ans ala nue

N’iert merveille se iert moussue

665

Povre despense avoit o li

Or ait Jhesus de li merchi

.ii. pains avoit ne gaires grans

De chiaus vesqui par plusors ans

El premier an devinrrent dur

670

Com se fust pierre de mur

Cascun jor en usoit Marie

Mais che iert petite partie

Quant ele ot tot son pain usé

Puis esrachoit l’erbe del pré

675

Quant autre beste le mengoit

de rien ne se confortoit

As mains buvoit l’iaue el ruissel

Quant ele n’avoit autre vaissel

Ne font a plaindre li pechié

680

Dont li cors fu si castié

D’erbe vesqui & de rachines

Xvii. ans. par les gastines

Puis fu .xxx. ans onc ne menga

Se angeles ne li aporta

685

Li Diables le an premier

Le soloit sovent essaier

Tout che li faisoit remembrer

Qu’ele soloit tos jors amer

Les bons mengiers & les biax lieus

690

Ou ele soloit faire les geus

Or fu ichi boneuree

Qu’ele de tout fu obliee

339r

Onques puis en toute se vie

Ne li souvint mais de folie

695

Ne ainc en trestot le boscaige

Ne li vint puis beste salvaige

Ne autre vive creature

Par le gaut va toute seure

En plusors lius prist son ostel

700

Se vie ert tote esperitel

OR lairons ici de Marie

Si parlerons d’une abeie

Qui iert al cief de le forest

Si com le livre en trai a test

705

Onques Dex ne fist nule gent

Qui plus boneueseurement

Servissent a lor Creator

Que faisoient icil seignor

Il n’avoient soing de mal faire

710

Cascuns avoit vestu se haire

Tant erent en grant descepline

Ne vestoient pas estamine

En haires erent & nus piés

Por espaneir lor pechiés

715

Ne il de jors ne il de nuit

Ja ne fussent trové en lit

Tous tans estoient el moustier

Fors seul a l’eure del mengier

Il vivoient molt povrement

720

Ch’ert de pain d’orge & de polment

A tos les venredis de l’an

Vivoient de nois & de glan

Iaue buvoient nient saine

Car ele n’iert pas de fontaine

725

Entr’iax n’avoit pas symonie

Ne covoitise ne envie

N’avoient soing d’argent ne d’or

En Dieu estoit tot lor tresor

Nus d’iaus n’avoit proprieté

730

Tot erent d’une volenté

N’est hom qui ja lor bonté die

Tant estoient de sainte vie

Quant venue iert le Quarantaine

El premier jor faisoient çaine

735

Li abés les acumenioit

corpus domini lor donnoit

Quant les avoit conmeniés

Par ordre lor lavoit lor prés

Puis aloient a orison

740

& il lor faisoit le sermon

Conmandoit les entrebaisier

Puis lor ouvroit l’uis del mostier

En le forest les envoia

A Damodieu les conmandoit

745

Li saint moine se departoient

Fors seul .ii. qui luec remanoient

Nient por le paor des larrons

Qu’il cremissent de lor maisons

Mais por faire le Dieu mestier

750

Car n’est pas bien de sainte glise

Que li mestier Dieu en defise

Li autre s’en issoient tuit

El desert vivoient de fruit

En Dieu avoient grant amor

755

D’erbe vivoient li plusor

Quant l’un veoit l’autre el desert

Fuioit s’en de la ou il iert

Ainssi s’en aloit en emblé

Ja par lui ne fust salué

760

La ou le nuit l’entreprenoit

Sor l’erbe froide se gisoit

Par matin levoit el demain

Saignoit soi de se destre main

Il ne savoit ou il aloit

765

A Damediu se conmandoit

Ceste meisme entention

Avoient tot si compaingnon

Des iex plouroient tenrrement

Souvenoit lor del Jugement

770

Ou tout li angele tranlleront

De le paor que il aront

Quant il verront le Fil Dieu

339v

En sen siege de majestieu

& devant lui le fu durable

775

Dont il cruciera Deale

& toute li malvaise gent

Seront cruciet ensement

& puis enfernal deschendront

Si que il ja mais n’en istront

780

Por chou estoient icil moine

En le forest en tel essoine

Por tos lor pechiés espanir

Estoient il en tel peril

Quant passee iert le Quarantainne

785

& venoit le jor de le Cene

Au jor de ramis palmarum

Repairoient tot en maison

Por escouter le saint sermon

Li sains abés estoit tous liés

790

quant les veoit tos repairiés

Li paistres estoit liés del bercil

Qui escapés iert del peril

El moustier les faisoit entrer

Aprés faisoit les huis fremer

795

Puis estoient tot l’an seur

Ne lor estoit cremir eur

Li premiers jors vint de Quaresme

que cascuns d’iax aloit sen esme

Li abés fist que il soloit

800

Ses oeilles mist hors del toit

Anchois les fist entrebaisier

Puis lor ouvri l’uis del mostier

En le forest les envoia

A Damedieu les conmenda

805

Uns s’en va a destre partie

Qui molt estoit de sainte vie

Cil iert apelés Zosimas

Vestus iert de molt povres dras

Miex ama il se povreté

810

Que nus quens n’aimme se conté

En le forest parfondement

Se mist o povre fornement

Hermites i cuida trouver

De Dieu voloit o iaus parler

815

Mais quant il ot fait .xx. jornees

Qui molt erent desmesurees

& vit que nul n’en peut trover

N’a coraige d’avant aler

A droit miedi conmence s’eure

820

De Damediu & si l’aeure

Quant il ot s’orison fenie

Si resgarda vers orient

Un ombre vit son essient

Qui estoit ou d’ome ou de feme

825

Mais ele estoit de l’Egyptiene

Dex l’avoit illuec amenee

Ne voloit plus que fust celee

Descouvrir voloit le tresor

Qui ert plus precieus que or

830

Li sains hom fu forment pensis

Quant vers l’ombre torna son vis

Cuida que fust encantement

Reclama Diu omnipotent

Ke le deffende de Felon

835

& de male temptation

Quant il ot s’orison fenie

Le figure vit de Marie

De Marie vit le figure

Apertement sans covreture

840

Car il ne savoit pas son non

Se par sainte esperite non

Environ li estoit se crine

Tant blance conme Flor d’espine

Li blanc cavel & li delgiés

845

Li avaloient dusc’as piés

El n’avoit altre vestement

Quant ce li soslevoit li vent

dessous paroit le char bruslee

Del solel & de le gelee

850

Le dame quant le vit venir

Isnelement prent a fuir

Li sains hom le vait encauchant

340r

Auques le va ja aproismant

Ne garda pas a se viellece

855

Molt li est peu quant il seblece

Par le forest va achoupant

Molt sovent le va apelant

Dame fait il parole a moi

Se tu en Diu as nule foi

860

Je te conjur par Dieu le grant

Que tu ne voises plus avant

Quant le dame ot de Diu parler

De pitié conmence a plorer

Dex dist ele Rois Creator

865

Sire toi lo & toi aor

.xl. ans a. & vi. che croi

Que n’oi mais parler de toi

Or m’as chi un home tramis

Jou ne li os torner mon vis

870

Ne li os torner me faiture

Car je sui une creature

OR est arrestee le dame

N’osa son vis torner vers l’ome

Ele ne se volra mais celer

875

A lui conmencha a parler

Keles dist ele Zosimas

Jetés me chi .i. de vos dras

Car je nos mie aler a toi

Aprés porras parler a moi

880

Quant Zosimas s’oi nonmer

Sot que Dex le faisoit parler

Car ele ne savoit pas son non

Se par le Sainte Esperite non

Un de ses dras li geta

885

& le dame s’i aproisma

Au drapel vint rusant Marie

De son cors covri grant partie

Quant du drapel fu affublee

Vers le saint home s’est tornee

890

Sire dist ele dous amis

Car me di que tu as chi quis

Chi pues veir une dolante

Ki en cest gast pleure & gemente

Por les peciés que jou ai fais

895

Qui si sont horrible & lais

N’est hom ses ot n’en ait pesance

Or en fas chi le peneance

Quant li sains hom l’ot si parler

De pitié conmence a plourer

900

As piés li fait affliction

Requiert li se beneichon

Le dame requiet a ses piés

Molt cremeuse de ses pechiés

Merchi li crie molt souvent

905

& il li crie ensement

Zosimas se gist en le place

L’iaue li decort par le face

Les larmes li caent des iex

Molt tenrement pleure li viex

910

Tele angoisse a que tot tressue

Par le barbe qu’il a cenue

Li dekeurt aval li suor

Le dame prie par amor

Que por lui fache orison

915

& doinst li se beneichon

Sire dist ele dous amis

Tu m’as beneichon requis

Je n’entent pas que soit raison

Ke te doigne beneichon

920

Tu iés prestres messe cantant

Por ce est il plus avenant

Que tu le doignes ore a moi

Que se je le donnoie toi

Molt iert le rien saintefie

925

Qui de te main sera segnie

Je croi bien que par ten signacle

Fait Dex sor son autel miracle

Que li pains devient le sien cors

Li vins . le sanc qu’en issi hors

930

Dex connoist bien ten sacrefice

Toute te vie m’a aprise

Tu li as servi des t’enfance

340v

En lui pues avoir grant fiance

Molt en aras grant guerredon

935

Mais or vuel te beneichon

Dame che respont Zosimas

Ja me beneichon ni aras

Se tu primes ne le me fais

Ne de ci ne leverai mais

940

Por faim ne por nule souffraite

Deci que tu le m’aras faite

Or voit bien & entent Marie

Que li sains hom ne levera mie

Tous tans iert en cele orison

945

Se il n’a se beneichon

Torne sen vis vers orient

Desprie Dieu omnipotent

Dex dist ele Rois Creator

Pere toi loe & toi aor

950

Sire Beneois soies tu

& tote le toie vertu

De nos peciés nos fai pardon

Puis arons te Beneichon

Lors se leva Zosimas

955

Grant plaint jeta & molt ert las

& Marie parole o lui

Molt s’entregardent ambedui

& li conmence a demander

Molt li conmenche a demander

960

& molt sovent a entroner

Des rois des contes de le tere

Se il ont pais ou il ont guerre

& des pastors qui le loi tienent

Confaitement il se contienent

965

Dame Zosimas li respont

Dex a mis pais par tot le mont

N’est hom qui tant voist par le tere

Qui ja oie parler de guerre

Mais Sainte Eglise a grant besong

970

Que por la faichiés orison

Que Dex li envoit pais durable

& le deffende del Diale

Marie li a respondu

Dex le govert par se vertu

975

Ele garda vers orient

Drece ses mains al ciel les tent

& deproie le Creatour

Molt pieument & par amour

Si que le bouce li movoit

980

Mais nule vois ne s’en issoit

De tere fu sempres ravie

Si qu’ele n’i avenoit mie

Zosimas ot paor molt grant

Damediu entrait a garant

985

Ke plus de .ii. piés & demi

Avoit entre le tere & li

Ou ele faisoit se proiere

Tant l’avoit Nostre Sire chiere

De le paor qu’ot Zosimas

990

S’en conmenche a aler le pas

Cuida fantosme avoir trové

Arriere s’est auques rusés

Quant Marie l’en vit torner

Sel conmenche a apeler

995

Keles dist ele Zosimas

Biaus ciers peres por quoi dotas

Por qoi dotas por une feme

Saiches que je sui crestienne

Baptizie fui en m’enfance

1000

En Dieu ai toute me creance

Ici sui por espaneir

N’en partirai dusc’au morir

Se destre main leva amont

Le sainte crois fist en son front

1005

Li sains hermite bien le vit

As piés de le dame cai

Ele l’emprist a lever

Derekiés se prist a plorer

Dame dist il saintime feme

1010

Dont es tu nee & de quel regne

Descoevre me tote te vie

Por Dieu nel me celer tu mie

341r

Di le moi par confession

Que Dex ten face avoir pardon

1015

Sire che li respont Marie

Je ne le te celerai mie

Quant tu mie m’as esgardee

Ja me vie ne t’iert celee

Trestoute le te conterai

1020

Si que ja rien n’en celerai

OR conmence a conter Marie

Rien ni laissa que tot ne die

mais dementres qu’ele conta

poés savoir que grant honte a

1025

Quant ele ot contee se vie

as piés li chiet merchi li crie

Zosimas a oi se vie

le Creator en glorefie

merchi en rent au Creator

1030

Puis li a dit par grant amor

dame por quoi ciés a mes piés

Por Dieu te pri que tu t’en liés

N’est pas en moi le dignité

Ne ne sui de l’auctorité

1035

a ce que t’ai oi conter

Que te doie sens escouter

Ainc mais le tue per n’oi

Por Dieu aies de moi merci

Par carité conseille moi

1040

Se porroie remaindre o toi

Nenil fait ele par me foi

Car n’est pas gent que soie o toi

Zosimas ce respont Marie

Ains t’en iras en t’abeie

1045

mais ne te caut dire me vie

Entre que je soie Fenie

Se Dex m’a a toi demoustree

par toi volrai estre celee

a l’abé Jehan parleras

1050

Cest messaige li porteras

De ses oeilles prenge cure

Car tel i a trop s’aseure

Pregne conroi del esgarder

car il i a a es amender

1055

mais quant venrra an en cest tans

Emferm seras si com je pens

Quant ti per & ti compaignon

S’en iront hors de le maison

& li jor venrront de Quaresme

1060

Que cascun de le ira son esme

En ton lit t’estovra gesir

Ne porras pas o iax issir

Molt t’iert grant ués de reposer

Ne porras pas o iax aler

1065

Quant passee iert le Quarantene

& venrra le jour de le Cene

Garis seras si com je croi

Dont reporras venir a moi

Le cors Nostre Seigneur me met

1070

En -i- vaissel qui molt soit net

Del sanc en un autre vaissel

mais che garde que molt soit bel

Peres quant tu m’aporteras

Plus pres de toi me trouveras

1075

Saiches que serai a l’autre en

Encontre toi al Flun Jordan

Illues serai aconmenie

Por ce m’en serai aproismie

desque passai le Flun Jordan

1080

Desous le moustier Saint Jehan

Ne rechui le cors mon Seignor

O cui est toute me douchor

Ne ne vi home fors que toi

Aler m’en vuel prie por moi

1085

OR s’en est le dame tornee

El grant desert s’en est entree

Quant li sains hom l’en vit torner

Sor ses piés pas ne pot ester

A ses iex le siut el desert

1090

molt a grant doel quant il le pert

A le tere est agenoulliés

La ou avoit tenu ses piés

341v

Baisa le tere molt Souvent

& loa Dieu omnipotent

1095

Dex dist il loés soies tu

Qui en feme as mis tel vertu

Sire ti puisse je amer

Qui le me donnas encontrer

Puis li membra de sen mostier

1100

Dont se conmenche a repairier

Repairiés est en se maison

Ensement sont si compaignon

Li abés Jehans fu molt liés

Quant trestos les vit repairiés

1105

mais cascuns d’iax s’est bien tenu

de chou que il avoit ueu

Nul n’en i avoit novelier

Qui se volsist gloirefier

Bien les garda l’abés Jehan

1110

mais quant orent passé cel an

li premiers jors vint de Quaresme

Que cascuns aloit a son esme

En sen lit se jut Zosimas

malades fu n’i ala pas

1115

Sot que voire ert le prophecie

Qu’avoit oi dire Marie

Toute passa le Quarantene

Quant vint au juesoi de le Cene

Zosimas se senti gari

1120

dont a pris corpus domini

le sanc preciex ensement

por faire le conmandement

dont la dame l’avoit proié

Quant ele prist de lui congié

1125

Zosimas conmenche sen oirre

O lui porta -i- peu de çoirre

& de lentilles ensement

Il n’avoit soing d’autre forment

al Flun Jordan vint Zosimas

1130

Quant il i fu vespres fu bas

Illuec quida trover Marie

mais encore n’i estoit mie

Crient de le rien que plus covoite

Que ses peciés li ait toloite

1135

Ou qu’el i eust ja esté

& il eust trop demoré

de l’atendre soit anuie

& por ce s’en fust repairie

Dex dist il Rois de majesté

1140

Ne me laissier ci esgaré

Lai me veir encor le feme

Qui n’a sen per en tot le regne

Ja n’en irai si com j’espoir

S’encore ne le puis veoir

1145

mais s’el venoit a mi parler

Conment porroit ele passer

Com passera le Flun Jordan

Quant il n’i a nef ne chalan

Peres de toute creature

1150

De trestout pues tu prendre cure

Tant par est grant te poesté

de tot est faite de volenté

Quant il ot s’orison fenie

Outre le Flueve vit Marie

1155

Sor le rive le vit ester

Dont le comence a apeler

Dame chou li dist Zosimas

Bele mere qu’il le feras

Conment passeras tu a moi

1160

Car point de passaige n’i voi

Quant Marie l’oi parler

De pitié conmence a plorer

A Damediu s’est conmandee

Dedens le Flun en est entree

1165

Seur le Flun va sans doutance

Oiés com fu de grant creance

Seur l’iaue rade va le pas

molt s’en merveille Zosimas

Li sains hom le voust aorer

1170

Le dame le prent a coser

Quant a le rive fu venue

Va al saint home sel salue

342r

Aprés li est caue as piés

molt cremeuse de ses pekiés

1175

As piés li fait affliction

Requiert li se beneichon

Li sains l’en aie a lever

De pitié conmenche a plorer

N’osa seur li faire signacle

1180

Quant Dex por li fait tel miracle

Q’a pié le fait aler sor l’onde

De l’iaue qui tant est parfonde

Quant de le tere s’est drechie

Par vraie amistié l’a baisie

1185

Ele li quiert le Credo Dé

Qu’il li die por l’amor Dé

& il li dist molt belement

& le Patrenostre ensement

La dame respont aprés lui

1190

molt s’entregardent ambedui

Quant orent fait lor parlement

Li sains li moustre tel present

Conme del cors Nostre Seignor

Par cui erent salve peceor

1195

Zosimas le rient en se main

Dame dist il ce samle pain

Mais chou est li cors Jhesucrist

Que li malvais puiles ocist

En crois fu penés & ocis

1200

Ja hom n’ara sen paradis

Se il nel rechoit en se vie

Che croi je bien ce dist Marie

mais encore ai en me creance

Que il fu ferus de le lance

1205

O le sien Pere nos fist paie

Par le sanc qu’issi de la plaie

Par lui furent cil si ami

Qui ains erent si anemi

Por le forfait del premier home

1210

Qui seur sen vé menga le pome

Icel sanc nos laissa il

molt est cil fox qui lui a uil

Se tu l’as aporté o toi

Por Dieu te pri done le moi

1215

Li sains hom l’ot si desraismer

Forment se prent a merveillier

le saintisme cors li moustra

Le sainte dame li ora

Il li donna ele le rechut

1220

Le cors menga & le vin but

Quant ele fu aconmenjie

Poés savoir que molt fu lie

Dex dist ele Rois Creator

Peres toi lo & toi aor

1225

Biax Sire or oes me raison

& si m’en ren men guerredon

-L- & iii- ans t’ai servi

Dex aies hui de moi merchi

Fait de t’ancele a ton plaisir

1230

Car or volroie jou morir

Or si te plaist que vive plus

Biax chers Peres pas nel refus

Ceste vie ne refus pas

Tant le volrai com tu volras

1235

mais s’il te venist a plaisir

Des ore volroie je morir

Des ore volroie mes soldees

Sire que tu m’as aprestees

Pri en ten Fil Virge Marie

1240

Que mete me en se compaignie

Se une fois estoie o toi

N’en partiroie mais je croi

la canteroie o tes anceles

En tes cambres qui tant sont beles

1245

Le cant novel o le douç son

Que canta li rois Salemon

Ici ne puis je pas canter

mais tenrement m’estuet plorer

En ceste vie qui est poie

1250

N’ara ja mais hom vraie joie

Car le joie de ceste vie

Est tote tornee a folie

342v

Quant s’orison ot akievee

vers le saint home s’est tornee

1255

Sire dist ele Zosimas

Chiers peres or t’en repairras

Aempli m’as men desirrier

Repaire t’en a ten moustier

mais a l’autre an ne m’oublier

1260

ke ne vignes a moi parler

Del Flun Jordan passe le rive

Troveras moi ou morte ou vive

la u tu premiers me trouveras

Si ferai jo dist Zosimas

1265

mais se tu fais men desirrier

de nostre fruit t’estuet mengier

Lentilles traist de sen sacon

N’i avoit autre garison

Il l’en tendi en ses -ii- mains

1270

& le dame en menga -iii- grains

Trente ans avoit s’ierent passé

Q’el n’avoit mais de riens gosté

De l’eve but sans nule Foi

Puis li a dit prie por moi

1275

a icest mot s’en est tornee

En une heure fu rapassee

En icel liu que molt ot chier

On Zosimas le vit premier

En une heure fu tresportee

1280

& si i avoit molt grant jornee

Quant a cel liu fu parvenue

Ou Zosimas le trova nue

Ki mielx oloit & plus forment

Que ne fait basme ne piument

1285

A le tere s’es acoutee

A Damedieu s’es conmandee

Diex dist ele qui me fesis

& en men cors ame mesis

A toi le puisse je livrer

1290

& otrier & conmander

Or sai je bien que tu m’as chiere

Car tu as oi me priere

Seurer me viex de ceste vie

Chi voi venir te compaingnie

1295

Je croi qu’ele vient por moi

m’ame & mon cors conmant a toi

Dont s’est a le tere estendue

Si conme ele estoit tote nue

Ses mains croisa seur se poitrine

1300

& s’envolepa en se crine

& clost ses iex avenanment

& sen nés & se bonce ensement

En paradis s’en va durable

Onc n’i osa venir deable

1305

En l’angeliel compaignie

S’en ala l’ame de Marie

Li cors de li remest tot nu

Fores d’un drapel tot desrompu

ki en covroit une partie

1310

Povrement fu ensevelie

Essample nos dona la dame

Que ce saichent tot li riche home

Qui povre ne sont a le mort

Que a Dameldui en font tort

1315

Ja li rice n’i enterront

Se il ançois povre ne sont

A tere vit li cors Marie

Tot l’an sans altre compaingnie

N’ot el desert ferain tant fier

1320

Qui ainc i osast aproismier

Sor li n’osa oisiaus voler

Tant le voloit Dex honorer

Tant grant miracle por li fist

C’onques se chars ne li malmist

1325

Onques por froit ne por calor

N’issi de li malvais odor

Tant fu li cors desenterés

Quant li ans fu trestoz passés

Zosimas ne s’oblia mie

1330

Repaira s’en en s’abeie

mais d’une rien fu molt iriés

Li sains quant il fu repairiés

343r

Quant ala dame avoit parlé

& son non n’avoit demandé

1335

Ne li avoit son non enquis

Del tout s’en tint a entrepris

Mais quant il ot eu congié

Que il pot issir de sen sié

& passés fu tot icil an

1340

Molt tost passa le Flun Jordan

Par le desert quiert le mollier

O molt merveillex desirrier

Tant l’a quise par le desert

Que il vint la ou li cors ert

1345

mais ançois qu’il l’eust trové

Le veissiés molt esgaré

Duel fait molt grant & pleure & crie

Pres iere del cors n’en savoit mie

Pere dist il qui me fesis

1350

mouste moi ce qui j’ai ci quis

Sachiés de chi ne movrai

N’avant ne arriere n’irai

Dusques jo voie encor le feme

Qu’il n’a sen per en tot le regne

1355

Ja n’en irai si com je croi

Se morte ou vive ne le voi

Lai me veir le cors Marie

Car je quit que ele est fenie

S’ele vesquist si com je croi

1360

Ele fust ja venue a moi

Ja esgaré ne me laissast

Si com je croi ens en cest gast

Sire se tu de moi as cure

Lai me faire se sepulture

1365

Biax Peres Rois de majesté

Ne me laisssiés chi esgaré

Quant il ot s’orison fenie

Dex li mostra le cors Marie

vers se destre a resgardé

1370

En un lui vit une clarté

a le clarté s’est aproismiés

le cors trova molt se fist liés

A le tere estoit estendus

Par un peu qu’il n’estoit tot nus

1375

Sen vis avoit vers orient

& les iex clos avenanment

Se crine avoit seur sen viaire

Ele n’avoit altre suaire

Au cors aprocha Zosimas

1380

Seur li posa -i- de ses dras

Les piés li conmenche a baisier

A l’autre cors n’ose aprochier

Il resgarda amont au chief

Letres i vit com en -i- brief

1385

Es letres que li sains hom vit

Est cest conmandement escrit

Zosimas pren le cors Marie

Sil ensevli o Dieu aie

Quant tu l’aras enseveli

1390

Prie por li par te merchi

Les letres furent de bon tor

com se fussent faites le jour

En le tere erent figurees

Li sains hom les a recitees

1395

mais quant il a le non trové

Grace & merchi en rent a Dé

Por le bel non molt en est lié

Le bel servige a conmenchié

mais quant il ot fait sen mestier

1400

& dit les psalmes du sautier

Dont veissiés home esgaré

Car il n’avoit riens aporté

Dont il peust le terre ouvrir

& le saintisme cors enfoir

1405

un fust trova par aventure

Foir en voust le terre dure

Il voust le terre manouvrer

Ne le pooit seul entamer

Tous tressuoit desous se haire

1410

& nule rien ne pooit Faire

Grant besong a li sains d’aiue

Tel ahan a que tous tressue

343v

& neporquant por tot l’ahan

Nel achievast il en tot l’an

1415

Se Dex ne li donast aie

Por les desertes de Marie

Dex li tramist bon compaignon

Noient altre mais -i- lion

Un lion issi del desert

1420

la s’aproisma ou li cors ert

les piés li conmence a lechier

Nes savoit altrement baisier

Signe faisoit de l’obeir

& que il le voloit servir

1425

Quant li sains hom vit le lion

N’avoit a pris tel compaignon

N’eust soing de se compaingnie

Se Dex li donast autre aie

Premierement le volt fuir

1430

Quant il le vit au cors venir

mais quant il le vit si privé

& de si grant humilité

& tant soef com un agnel

Poés savoir molt li fu bel

1435

Sot que Dex li avoit tramis

Puis li a dit biax doz amis

Ceste dame qu’ot non Marie

Qui molt par fu de sainte vie

m’a ci demoustré en -i- brief

1440

Que je ai trové a son cief

Que par mi vielt estre enfoie

mais j’ai grant besong d’aie

Se tu me voloies aidier

Son saint cors volroie enterrier

1445

Li lions fu appareilliés

Del mandement estoit molt liés

Oiés com il sot obeir

Le tere conmenche a foir

Li lions fuet le tere dure

1450

Li sains li mostre le mesure

O les piés devant l’esraioit

O ciax derriere li couroit

Grans iert le vertu del lion

Quant il estruoit le sablon

1455

Par son le bos qui n’iert nient clers

En faisoit el sablon voler

Se -iiii- homes i eust mis

Qui eussent besces & pis

ançois se peussent crever

1460

Qu’il peussent tant manovrer

Le fosse fu sempres cavee

& de le tere bien curee

Zosimas fu liés qui chou vit

Devers le chief le cors si prist

1465

& li lions l’a as piés pris

El sarcus l’ont entr’iax -ii- mis

Quant en le tere ont mis le cors

Zosimas s’en est issus hors

Dont dist le conmendation

1470

Sans adjutoire del lion

Cil ne li pooit faire aiue

Car il iert une beste mue

mais quant ce vint al racovrer

Ne l’estut pas ammonester

1475

Tote le tere rauna

Sor le saint cors le ramena

Aprés quant il l’ot raune

S’obedience ot akievee

A terre s’est agenollié

1480

Signe fist de prendre congié

Dont s’en est arriere torné

El grant desert s’en est alé

Quant Zosimas l’en vit torner

Damedieu conmence a loer

1485

Dex dist il loés soies tu

Tant par est grande te vertu

Bien m’as demostré par Marie

Que molt est fox cil qui t’oblie

Bien voi & croi tot sans dotance

1490

Que fort cose a en penitance

Ja mais jor sans espanir

Ne serai mais dusc’al morir

344r

Tous jors mais espanierai

Ja de mon cors merci n’arai

1495

Or se conmence a repairier

plorant s’en va a son mostier

Ensement font si compaingnon

Tot sen repairent en maison

Quant tot furent en lor ostel

1500

En lor capitre conmunel

Zosimas conmence a parler

Il ne se volra mais celer

De l’Egyptiene Marie

Lor raconte toute le vie

1505

Com il le trova el desert

El liu delitaule ou ele ert

Et com ele vint a l’altr’an

Encontre lui al Flun Jordan

Com ele ala a pié sor l’onde

1510

De l’eve qui tant par est parfonde

li moine oent trestos ses dis

A Diu en rendent il merchis

Li abés pleure tenrrement

& li autre moine ensement

1515

N’i ot nul qui n’amendast se vie

Por les miracles de Marie

Nos meismes nos amendon

Qui plus grant mestier en avon

& deprison ceste Marie

1520

Dont nos avons oi le vie

Qu’ele deprit Nostre Seignor

A cui il ot tant grant amor

Que il nos pardoinst nos pechiés

Tos les noviax & tos les viés

1525

& li puissons faire present

De nos ames au Jugement . Amen .