T-D

Paris, BnF Français 19525

Digitization available via Gallica HERE.

show the code

# Load the xml2 package
library(xml2)

#Path to xml file
path_xml <- "data/T-D.xml"
# function to create html from xml
convert_xml_to_html <- function(xml_file, 
                                version_name = c("minimal", "intermediate", "extensive"),
                                min_line = NULL, 
                                max_line = NULL) {
    
    # Check if the version name is valid
    version_name <- match.arg(version_name)
    
    # WHITESPACE PRESERVATION: Apply placeholders before xml2 parsing
    # Read the entire XML file as a single string (avoids readLines warnings)
    file_size <- file.info(xml_file)$size
    raw_xml <- readChar(xml_file, file_size)
    
    # Replace whitespace between elements with placeholder tags
    processed_xml <- gsub("(</[^>]+>)\\s+(<[^>]*>)", "\\1<SPACE/>\\2", raw_xml)
    
    # Now parse the XML with placeholders in place
    xml_file <- read_xml(processed_xml)
    
    # Extract both <l>, <cb>, and <pb> elements
    lines <- xml_find_all(xml_file, "//text//l | //text//cb | //text//pb")
    
    # Initialize an empty list to store the processed lines
    processed_lines <- list()
    
    # --- NEW: state for folio handling and range tracking
    line_count <- 0
    in_desired_range <- FALSE
    last_folio <- NULL           # most recent <pb n="..."> seen (always recorded)
    folio_emitted <- FALSE       # ensure we only inject the prelude folio once
    need_prelude_folio <- FALSE  # signal to inject just before first kept line
    
    # Function to process each element with whitespace preservation
    process_line <- function(line) {
        
        # Handle page breaks: always record latest folio, render only if in-range
        if (xml_name(line) == "pb") {
            last_folio <<- xml_attr(line, "n")  # record regardless of range
            if (!in_desired_range) return(NULL) # do not render until we're in range
            return(sprintf("<div class='folio-number'>%s</div>", last_folio))
        }
        
        # Only increment line count and compute range for verse lines
        if (xml_name(line) == "l") {
            line_count <<- line_count + 1
            
            # compute whether *this* line is in range
            current_in_range <- if (is.null(min_line) && is.null(max_line)) {
                TRUE
            } else if (is.null(min_line) && !is.null(max_line)) {
                line_count <= max_line
            } else if (!is.null(min_line) && is.null(max_line)) {
                line_count >= min_line
            } else {
                line_count >= min_line && line_count <= max_line
            }
            
            # detect first entry into range (FALSE -> TRUE)
            if (current_in_range && !in_desired_range) {
                need_prelude_folio <<- TRUE
            }
            in_desired_range <<- current_in_range
            
            if (!in_desired_range) return(NULL) # Skip lines outside our range
            
            # Add line number div every 5th line
            line_number <- if (line_count %% 5 == 0) {
                sprintf("<div class='line-number'>%d</div>", line_count)
            } else {
                ""
            }
        } else {
            # Non-<l> elements (<cb>, etc.)
            line_number <- ""
            if (!in_desired_range) return(NULL) # Skip non-line elements outside range
        }
        
        # Process emph elements (decorative initials)
        emph_elements <- xml_find_all(line, ".//emph")
        for (emph in emph_elements) {
            # Get the initial letter text
            initial_letter <- xml_text(emph)
            
            # Get the size attribute (n) and style attribute (rend)
            size_attr <- xml_attr(emph, "n")
            style_attr <- xml_attr(emph, "rend")
            
            # Create the HTML for the styled initial
            styled_initial <- sprintf('<span class="decorative-initial %s" data-size="%s">%s</span>', 
                                      style_attr, size_attr, initial_letter)
            
            # Replace the emph element with the styled HTML
            xml_text(emph) <- styled_initial
        }
        
        if (version_name == "minimal") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                # Extract the text from the <orig> tag
                orig_text <- xml_text(xml_find_first(choice, ".//orig"))
                # Remove all children and set text directly
                xml_remove(xml_children(choice))
                xml_text(choice) <- orig_text
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "intermediate") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                abbr_exists <- xml_find_first(choice, ".//abbr")
                expan_exists <- xml_find_first(choice, ".//expan")
                # First check if there's an intermediate tag
                if (!is.na(abbr_exists) && !is.na(expan_exists)) {
                    intermediate_node <- xml_find_first(choice, ".//expan/intermediate")
                    if (!is.na(intermediate_node)) {
                        # If intermediate exists, use its text
                        text_to_use <- xml_text(intermediate_node)
                    } else {
                        # If no intermediate, use reg text
                        text_to_use <- xml_text(xml_find_first(choice, ".//expan/reg"))
                    }
                    xml_remove(xml_children(choice))
                    xml_text(choice) <- text_to_use
                } else {
                    orig_text <- xml_text(xml_find_first(choice, ".//orig"))
                    xml_remove(xml_children(choice))
                    xml_text(choice) <- orig_text
                }
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "extensive") {
            # remove <orig> entirely
            orig_elements <- xml_find_all(line, ".//orig")
            xml_remove(orig_elements)
            # collapse <choice> to <reg>
            choices <- xml_find_all(line, ".//choice")
            for (choice in choices) {
                reg_text <- xml_text(xml_find_first(choice, ".//reg"))
                xml_remove(xml_children(choice))
                xml_text(choice) <- reg_text
            }
        }
        
        # Remove <lb/> tags entirely
        lb_elements <- xml_find_all(line, ".//lb")
        xml_remove(lb_elements)
        
        # Replace SPACE placeholder elements with actual spaces
        space_elements <- xml_find_all(line, ".//SPACE")
        for (space_elem in space_elements) {
            xml_text(space_elem) <- " "
            xml_name(space_elem) <- "span"
            xml_attr(space_elem, "class") <- "space-marker"
        }
        
        # Extract text
        line_text <- xml_text(line)
        
        # Clean up extra whitespace but preserve intended spaces
        line_text <- trimws(line_text)
        line_text <- gsub("\\s+", " ", line_text)
        
        # Return line with number if applicable
        return(sprintf("<div style='line-height: 1.2;'>%s%s</div>", 
                       line_number, line_text))
    }
    
    # Process each line and wrap with <div class='column-break'> at each <cb/>
    for (line in lines) {
        processed_line <- process_line(line)
        if (!is.null(processed_line)) {
            
            # --- NEW: inject the folio that immediately precedes the first kept line
            if (need_prelude_folio && !folio_emitted && !is.null(last_folio)) {
                processed_lines <- c(processed_lines,
                                     sprintf("<div class='folio-number'>%s</div>", last_folio))
                folio_emitted <- TRUE
                need_prelude_folio <- FALSE
            }
            
            if (xml_name(line) == "cb" && in_desired_range) {
                # Add a closing </div> for the previous column and an opening <div> for the new column
                processed_lines <- c(processed_lines, "</div>", "<div class='column-break'>")
            } else {
                # Process the line and add it to the current column
                processed_lines <- c(processed_lines, processed_line)
            }
        }
    }
    
    # Process lines and wrap in edition-text div
    formatted_text <- paste(c("<div class='edition-text'>", processed_lines, "</div>"), collapse = "\n")
    cat(formatted_text)
}
# PRINT "MINIMAL" VERSION
convert_xml_to_html(xml_file = path_xml, version_name = "minimal")
# PRINT "INTERMEDIATE VERSION"
convert_xml_to_html(xml_file = path_xml, version_name = "intermediate")
#PRINT "EXTENSIVE" VERSION
convert_xml_to_html(xml_file = path_xml, version_name = "extensive")

Minimal

15r

Oez seignors une raisun

ou il na se verite nun,

tote est faite de verite

ni a mot de falsete

bien croi que volentiers lorunt

cil qui Dampnedeu amerunt

car a cels qui de lui nunt cure

Sa parole est aspre & dure

tuit cil qui le vuelet amer

& por samor mei escouter

de ma dame sainte Marie

le Egipeiene orunt la vie

ke ceo saceur tuit peceor

ki forfait sunt a lor Seignor

ke nul peche nest tant grant

Ne tant orible . ne tant pesant

dunt Deu ne face voir pardun

par fei & par confessiun

a cels qui prenent penitance

Mes gardent soi de mescreance

Se huem guerpist la merci De

cel pechie ne sera ja pardone

peche nest mie creature

ains est un mehaing de nature

Unc Deu ne cria pechie

& ne porot si a sun cie

en toz homes a son hostal

esforce les de faire mal

Nuls huem nest en ceste vie

tant soit sages ou nait folie

Mainte fier pechie firent

li apostre qui Deu servirent.

15v

por ceo ne me puis merveiller

del dolent quant loi pechier

Mes de celui ai grant merveille

Qui toz jors dort. & ne sesveille

en ses ors pechier sendort

desquil seut al cuer la mort

Qnt il se muert . & il le sent

dunc dis il jeo me repent

a tart a pris le repentir

Quant est venu al morir

Selunc les dis saint Augustin

Nest mie bone cele fin

Quant le chetif sent la mort

Ne puet faire dreit ne tort

Guerpist la male iniquite

Nen a mes de poeste

Se plus i eust de sa vie

encore fesist la folie

Quant lalme sen va miserine

ki lui puet faire medecine

fors cil Deu qui la cria

ceo que a fait ceo trovera

Ceste dame dut voil parler

Marie loi apeler

Egipciane est por ceo dite

Que ele fu nee en Egypte

Iloc fu nee. & baptizee

Mes malement fu enseignee

legiere devint en sesfance

honte perdi . & amaance

tant ert esprise de luxure

Que daltre chose naveit cure

Por ceo qle estoit bele . & gente

Safiout tant en sa jovente

ke tot faisoit le suen plaisir

Ne lui menbreut pas de morir

Ne de parens ne se gardout

a toz homes sabandonout

Ne espeir q fust en ceste vie

Femme de greignor legerie

Sis pere . & sa mere viveient

Porpoi de duel ne moreient

Il la vouleient chastier

Mes nes presout un dener

Ne presout chasti de parent

Plus que fesoit trespas de vent

Fille ceo lui disoit la mere

car crei le conseil de ton pere

Se longement tiens cest mestier

Nos en arum reprovier

Por Deu te pri fille Marie

Guerpiz ceste legerie

Quant cest mester aras guerpi

Nos te doron rice mari

Nest dreit q tu soies perdue

Por sofraite de nostre aiue

Fille tu es de grant parage

Mult est grant duel . & grant damage

Ke tu soies issi perie

Por ta maesse legerie

Tis peres est issi irez

James a nul jor niert liez

& maldit tote saventure

Quant a fait tale engendreure

16r

Quant Marie loi parler

Ne la pout solement escoter

desque ele out passe douze anz

100

a toz vent faire lors talenz

Por parfaire sa volente

Sen fui en altre regne

Tot son parente deguerpit

Unc puis un dels ne la vit

105

esue sen est cumme lere

Senz seu de pere . ne de mere

el chemin entra Marie

Unc ni demanda conpaignie

en Alisandre est venue

110

desconseillee . & mal seue

chies les meretrix prist ostal

Iloc a fait son cors venal

ele esteit blanche cume flor

des jovencials aveit lamor

115

tuit venoient al bordel

por soue amor li jovencel

Mais por faire tot sun deduit

Les out o sei . & jor . & nuit

a son deduit ert ententive

120

de jor . & de nuit la chetive

car boire . & manger . & luxure

ceo ert tote la soue cure

Quant ele levout del souper

o les garcuns alout jouer

125

Si par amont o els bourdir

Nentendoit gueres al dormir

Li jovencel tuit li plusor

erent si espris de samor

Que devant sun vis enlentrer

130

Iloc faisoient mainte meslee

Por ceo ql erent si ami

Se fesoient iloc hardi

de guisarmes . & despees

Sentredonouent grans colees

135

del sanc qui esteit espandu

en coreit aval la palu

La chetive qui ceo veeit

Nule peor ne len perneit

Se un moreit de ses amis

140

ele en aveit quarante vifs

Quant ele veet les deus ocis

Ja plus tart ne faisoit un ris

Ja cil qui por lui fust nafre

Por lui ne fust il regarde

145

plus ama o les sains juer

Que les malades visiter

en Alisandre esteit Marie

ou ele demenout iceste vie

Iloc demena ses talenz

150

La chetive dis . & set anz

La vile ert por lui enperie

alkes en ert mehainmie

& le pais tot envirun

esteit en grant perdiciun

155

De sa bealte . & de sa figure

Si cum est en lescripture

voil un poi dire le semblant

einz que jeo trespas avant

en cel tens ne en cel regne

160

Ne vit unc home plus bele femme

16v

Ne cuntesse ne raine.

Nout onkes tele meschine

roundes aveit les oreilles

Mais blanches erent a merveilles

165

les sorciz clers. & avenanz

les oilz neirs .& sorianz

la bouche brieve .& par mesure

& pie la regardeure.

la face tendre.& coloree

170

cumme rose qui senpres est nee

ja el nes ne el mentun

Ni veist lun mesfacun

par sun le col blanc cu ermine

li undout la bloie crine

175

chascun des traianz a la dune

Nert mie greignor dune pume

Soz la gorge en la poitrine

ere blanche cume flor despine

blans bras aveit .& beles mains

180

& les deis luncs . gresles .& pleins

Nert trop grande ne trop petite

ja sa facun niert deserite

ja la bealte de ceste dune

Niert escrite por nul home

185

tant ert corteise de parler

rien ni aveit que amender

a plaindre fait tel creature

Quant del Creator naveit cure

ele recevoit or. & argent

190

Si achatout bons garnemenz

bons dras aveit & avenanz

por miex plesir a ses amanz

ele nout cure de dras de leine

al peor jor de la semeine

195

Vesteit bons bliaus dosturin

& afubla mantel hermin

Soulers bien pains de cordoven

chaucout a toz les jors del an

li citeen de la cite

200

lamouent tuit por sa bealte

li anciem home . & li sage

disoient tuit Deus quel damage

Mar fu unques la dolente

tant fait a plaindre sa jovente

205

Mar fu unques la soue vie

Quant si est pleine de folie

tuit disoient par la cite

Que ele ert de mult halt parente

car a toz rosponeit raisun

210

& tant ert bele de facun

ke le fiz dun enpereor

la peust prendre par honor

Ceo fu en mei el meis deste

quele ert al mur de la cite

215

esgardout aval le port

ou soloit faire son deport

ariver vit une galee

Qui de Libie ert eschipee

tote pleine ert de pelerins

220

de vielz honnes . & de meschins

en Jerusalem en alouent

par bon corage se hastouent

por estre atens a une feste

ki de la Croiz i devoit estre

17r

225

cil qui estoient plus legier

Sen alerent fors el gravier

Main a main salouent juant

Par le rivage li enfant

Mais quant les apercut Marie

230

Ne pout muer quele ne rie

e.mpres sei vit un home ester

cunmenca lui a demander

Sire dist ele car me diz

Por icel Deu par qui tu viz

235

Quel part sen irunt cil barun

ki la sen issent di cel dromun

& se poroie o els aler

car nai mes soing de ci ester

aler menvoil di ceste cite

240

ceo mest vis trop i ai este

ceo lui respundi li preuz huem

Il irunt en Jerusalem

Se lor aviez que doner

dunc poriez o els aler

245

par Deu sire dist la dolente

Jeo ai mult bele la jovente

Mon cors lor metrai a bandun

Ne lor puis faire altre dun

Ne lor dorai altre loier

250

car jeo ne nai cun sol dener

Quant li prous huem ot la folie

Ne pout muer kil ne rie

Quant a oi le covenant

Guerpist la si senva riant

255

& la dolente sentorna

Unc a lostel ne repaira

aval sen vait grant aleure

Si cumme la menout saventure

Unc ne fina jesque al vessel

260

ou esteient li jovencel

Mes a cels parla tot premier

Qui se jovouent el gravier

o els parla alkes briefment

tel senz cum out lor despent

265

Seignors dist ele pelerin

Deu vos maite en bone fin

& vos doinst cele volente

Que vos me facez charite

Jeo sui une povre femme

270

& sui nee daltre regne

del regne de Egypte sui nee

en cest pais sui esgaree

jeo ni ai ami ne parent

Si men esta mult malement

275

o mei nei argent ne or

tot poez veer mon tresor

Jeo ni altre manantie

Mes mult pris vostre compaignie

Se en la nef o vos esteie

280

Volentiers vos servireie

& men voudroie o vos aler

Se men voliez porter

ja por porter une chetive

Ne vendrez plus tart a rive

285

Respunent tuit li jovencel

Venez o nos mult nos est bel

Sus en la nef la funt munter

& puis se funt desaancrer

17v

de la rive funt voler

290

o les reins prenent a nager

Ne finerent li bacheler

Desque il furent en halte mer

en halte mer drecent lors veiles

tote nuit corent as esteiles

295

Mais del dormir ni out neent

car Marie lor desfent

premier les prent a tastoner

& enapres a acoler

Puis les conmence a baisier

300

& en toz senz a losengier

Nen iout un tant desdeignous

fust jovencel ou Fust espous

Q en peust prendre respit

Kil ne pechast o lui la nuit

305

tant fu cointe de sun mestier

ke toz les fist o sei pechier

toz les peurrus confortout

& a juer les enviout

tant fu cointe de son mester

310

Que toz les fist o sei pechier

Qnt ele veet les haltes undes

Qui neires sunt . & parfundes

& ele veet les granz orez

Qui amenouent les tenpestez

315

Le cors de lui esteit tot liez

De rien ne cremoit ses pechiez

& tant laveit Deable esprise

tote nuit ert en sa chemise

en sa chemise ert tote nuit

320

Nient solement en un lit

Mais alout la nuit par toz les liz

cil la recoillent e granz deliz

Merveille ert dune femme sole

Qui pooit sofrir tant grant fole

325

Mais diceo nesteit nul ni

Ke li Diables ne fust en li

Ki mult volentiers la noiast

Se Nostre Sire lui lessast

Mais il la gari bien de mort

330

& si la fist venir a dreit port

Qnt Marie fu arivee

dolente fu . & esgaree

Sospire .& pense sur la rive

Ne set que faire la chetive

335

ele ni conut home ne femme

Mult lui semble estrange regne

a la parfin se porpensa

Que a la cite sen ira

& fera iloc sun mester

340

Na corage de lui changer

en Jerusalom est entree

ore oez de la maleuree

Unc ni taria de pechier

ainz conmenca a enpirer

345

oez cum grant perdicium

ainz q venist la encensium

de la Sainte Croiz aoree

ki deveit estre honoree

out issi enpirie le leu

350

Miex fust ql i corust feu

Li jovencel de la cite

erent espris de sa bealte

18r

Ne demora que mult petit

Que le jor de la feste vint

355

Vint le jor del Encensiun

etes vous la processiun

des pelerins doutre la mer

Qui vunt al temple por orer

al temple vunt par bon corage

360

cumme prodome .& cume sage

& quant les aperout Marie

Mist sei dedenz lor conpaignie

Mist sei dedenz la processiun

Nient par bone entenciun

365

Li pelerin qui la veeient

Sa volente pas ne saveient

car sil seussent sa vie

Ja nalast en lor copaignie

Suz les degrez en sunt muntez

370

dedens le temple en sunt entrez

dedens entra la compaignie

Mais unc ni pout entrer Marie

Quant ele voleit avant aler

ariere lestoveit torner

375

dedens la presse se meteit

Mais nule riens ne lui valeit

ceo lui ert vis sun escient

Que ele veet une gent

Qui resemblouent chevaliers

380

Mais mult aveient les vis fiers

Chascun teneit vers lui sespee

& la manecouent del entree

& qnt ele voleit aler avant

del espee cremeit le brant

385

Qnt veit nient est del entree

en un angle sen est alee

dunc se conmence a porpenser

ke deit q ele ni puet entrer

a la parfin veit .& entent

390

Que son peche lui deffent

del cuer conmence a souspirer

& des oilz forment a plorer

o ambes mains derupt sa crigne

Granz cous fiert en sa poitrine

395

Set que Deu est vers lui mari

Ne lui osa crier merci

Ha dist ele pechriz

cum mar fustez meretriz

sum mar fiz les ordeez

400

Por que Deu est vers mei irez

Mal conseil ai toz tens eu

Quant mun Creator ai perdu

Tant sui pleine de vile ordure

de maeste .& de luxure

405

ke el temple ne puis entrer

Ne Dapnedeu nos apeler

Que fera la chaitive

ceo poise lui que ele est vive

del cuer li issent li sospir

410

Mains prise vivre que morir

regarda vers destre partie

Vit limagine sainte Marie

en la masiere figuree

Mult piement la reclamee

415

Dame dist ele douce Mere

Ki en tun cors portas tun Pere.

18v

Saint Gabriel en fu mesage

tu lui respndis cumme sage

Quant il te dist ave Marie

420

e la grace Deu repleine

en tei prendra humanite

le Fiz le Roi de majeste

Quant le te dist tu lotrias

& soue ancele te vouchas

425

por oet ies ore el ciel Reine

a tei sole quier medecine

a mies plaies qui sunt mortals

Ne quier altres medetinals

dame se o tou Fiz mapaies

430

bien serunt sanees mes plaies

ci guerpis ere le Deable

& sun conseil car tot est fable

ci guerpis jeo la soue vie

& trestote sa compaignie

435

tei depri jeo sainte Marie

Que ja mes ne soie reprise

o le tuen Fiz met ma creance

tei met en plege & en fiance

ke toz tens mes le servirai

440

& de lui ne departirai.

tote guerpis iceste vie

& ma maese legerie

Ja niert mais jor nen aie pesance.

Mult iert aspre ma penitance

445

bele dame jeo crei bien

Que sozciel na icele rien

ki tant soit fort a venger

Se tun Fiz en vels prier

Sempres ne seit fait por tei

450

aies ui merci de mei

encore ai jeo en creance

Que tis Fiz prist naissance

& il mist en tei virginite

apres i mist sa deite

455

Grant merveille fu del Pere

Q de sa Fille fist sa Mere

Il prist en tei humanite

onc ne perdis ta virginite

Il fu tis Fiz . & tun Pere

460

tu fus sa Fille . & sa Mere

mult fu ceo merveilleuse chose

Quant del espine issi la rose

& de la rose issi le fruit

par quei Deable fu destruit

465

Un nun avun. ceo est Marie

mais diverse est nostre vie

tu amas tot teus chastee.

& jeo luxure . &. chastee . ordee

Deable eus a enemi

470

& jeo tot teus lai servi

Unc de la toue humilite

Ne fu femme en nul regne

Jeo fui povre. & orguellouse

& de mon cors luxuriouse

475

Nostre Sire tei ama

& mei chaitive refusa

refusa mei.& ama tei

dame aiez ui merci de mei

dame tu portas le tresor

480

ki mult plus vaut q fin or

19r

de tei prist char le Fiz le Rei

ke saint Johan mostra al dei

dist lui ql ert langre De

par qui le munde sera salve

485

mais qnt loi li Enemis

ki nos geta de parais

kil deveit le munde salver

Sempres le quida enganer

cumme il fist le premier home

490

kil detut ja par la pome

par treis fiees lessaia

li Felun . riens ne lui munta

Quant le vit arme si fort

par traisun lui dona la mort

495

mult fu la mort beneuree

par qui la vie fu restoree

Se le Fiz Deu ne fult ocis

Ja home nentrast en paradis

par lamort prist il les vertuz

500

par quel Deable fu veneuz

Il ocist le Deable en cel jor

del tot le traist a deshonor

denfer bruisa la sereure

& osta tote la closture

505

fors en geta la compaignie

Que le Deable aveir ravie

puis vint al sepulcre a son cors

par grant vertu sen issi fors

moustra lor la novele lei

510

puis les baisa chascun par sei.

conmanda lor sa douce Mere

puis munta el ciel a sun Pere

del ciel lor tramist tel confort

ke unkes puis ne lor crut mort

515

Saint Esperit lor tramist

Qui toz langages ler aprist

Ore siet a la destre sun Pere

tu es o lui sa douce Mere

Quant il vendra al Jugement

520

& al secunt avenement

tu seras en sa cumpaignie

cumme la soue douce amie

Il jugera. & mors. & vifs

Li juiste irunt en parais

525

Li mal irunt el feu durable

La les penera le Deable

Virge Reine corunee

ki tant fus beneuree

Que celui portas en tun ventre

530

Que tot le mund ne pout coprendre

Si cumme jeo crei ceo q je di

Si aies ui de mei merci.

Qnt ele out faite sen oreisun

& Deu lui out fait pardun

535

de soreisun leva Marie

en son novel Seignor sa fie

en lui met tote sa fiance

el temple entre senz dotance

el temple entra senz destorber

540

Si vait oir le Deu mestier

& recut le cors Nostre Seignor

o merveillouse peor

tot conoist le suen mestier

e tez la vos hors del mostier.

19v

545

de son pechie est alegee

al ymage est repairee

en lui est tote sa fiance

conseil quiert de sa penaance

cunfaitement ele la fera

550

& en quele terre ele sen ira

Vint une voiz q ele entent

Qui lui a dit apertement

Vaten al mostier Saint Johan

& puis paseras le flun Jordan

555

el mostier prendras medecine

& puis ten iras en la guastine

Iloc ton cors peneras

toz les jors mes q tu vivras

& quant ele out oie la voiz

560

Seigna sei de la sainte croiz

es la vous entree el chemin

devant lui vint un pelerin

ki deners lui dona

treis periz pains en achata

565

ceo fu tote sa soustenance

tant cum ele fu en penitence

al flun Jordan en vint Marie

La nuit i prist herbergerie

pres del moster Saint Johan

570

Suz la rive del flun Jordan

Se herberia en lieu antif

Un de ses pains manja demi

but del eue saintefiee

Qnt out beu mult par fu lee

575

Sun chief lava de la pure unde

de toz ses pechiez devint munde.

ele se senti alques lassee

car ele out faite gnt jornee

de terre durre fist sun lit

580

Iloc se jut tote la nuit

dormi mais ceo fu petit

car le dur lit lui tolit

par matin leva. al mostier

en vait oir le Deu mestier

585

La recut corpus domini

dunc fu liee unc ne fu si

puis quele fu acumeniee

poez savoir q mult fu liee

& puis entra en un chalan

590

outre passa le flun Jordan

Quant ele fu outre passee

en la forest sen est entree

Marie vait par la gastine

Sovent deprie la Reine

595

Que ele aveit mise en ostage

Le jor anceis devant sa ymage

par sa merci ne la guerpisse

& del Deable la garisse

Iloc a tote sa fiance

600

ore conmence sa penitance

ele na talent de repentir

ainz se laira de faim morir

ele na que deus pains. & demi

ore ait Jesus de lui merci

605

de cels ne vivra ele mie

Se Deu ne lui fait altre aie

Par la gaistine vait grant aleure

de Dampnedeu est tote seure

20r

& quant ele out faite sa jornee

610

desos un arbre sest couchee

Un petit manja de son pain

puis sendormi desq al demain

al demain leva par matin

Vers orient tint son chemin

615

tant erra par jor. & par nuit

o faim. & o sei. & o dur lit

& tant fu en cel boscage

tote devint iloc salvage

mais ele ne soublia mie

620

de deprier sainte Marie

sovent lui membre del ymage

Que ele aveit mis en ostage

Ses soulers furent tuit uses

& si drapel tuit descires

625

Quant si drapel furent rumpu

le cors de lui remist tot nu

la char de lui mua color

Qui ainz ert blanche cume flor

Que o livern . ke o leste

630

tuit li nercirent li coste

color mua sa bloie crigne

blanche devint cume ermigne

la face out desus bruslee

del soleil. & de la gelee

635

la bouche li fu atenvie

& envirun la char nercie

tant par esteit neir sun mentun.

cum ceo fust le chief dun tisun.

& nerci erent si oil

640

Ni aveit ore point doguil

Se vous veisses sa oreille

mult vous semblast gnt mer___veille

car mesgre esteit. & decrevee

& de blanc peil avirunee

645

Naveit plus char en sun traiant

Nemais cum il a en un gant

les bras. les mains. & les deiz

aveit plus neirs q nule peiz

les umgles aveit ele genz

650

ele les taillout o les denz

le ventre lui ert tot dechaet

car povre despense i meteit

les piez li erent decrevez

en plusors lieus erent nafrez

655

car ele ne se gardout de espine

Quant ele alout par la gastine

mais ceo li ert vis son encient

& ele ni failli de nient

ke un peché de lui chaeit

660

Quant une espine la poingneit

por ceo esteit ele lee

Quant ele sosfri une haschee

Nert pas merveille sele ert nercie

car ele demenout aspre vie

665

plus de quarante ans ala nue

Nert merveille sele ert mossue

povre despense aveit o lui

ore ait Jesus de lui merci

deus pains aveit ne gueres granz

670

de cels vesqui plusors anz

el premier en devindrent dur

cumme ceo fussent pieres de mur

20v

chascun jor en usout Marie

mais ~ ceo ert petite partie

675

& quant ele out son pain use

Si esracout lerbe del pre

cume altre beste la manjout

& de rien ne se desconfortout

a denz beveit del ruissel

680

ele naveit altre vaissel

Ne fait a plaindre le pechie

dunt le cors fu si chastie

derbes viveit. & de racines

dis. & set anz. en la gastine

685

puis fu trente anz unc ne manja

Se li angres Deu ne lui porta

Deable lui vint depremier

Sovent la soloit essaier

tot ceo lui faisoit remembrer

690

Que ele soloit jadis amer

les bons mangiers. & les lieus

ou ele sout faire ses gieus

ore fu issi oblie beneuree

Que de tot ceo fu obliee

695

& en tote la soue vie

Ne lui sovint puis de la folie

& unc puis en tot le boscage

Ne vit beste salvage

Ne altre vive creature

700

par la forest vait tote seure

en plusors lieus prent son ostal

Sa vie esteit esperital

Ore lairun ici de Marie

Si parlerun dune abeie

705

Qui ert al chief de la forest

Si cume trait vers le west

Unc Deu ne fist nule gent

Qui plus beneureement

Servisent al Creator

710

Que faisoient icil seignor

Nus naveit soing de mal faire

chascun aveit vestu sa haire

tant erint en grant discipline

Naveient soing destamine

715

as haires erent . & nuz piez

por espeneir lors pechiez

Ne ja de jor .ne de nuit

Ne fussent trovez en lit

car tote jor erent al .mang. mostier

720

fors sol a oure de manger

Il viveient mult povrement

ceo ert de pain dorge . & de pulment

& toz les vendresdiz del an

Vivoient de noiz .& de glan

725

& eue beveient. nemie seine

car ele nert pas de funteine

entre els nesteit pas simonie

Ne covoitise ne envie

Naveient soing dargent ne dor

730

en Deu aveient lor tresor

Nul naveit properite

tuit erent dune volente

Nest home qui ja lor bonte vos die

tant esteient de sainte vie

735

Quant vint a la Quaranteine

el premier jor faisoient Ceine

21r

li abes les acumeniout

corpus domini lor donout

Quant les aveit acumeniez

740

par ordre lor laveit les piez

& puis aloient eu oreisun

& il lor faisoit bel sermun

conmandout lor entrebaisier

puis lor ovri les us del mostier

745

en la forest les envoiout

a Dampnedeu les conmandout

Issi tuit se departeient

Fors sol dous qui remaneient

Nemie por poour de larun

750

Ql cremoient de lor maisun

mais por faire le Deu mestier

remanoient cil al mostier

car nest par bien de sainte iglise.

Que le mestier Deu i defise

755

li altre sen issent tuit

el desert vivent de fruit

en Deu aveient lor amor

de herbe viveient li plusor

Quant lun veit laltre el desert

760

Fuit sen diloc ou il ains ert

Issi sen alout par emble

Ne fust ja par lui salue

Iloc ou la nuit le perneit

Sus lerbe seche se giseit

765

par matin se levout al demain

Seignout sei de sa destre main

Il ne saveit ou il alout

a Dampnedeu se cunmandout

ceste meisme entenciun

770

aveient tuit si cunpaignun

des oilz plorent tendrement

Sovient lor del Jugement

ou tuit li angre trenblerunt

de la poour quil aurunt

775

La ou il verunt le Fiz De

el sege de sa majeste

& devant lui le feu durable

ou il cruciera le Deable

& tote la maese gent

780

cruciera il ensement

el puiz denfer descendrunt

Si que james nen istrunt

por ceo esteient cil moigne

en la forest en tele peine

785

por eschaper del grans peril

estoient il en tel issil

Quant pasee ert la Quaranteine

& veneit le jor de la Ceine

repairouent tuit en maisun

790

por escouter le deu sermun

li abes esteit mult liez

Quant toz les veit repairiez

Li pastres iert liez de sun bercil

Quil ert eschape de peril

795

el mostier les faisoit entrer

apres faisoit les us fermer

le premier jor vint de Quaresme

ke chascun de els ala sun esme

li abes fist ceo quil soleit

800

Ses oeilles mist fors del teit

21v

primes les fist entrebaisier

& puis lor ovri les us del mostier

en la forest les envoia

a Dampnedeu les commanda

805

Un sen vait destre partie

ki mult esteit de sainte vie

cil ert apele Zozimas

mult vestu de povres dras

miex amout il sa poverte

810

Que nul cuens fait son conte

en la forest parfundement

Se mist o povre garnement

hermites i quida trover

de Deu voleit o els parler

815

mais quant out fait vint jornees.

Qui mult erent desmesurees

& vit que nul nen pout trover

Na corage davant aler

endroit midi conmence se oure

820

deprie Deu . & sil aoure

Quant out se oreison fenie

puis garde vers destre partie

esgarda vers orient

Un umbre vit sun encient

825

Qui esteit de home. ou de femme

mes ceo esteit la Egiptiene

Deu laveit iloc amenee

Ne voloit mes q fust celee

descovrir voloir le tresor

830

ke miex valut q nul or

li sains huem fu mult pensifs.

Quant veit lumbre torna sun vis.

Quant quida q ceo fust enchantemet

reclama Deu omnipotent

835

kil le desfendist de Felun

& de male temptaciun

Quant out sa oreisun finie

La Figure vit de Marie

de Marie vit la Figure

840

apertement senz coverture

envirun lui esteit sa crigne

tant blanche cume Flor despine

& li chevoil de son chief

li avaloient desq as pies

845

ele naveit altre vestement

Quant cel li soslevoit le vent

desos pareit la char bruslee

del soleil. & de la gelee

Quant la dame le voit venir

850

Isnelement prent a fuir

li saint hom la vait enchalsant

& mult la vait aproismant

Nespargne pas a sa veillesce

Mult lui est poi quant il se blesce

855

par la forest vait iupant

& mult sovent apelant

dame fait il parole o mei

Se tu en Deu as nule fei

Jeo te conjur par Deu le grant

860

Que tu mais nauges avant

Quant la dame oi de Deu parler

de pitie conmence a plorer

Deu dist ele Rei Creator

tei loe jeo. & tei aor

22r

865

Quarante sis anz a ceo crei

ke noi mes parler de tei

ore mas un saint home tramis

Jeo ne li os torner mun vis

Ne li os torner ma faiture

870

car jeo sui nue creature

ore est arestee la dame

Nosa son vis torner vers lonme

ele ne se voudra mes celer

o lui cunmence a parler

875

cheles dist ele Zozmas

Jete mei ca un de tes dras

Jeo nos mie aler a tei

apres poras parler a mei

Quant. Zozimas soi nonmer

880

Sout q Deu la faisoit parler

car ele ne sout pas sun nun

Se par le Saint Esperit nun

Un de ses dras puis lui geta

& la dame sa aproisma

885

al drapel en vint Marie

de son cors en covri partie

Quant del drapel est afublee

Vers le saint home sest tornee

Sire dist ele dulz amis

890

car me di q as ici quis

ci poez veer une dolente

ki en guast plore. & gaimente

por les pechies q ela a faiz

Qui tant sunt horibles & leiz

895

Nest hom kis oit nen ait pesance

ore en faz ci la penitance

Quant li sainz huem loi si parler

de piete conmence a plorer

as piez lui fait afflictiun

900

& lui requiert beneicun

la dame li rechiet a ses piez

mult par crient ses pechiez

merci lui crie mult sovent

& cil la lui crie ensement

905

Zozimas se gist en la place

leue lui cort parmi la face

tele angoisse a q tot tressue

par la barbe que a chanue

lui decort aval la suour

910

la dame prie par amor

Que por lui face oreisun

& lui doinst sa beneicun

Sire dist ele dulz amis

tu mas beneicun requis

915

Jeo ne vei par q soit raisun

Que jeo te doinse beneicun

car tu es prestre messe chantant

por ceo est mult plus avenant

ke tu la doinses a mei

920

ke jeo la doinse a tei

cungie as de messe chanter

ta main pues metre sul lalter

Deu conist bien ton sacrefise

tote ta vie mas aprise

925

Servi las des tenfance

en lui pues aveir grant fiance

mult aras grant gueredun

mais ore voil ta beneicun .

22v

dame respunt Zozimas

930

Ja ma beneicun nauras

Se tu premier ne la me fais

deci ne leverai jamais

por faim ne por nule sofraite

desqs vos la maies faite

935

ore veit bien & entent Marie

Que li sains huem ne levera mie.

& ke tot ceus iert en oreisun

Sil ne na sa beneicun

torna son vis vers orient

940

deprie Deu omnipotent

Deus dist ele Reis Creator

Pere tei lo. & tei aor

Sire beneit soies tu

& tote la toue vertu

945

de nos pechies nos fai pardun

puis aurun ta beneicun

Dunc sen leva Zozimas

Grant plainte jeta car mlt fu las.

& Marie parole o lui

950

mult sentresgardent andui

ele lui conmence a demander

& bien sovent a entercier

des rois. des cuntes de la terre

Sil unt pais ou il unt guere

955

mais Sainte Iglise a gnt bosoin

Que por lui faces oreisun

Que Deus otreit pais durable

& la deffende del Deable

Marie lui a respundu

960

Deu lotrit par sa vertu

ele deprie le Creator

mult piement . & par amor

Si que la bouche ne li moveit

Ne nule voiz nen isseit

965

de la terre fu sempres ravie

Si que ele ni atouca mie

Zozimas out poour grant

Dampnedeu traist a garant

ke plus de deus pies . & demi

970

aveit entre la terre. & lui

la ou ele faisoit sa proiere

tant laveit Nostre Sire ciere

de la poour q out Zozimas

Si cunmence aler le pas

975

Quida fantosme aveir trove

ariere sest alques rause

Quant Marie len vit torner

cunmence lui a demander

cheles dist ele Zozimas

980

bel chier pere por que dotas

porquei dotes une femme

Saces que jeo fui crestiene

baptizee fui en mesfance

en Deu ai tote ma creance

985

ci sui por espeneir

Nen tornerai desque al morir

Sa destre main leva amunt

la sainte croiz fist en son front

li sains hermitez bien le vit

990

as pies a la dame chait

ele le ressaie a lever

demaintenant cunmence a plorer

23r

dame dist il saintisme femme

dunt ies nee. & de quel regne

995

descovre mei tote ta vie

por Deu ne la me cheler mie

di la mei por confessiun

Que Deu te face veir pardun

Sire ceo respunt Marie

1000

Jeo ne te celerni mie

Quant mas nue esgardee

Ja ma vie ne tiert celee

testote la descovrirai

Si que mot nen celerai

1005

dunc cunmence a cunter Marie

rien ni lait quele ne die

tote sa vie a cuntee

des icele ore quele fu nee

mais dementiers quele contout

1010

poez savoir q grant honte out

Quant ele lui a contee sa vie

as piez lui chiet merci lui crie

Zozimas a oi sa vie

le Creator en glorefie

1015

merci rent al Creator

& puis li dit par bele amor

dame por quei chiez a mes piez

por Deu te pri que tu ten levez

Nest pas en mei la dignete

1020

Ne ne sui del auctorite

a ceo que toi acunter

ke jeo sol. te doie esgarder

Unc mais la toue per ne vi

dame aies de mei merci.

1025

par charite conseille mei

Se poroie remaneir o tei

a Zozimas respundi Marie

ainz ten iras en tabeie

mais ne te chaut dire ma vie

1030

desque jeo soie finie

Se Deu ma a tei mostree

por ceo voudrai estre celee

al abe Johan parleras

cest mesage lui porteras

1035

des oeilles prenge cure

car tel ia qui trop sa seure

prenge cure de els garder

car il li serunt demande

mais quant vendra u an tens

1040

enferme seras si cume jeo pens

Quant ti per .& ti conpaignun

Sen istrunt fors de la maisun

& li jors vendra de Quaresme

Que chascun de els ira sun esme

1045

en tun lit testovra gisir

Ne poras pas o els issir

mult iert grant oes del reposer

Ne poras o els aler

Quant paser iert la Quaranteine

1050

& le jor vendra de la Ceine

Gari seras si cum jeo crei

dunc te pri venir a tuei

le cors Nostre Seignor mais

en un vaisel qui mult seit nait

1055

de sun sanc en altre vaissel

ceo garde q mult seit nait .& bel

23v

& quant tu le maporteras

plus pres de tei me troveras

& por ceo me serai aproismee

1060

Quant te verai mult serai liee

Saciez q serai al tiers an

encontre tei al Flun Jordan

Iloc serai acumeniee

Por ceo serai aproismee

1065

desqs passei le Flun Jordan

desos le mostier Saint Johan

Ne recui le cors mun Seignor

en qui est tote ma doucor

Ne ne vi home fors sol tei

1070

aler men voil prie por mei

ore sen est la dame tornee

el grant desert sen est alee

Quant li buens huem la vit torner.

Sus ses piez ne pont ester

1075

o les oilz la vit el desert

mult a grant duel qnt il la pert

a la terre sest agenoilliez

la ou ele aveit tenu ses piez

baise la terre mult sovent

1080

& loe Deu omnipotent

Deu dist il loez soies tu

ki en femme as mise tele vertu

sire tei puisse jeo aorer

Qui la lessas a mei trover

1085

puis lui membre de sun mostier

dunc si cunmence a repairier

repaira son a sa maisun

ensement sunt si cumpaignun.

Li abes Johan fu mult liez

1090

Quant toz les vit repairiez

chascun de els sest bien teuz

de ceo quil unt fors veuz

Nul ni aveit novelier

Qui sen vousist gloirefier

1095

bien les gardont li abes Johan

& quant ourent passe lan

le premier jor vint de Quaresme

chascun de els ala sun esme

en sun lit se vit Zozimas

1100

malade fu ni ala pas

a maisun lestuet reposer

maladez fu ni pout aler

Sout que veir fu la prophetie

kil aveit oi de Marie

1105

mais quant se sent gari

dunc a pris corpus domini

le sanc precious ensement

por faire le cunmandement

dunc la dame len out prie

1110

Quant il prist de lui cumgie

Zozimas cunmenca sun oire

o sei porta un poi de coire

& des lentilles ensement

Na soing daltre forment

1115

al Flun Jordan vint Zozimas

Quant il i vint vespre fu bas

trover quida iloc Marie

mais ni esteit uncore mie.

crient de la rien q plus coveite

1120

Que sun pechie lui ait tolaite

24r

Deu dist il Roi de majeste

Ne me laisse ici esgare

lai mei uncore veer la femme

Qui na sa por en cest regne

1125

cument passerai le Flun Jordan

Quant ni a nef ne chalan

pere de tote creature

de ceo poez prendre cure

tant par est grant ta poeste

1130

Que tot est par ta volente

Quant il out sa oreisun finie

outre le Flun vit Marie

Suz la rive la vit ester

Si la conmence a apeler

1135

dame ceo dist Zozimas

bele mere cument le feras

cunment paseras tu vers mei

Quant ne puis passer a tei

conment paseras le Flun Jordan

1140

Quant il ni a nef ne chalan

Quant Marie loi parler

de piete cunmence a plorer

dedenz le Flun sen est entree

a Dampnedeu sest conmandee

1145

Suz leve rade vait sous dotance

oez cume fu de grant creance

Suz leeve sen vait grant pas

mult sesmerveille Zozimas

a la rive est venue

1150

Vient al saint home sil salue

apres lui est chaet as piez

mult par crient ses pechiez

as piez lui fait aflictiun

requiert lui sa beneicun

1155

li sains lessaie a lever

des oilz conmence a plorer

Nosa suz lui faire seignacle

Quant Deu fait por lui miracle

Quant de la terre la levee

1160

el nun de Deu la baisee

la Credo in Deum belement

& la Paternoster ensement

Quant ourent fait lor parlement

li saint lui mostra tel present

1165

cum est le cors Nostre Seignor

par quoi serunt sauf pecheor

Zozimas le tint en sa main

dame dist il ceo semble pain

mais ceo est le cors Nostre Seignor

1170

par qui serunt sauf pecheor

en croiz fu penei & ocis

Ja huem nara paradis

Se il nel receit en sa vie

ceo croi jeo bien dist Marie

1175

encore ai jeo en ma creance

kil fu feru dune lance

por le forfait del premerain home

Qui fu engane par la pome

li sains loi si des raisaer

1180

mult se prist a merveillier

le sacrefise lui mostra

la sainte femme la oura

Il lui dona. & cele le recus

Le cors usa. & le sanc but

24v

1185

Quant ele fu acumeniee

unques de rien ne fu si liee

Deus dist ele Rois Creator

Pere tei lo . & rei aor

Beau Sire oez ma raisun

1190

& si me rent mun gueredun

Quarante. & treis anz . tai servi

Des ore aies de moi merci

& fai de ta fille tun plaisir

des ore voudrai morir

1195

& se te plest que vive plus

Sire pere pas nel refus

ceste vie ne refus pas

tant la voil cum tu voudras

mais se une feis estoie o tei

1200

Neu torneroie mes ceo crei

Quant soroisun out achevee

Vers le saint home sest tornee

Sire dist ele Zozimas

chier pere or ten repaireras

1205

Ne metez en teus en oblier

ke ne vengiez a mei parler

del Flun Jordan passe la rive

Si me troveras morte ou vive

la ou tu primes me troveras

1210

la diloc ne me poseras

dame ceo dit Zozimas

Ne me refuser ore pas

Se tu fais le mien desirier

de nostre fruit testuet manger

1215

lentilles traist de sun sacun

Ni aveit altre garisun.

Il lui tendi desuz ses deus mains

& la dame en manja creis grains

del eve but senz nule sei

1220

puis lui a dit prie por mei

a icest mot sen est tornee

en une oure fu tresportee

en icel lieu qui mult fu chier

ou Zozimas la vit premier

1225

Quant a cel lieu fu parvenue

ou Zozimas la trova nue

a la terre sest reposee

& a Dampnedeu cunmandee

Deus dist ele qui me fesis

1230

& en mun cors alme mesis

a tei la puisse jeo livrer

& otrier. & conmander

ore sei bien q tu mas chiere

Quant as oie ma proiere

1235

Sevrer me voil de ceste vie

ci vei venir ta conpaignie

Jeo crei que ele vient por mei

malme & mon cors conmant a tei

dunc est a la terre estendue

1240

Si cumme ele ert trestote nue

Ses mains croisa suz sa poitrine

& senvolepa dedens sa crigne

lalme sen vait en pais durable

Unc ni osa venir Deable

1245

en langelien conpaignie

Sen ala lalme de Marie

le cors de lui remist tot nu

Fors dun drapel tot derumpu

25r

ki en covri une partie

1250

povrement fu ensevelie

a terre gist le cors Marie

tot ne senz conpaignie

Nout el desert tant beste fer

ki unc i osast aproismier

1255

Suz lui nosa oisel voler

tant la vout Deu honorer

tant grant miracle por lui fist

ke unkes la char ne malmist

Ne por neif. ne por chalour

1260

Nen issoit maese flairour

tant fu le cors a enterrer

Que lan fu trestot passe

Zozimas ne se oblia mie

repaire en sa abeie

1265

mais durement fu iriez

li sains quant fu repairiez

ke o la dame aveit parle

& son non naveit demande

mais cum ainz pout prist le cungie

1270

cum il peust issir del mostier

& passe fu tot icel an

mult tost passa le Flun Jordan

par le desert quiert la moillier

o mult merveillons desirier

1275

tant la quist par le desert

kil vint la ou le cors iert

mas ainz kil leust trove

mult par fu esgare

Pere fait il qui me fesis

1280

mostre mei ceo que ai quis

Saciez deci ne moverai

avant ne ariere ne irai

desque voie encore la femme

Qui na sa per en tot le regne

1285

Ja ne vivrai si cum jeo crei

Se morte ou vive ne la vei

Lai mei veer le cors Marie

Jeo crei que ele soit finie

Ja esgare ne me lessast

1290

Se ele me seust en cest guast

pere se tu de moi as cure

lei mei veer sa sepulture

Quant il out sa oreisun finie

Deu lui mostra le cors Marie

1295

vers sa destre a esgarde

Si a veue une clarte

Une clarte vit en un lieu

primes quida que ceo fust feu

a la clarte sost aproisme

1300

le cors trova mult se fist lie

a la terre gist estendu

por un petit ne fu tot nu

Sun vis teneit vers oriant

& les oilz clos avenanment

1305

Sa crigne suz sun viaire

Ni aveit altre suaire

al cors saproisma Zozimas

Suz lui posa un de ses dras

les piez cunmence a baisier

1310

al cors nosa aprocier

Il esgarda amunt al chief

letres vit cume en un brief

25v

es letres que li sains huem vit

ert cest commandement escrit

1315

Zozimas pren le cors Marie

Sel seveliz o Deu aie

Quant tu laras enseveli

prie por lui toue merci

les letres erent de bun tur

1320

cum sil fussent faites le jur

& quant out fait sun mestier

& dit les salmes del salter

dunc le veissiez esgare

Quant rien naveit aporte

1325

dunc il peust la terre ovrir

al saintisme cors enfouir

Un fust trova par aventure

Fouir en vout la terre dure

tot tresue dedens sa haire

1330

& nule riens ni pout faire

grant bosing a daie

enz el desert por Marie

Deu lui tramist un copaignun

Nul altre fors un leun

1335

Un leun issi del desert

Si aproisma ou le cors ert

les piez li cunmence a baisier

mais al cors nosa aproismier

Signe faiseit de obeir

1340

& quil voloit servir

Quant Zozimas vit le leun

Nout cure ditel conpaignun

Nout soing de sa conpaignie

se Deu lui donast altre aie

1345

premierement vout fuir

Quant le vit al cors venir

mais quant le vit si prive

& de tant grant humilite

& tant suef cume aignel

1350

Iceo saciez mult lui fu bel

Sot que Deu lui a tramis

puis li dit bials amis

ceste dame par nun Marie

Qui mult par fu de sainte vie

1355

par mei veut estre enfouie

mes grant bosoing ai daie

Se me voliez aier

cest cors voudroie enterrer

le leun est agenoilliez

1360

del conmandement fu mult liez

oez cum il sont obeir

la terre conmence a fouir

Il fuet la terre dure

Li sains lui mostra la mesure

1365

o les piez devat la fuet.

o cels deriere la ruout

Grant fu la vertu del leun

Quant il esrachout le sablun

Se quatre homes i eust mis

1370

ki eussent besques. & pies

anceis se peussent crever

ke il peussent tant ovrer

la fosse fu senpres cavee

& de la terre bien curee

1375

Zozimas fu lie qui ceo vit

devers le chief le cors saisist

le leun la a piez ps .

en tre lut els deus mis.

26r

Quant en terre unt mis le cors

1380

Zozimas sen est issu fors

& fist la cunmendatiun

Senz ajutoire del leun

Mais quant vint al covrer

Nel estuet pas amonester

1385

tote la terre auneit

Suz le saint cors la remeteit

& quant lout aune

Sa obedience out achevee

a terre sest agenoille

1390

Signe fist de prendre congie

dunc sen est ariere torne

el grant desert est repairie

Quant Zozimas len vit torner

Dampnedeu conmence a loer

1395

Deu dist il loez soies tu

tant par est grande ta vertu

bien mas mostre par Marie

Que mult est fol qui tei oblie

or vei . & crei senz dotance

1400

Que fort chose a en penitance

Nul jor senz espeneir

Ne serai desqs al morir

Ja de mun cors merci naurai

toz jors nies espeneirai

1405

ore conmence a repairier

plorant sen vait vers sun mostier.

ensement funt li conpaignun

tuit sen repairent en maisun

Quant tuit furent en lor ostal

1410

en lor capitre cumunal

Zozimas conmence a parler

car il ne se voudra mes celer

del Egyptiene Marie

lor a conte tote la vie

1415

cum il la trova el desert

el lieu delitable ou il ert

& cum il la trova finie

al tiers an. & desenfoie

del nun ql trova estrit

1420

& del duel que il fist

plus lor a cunte del leun

cum il lout a conpaignun

& cum il vint el secunt an

cuntre lui al Flun Jordan

1425

& cum ele apie ala suz lunde

del eve que tant ert parfunde

les moignes oent trestoz ses diz

a Deu en rendent grans merciz

li abes plore tendrement

1430

& tuit li altre ensement

Ni out nul qui nament sa vie

par la deserte de Marie

& nos meismes nos amendun

car grant besoing en avun

1435

& depriun ceste Marie

dunt nos avun oi la vie

Quele deprit Nostre Seignor

de qui ele out si grant amor

kil nos pardoinst nos pechiez

1440

toz les novials. & les viez

& lui puissun faire present

de nos almes al Jugement. amen.

Intermediate

15r

Oez seignors une raisun

ou il na se verite nun,

tote est faite de verite

ni a mot de falsete

bien croi que volentiers lorunt

cil qui Dampnedeu amerunt

car a cels qui de lui nunt cure

Sa parole est aspre & dure

tuit cil qui le vuelet amer

& por samor mei escouter

de ma dame sainte Marie

le Egipeiene orunt la vie

ke ceo saceur tuit peceor

ki forfait sunt a lor Seignor

ke nul peche nest tant grant

Ne tant orible . ne tant pesant

dunt Deu ne face voir pardun

par fei & par confessiun

a cels qui prenent penitance

Mes gardent soi de mescreance

Se huem guerpist la merci De

cel pechie ne sera ja pardone

peche nest mie creature

ains est un mehaing de nature

Unc Deu ne cria pechie

& ne porot si a sun cie

en toz homes a son hostal

esforce les de faire mal

Nuls huem nest en ceste vie

tant soit sages ou nait folie

Mainte fier pechie firent

li apostre qui Deu servirent.

15v

por ceo ne me puis merveiller

del dolent quant loi pechier

Mes de celui ai grant merveille

Qui toz jors dort. & ne sesveille

en ses ors pechier sendort

desquil seut al cuer la mort

Quant il se muert . & il le sent

dunc dis il jeo me repent

a tart a pris le repentir

Quant est venu al morir

Selunc les dis saint Augustin

Nest mie bone cele fin

Quant le chetif sent la mort

Ne puet faire dreit ne tort

Guerpist la male iniquite

Nen a mes de poeste

Se plus i eust de sa vie

encore fesist la folie

Quant lalme sen va miserine

ki lui puet faire medecine

fors cil Deu qui la cria

ceo que a fait ceo trovera

Ceste dame dunt voil parler

Marie loi apeler

Egipciane est por ceo dite

Que ele fu nee en Egypte

Iloc fu nee. & baptizee

Mes malement fu enseignee

legiere devint en sesfance

honte perdi . & amaance

tant ert esprise de luxure

Que daltre chose naveit cure

Por ceo quele estoit bele . & gente

Safiout tant en sa jovente

ke tot faisoit le suen plaisir

Ne lui menbreut pas de morir

Ne de parens ne se gardout

a toz homes sabandonout

Ne espeir que fust en ceste vie

Femme de greignor legerie

Sis pere . & sa mere viveient

Porpoi de duel ne moreient

Il la vouleient chastier

Mes nes presout un dener

Ne presout chasti de parent

Plus que fesoit trespas de vent

Fille ceo lui disoit la mere

car crei le conseil de ton pere

Se longement tiens cest mestier

Nos en arum reprovier

Por Deu te pri fille Marie

Guerpiz ceste legerie

Quant cest mester aras guerpi

Nos te doron rice mari

Nest dreit que tu soies perdue

Por sofraite de nostre aiue

Fille tu es de grant parage

Mult est grant duel . & grant damage

Ke tu soies issi perie

Por ta maesse legerie

Tis peres est issi irez

James a nul jor niert liez

& maldit tote saventure

Quant a fait tale engendreure

16r

Quant Marie loi parler

Ne la pout solement escoter

desque ele out passe douze anz

100

a toz vent faire lors talenz

Por parfaire sa volente

Sen fui en altre regne

Tot son parente deguerpit

Unc puis un dels ne la vit

105

esue sen est cumme lere

Senz seu de pere . ne de mere

el chemin entra Marie

Unc ni demanda conpaignie

en Alisandre est venue

110

desconseillee . & mal seue

chies les meretrix prist ostal

Iloc a fait son cors venal

ele esteit blanche cumme flor

des jovencials aveit lamor

115

tuit venoient al bordel

por soue amor li jovencel

Mais por faire tot sun deduit

Les out o sei . & jor . & nuit

a son deduit ert ententive

120

de jor . & de nuit la chetive

car boire . & manger . & luxure

ceo ert tote la soue cure

Quant ele levout del souper

o les garcuns alout jouer

125

Si par amont o els bourdir

Nentendoit gueres al dormir

Li jovencel tuit li plusor

erent si espris de samor

Que devant sun vis enlentrer

130

Iloc faisoient mainte meslee

Por ceo quil erent si ami

Se fesoient iloc hardi

de guisarmes . & despees

Sentredonouent grans colees

135

del sanc qui esteit espandu

en coreit aval la palu

La chetive qui ceo veeit

Nule peor ne len perneit

Se un moreit de ses amis

140

ele en aveit quarante vifs

Quant ele veet les deus ocis

Ja plus tart ne faisoit un ris

Ja cil qui por lui fust nafre

Por lui ne fust il regarde

145

plus ama o les sains juer

Que les malades visiter

en Alisandre esteit Marie

ou ele demenout iceste vie

Iloc demena ses talenz

150

La chetive dis . & set anz

La vile ert por lui enperie

alkes en ert mehainmie

& le pais tot envirun

esteit en grant perdiciun

155

De sa bealte . & de sa figure

Si cum est en lescripture

voil un poi dire le semblant

einz que jeo trespas avant

en cel tens ne en cel regne

160

Ne vit unc home plus bele femme

16v

Ne cuntesse ne raine.

Nout onkes tele meschine

roundes aveit les oreilles

Mais blanches erent a merveilles

165

les sorciz clers. & avenanz

les oilz neirs .& sorianz

la bouche brieve .& par mesure

& pie la regardeure.

la face tendre.& coloree

170

cumme rose qui senpres est nee

ja el nes ne el mentun

Ni veist lun mesfacun

par sun le col blanc cum ermine

li undout la bloie crine

175

chascun des traianz a la dune

Nert mie greignor dune pume

Soz la gorge en la poitrine

ere blanche cumme flor despine

blans bras aveit .& beles mains

180

& les deis luncs . gresles .& pleins

Nert trop grande ne trop petite

ja sa facun niert deserite

ja la bealte de ceste dune

Niert escrite por nul home

185

tant ert corteise de parler

rien ni aveit que amender

a plaindre fait tel creature

Quant del Creator naveit cure

ele recevoit or. & argent

190

Si achatout bons garnemenz

bons dras aveit & avenanz

por miex plesir a ses amanz

ele nout cure de dras de leine

al peor jor de la semeine

195

Vesteit bons bliaus dosturin

& afubla mantel hermin

Soulers bien pains de cordoven

chaucout a toz les jors del an

li citeen de la cite

200

lamouent tuit por sa bealte

li anciem home . & li sage

disoient tuit Deus quel damage

Mar fu unques la dolente

tant fait a plaindre sa jovente

205

Mar fu unques la soue vie

Quant si est pleine de folie

tuit disoient par la cite

Que ele ert de mult halt parente

car a toz rosponeit raisun

210

& tant ert bele de facun

ke le fiz dun enpereor

la peust prendre par honor

Ceo fu en mei el meis deste

quele ert al mur de la cite

215

esgardout aval le port

ou soloit faire son deport

ariver vit une galee

Qui de Libie ert eschipee

tote pleine ert de pelerins

220

de vielz honnes . & de meschins

en Jerusalem en alouent

par bon corage se hastouent

por estre atens a une feste

ki de la Croiz i devoit estre

17r

225

cil qui estoient plus legier

Sen alerent fors el gravier

Main a main salouent juant

Par le rivage li enfant

Mais quant les apercut Marie

230

Ne pout muer quele ne rie

e.mpres sei vit un home ester

cunmenca lui a demander

Sire dist ele car me diz

Por icel Deu par qui tu viz

235

Quel part sen irunt cil barun

ki la sen issent di cel dromun

& se poroie o els aler

car nai mes soing de ci ester

aler menvoil di ceste cite

240

ceo mest vis trop i ai este

ceo lui respundi li preuz huem

Il irunt en Jerusalem

Se lor aviez que doner

dunc poriez o els aler

245

par Deu sire dist la dolente

Jeo ai mult bele la jovente

Mon cors lor metrai a bandun

Ne lor puis faire altre dun

Ne lor dorai altre loier

250

car jeo ne nai cun sol dener

Quant li prous huem ot la folie

Ne pout muer kil ne rie

Quant a oi le covenant

Guerpist la si senva riant

255

& la dolente sentorna

Unc a lostel ne repaira

aval sen vait grant aleure

Si cumme la menout saventure

Unc ne fina jesque al vessel

260

ou esteient li jovencel

Mes a cels parla tot premier

Qui se jovouent el gravier

o els parla alkes briefment

tel senz cum out lor despent

265

Seignors dist ele pelerin

Deu vos maite en bone fin

& vos doinst cele volente

Que vos me facez charite

Jeo sui une povre femme

270

& sui nee daltre regne

del regne de Egypte sui nee

en cest pais sui esgaree

jeo ni ai ami ne parent

Si men esta mult malement

275

o mei nei argent ne or

tot poez veer mon tresor

Jeo ni altre manantie

Mes mult pris vostre compaignie

Se en la nef o vos esteie

280

Volentiers vos servireie

& men voudroie o vos aler

Se men voliez porter

ja por porter une chetive

Ne vendrez plus tart a rive

285

Respunent tuit li jovencel

Venez o nos mult nos est bel

Sus en la nef la funt munter

& puis se funt desaancrer

17v

de la rive funt voler

290

o les reins prenent a nager

Ne finerent li bacheler

Desque il furent en halte mer

en halte mer drecent lors veiles

tote nuit corent as esteiles

295

Mais del dormir ni out neent

car Marie lor desfent

premier les prent a tastoner

& enapres a acoler

Puis les conmence a baisier

300

& en toz senz a losengier

Nen iout un tant desdeignous

fust jovencel ou Fust espous

Qui en peust prendre respit

Kil ne pechast o lui la nuit

305

tant fu cointe de sun mestier

ke toz les fist o sei pechier

toz les peurrus confortout

& a juer les enviout

tant fu cointe de son mester

310

Que toz les fist o sei pechier

Quant ele veet les haltes undes

Qui neires sunt . & parfundes

& ele veet les granz orez

Qui amenouent les tenpestez

315

Le cors de lui esteit tot liez

De rien ne cremoit ses pechiez

& tant laveit Deable esprise

tote nuit ert en sa chemise

en sa chemise ert tote nuit

320

Nient solement en un lit

Mais alout la nuit par toz les liz

cil la recoillent e granz deliz

Merveille ert dune femme sole

Qui pooit sofrir tant grant fole

325

Mais diceo nesteit nul ni

Ke li Diables ne fust en li

Ki mult volentiers la noiast

Se Nostre Sire lui lessast

Mais il la gari bien de mort

330

& si la fist venir a dreit port

Quant Marie fu arivee

dolente fu . & esgaree

Sospire .& pense sur la rive

Ne set que faire la chetive

335

ele ni conut home ne femme

Mult lui semble estrange regne

a la parfin se porpensa

Que a la cite sen ira

& fera iloc sun mester

340

Na corage de lui changer

en Jerusalom est entree

ore oez de la maleuree

Unc ni taria de pechier

ainz conmenca a enpirer

345

oez cum grant perdicium

ainz que venist la encensium

de la Sainte Croiz aoree

ki deveit estre honoree

out issi enpirie le leu

350

Miex fust quil i corust feu

Li jovencel de la cite

erent espris de sa bealte

18r

Ne demora que mult petit

Que le jor de la feste vint

355

Vint le jor del Encensiun

etes vous la processiun

des pelerins doutre la mer

Qui vunt al temple por orer

al temple vunt par bon corage

360

cumme prodome .& cumme sage

& quant les aperout Marie

Mist sei dedenz lor conpaignie

Mist sei dedenz la processiun

Nient par bone entenciun

365

Li pelerin qui la veeient

Sa volente pas ne saveient

car sil seussent sa vie

Ja nalast en lor compaignie

Suz les degrez en sunt muntez

370

dedens le temple en sunt entrez

dedens entra la compaignie

Mais unc ni pout entrer Marie

Quant ele voleit avant aler

ariere lestoveit torner

375

dedens la presse se meteit

Mais nule riens ne lui valeit

ceo lui ert vis sun escient

Que ele veet une gent

Qui resemblouent chevaliers

380

Mais mult aveient les vis fiers

Chascun teneit vers lui sespee

& la manecouent del entree

& quant ele voleit aler avant

del espee cremeit le brant

385

Quant veit nient est del entree

en un angle sen est alee

dunc se conmence a porpenser

ke deit quele ni puet entrer

a la parfin veit .& entent

390

Que son peche lui deffent

del cuer conmence a souspirer

& des oilz forment a plorer

o ambes mains derunt sa crigne

Granz cous fiert en sa poitrine

395

Set que Deu est vers lui mari

Ne lui osa crier merci

Ha dist ele pechriz

cum mar fustez meretriz

sum mar fiz les ordeez

400

Por que Deu est vers mei irez

Mal conseil ai toz tens eu

Quant mun Creator ai perdu

Tant sui pleine de vile ordure

de maeste .& de luxure

405

ke el temple ne puis entrer

Ne Dapnedeu nos apeler

Que fera la chaitive

ceo poise lui que ele est vive

del cuer li issent li sospir

410

Mains prise vivre que morir

regarda vers destre partie

Vit limagine sainte Marie

en la masiere figuree

Mult piement la reclamee

415

Dame dist ele douce Mere

Ki en tun cors portas tun Pere.

18v

Saint Gabriel en fu mesage

tu lui respondis cumme sage

Quant il te dist ave Marie

420

e la grace Deu repleine

en tei prendra humanite

le Fiz le Roi de majeste

Quant le te dist tu lotrias

& soue ancele te vouchas

425

por oet ies ore el ciel Reine

a tei sole quier medecine

a mies plaies qui sunt mortals

Ne quier altres medetinals

dame se o tou Fiz mapaies

430

bien serunt sanees mes plaies

ci guerpis ere le Deable

& sun conseil car tot est fable

ci guerpis jeo la soue vie

& trestote sa compaignie

435

tei depri jeo sainte Marie

Que ja mes ne soie reprise

o le tuen Fiz met ma creance

tei met en plege & en fiance

ke toz tens mes le servirai

440

& de lui ne departirai.

tote guerpis iceste vie

& ma maese legerie

Ja niert mais jor nen aie pesance.

Mult iert aspre ma penitance

445

bele dame jeo crei bien

Que sozciel na icele rien

ki tant soit fort a venger

Se tun Fiz en vels prier

Sempres ne seit fait por tei

450

aies ui merci de mei

encore ai jeo en creance

Que tis Fiz prist naissance

& il mist en tei virginite

apres i mist sa deite

455

Grant merveille fu del Pere

Qui de sa Fille fist sa Mere

Il prist en tei humanite

onc ne perdis ta virginite

Il fu tis Fiz . & tun Pere

460

tu fus sa Fille . & sa Mere

mult fu ceo merveilleuse chose

Quant del espine issi la rose

& de la rose issi le fruit

par quei Deable fu destruit

465

Un nun avun. ceo est Marie

mais diverse est nostre vie

tu amas tot teus chastee.

& jeo luxure . &. chastee . ordee

Deable eus a enemi

470

& jeo tot teus lai servi

Unc de la toue humilite

Ne fu femme en nul regne

Jeo fui povre. & orguellouse

& de mon cors luxuriouse

475

Nostre Sire tei ama

& mei chaitive refusa

refusa mei.& ama tei

dame aiez ui merci de mei

dame tu portas le tresor

480

ki mult plus vaut que fin or

19r

de tei prist char le Fiz le Rei

ke saint Johan mostra al dei

dist lui quil ert langre De

par qui le munde sera salve

485

mais quant loi li Enemis

ki nos geta de parais

kil deveit le munde salver

Sempres le quida enganer

cumme il fist le premier home

490

kil detut ja par la pome

par treis fiees lessaia

li Felun . riens ne lui munta

Quant le vit arme si fort

par traisun lui dona la mort

495

mult fu la mort beneuree

par qui la vie fu restoree

Se le Fiz Deu ne fult ocis

Ja home nentrast en paradis

par lamort prist il les vertuz

500

par quel Deable fu veneuz

Il ocist le Deable en cel jor

del tot le traist a deshonor

denfer bruisa la sereure

& osta tote la closture

505

fors en geta la compaignie

Que le Deable aveir ravie

puis vint al sepulcre a son cors

par grant vertu sen issi fors

moustra lor la novele lei

510

puis les baisa chascun par sei.

conmanda lor sa douce Mere

puis munta el ciel a sun Pere

del ciel lor tramist tel confort

ke unkes puis ne lor crut mort

515

Saint Esperit lor tramist

Qui toz langages ler aprist

Ore siet a la destre sun Pere

tu es o lui sa douce Mere

Quant il vendra al Jugement

520

& al secunt avenement

tu seras en sa cumpaignie

cumme la soue douce amie

Il jugera. & mors. & vifs

Li juiste irunt en parais

525

Li mal irunt el feu durable

La les penera le Deable

Virge Reine corunee

ki tant fus beneuree

Que celui portas en tun ventre

530

Que tot le mund ne pout comprendre

Si cumme jeo crei ceo que je di

Si aies ui de mei merci.

Quant ele out faite sen oreisun

& Deu lui out fait pardun

535

de soreisun leva Marie

en son novel Seignor sa fie

en lui met tote sa fiance

el temple entre senz dotance

el temple entra senz destorber

540

Si vait oir le Deu mestier

& recut le cors Nostre Seignor

o merveillouse peor

tot conoist le suen mestier

e tez la vos hors del mostier.

19v

545

de son pechie est alegee

al ymage est repairee

en lui est tote sa fiance

conseil quiert de sa penaance

cunfaitement ele la fera

550

& en quele terre ele sen ira

Vint une voiz que ele entent

Qui lui a dit apertement

Vaten al mostier Saint Johan

& puis paseras le flun Jordan

555

el mostier prendras medecine

& puis ten iras en la guastine

Iloc ton cors peneras

toz les jors mes que tu vivras

& quant ele out oie la voiz

560

Seigna sei de la sainte croiz

es la vous entree el chemin

devant lui vint un pelerin

ki deners lui dona

treis periz pains en achata

565

ceo fu tote sa soustenance

tant cum ele fu en penitence

al flun Jordan en vint Marie

La nuit i prist herbergerie

pres del moster Saint Johan

570

Suz la rive del flun Jordan

Se herberia en lieu antif

Un de ses pains manja demi

but del eue saintefiee

Quant out beu mult par fu lee

575

Sun chief lava de la pure unde

de toz ses pechiez devint munde.

ele se senti alques lassee

car ele out faite grant jornee

de terre durre fist sun lit

580

Iloc se jut tote la nuit

dormi mais ceo fu petit

car le dur lit lui tolit

par matin leva. al mostier

en vait oir le Deu mestier

585

La recut corpus domini

dunc fu liee unc ne fu si

puis quele fu acumeniee

poez savoir que mult fu liee

& puis entra en un chalan

590

outre passa le flun Jordan

Quant ele fu outre passee

en la forest sen est entree

Marie vait par la gastine

Sovent deprie la Reine

595

Que ele aveit mise en ostage

Le jor anceis devant sa ymage

par sa merci ne la guerpisse

& del Deable la garisse

Iloc a tote sa fiance

600

ore conmence sa penitance

ele na talent de repentir

ainz se laira de faim morir

ele na que deus pains. & demi

ore ait Jesus de lui merci

605

de cels ne vivra ele mie

Se Deu ne lui fait altre aie

Par la gaistine vait grant aleure

de Dampnedeu est tote seure

20r

& quant ele out faite sa jornee

610

desos un arbre sest couchee

Un petit manja de son pain

puis sendormi desque al demain

al demain leva par matin

Vers orient tint son chemin

615

tant erra par jor. & par nuit

o faim. & o sei. & o dur lit

& tant fu en cel boscage

tote devint iloc salvage

mais ele ne soublia mie

620

de deprier sainte Marie

sovent lui membre del ymage

Que ele aveit mis en ostage

Ses soulers furent tuit uses

& si drapel tuit descires

625

Quant si drapel furent rumpu

le cors de lui remist tot nu

la char de lui mua color

Qui ainz ert blanche cumme flor

Que o livern . ke o leste

630

tuit li nercirent li coste

color mua sa bloie crigne

blanche devint cumme ermigne

la face out desus bruslee

del soleil. & de la gelee

635

la bouche li fu atenvie

& envirun la char nercie

tant par esteit neir sun mentun.

cum ceo fust le chief dun tisun.

& nerci erent si oil

640

Ni aveit ore point doguil

Se vous veisses sa oreille

mult vous semblast grant mer___veille

car mesgre esteit. & decrevee

& de blanc peil avirunee

645

Naveit plus char en sun traiant

Nemais cum il a en un gant

les bras. les mains. & les deiz

aveit plus neirs que nule peiz

les umgles aveit ele genz

650

ele les taillout o les denz

le ventre lui ert tot dechaet

car povre despense i meteit

les piez li erent decrevez

en plusors lieus erent nafrez

655

car ele ne se gardout de espine

Quant ele alout par la gastine

mais ceo li ert vis son encient

& ele ni failli de nient

ke un peché de lui chaeit

660

Quant une espine la poingneit

por ceo esteit ele lee

Quant ele sosfri une haschee

Nert pas merveille sele ert nercie

car ele demenout aspre vie

665

plus de quarante ans ala nue

Nert merveille sele ert mossue

povre despense aveit o lui

ore ait Jesus de lui merci

deus pains aveit ne gueres granz

670

de cels vesqui plusors anz

el premier en devindrent dur

cumme ceo fussent pieres de mur

20v

chascun jor en usout Marie

mais ~ ceo ert petite partie

675

& quant ele out son pain use

Si esracout lerbe del pre

cumme altre beste la manjout

& de rien ne se desconfortout

a denz beveit del ruissel

680

ele naveit altre vaissel

Ne fait a plaindre le pechie

dunt le cors fu si chastie

derbes viveit. & de racines

dis. & set anz. en la gastine

685

puis fu trente anz unc ne manja

Se li angres Deu ne lui porta

Deable lui vint depremier

Sovent la soloit essaier

tot ceo lui faisoit remembrer

690

Que ele soloit jadis amer

les bons mangiers. & les lieus

ou ele sout faire ses gieus

ore fu issi oblie beneuree

Que de tot ceo fu obliee

695

& en tote la soue vie

Ne lui sovint puis de la folie

& unc puis en tot le boscage

Ne vit beste salvage

Ne altre vive creature

700

par la forest vait tote seure

en plusors lieus prent son ostal

Sa vie esteit esperital

Ore lairun ici de Marie

Si parlerun dune abeie

705

Qui ert al chief de la forest

Si cumme trait vers le west

Unc Deu ne fist nule gent

Qui plus beneureement

Servisent al Creator

710

Que faisoient icil seignor

Nus naveit soing de mal faire

chascun aveit vestu sa haire

tant erint en grant discipline

Naveient soing destamine

715

as haires erent . & nuz piez

por espeneir lors pechiez

Ne ja de jor .ne de nuit

Ne fussent trovez en lit

car tote jor erent al .mang. mostier

720

fors sol a oure de manger

Il viveient mult povrement

ceo ert de pain dorge . & de pulment

& toz les vendresdiz del an

Vivoient de noiz .& de glan

725

& eue beveient. nemie seine

car ele nert pas de funteine

entre els nesteit pas simonie

Ne covoitise ne envie

Naveient soing dargent ne dor

730

en Deu aveient lor tresor

Nul naveit properite

tuit erent dune volente

Nest home qui ja lor bonte vos die

tant esteient de sainte vie

735

Quant vint a la Quaranteine

el premier jor faisoient Ceine

21r

li abes les acumeniout

corpus domini lor donout

Quant les aveit acumeniez

740

par ordre lor laveit les piez

& puis aloient eu oreisun

& il lor faisoit bel sermun

conmandout lor entrebaisier

puis lor ovri les us del mostier

745

en la forest les envoiout

a Dampnedeu les conmandout

Issi tuit se departeient

Fors sol dous qui remaneient

Nemie por poour de larun

750

Quil cremoient de lor maisun

mais por faire le Deu mestier

remanoient cil al mostier

car nest par bien de sainte iglise.

Que le mestier Deu i defise

755

li altre sen issent tuit

el desert vivent de fruit

en Deu aveient lor amor

de herbe viveient li plusor

Quant lun veit laltre el desert

760

Fuit sen diloc ou il ains ert

Issi sen alout par emble

Ne fust ja par lui salue

Iloc ou la nuit le perneit

Sus lerbe seche se giseit

765

par matin se levout al demain

Seignout sei de sa destre main

Il ne saveit ou il alout

a Dampnedeu se cunmandout

ceste meisme entenciun

770

aveient tuit si cunpaignun

des oilz plorent tendrement

Sovient lor del Jugement

ou tuit li angre trenblerunt

de la poour quil aurunt

775

La ou il verunt le Fiz De

el sege de sa majeste

& devant lui le feu durable

ou il cruciera le Deable

& tote la maese gent

780

cruciera il ensement

el puiz denfer descendrunt

Si que james nen istrunt

por ceo esteient cil moigne

en la forest en tele peine

785

por eschaper del grans peril

estoient il en tel issil

Quant pasee ert la Quaranteine

& veneit le jor de la Ceine

repairouent tuit en maisun

790

por escouter le deu sermun

li abes esteit mult liez

Quant toz les veit repairiez

Li pastres iert liez de sun bercil

Quil ert eschape de peril

795

el mostier les faisoit entrer

apres faisoit les us fermer

le premier jor vint de Quaresme

ke chascun de els ala sun esme

li abes fist ceo quil soleit

800

Ses oeilles mist fors del teit

21v

primes les fist entrebaisier

& puis lor ovri les us del mostier

en la forest les envoia

a Dampnedeu les commanda

805

Un sen vait destre partie

ki mult esteit de sainte vie

cil ert apele Zozimas

mult vestu de povres dras

miex amout il sa poverte

810

Que nul cuens fait son conte

en la forest parfundement

Se mist o povre garnement

hermites i quida trover

de Deu voleit o els parler

815

mais quant out fait vint jornees.

Qui mult erent desmesurees

& vit que nul nen pout trover

Na corage davant aler

endroit midi conmence se oure

820

deprie Deu . & sil aoure

Quant out se oreison fenie

puis garde vers destre partie

esgarda vers orient

Un umbre vit sun encient

825

Qui esteit de home. ou de femme

mes ceo esteit la Egiptiene

Deu laveit iloc amenee

Ne voloit mes que fust celee

descovrir voloir le tresor

830

ke miex valut que nul or

li sains huem fu mult pensifs.

Quant veit lumbre torna sun vis.

Quant quida que ceo fust enchantement

reclama Deu omnipotent

835

kil le desfendist de Felun

& de male temptaciun

Quant out sa oreisun finie

La Figure vit de Marie

de Marie vit la Figure

840

apertement senz coverture

envirun lui esteit sa crigne

tant blanche cumme Flor despine

& li chevoil de son chief

li avaloient desque as pies

845

ele naveit altre vestement

Quant cel li soslevoit le vent

desos pareit la char bruslee

del soleil. & de la gelee

Quant la dame le voit venir

850

Isnelement prent a fuir

li saint hom la vait enchalsant

& mult la vait aproismant

Nespargne pas a sa veillesce

Mult lui est poi quant il se blesce

855

par la forest vait iupant

& mult sovent apelant

dame fait il parole o mei

Se tu en Deu as nule fei

Jeo te conjur par Deu le grant

860

Que tu mais nauges avant

Quant la dame oi de Deu parler

de pitie conmence a plorer

Deu dist ele Rei Creator

tei loe jeo. & tei aor

22r

865

Quarante sis anz a ceo crei

ke noi mes parler de tei

ore mas un saint home tramis

Jeo ne li os torner mun vis

Ne li os torner ma faiture

870

car jeo sui nue creature

ore est arestee la dame

Nosa son vis torner vers lonme

ele ne se voudra mes celer

o lui cunmence a parler

875

cheles dist ele Zozmas

Jete mei ca un de tes dras

Jeo nos mie aler a tei

apres poras parler a mei

Quant. Zozimas soi nonmer

880

Sout que Deu la faisoit parler

car ele ne sout pas sun nun

Se par le Saint Esperit nun

Un de ses dras puis lui geta

& la dame sa aproisma

885

al drapel en vint Marie

de son cors en covri partie

Quant del drapel est afublee

Vers le saint home sest tornee

Sire dist ele dulz amis

890

car me di que as ici quis

ci poez veer une dolente

ki en guast plore. & gaimente

por les pechies que ela a faiz

Qui tant sunt horibles & leiz

895

Nest hom kis oit nen ait pesance

ore en faz ci la penitance

Quant li sainz huem loi si parler

de piete conmence a plorer

as piez lui fait afflictiun

900

& lui requiert beneicun

la dame li rechiet a ses piez

mult par crient ses pechiez

merci lui crie mult sovent

& cil la lui crie ensement

905

Zozimas se gist en la place

leue lui cort parmi la face

tele angoisse a que tot tressue

par la barbe que a chanue

lui decort aval la suour

910

la dame prie par amor

Que por lui face oreisun

& lui doinst sa beneicun

Sire dist ele dulz amis

tu mas beneicun requis

915

Jeo ne vei par que soit raisun

Que jeo te doinse beneicun

car tu es prestre messe chantant

por ceo est mult plus avenant

ke tu la doinses a mei

920

ke jeo la doinse a tei

cungie as de messe chanter

ta main pues metre sul lalter

Deu conist bien ton sacrefise

tote ta vie mas aprise

925

Servi las des tenfance

en lui pues aveir grant fiance

mult aras grant gueredun

mais ore voil ta beneicun .

22v

dame respunt Zozimas

930

Ja ma beneicun nauras

Se tu premier ne la me fais

deci ne leverai jamais

por faim ne por nule sofraite

desques vos la maies faite

935

ore veit bien & entent Marie

Que li sains huem ne levera mie.

& ke tot ceus iert en oreisun

Sil ne na sa beneicun

torna son vis vers orient

940

deprie Deu omnipotent

Deus dist ele Reis Creator

Pere tei lo. & tei aor

Sire beneit soies tu

& tote la toue vertu

945

de nos pechies nos fai pardun

puis aurun ta beneicun

Dunc sen leva Zozimas

Grant plainte jeta car molt fu las.

& Marie parole o lui

950

mult sentresgardent andui

ele lui conmence a demander

& bien sovent a entercier

des rois. des cuntes de la terre

Sil unt pais ou il unt guere

955

mais Sainte Iglise a grant bosoin

Que por lui faces oreisun

Que Deus otreit pais durable

& la deffende del Deable

Marie lui a respundu

960

Deu lotrit par sa vertu

ele deprie le Creator

mult piement . & par amor

Si que la bouche ne li moveit

Ne nule voiz nen isseit

965

de la terre fu sempres ravie

Si que ele ni atouca mie

Zozimas out poour grant

Dampnedeu traist a garant

ke plus de deus pies . & demi

970

aveit entre la terre. & lui

la ou ele faisoit sa proiere

tant laveit Nostre Sire ciere

de la poour quout Zozimas

Si cunmence aler le pas

975

Quida fantosme aveir trove

ariere sest alques rause

Quant Marie len vit torner

cunmence lui a demander

cheles dist ele Zozimas

980

bel chier pere por que dotas

porquei dotes une femme

Saces que jeo fui crestiene

baptizee fui en mesfance

en Deu ai tote ma creance

985

ci sui por espeneir

Nen tornerai desque al morir

Sa destre main leva amunt

la sainte croiz fist en son front

li sains hermitez bien le vit

990

as pies a la dame chait

ele le ressaie a lever

demaintenant cunmence a plorer

23r

dame dist il saintisme femme

dunt ies nee. & de quel regne

995

descovre mei tote ta vie

por Deu ne la me cheler mie

di la mei por confessiun

Que Deu te face veir pardun

Sire ceo respunt Marie

1000

Jeo ne te celerni mie

Quant mas nue esgardee

Ja ma vie ne tiert celee

testote la descovrirai

Si que mot nen celerai

1005

dunc cunmence a cunter Marie

rien ni lait quele ne die

tote sa vie a cuntee

des icele ore quele fu nee

mais dementiers quele contout

1010

poez savoir que grant honte out

Quant ele lui a contee sa vie

as piez lui chiet merci lui crie

Zozimas a oi sa vie

le Creator en glorefie

1015

merci rent al Creator

& puis li dit par bele amor

dame por quei chiez a mes piez

por Deu te pri que tu ten levez

Nest pas en mei la dignete

1020

Ne ne sui del auctorite

a ceo que toi acunter

ke jeo sol. te doie esgarder

Unc mais la toue per ne vi

dame aies de mei merci.

1025

par charite conseille mei

Se poroie remaneir o tei

a Zozimas respundi Marie

ainz ten iras en tabeie

mais ne te chaut dire ma vie

1030

desque jeo soie finie

Se Deu ma a tei mostree

por ceo voudrai estre celee

al abe Johan parleras

cest mesage lui porteras

1035

des oeilles prenge cure

car tel ia qui trop sa seure

prenge cure de els garder

car il li serunt demande

mais quant vendra u an tens

1040

enferme seras si cumme jeo pens

Quant ti per .& ti conpaignun

Sen istrunt fors de la maisun

& li jors vendra de Quaresme

Que chascun de els ira sun esme

1045

en tun lit testovra gisir

Ne poras pas o els issir

mult iert grant oes del reposer

Ne poras o els aler

Quant paser iert la Quaranteine

1050

& le jor vendra de la Ceine

Gari seras si cum jeo crei

dunc te pri venir a tuei

le cors Nostre Seignor mais

en un vaisel qui mult seit nait

1055

de sun sanc en altre vaissel

ceo garde que mult seit nait .& bel

23v

& quant tu le maporteras

plus pres de tei me troveras

& por ceo me serai aproismee

1060

Quant te verai mult serai liee

Saciez que serai al tiers an

encontre tei al Flun Jordan

Iloc serai acumeniee

Por ceo serai aproismee

1065

desques passei le Flun Jordan

desos le mostier Saint Johan

Ne recui le cors mun Seignor

en qui est tote ma doucor

Ne ne vi home fors sol tei

1070

aler men voil prie por mei

ore sen est la dame tornee

el grant desert sen est alee

Quant li buens huem la vit torner.

Sus ses piez ne pont ester

1075

o les oilz la vit el desert

mult a grant duel quant il la pert

a la terre sest agenoilliez

la ou ele aveit tenu ses piez

baise la terre mult sovent

1080

& loe Deu omnipotent

Deu dist il loez soies tu

ki en femme as mise tele vertu

sire tei puisse jeo aorer

Qui la lessas a mei trover

1085

puis lui membre de sun mostier

dunc si cunmence a repairier

repaira son a sa maisun

ensement sunt si cumpaignun.

Li abes Johan fu mult liez

1090

Quant toz les vit repairiez

chascun de els sest bien teuz

de ceo quil unt fors veuz

Nul ni aveit novelier

Qui sen vousist gloirefier

1095

bien les gardont li abes Johan

& quant ourent passe lan

le premier jor vint de Quaresme

chascun de els ala sun esme

en sun lit se vit Zozimas

1100

malade fu ni ala pas

a maisun lestuet reposer

maladez fu ni pout aler

Sout que veir fu la prophetie

kil aveit oi de Marie

1105

mais quant se sent gari

dunc a pris corpus domini

le sanc precious ensement

por faire le cunmandement

dunc la dame len out prie

1110

Quant il prist de lui cumgie

Zozimas cunmenca sun oire

o sei porta un poi de coire

& des lentilles ensement

Na soing daltre forment

1115

al Flun Jordan vint Zozimas

Quant il i vint vespre fu bas

trover quida iloc Marie

mais ni esteit uncore mie.

crient de la rien que plus coveite

1120

Que sun pechie lui ait tolaite

24r

Deu dist il Roi de majeste

Ne me laisse ici esgare

lai mei uncore veer la femme

Qui na sa por en cest regne

1125

cumment passerai le Flun Jordan

Quant ni a nef ne chalan

pere de tote creature

de ceo poez prendre cure

tant par est grant ta poeste

1130

Que tot est par ta volente

Quant il out sa oreisun finie

outre le Flun vit Marie

Suz la rive la vit ester

Si la conmence a apeler

1135

dame ceo dist Zozimas

bele mere cumment le feras

cunment paseras tu vers mei

Quant ne puis passer a tei

conment paseras le Flun Jordan

1140

Quant il ni a nef ne chalan

Quant Marie loi parler

de piete cunmence a plorer

dedenz le Flun sen est entree

a Dampnedeu sest conmandee

1145

Suz leve rade vait sous dotance

oez cumme fu de grant creance

Suz leeve sen vait grant pas

mult sesmerveille Zozimas

a la rive est venue

1150

Vient al saint home sil salue

apres lui est chaet as piez

mult par crient ses pechiez

as piez lui fait aflictiun

requiert lui sa beneicun

1155

li sains lessaie a lever

des oilz conmence a plorer

Nosa suz lui faire seignacle

Quant Deu fait por lui miracle

Quant de la terre la levee

1160

el nun de Deu la baisee

la Credo in Deum belement

& la Paternoster ensement

Quant ourent fait lor parlement

li saint lui mostra tel present

1165

cum est le cors Nostre Seignor

par quoi serunt sauf pecheor

Zozimas le tint en sa main

dame dist il ceo semble pain

mais ceo est le cors Nostre Seignor

1170

par qui serunt sauf pecheor

en croiz fu penei & ocis

Ja huem nara paradis

Se il nel receit en sa vie

ceo croi jeo bien dist Marie

1175

encore ai jeo en ma creance

kil fu feru dune lance

por le forfait del premerain home

Qui fu engane par la pome

li sains loi si des raisaer

1180

mult se prist a merveillier

le sacrefise lui mostra

la sainte femme la oura

Il lui dona. & cele le recus

Le cors usa. & le sanc but

24v

1185

Quant ele fu acumeniee

unques de rien ne fu si liee

Deus dist ele Rois Creator

Pere tei lo . & rei aor

Beau Sire oez ma raisun

1190

& si me rent mun gueredun

Quarante. & treis anz . tai servi

Des ore aies de moi merci

& fai de ta fille tun plaisir

des ore voudrai morir

1195

& se te plest que vive plus

Sire pere pas nel refus

ceste vie ne refus pas

tant la voil cum tu voudras

mais se une feis estoie o tei

1200

Neu torneroie mes ceo crei

Quant soroisun out achevee

Vers le saint home sest tornee

Sire dist ele Zozimas

chier pere or ten repaireras

1205

Ne metez en teus en oblier

ke ne vengiez a mei parler

del Flun Jordan passe la rive

Si me troveras morte ou vive

la ou tu primes me troveras

1210

la diloc ne me poseras

dame ceo dit Zozimas

Ne me refuser ore pas

Se tu fais le mien desirier

de nostre fruit testuet manger

1215

lentilles traist de sun sacun

Ni aveit altre garisun.

Il lui tendi desuz ses deus mains

& la dame en manja creis grains

del eve but senz nule sei

1220

puis lui a dit prie por mei

a icest mot sen est tornee

en une oure fu tresportee

en icel lieu qui mult fu chier

ou Zozimas la vit premier

1225

Quant a cel lieu fu parvenue

ou Zozimas la trova nue

a la terre sest reposee

& a Dampnedeu cunmandee

Deus dist ele qui me fesis

1230

& en mun cors alme mesis

a tei la puisse jeo livrer

& otrier. & conmander

ore sei bien que tu mas chiere

Quant as oie ma proiere

1235

Sevrer me voil de ceste vie

ci vei venir ta conpaignie

Jeo crei que ele vient por mei

malme & mon cors conmant a tei

dunc est a la terre estendue

1240

Si cumme ele ert trestote nue

Ses mains croisa suz sa poitrine

& senvolepa dedens sa crigne

lalme sen vait en pais durable

Unc ni osa venir Deable

1245

en langelien conpaignie

Sen ala lalme de Marie

le cors de lui remist tot nu

Fors dun drapel tot derumpu

25r

ki en covri une partie

1250

povrement fu ensevelie

a terre gist le cors Marie

tot ne senz conpaignie

Nout el desert tant beste fer

ki unc i osast aproismier

1255

Suz lui nosa oisel voler

tant la vout Deu honorer

tant grant miracle por lui fist

ke unkes la char ne malmist

Ne por neif. ne por chalour

1260

Nen issoit maese flairour

tant fu le cors a enterrer

Que lan fu trestot passe

Zozimas ne se oblia mie

repaire en sa abeie

1265

mais durement fu iriez

li sains quant fu repairiez

ke o la dame aveit parle

& son non naveit demande

mais cum ainz pout prist le cungie

1270

cum il peust issir del mostier

& passe fu tot icel an

mult tost passa le Flun Jordan

par le desert quiert la moillier

o mult merveillons desirier

1275

tant la quist par le desert

kil vint la ou le cors iert

mas ainz kil leust trove

mult par fu esgare

Pere fait il qui me fesis

1280

mostre mei ceo que ai quis

Saciez deci ne moverai

avant ne ariere ne irai

desque voie encore la femme

Qui na sa per en tot le regne

1285

Ja ne vivrai si cum jeo crei

Se morte ou vive ne la vei

Lai mei veer le cors Marie

Jeo crei que ele soit finie

Ja esgare ne me lessast

1290

Se ele me seust en cest guast

pere se tu de moi as cure

lei mei veer sa sepulture

Quant il out sa oreisun finie

Deu lui mostra le cors Marie

1295

vers sa destre a esgarde

Si a veue une clarte

Une clarte vit en un lieu

primes quida que ceo fust feu

a la clarte sost aproisme

1300

le cors trova mult se fist lie

a la terre gist estendu

por un petit ne fu tot nu

Sun vis teneit vers oriant

& les oilz clos avenanment

1305

Sa crigne suz sun viaire

Ni aveit altre suaire

al cors saproisma Zozimas

Suz lui posa un de ses dras

les piez cunmence a baisier

1310

al cors nosa aprocier

Il esgarda amunt al chief

letres vit cumme en un brief

25v

es letres que li sains huem vit

ert cest commandement escrit

1315

Zozimas pren le cors Marie

Sel seveliz o Deu aie

Quant tu laras enseveli

prie por lui toue merci

les letres erent de bun tur

1320

cum sil fussent faites le jur

& quant out fait sun mestier

& dit les salmes del salter

dunc le veissiez esgare

Quant rien naveit aporte

1325

dunc il peust la terre ovrir

al saintisme cors enfouir

Un fust trova par aventure

Fouir en vout la terre dure

tot tresue dedens sa haire

1330

& nule riens ni pout faire

grant bosing a daie

enz el desert por Marie

Deu lui tramist un compaignun

Nul altre fors un leun

1335

Un leun issi del desert

Si aproisma ou le cors ert

les piez li cunmence a baisier

mais al cors nosa aproismier

Signe faiseit de obeir

1340

& quil voloit servir

Quant Zozimas vit le leun

Nout cure ditel conpaignun

Nout soing de sa conpaignie

se Deu lui donast altre aie

1345

premierement vout fuir

Quant le vit al cors venir

mais quant le vit si prive

& de tant grant humilite

& tant suef cumme aignel

1350

Iceo saciez mult lui fu bel

Sot que Deu lui a tramis

puis li dit bials amis

ceste dame par nun Marie

Qui mult par fu de sainte vie

1355

par mei veut estre enfouie

mes grant bosoing ai daie

Se me voliez aier

cest cors voudroie enterrer

le leun est agenoilliez

1360

del conmandement fu mult liez

oez cum il sont obeir

la terre conmence a fouir

Il fuet la terre dure

Li sains lui mostra la mesure

1365

o les piez devant la fuet.

o cels deriere la ruout

Grant fu la vertu del leun

Quant il esrachout le sablun

Se quatre homes i eust mis

1370

ki eussent besques. & pies

anceis se peussent crever

ke il peussent tant ovrer

la fosse fu senpres cavee

& de la terre bien curee

1375

Zozimas fu lie qui ceo vit

devers le chief le cors saisist

le leun la as piez pris .

en terre lunt els deus mis.

26r

Quant en terre unt mis le cors

1380

Zozimas sen est issu fors

& fist la cunmendatiun

Senz ajutoire del leun

Mais quant vint al covrer

Nel estuet pas amonester

1385

tote la terre auneit

Suz le saint cors la remeteit

& quant lout aune

Sa obedience out achevee

a terre sest agenoille

1390

Signe fist de prendre congie

dunc sen est ariere torne

el grant desert est repairie

Quant Zozimas len vit torner

Dampnedeu conmence a loer

1395

Deu dist il loez soies tu

tant par est grande ta vertu

bien mas mostre par Marie

Que mult est fol qui tei oblie

or vei . & crei senz dotance

1400

Que fort chose a en penitance

Nul jor senz espeneir

Ne serai desques al morir

Ja de mun cors merci naurai

toz jors nies espeneirai

1405

ore conmence a repairier

plorant sen vait vers sun mostier.

ensement funt li conpaignun

tuit sen repairent en maisun

Quant tuit furent en lor ostal

1410

en lor capitre cumunal

Zozimas conmence a parler

car il ne se voudra mes celer

del Egyptiene Marie

lor a conte tote la vie

1415

cum il la trova el desert

el lieu delitable ou il ert

& cum il la trova finie

al tiers an. & desenfoie

del nun quil trova estrit

1420

& del duel que il fist

plus lor a cunte del leun

cum il lout a conpaignun

& cum il vint el secunt an

cuntre lui al Flun Jordan

1425

& cum ele apie ala suz lunde

del eve que tant ert parfunde

les moignes oent trestoz ses diz

a Deu en rendent grans merciz

li abes plore tendrement

1430

& tuit li altre ensement

Ni out nul qui nament sa vie

par la deserte de Marie

& nos meismes nos amendun

car grant besoing en avun

1435

& depriun ceste Marie

dunt nos avun oi la vie

Quele deprit Nostre Seignor

de qui ele out si grant amor

kil nos pardoinst nos pechiez

1440

toz les novials. & les viez

& lui puissun faire present

de nos almes al Jugement. amen.

Extensive

15r

Oez seignors une raisun

ou il na se verité nun,

tote est faite de verité

n’i a mot de falseté

bien croi que volentiers l’orunt

cil qui Dampnedeu amerunt

car a cels qui de lui n’unt cure

Sa parole est aspre & dure

tuit cil qui le vuelet amer

& por s’amor mei escouter

de ma dame sainte Marie

le Egipeiene orunt la vie

ke ceo saceur tuit peceor

ki forfait sunt a lor Seignor

ke nul peché n’est tant grant

Ne tant orible . ne tant pesant

dunt Deu ne face voir pardun

par fei & par confessiun

a cels qui prenent penitance

Mes gardent soi de mescreance

Se huem guerpist la merci Dé

cel pechié ne sera ja pardoné

peché n’est mie creature

ains est un mehaing de nature

Unc Deu ne cria pechié

& ne porot si a sun cié

en toz homes a son hostal

esforce les de faire mal

Nuls huem nest en ceste vie

tant soit sages ou n’ait folie

Mainte fier pechié firent

li apostre qui Deu servirent.

15v

por ceo ne me puis merveiller

del dolent quant l’oi pechier

Mes de celui ai grant merveille

Qui toz jors dort. & ne s’esveille

en ses ors pechier s’endort

desqu’il sent al cuer la mort

Quant il se muert . & il le sent

dunc dis il jeo me repent

a tart a pris le repentir

Quant est venu al morir

Selunc les dis saint Augustin

N’est mie bone cele fin

Quant le chetif sent la mort

Ne puet faire dreit ne tort

Guerpist la male iniquité

N’en a mes de poesté

Se plus i eust de sa vie

encore fesist la folie

Quant l’alme s’en va miserine

ki lui puet faire medecine

fors cil Deu qui la cria

ceo que a fait ceo trovera

Ceste dame dunt voil parler

Marie l’oi apeler

Egipciane est por ceo dite

Que ele fu nee en Egypte

Iloc fu nee. & baptizee

Mes malement fu enseignee

legiere devint en sesfance

honte perdi . & amaance

tant ert esprise de luxure

Que d’altre chose n’aveit cure

Por ceo qu’ele estoit bele . & gente

Sa fiout tant en sa jovente

ke tot faisoit le suen plaisir

Ne lui menbreut pas de morir

Ne de parens ne se gardout

a toz homes s’abandonout

Ne espeir que fust en ceste vie

Femme de greignor legerie

Sis pere . & sa mere viveient

Por poi de duel ne moreient

Il la vouleient chastier

Mes nes presout un dener

Ne presout chasti de parent

Plus que fesoit trespas de vent

Fille ceo lui disoit la mere

car crei le conseil de ton pere

Se longement tiens cest mestier

Nos en arum reprovier

Por Deu te pri fille Marie

Guerpiz ceste legerie

Quant cest mester aras guerpi

Nos te doron rice mari

N’est dreit que tu soies perdue

Por sofraite de nostre aiue

Fille tu es de grant parage

Mult est grant duel . & grant damage

Ke tu soies issi perie

Por ta maesse legerie

Tis peres est issi irez

Ja mes a nul jor n’iert liez

& maldit tote s’aventure

Quant a fait tale engendreure

16r

Quant Marie l’oi parler

Ne la pout solement escoter

des que ele out passe douze anz

100

a toz vent faire lors talenz

Por parfaire sa volenté

S’en fui en altre regné

Tot son parenté deguerpit

Unc puis un dels ne la vit

105

esue s’en est cumme lere

Senz seu de pere . ne de mere

el chemin entra Marie

Unc n’i demanda conpaignie

en Alisandre est venue

110

desconseillee . & mal seue

chiés les meretrix prist ostal

Iloc a fait son cors venal

ele esteit blanche cumme flor

des jovencials aveit l’amor

115

tuit venoient al bordel

por soue amor li jovencel

Mais por faire tot sun deduit

Les out o sei . & jor . & nuit

a son deduit ert ententive

120

de jor . & de nuit la chetive

car boire . & manger . & luxure

ceo ert tote la soue cure

Quant ele levout del souper

o les garçuns alout jouer

125

Si par amont o els bourdir

N’entendoit gueres al dormir

Li jovencel tuit li plusor

erent si espris de s’amor

Que devant sun vis en l’entrer

130

Iloc faisoient mainte meslee

Por ceo qu’il erent si ami

Se fesoient iloc hardi

de guisarmes . & despees

S’entredonouent grans colees

135

del sanc qui esteit espandu

en coreit aval la palu

La chetive qui ceo veeit

Nule peor ne l’en perneit

Se un moreit de ses amis

140

ele en aveit quarante vifs

Quant ele veet les deus ocis

Ja plus tart ne faisoit un ris

Ja cil qui por lui fust nafré

Por lui ne fust il regardé

145

plus ama o les sains juer

Que les malades visiter

en Alisandre esteit Marie

ou ele demenout iceste vie

Iloc demena ses talenz

150

La chetive dis . & set anz

La vile ert por lui enperie

alkes en ert mehainmie

& le pais tot envirun

esteit en grant perdiciun

155

De sa bealté . & de sa figure

Si cum est en l’escripture

voil un poi dire le semblant

einz que jeo trespas avant

en cel tens ne en cel regne

160

Ne vit unc home plus bele femme

16v

Ne cuntesse ne raine.

N’out onkes tele meschine

roundes aveit les oreilles

Mais blanches erent a merveilles

165

les sorciz clers. & avenanz

les oilz neirs .& sorianz

la bouche brieve .& par mesure

& pie la regardeure.

la face tendre .& coloree

170

cumme rose qui senpres est nee

ja el nés ne el mentun

N’i veist l’un mesfaçun

par sun le col blanc cum ermine

li undout la bloie crine

175

chascun des traianz a la dune

N’ert mie greignor d’une pume

Soz la gorge en la poitrine

ere blanche cumme flor d’espine

blans bras aveit .& beles mains

180

& les deis luncs . gresles .& pleins

N’ert trop grande ne trop petite

ja sa façun n’iert deserite

ja la bealté de ceste dune

N’iert escrite por nul home

185

tant ert corteise de parler

rien n’i aveit que amender

a plaindre fait tel creature

Quant del Creator n’aveit cure

ele recevoit or. & argent

190

Si achatout bons garnemenz

bons dras aveit & avenanz

por miex plesir a ses amanz

ele n’out cure de dras de leine

al peor jor de la semeine

195

Vesteit bons bliaus d’osturin

& afubla mantel hermin

Soulers bien pains de cordoven

chaucout a toz les jors de l’an

li citeen de la cité

200

l’amouent tuit por sa bealté

li anciem home . & li sage

disoient tuit Deus quel damage

Mar fu unques la dolente

tant fait a plaindre sa jovente

205

Mar fu unques la soue vie

Quant si est pleine de folie

tuit disoient par la cité

Que ele ert de mult halt parenté

car a toz rosponeit raisun

210

& tant ert bele de façun

ke le fiz d’un enpereor

la peust prendre par honor

Ceo fu en mei el meis desté

qu’ele ert al mur de la cité

215

esgardout aval le port

ou soloit faire son deport

ariver vit une galee

Qui de Libie ert eschipee

tote pleine ert de pelerins

220

de vielz honnes . & de meschins

en Jerusalem en alouent

par bon corage se hastouent

por estre a tens a une feste

ki de la Croiz i devoit estre

17r

225

cil qui estoient plus legier

S’en alerent fors el gravier

Main a main s’alouent juant

Par le rivage li enfant

Mais quant les aperçut Marie

230

Ne pout muer qu’ele ne rie

e.mpres sei vit un home ester

cunmença lui a demander

Sire dist ele car me diz

Por icel Deu par qui tu viz

235

Quel part s’en irunt cil barun

ki la s’en issent d’icel dromun

& se poroie o els aler

car n’ai mes soing de ci ester

aler m’en voil di ceste cité

240

ceo m’est vis trop i ai esté

ceo lui respundi li preuz huem

Il irunt en Jerusalem

Se lor aviez que doner

dunc poriez o els aler

245

par Deu sire dist la dolente

Jeo ai mult bele la jovente

Mon cors lor metrai a bandun

Ne lor puis faire altre dun

Ne lor dorai altre loier

250

car jeo ne n’ai c’un sol dener

Quant li prous huem ot la folie

Ne pout muer kil ne rie

Quant a oi le covenant

Guerpist la si s’en va riant

255

& la dolente s’en torna

Unc a l’ostel ne repaira

aval s’en vait grant aleure

Si cumme la menout s’aventure

Unc ne fina jesque al vessel

260

ou esteient li jovencel

Mes a cels parla tot premier

Qui se jovouent el gravier

o els parla alkes briefment

tel senz cum out lor despent

265

Seignors dist ele pelerin

Deu vos maite en bone fin

& vos doinst cele volenté

Que vos me facez charité

Jeo sui une povre femme

270

& sui nee d’altre regne

del regne de Egypte sui nee

en cest pais sui esgaree

jeo n’i ai ami ne parent

Si m’en esta mult malement

275

o mei n’ei argent ne or

tot poez veer mon tresor

Jeo n’i altre manantie

Mes mult pris vostre compaignie

Se en la nef o vos esteie

280

Volentiers vos servireie

& m’en voudroie o vos aler

Se m’en voliez porter

ja por porter une chetive

Ne vendrez plus tart a rive

285

Respunent tuit li jovencel

Venez o nos mult nos est bel

Sus en la nef la funt munter

& puis se funt desaancrer

17v

de la rive funt voler

290

o les reins prenent a nager

Ne finerent li bacheler

Desque il furent en halte mer

en halte mer drecent lors veiles

tote nuit corent as esteiles

295

Mais del dormir n’i out neent

car Marie lor desfent

premier les prent a tastoner

& enaprés a acoler

Puis les conmence a baisier

300

& en toz senz a losengier

Nen i out un tant desdeignous

fust jovencel ou Fust espous

Qui en peust prendre respit

Kil ne pechast o lui la nuit

305

tant fu cointe de sun mestier

ke toz les fist o sei pechier

toz les peurrus confortout

& a juer les enviout

tant fu cointe de son mester

310

Que toz les fist o sei pechier

Quant ele veet les haltes undes

Qui neires sunt . & parfundes

& ele veet les granz orez

Qui amenouent les tenpestez

315

Le cors de lui esteit tot liez

De rien ne cremoit ses pechiez

& tant l’aveit Deable esprise

tote nuit ert en sa chemise

en sa chemise ert tote nuit

320

Nient solement en un lit

Mais alout la nuit par toz les liz

cil la recoillent e granz deliz

Merveille ert d’une femme sole

Qui pooit sofrir tant grant fole

325

Mais di ceo n’esteit nul ni

Ke li Diables ne fust en li

Ki mult volentiers la noiast

Se Nostre Sire lui lessast

Mais il la gari bien de mort

330

& si la fist venir a dreit port

Quant Marie fu arivee

dolente fu . & esgaree

Sospire .& pense sur la rive

Ne set que faire la chetive

335

ele n’i conut home ne femme

Mult lui semble estrange regne

a la parfin se porpensa

Que a la cité s’en ira

& fera iloc sun mester

340

N’a corage de lui changer

en Jerusalom est entree

ore oez de la maleuree

Unc ni taria de pechier

ainz conmença a enpirer

345

oez cum grant perdicium

ainz que venist la encensium

de la Sainte Croiz aoree

ki deveit estre honoree

out issi enpirie le leu

350

Miex fust qu’il i corust feu

Li jovencel de la cité

erent espris de sa bealté

18r

Ne demora que mult petit

Que le jor de la feste vint

355

Vint le jor de l’Encensiun

etes vous la processiun

des pelerins d’outre la mer

Qui vunt al temple por orer

al temple vunt par bon corage

360

cumme prodome .& cumme sage

& quant les aperout Marie

Mist sei dedenz lor conpaignie

Mist sei dedenz la processiun

Nient par bone entenciun

365

Li pelerin qui la veeient

Sa volenté pas ne saveient

car s’il seussent sa vie

Ja n’alast en lor compaignie

Suz les degrez en sunt muntez

370

dedens le temple en sunt entrez

dedens entra la compaignie

Mais unc n’i pout entrer Marie

Quant ele voleit avant aler

ariere l’estoveit torner

375

dedens la presse se meteit

Mais nule riens ne lui valeit

ceo lui ert vis sun escient

Que ele veet une gent

Qui resemblouent chevaliers

380

Mais mult aveient les vis fiers

Chascun teneit vers lui s’espee

& la maneçouent de l’entree

& quant ele voleit aler avant

de l’espee cremeit le brant

385

Quant veit nient est de l’entree

en un angle s’en est alee

dunc se conmence a porpenser

ke deit qu’ele n’i puet entrer

a la parfin veit .& entent

390

Que son peché lui deffent

del cuer conmence a souspirer

& des oilz forment a plorer

o ambes mains derunt sa crigne

Granz cous fiert en sa poitrine

395

Set que Deu est vers lui mari

Ne lui osa crier merci

Ha dist ele pechriz

cum mar fustez meretriz

sum mar fiz les ordeez

400

Por que Deu est vers mei irez

Mal conseil ai toz tens eu

Quant mun Creator ai perdu

Tant sui pleine de vile ordure

de maesté .& de luxure

405

ke el temple ne puis entrer

Ne Dapnedeu n’os apeler

Que fera la chaitive

ceo poise lui que ele est vive

del cuer li issent li sospir

410

Mains prise vivre que morir

regarda vers destre partie

Vit l’imagine sainte Marie

en la masiere figuree

Mult piement l’a reclamee

415

Dame dist ele douce Mere

Ki en tun cors portas tun Pere.

18v

Saint Gabriel en fu mesage

tu lui respondis cumme sage

Quant il te dist ave Marie

420

e la grace Deu repleine

en tei prendra humanité

le Fiz le Roi de majesté

Quant le te dist tu l’otrias

& soue ancele te vouchas

425

por oet iés ore el ciel Reine

a tei sole quier medecine

a mies plaies qui sunt mortals

Ne quier altres medetinals

dame se o tou Fiz m’apaies

430

bien serunt sanees mes plaies

ci guerpis ere le Deable

& sun conseil car tot est fable

ci guerpis jeo la soue vie

& trestote sa compaignie

435

tei depri jeo sainte Marie

Que ja mes ne soie reprise

o le tuen Fiz met ma creance

tei met en plege & en fiance

ke toz tens mes le servirai

440

& de lui ne departirai.

tote guerpis iceste vie

& ma maese legerie

Ja n’iert mais jor n’en aie pesance.

Mult iert aspre ma penitance

445

bele dame jeo crei bien

Que soz ciel n’a icele rien

ki tant soit fort a venger

Se tun Fiz en vels prier

Sempres ne seit fait por tei

450

aies ui merci de mei

encore ai jeo en creance

Que tis Fiz prist naissance

& il mist en tei virginité

aprés i mist sa deité

455

Grant merveille fu del Pere

Qui de sa Fille fist sa Mere

Il prist en tei humanité

onc ne perdis ta virginité

Il fu tis Fiz . & tun Pere

460

tu fus sa Fille . & sa Mere

mult fu ceo merveilleuse chose

Quant de l’espine issi la rose

& de la rose issi le fruit

par quei Deable fu destruit

465

Un nun avun. ceo est Marie

mais diverse est nostre vie

tu amas tot teus chastee.

& jeo luxure . &. . ordee

Deable eus a enemi

470

& jeo tot teus l’ai servi

Unc de la toue humilité

Ne fu femme en nul regné

Jeo fui povre. & orguellouse

& de mon cors luxuriouse

475

Nostre Sire tei ama

& mei chaitive refusa

refusa mei.& ama tei

dame aiez ui merci de mei

dame tu portas le tresor

480

ki mult plus vaut que fin or

19r

de tei prist char le Fiz le Rei

ke saint Johan mostra al dei

dist lui qu’il ert l’angre Dé

par qui le munde sera salvé

485

mais quant l’oi li Enemis

ki nos geta de parais

kil deveit le munde salver

Sempres le quida enganer

cumme il fist le premier home

490

kil detut ja par la pome

par treis fiees l’essaia

li Felun . riens ne lui munta

Quant le vit armé si fort

par traisun lui dona la mort

495

mult fu la mort beneuree

par qui la vie fu restoree

Se le Fiz Deu ne fult ocis

Ja home n’entrast en paradis

par l’amort prist il les vertuz

500

par quel Deable fu veneuz

Il ocist le Deable en cel jor

del tot le traist a deshonor

d’enfer bruisa la sereure

& osta tote la closture

505

fors en geta la compaignie

Que le Deable aveir ravie

puis vint al sepulcre a son cors

par grant vertu s’en issi fors

moustra lor la novele lei

510

puis les baisa chascun par sei.

conmanda lor sa douce Mere

puis munta el ciel a sun Pere

del ciel lor tramist tel confort

ke unkes puis ne lor crut mort

515

Saint Esperit lor tramist

Qui toz langages ler aprist

Ore siet a la destre sun Pere

tu es o lui sa douce Mere

Quant il vendra al Jugement

520

& al secunt avenement

tu seras en sa cumpaignie

cumme la soue douce amie

Il jugera. & mors. & vifs

Li juiste irunt en parais

525

Li mal irunt el feu durable

La les penera le Deable

Virge Reine corunee

ki tant fus beneuree

Que celui portas en tun ventre

530

Que tot le mund ne pout comprendre

Si cumme jeo crei ceo que je di

Si aies ui de mei merci.

Quant ele out faite sen oreisun

& Deu lui out fait pardun

535

de s’oreisun leva Marie

en son novel Seignor sa fie

en lui met tote sa fiance

el temple entre senz dotance

el temple entra senz destorber

540

Si vait oir le Deu mestier

& recut le cors Nostre Seignor

o merveillouse peor

tot conoist le suen mestier

e tez la vos hors del mostier.

19v

545

de son pechié est alegee

a l’ymage est repairee

en lui est tote sa fiance

conseil quiert de sa penaance

cunfaitement ele la fera

550

& en quele terre ele s’en ira

Vint une voiz que ele entent

Qui lui a dit apertement

Va t’en al mostier Saint Johan

& puis paseras le flun Jordan

555

el mostier prendras medecine

& puis t’en iras en la guastine

Iloc ton cors peneras

toz les jors mes que tu vivras

& quant ele out oie la voiz

560

Seigna sei de la sainte croiz

es la vous entree el chemin

devant lui vint un pelerin

ki deners lui dona

treis periz pains en achata

565

ceo fu tote sa soustenance

tant cum ele fu en penitence

al flun Jordan en vint Marie

La nuit i prist herbergerie

prés del moster Saint Johan

570

Suz la rive del flun Jordan

Se herberia en lieu antif

Un de ses pains manja demi

but de l’eue saintefiee

Quant out beu mult par fu lee

575

Sun chief lava de la pure unde

de toz ses pechiez devint munde.

ele se senti alques lassee

car ele out faite grant jornee

de terre durre fist sun lit

580

Iloc se jut tote la nuit

dormi mais ceo fu petit

car le dur lit lui tolit

par matin leva. al mostier

en vait oir le Deu mestier

585

La reçut corpus domini

dunc fu liee unc ne fu si

puis qu’ele fu acumeniee

poez savoir que mult fu liee

& puis entra en un chalan

590

outre passa le flun Jordan

Quant ele fu outre passee

en la forest s’en est entree

Marie vait par la gastine

Sovent deprie la Reine

595

Que ele aveit mise en ostage

Le jor anceis devant sa ymage

par sa merci ne la guerpisse

& del Deable la garisse

Iloc a tote sa fiance

600

ore conmence sa penitance

ele n’a talent de repentir

ainz se laira de faim morir

ele n’a que deus pains. & demi

ore ait Jesus de lui merci

605

de cels ne vivra ele mie

Se Deu ne lui fait altre aie

Par la gaistine vait grant aleure

de Dampnedeu est tote seure

20r

& quant ele out faite sa jornee

610

desos un arbre s’est couchee

Un petit manja de son pain

puis s’endormi desque al demain

al demain leva par matin

Vers orient tint son chemin

615

tant erra par jor. & par nuit

o faim. & o sei. & o dur lit

& tant fu en cel boscage

tote devint iloc salvage

mais ele ne s’oublia mie

620

de deprier sainte Marie

sovent lui membre de l’ymage

Que ele aveit mis en ostage

Ses soulers furent tuit usés

& si drapel tuit descirés

625

Quant si drapel furent rumpu

le cors de lui remist tot nu

la char de lui mua color

Qui ainz ert blanche cumme flor

Que o l’ivern . ke o l’esté

630

tuit li nercirent li costé

color mua sa bloie crigne

blanche devint cumme ermigne

la face out desus bruslee

del soleil. & de la gelee

635

la bouche li fu atenvie

& envirun la char nercie

tant par esteit neir sun mentun.

cum ceo fust le chief d’un tisun.

& nerci erent si oil

640

N’i aveit ore point d’orguil

Se vous veissés sa oreille

mult vous semblast grant merveille

car mesgre esteit. & decrevee

& de blanc peil avirunee

645

N’aveit plus char en sun traiant

Ne mais cum il a en un gant

les bras. les mains. & les deiz

aveit plus neirs que nule peiz

les umgles aveit ele grenz

650

ele les taillout o les denz

le ventre lui ert tot dechaet

car povre despense i meteit

les piez li erent decrevez

en plusors lieus erent nafrez

655

car ele ne se gardout de espine

Quant ele alout par la gastine

mais ceo li ert vis son encient

& ele n’i failli de nient

ke un peché de lui chaeit

660

Quant une espine la poingneit

por ceo esteit ele lee

Quant ele soffri une haschee

N’ert pas merveille s’ele ert nercie

car ele demenout aspre vie

665

plus de quarante ans ala nue

N’ert merveille s’ele ert mossue

povre despense aveit o lui

ore ait Jesus de lui merci

deus pains aveit ne gueres granz

670

de cels vesqui plusors anz

el premier en devindrent dur

cumme ceo fussent pieres de mur

20v

chascun jor en usout Marie

mais ceo ert petite partie

675

& quant ele out son pain usé

Si esracout l’erbe del pré

cumme altre beste la manjout

& de rien ne se desconfortout

a denz beveit del ruissel

680

ele n’aveit altre vaissel

Ne fait a plaindre le pechié

dunt le cors fu si chastié

d’erbes viveit. & de racines

dis. & set anz. en la gastine

685

puis fu trente anz unc ne manja

Se li angres Deu ne lui porta

Deable lui vint de premier

Sovent la soloit essaier

tot ceo lui faisoit remembrer

690

Que ele soloit jadis amer

les bons mangiers. & les lieus

ou ele sout faire ses gieus

ore fu issi beneuree

Que de tot ceo fu obliee

695

& en tote la soue vie

Ne lui sovint puis de la folie

& unc puis en tot le boscage

Ne vit beste salvage

Ne altre vive creature

700

par la forest vait tote seure

en plusors lieus prent son ostal

Sa vie esteit esperital

Ore lairun ici de Marie

Si parlerun d’une abeie

705

Qui ert al chief de la forest

Si cumme trait vers le west

Unc Deu ne fist nule gent

Qui plus beneureement

Servisent al Creator

710

Que faisoient icil seignor

Nus n’aveit soing de mal faire

chascun aveit vestu sa haire

tant erint en grant discipline

n’aveient soing d’estamine

715

as haires erent . & nuz piez

por espeneir lors pechiez

Ne ja de jor .ne de nuit

Ne fussent trovez en lit

car tote jor erent al mostier

720

fors sol a oure de manger

Il viveient mult povrement

ceo ert de pain d’orge . & de pulment

& toz les vendresdiz de l’an

Vivoient de noiz .& de glan

725

& eue beveient. ne mie seine

car ele n’ert pas de funteine

entre els n’esteit pas simonie

Ne covoitise ne envie

n’aveient soing d’argent ne d’or

730

en Deu aveient lor tresor

Nul n’aveit properité

tuit erent d’une volenté

N’est home qui ja lor bonté vos die

tant esteient de sainte vie

735

Quant vint a la Quaranteine

el premier jor faisoient Ceine

21r

li abés les acumeniout

corpus domini lor donout

Quant les aveit acumeniez

740

par ordre lor laveit les piez

& puis aloient eu oreisun

& il lor faisoit bel sermun

conmandout lor entrebaisier

puis lor ovri les us del mostier

745

en la forest les envoiout

a Dampnedeu les conmandout

Issi tuit se departeient

Fors sol dous qui remaneient

Ne mie por poour de larun

750

Qu’il cremoient de lor maisun

mais por faire le Deu mestier

remanoient cil al mostier

car n’est par bien de sainte iglise.

Que le mestier Deu i defise

755

li altre s’en issent tuit

el desert vivent de fruit

en Deu aveient lor amor

de herbe viveient li plusor

Quant l’un veit l’altre el desert

760

Fuit s’en diloc ou il ains ert

Issi s’en alout par emblé

Ne fust ja par lui salué

Iloc ou la nuit le perneit

Sus l’erbe seche se giseit

765

par matin se levout al demain

Seignout sei de sa destre main

Il ne saveit ou il alout

a Dampnedeu se cunmandout

ceste meisme entenciun

770

aveient tuit si cunpaignun

des oilz plorent tendrement

Sovient lor del Jugement

ou tuit li angle trenblerunt

de la poour quil aurunt

775

La ou il verunt le Fiz Dé

el sege de sa majesté

& devant lui le feu durable

ou il cruciera le Deable

& tote la maese gent

780

cruciera il ensement

el puiz d’enfer descendrunt

Si que james n’en istrunt

por ceo esteient cil moigne

en la forest en tele peine

785

por eschaper del grans peril

estoient il en tel issil

Quant pasee ert la Quaranteine

& veneit le jor de la Ceine

repairouent tuit en maisun

790

por escouter le deu sermun

li abés esteit mult liez

Quant toz les veit repairiez

Li pastres iert liez de sun bercil

Quil ert eschapé de peril

795

el mostier les faisoit entrer

aprés faisoit les us fermer

le premier jor vint de Quaresme

ke chascun de els ala sun esme

li abés fist ceo qu’il soleit

800

Ses oeilles mist fors del teit

21v

primes les fist entrebaisier

& puis lor ovri les us del mostier

en la forest les envoia

a Dampnedeu les commanda

805

Un s’en vait destre partie

ki mult esteit de sainte vie

cil ert apelé Zozimas

mult vestu de povres dras

miex amout il sa poverté

810

Que nul cuens fait son conté

en la forest parfundement

Se mist o povre garnement

hermites i quida trover

de Deu voleit o els parler

815

mais quant out fait vint jornees.

Qui mult erent desmesurees

& vit que nul n’en pout trover

N’a corage d’avant aler

endroit midi conmence se oure

820

deprie Deu . & sil aoure

Quant out se oreison fenie

puis garde vers destre partie

esgarda vers orient

Un umbre vit sun encient

825

Qui esteit de home. ou de femme

mes ceo esteit la Egiptiene

Deu l’aveit iloc amenee

Ne voloit mes que fust celee

descovrir voloir le tresor

830

ke miex valut que nul or

li sains huem fu mult pensifs.

Quant veit l’umbre torna sun vis.

Quant quida que ceo fust enchantement

reclama Deu omnipotent

835

kil le desfendist de Felun

& de male temptaciun

Quant out sa oreisun finie

La Figure vit de Marie

de Marie vit la Figure

840

apertement senz coverture

envirun lui esteit sa crigne

tant blanche cumme Flor d’espine

& li chevoil de son chief

li avaloient desque as piés

845

ele n’aveit altre vestement

Quant cel li soslevoit le vent

desos pareit la char bruslee

del soleil. & de la gelee

Quant la dame le voit venir

850

Isnelement prent a fuir

li saint hom la vait enchalsant

& mult la vait aproismant

N’espargne pas a sa veillesce

Mult lui est poi quant il se blesce

855

par la forest vait iupant

& mult sovent apelant

dame fait il parole o mei

Se tu en Deu as nule fei

Jeo te conjur par Deu le grant

860

Que tu mais nauges avant

Quant la dame oi de Deu parler

de pitié conmence a plorer

Deu dist ele Rei Creator

tei loe jeo. & tei aor

22r

865

Quarante sis anz a ceo crei

ke n’oi mes parler de tei

ore m’as un saint home tramis

Jeo ne li os torner mun vis

Ne li os torner ma faiture

870

car jeo sui nue creature

ore est arestee la dame

N’osa son vis torner vers l’onme

ele ne se voudra mes celer

o lui cunmence a parler

875

cheles dist ele Zozmas

Jeté mei ca un de tes dras

Jeo n’os mie aler a tei

aprés poras parler a mei

Quant. Zozimas s’oi nonmer

880

Sout que Deu la faisoit parler

car ele ne sout pas sun nun

Se par le Saint Esperit nun

Un de ses dras puis lui geta

& la dame sa aproisma

885

al drapel en vint Marie

de son cors en covri partie

Quant del drapel est afublee

Vers le saint home s’est tornee

Sire dist ele dulz amis

890

car me di que as ici quis

ci poez veer une dolente

ki en guast plore. & gaimente

por les pechiés que ela a faiz

Qui tant sunt horibles & leiz

895

N’est hom kis oit n’en ait pesance

ore en faz ci la penitance

Quant li sainz huem l’oi si parler

de pieté conmence a plorer

as piez lui fait afflictiun

900

& lui requiert beneicun

la dame li rechiet a ses piez

mult par crient ses pechiez

merci lui crie mult sovent

& cil la lui crie ensement

905

Zozimas se gist en la place

l’eue lui cort parmi la face

tele angoisse a que tot tressue

par la barbe que a chanue

lui decort aval la suour

910

la dame prie par amor

Que por lui face oreisun

& lui doinst sa beneiçun

Sire dist ele dulz amis

tu m’as beneiçun requis

915

Jeo ne vei par que soit raisun

Que jeo te doinse beneiçun

car tu es prestre messe chantant

por ceo est mult plus avenant

ke tu la doinses a mei

920

ke jeo la doinse a tei

cungie as de messe chanter

ta main pues metre sul l’alter

Deu conist bien ton sacrefise

tote ta vie m’as aprise

925

Servi l’as des t’enfance

en lui pues aveir grant fiance

mult aras grant gueredun

mais ore voil ta beneiçun .

22v

dame respunt Zozimas

930

Ja ma beneiçun n’auras

Se tu premier ne la me fais

deci ne leverai jamais

por faim ne por nule sofraite

desques vos la m’aies faite

935

ore veit bien & entent Marie

Que li sains huem ne levera mie.

& ke tot ceus iert en oreisun

Sil ne n’a sa beneiçun

torna son vis vers orient

940

deprie Deu omnipotent

Deus dist ele Reis Creator

Pere tei lo. & tei aor

Sire beneit soies tu

& tote la toue vertu

945

de nos pechiés nos fai pardun

puis aurun ta beneiçun

Dunc s’en leva Zozimas

Grant plainte jeta car molt fu las.

& Marie parole o lui

950

mult s’entresgardent andui

ele lui conmence a demander

& bien sovent a entercier

des rois. des cuntes de la terre

Sil unt pais ou il unt guere

955

mais Sainte Iglise a grant bosoin

Que por lui facés oreisun

Que Deus otreit pais durable

& la deffende del Deable

Marie lui a respundu

960

Deu l’otrit par sa vertu

ele deprie le Creator

mult piement . & par amor

Si que la bouche ne li moveit

Ne nule voiz n’en isseit

965

de la terre fu sempres ravie

Si que ele n’i atouca mie

Zozimas out poour grant

Dampnedeu traist a garant

ke plus de deus piés . & demi

970

aveit entre la terre. & lui

la ou ele faisoit sa proiere

tant l’aveit Nostre Sire ciere

de la poour qu’out Zozimas

Si cunmence aler le pas

975

Quida fantosme aveir trové

ariere s’est alques rausé

Quant Marie l’en vit torner

cunmence lui a demander

cheles dist ele Zozimas

980

bel chier pere por que dotas

porquei dotes une femme

Saces que jeo fui crestiene

baptizee fui en m’esfance

en Deu ai tote ma creance

985

ci sui por espeneir

N’en tornerai desque al morir

Sa destre main leva amunt

la sainte croiz fist en son front

li sains hermitez bien le vit

990

as piés a la dame chait

ele le ressaie a lever

de maintenant cunmence a plorer

23r

dame dist il saintisme femme

dunt iés nee. & de quel regne

995

descovre mei tote ta vie

por Deu ne la me cheler mie

di la mei por confessiun

Que Deu te face veir pardun

Sire ceo respunt Marie

1000

Jeo ne te celerni mie

Quant m’as nue esgardee

Ja ma vie ne t’iert celee

trestote la descovrirai

Si que mot n’en celerai

1005

dunc cunmence a cunter Marie

rien ni lait qu’ele ne die

tote sa vie a cuntee

des icele ore qu’ele fu nee

mais dementiers qu’ele contout

1010

poez savoir que grant honte out

Quant ele lui a contee sa vie

as piez lui chiet merci lui crie

Zozimas a oi sa vie

le Creator en glorefie

1015

merci rent al Creator

& puis li dit par bele amor

dame por quei chiez a mes piez

por Deu te pri que tu t’en levez

N’est pas en mei la digneté

1020

Ne ne sui de l’auctorité

a ceo que t’oi acunter

ke jeo sol. te doie esgarder

Unc mais la toue per ne vi

dame aies de mei merci.

1025

par charité conseille mei

Se poroie remaneir o tei

a Zozimas respundi Marie

ainz t’en iras en t’abeie

mais ne te chaut dire ma vie

1030

desque jeo soie finie

Se Deu m’a a tei mostree

por ceo voudrai estre celee

al abé Johan parleras

cest mesage lui porteras

1035

des oeilles prenge cure

car tel i a qui trop s’aseure

prenge cure de els garder

car il li serunt demande

mais quant vendra un an tens

1040

enferme seras si cumme jeo pens

Quant ti per .& ti conpaignun

S’en istrunt fors de la maisun

& li jors vendra de Quaresme

Que chascun de els ira sun esme

1045

en tun lit t’estovra gisir

Ne poras pas o els issir

mult iert grant oés del reposer

Ne poras o els aler

Quant paser iert la Quaranteine

1050

& le jor vendra de la Ceine

Gari seras si cum jeo crei

dunc te pri venir a tuei

le cors Nostre Seignor mais

en un vaisel qui mult seit nait

1055

de sun sanc en altre vaissel

ceo garde que mult seit nait .& bel

23v

& quant tu le m’aporteras

plus pres de tei me troveras

& por ceo me serai aproismee

1060

Quant te verai mult serai liee

Saciez que serai al tiers an

encontre tei al Flun Jordan

Iloc serai acumeniee

Por ceo serai aproismee

1065

desques passei le Flun Jordan

desos le mostier Saint Johan

Ne recui le cors mun Seignor

en qui est tote ma douçor

Ne ne vi home fors sol tei

1070

aler m’en voil prie por mei

ore s’en est la dame tornee

el grant desert s’en est alee

Quant li buens huem la vit torner.

Sus ses piez ne pont ester

1075

o les oilz la vit el desert

mult a grant duel quant il la pert

a la terre s’est agenoilliez

la ou ele aveit tenu ses piez

baise la terre mult sovent

1080

& loe Deu omnipotent

Deu dist il loez soies tu

ki en femme as mise tele vertu

sire tei puisse jeo aorer

Qui la lessas a mei trover

1085

puis lui membre de sun mostier

dunc si cunmence a repairier

repaira son a sa maisun

ensement sunt si cumpaignun.

Li abés Johan fu mult liez

1090

Quant toz les vit repairiez

chascun de els s’est bien teuz

de ceo qu’il unt fors veuz

Nul n’i aveit novelier

Qui s’en vousist gloirefier

1095

bien les gardont li abés Johan

& quant ourent passé l’an

le premier jor vint de Quaresme

chascun de els ala sun esme

en sun lit se vit Zozimas

1100

malade fu n’i ala pas

a maisun l’estuet reposer

maladez fu n’i pout aler

Sout que veir fu la prophetie

kil aveit oi de Marie

1105

mais quant se sent gari

dunc a pris corpus domini

le sanc precious ensement

por faire le cunmandement

dunc la dame l’en out prié

1110

Quant il prist de lui cungié

Zozimas cunmença sun oire

o sei porta un poi de çoire

& des lentilles ensement

N’a soing d’altre forment

1115

al Flun Jordan vint Zozimas

Quant il i vint vespre fu bas

trover quida iloc Marie

mais n’i esteit uncore mie.

crient de la rien que plus coveite

1120

Que sun pechié lui ait tolaite

24r

Deu dist il Roi de majesté

Ne me laisse ici esgaré

lai mei uncore veer la femme

Qui n’a sa por en cest regne

1125

cumment passerai le Flun Jordan

Quant n’i a nef ne chalan

pere de tote creature

de ceo poez prendre cure

tant par est grant ta poesté

1130

Que tot est par ta volenté

Quant il out sa oreisun finie

outre le Flun vit Marie

Suz la rive la vit ester

Si la conmence a apeler

1135

dame ceo dist Zozimas

bele mere cumment le feras

cunment paseras tu vers mei

Quant ne puis passer a tei

conment paseras le Flun Jordan

1140

Quant il n’i a nef ne chalan

Quant Marie l’oi parler

de pieté cunmence a plorer

dedenz le Flun s’en est entree

a Dampnedeu s’est conmandee

1145

Suz l’eve rade vait sous dotance

oez cumme fu de grant creance

Suz le eve s’en vait grant pas

mult s’esmerveille Zozimas

a la rive est venue

1150

Vient al saint home sil salue

aprés lui est chaet as piez

mult par crient ses pechiez

as piez lui fait aflictiun

requiert lui sa beneicun

1155

li sains l’essaie a lever

des oilz conmence a plorer

N’osa suz lui faire seignacle

Quant Deu fait por lui miracle

Quant de la terre l’a levee

1160

el nun de Deu l’a baisee

la Credo in Deum belement

& la Paternoster ensement

Quant ourent fait lor parlement

li saint lui mostra tel present

1165

cum est le cors Nostre Seignor

par quoi serunt sauf pecheor

Zozimas le tint en sa main

dame dist il ceo semble pain

mais ceo est le cors Nostre Seignor

1170

par qui serunt sauf pecheor

en croiz fu penei & ocis

Ja huem n’ara paradis

Se il nel receit en sa vie

ceo croi jeo bien dist Marie

1175

encore ai jeo en ma creance

kil fu feru d’une lance

por le forfait del premerain home

Qui fu engané par la pome

li sains l’oi si des raisaer

1180

mult se prist a merveillier

le sacrefise lui mostra

la sainte femme la oura

Il lui dona. & cele le recus

Le cors usa. & le sanc but

24v

1185

Quant ele fu acumeniee

unques de rien ne fu si liee

Deus dist ele Rois Creator

Pere tei lo . & rei aor

Beau Sire oez ma raisun

1190

& si me rent mun gueredun

Quarante. & treis anz . t’ai servi

Des ore aies de moi merci

& fai de ta fille tun plaisir

des ore voudrai morir

1195

& se te plest que vive plus

Sire pere pas nel refus

ceste vie ne refus pas

tant la voil cum tu voudras

mais se une feis estoie o tei

1200

Neu torneroie mes ceo crei

Quant s’oroisun out achevee

Vers le saint home s’est tornee

Sire dist ele Zozimas

chier pere or t’en repaireras

1205

Ne metez en teus en oblier

ke ne vengiez a mei parler

del Flun Jordan passe la rive

Si me troveras morte ou vive

la ou tu primes me troveras

1210

la d’iloc ne me poseras

dame ceo dit Zozimas

Ne me refuser ore pas

Se tu fais le mien desirier

de nostre fruit t’estuet manger

1215

lentilles traist de sun saçun

N’i aveit altre garisun.

Il lui tendi desuz ses deus mains

& la dame en manja creis grains

de l’eve but senz nule sei

1220

puis lui a dit prie por mei

a icest mot s’en est tornee

en une oure fu tresportee

en icel lieu qui mult fu chier

ou Zozimas la vit premier

1225

Quant a cel lieu fu parvenue

ou Zozimas la trova nue

a la terre s’est reposee

& a Dampnedeu cunmandee

Deus dist ele qui me fesis

1230

& en mun cors alme mesis

a tei la puisse jeo livrer

& otrier. & conmander

ore sei bien que tu m’as chiere

Quant as oie ma proiere

1235

Sevrer me voil de ceste vie

ci vei venir ta conpaignie

Jeo crei que ele vient por mei

m’alme & mon cors conmant a tei

dunc est a la terre estendue

1240

Si cumme ele ert trestote nue

Ses mains croisa suz sa poitrine

& s’envolepa dedens sa crigne

l’alme s’en vait en pais durable

Unc n’i osa venir Deable

1245

en l’angelien conpaignie

S’en ala l’alme de Marie

le cors de lui remist tot nu

Fors d’un drapel tot derumpu

25r

ki en covri une partie

1250

povrement fu ensevelie

a terre gist le cors Marie

tot ne senz conpaignie

N’out el desert tant beste fer

ki unc i osast aproismier

1255

Suz lui n’osa oisel voler

tant la vout Deu honorer

tant grant miracle por lui fist

ke unkes la char ne malmist

Ne por neif. ne por chalour

1260

N’en issoit maese flairour

tant fu le cors a enterrer

Que l’an fu trestot passe

Zozimas ne se oblia mie

repaire en sa abeie

1265

mais durement fu iriez

li sains quant fu repairiez

ke o la dame aveit parlé

& son non n’aveit demandé

mais cum ainz pout prist le cungié

1270

cum il peust issir del mostier

& passe fu tot icel an

mult tost passa le Flun Jordan

par le desert quiert la moillier

o mult merveillons desirier

1275

tant l’a quist par le desert

kil vint la ou le cors iert

mas ainz kil l’eust trové

mult par fu esgaré

Pere fait il qui me fesis

1280

mostre mei ceo que ai quis

Saciez deci ne moverai

avant ne ariere ne irai

desque voie encore la femme

Qui n’a sa per en tot le regne

1285

Ja ne vivrai si cum jeo crei

Se morte ou vive ne la vei

Lai mei veer le cors Marie

Jeo crei que ele soit finie

Ja esgaré ne me lessast

1290

Se ele me seust en cest guast

pere se tu de moi as cure

lei mei veer sa sepulture

Quant il out sa oreisun finie

Deu lui mostra le cors Marie

1295

vers sa destre a esgardé

Si a veue une clarté

Une clarté vit en un lieu

primes quida que ceo fust feu

a la clarté sost aproisme

1300

le cors trova mult se fist lie

a la terre gist estendu

por un petit ne fu tot nu

Sun vis teneit vers oriant

& les oilz clos avenanment

1305

Sa crigne suz sun viaire

Ni aveit altre suaire

al cors s’aproisma Zozimas

Suz lui posa un de ses dras

les piez cunmence a baisier

1310

al cors n’osa aprocier

Il esgarda amunt al chief

letres vit cumme en un brief

25v

es letres que li sains huem vit

ert cest commandement escrit

1315

Zozimas pren le cors Marie

Sel seveliz o Deu aie

Quant tu l’aras enseveli

prie por lui toue merci

les letres erent de bun tur

1320

cum sil fussent faites le jur

& quant out fait sun mestier

& dit les salmes del salter

dunc le veissiez esgaré

Quant rien n’aveit aporté

1325

dunc il peust la terre ovrir

al saintisme cors enfouir

Un fust trova par aventure

Fouir en vout la terre dure

tot tresue dedens sa haire

1330

& nule riens n’i pout faire

grant bosing a d’aie

enz el desert por Marie

Deu lui tramist un compaignun

Nul altre fors un leun

1335

Un leun issi del desert

Si aproisma ou le cors ert

les piez li cunmence a baisier

mais al cors n’osa aproismier

Signe faiseit de obeir

1340

& qu’il voloit servir

Quant Zozimas vit le leun

N’out cure d’itel conpaignun

N’out soing de sa conpaignie

se Deu lui donast altre aie

1345

premierement vout fuir

Quant le vit al cors venir

mais quant le vit si privé

& de tant grant humilité

& tant suef cumme aignel

1350

Iceo saciez mult lui fu bel

Sot que Deu lui a tramis

puis li dit bials amis

ceste dame par nun Marie

Qui mult par fu de sainte vie

1355

par mei veut estre enfouie

mes grant bosoing ai d’aie

Se me voliez aier

cest cors voudroie enterrer

le leun est agenoilliez

1360

del conmandement fu mult liez

oez cum il sont obeir

la terre conmence a fouir

Il fuet la terre dure

Li sains lui mostra la mesure

1365

o les piez devant la fuet.

o cels deriere la ruout

Grant fu la vertu del leun

Quant il esrachout le sablun

Se quatre homes i eust mis

1370

ki eussent besques. & pies

anceis se peussent crever

ke il peussent tant ovrer

la fosse fu senpres cavee

& de la terre bien curee

1375

Zozimas fu lie qui ceo vit

devers le chief le cors saisist

le leun l’a as piez pris .

en terre l’unt els deus mis.

26r

Quant en terre unt mis le cors

1380

Zozimas s’en est issu fors

& fist la cunmendatiun

Senz ajutoire del leun

Mais quant vint al covrer

Nel estuet pas amonester

1385

tote la terre auneit

Suz le saint cors la remeteit

& quant l’out aune

Sa obedience out achevee

a terre s’est agenoillé

1390

Signe fist de prendre congié

dunc s’en est ariere torné

el grant desert est repairie

Quant Zozimas l’en vit torner

Dampnedeu conmence a loer

1395

Deu dist il loez soies tu

tant par est grande ta vertu

bien m’as mostré par Marie

Que mult est fol qui tei oblie

or vei . & crei senz dotance

1400

Que fort chose a en penitance

Nul jor senz espeneir

Ne serai desques al morir

Ja de mun cors merci n’aurai

toz jors nies espeneirai

1405

ore conmence a repairier

plorant s’en vait vers sun mostier.

ensement funt li conpaignun

tuit s’en repairent en maisun

Quant tuit furent en lor ostal

1410

en lor capitre cumunal

Zozimas conmence a parler

car il ne se voudra mes celer

del Egyptiene Marie

lor a conte tote la vie

1415

cum il la trova el desert

el lieu delitable ou il ert

& cum il la trova finie

al tiers an. & desenfoie

del nun qu’il trova estrit

1420

& del duel que il fist

plus lor a cunte del leun

cum il l’out a conpaignun

& cum il vint el secunt an

cuntre lui al Flun Jordan

1425

& cum ele a pie ala suz l’unde

del eve que tant ert parfunde

les moignes oent trestoz ses diz

a Deu en rendent grans merciz

li abés plore tendrement

1430

& tuit li altre ensement

N’i out nul qui n’ament sa vie

par la deserte de Marie

& nos meismes nos amendun

car grant besoing en avun

1435

& depriun ceste Marie

dunt nos avun oi la vie

Qu’ele deprit Nostre Seignor

de qui ele out si grant amor

kil nos pardoinst nos pechiez

1440

toz les novials. & les viez

& lui puissun faire present

de nos almes al Jugement. amen.