T-C

Oxford, Corpus Christi College, 232

show the code

# Load the xml2 package
library(xml2)

#Path to xml file
path_xml <- "data/T-C.xml"
# function to create html from xml
convert_xml_to_html <- function(xml_file, 
                                version_name = c("minimal", "intermediate", "extensive"),
                                min_line = NULL, 
                                max_line = NULL) {
    
    # Check if the version name is valid
    version_name <- match.arg(version_name)
    
    # WHITESPACE PRESERVATION: Apply placeholders before xml2 parsing
    # Read the entire XML file as a single string (avoids readLines warnings)
    file_size <- file.info(xml_file)$size
    raw_xml <- readChar(xml_file, file_size)
    
    # Replace whitespace between elements with placeholder tags
    processed_xml <- gsub("(</[^>]+>)\\s+(<[^>]*>)", "\\1<SPACE/>\\2", raw_xml)
    
    # Now parse the XML with placeholders in place
    xml_file <- read_xml(processed_xml)
    
    # Extract both <l>, <cb>, and <pb> elements
    lines <- xml_find_all(xml_file, "//text//l | //text//cb | //text//pb")
    
    # Initialize an empty list to store the processed lines
    processed_lines <- list()
    
    # --- NEW: state for folio handling and range tracking
    line_count <- 0
    in_desired_range <- FALSE
    last_folio <- NULL           # most recent <pb n="..."> seen (always recorded)
    folio_emitted <- FALSE       # ensure we only inject the prelude folio once
    need_prelude_folio <- FALSE  # signal to inject just before first kept line
    
    # Function to process each element with whitespace preservation
    process_line <- function(line) {
        
        # Handle page breaks: always record latest folio, render only if in-range
        if (xml_name(line) == "pb") {
            last_folio <<- xml_attr(line, "n")  # record regardless of range
            if (!in_desired_range) return(NULL) # do not render until we're in range
            return(sprintf("<div class='folio-number'>%s</div>", last_folio))
        }
        
        # Only increment line count and compute range for verse lines
        if (xml_name(line) == "l") {
            line_count <<- line_count + 1
            
            # compute whether *this* line is in range
            current_in_range <- if (is.null(min_line) && is.null(max_line)) {
                TRUE
            } else if (is.null(min_line) && !is.null(max_line)) {
                line_count <= max_line
            } else if (!is.null(min_line) && is.null(max_line)) {
                line_count >= min_line
            } else {
                line_count >= min_line && line_count <= max_line
            }
            
            # detect first entry into range (FALSE -> TRUE)
            if (current_in_range && !in_desired_range) {
                need_prelude_folio <<- TRUE
            }
            in_desired_range <<- current_in_range
            
            if (!in_desired_range) return(NULL) # Skip lines outside our range
            
            # Add line number div every 5th line
            line_number <- if (line_count %% 5 == 0) {
                sprintf("<div class='line-number'>%d</div>", line_count)
            } else {
                ""
            }
        } else {
            # Non-<l> elements (<cb>, etc.)
            line_number <- ""
            if (!in_desired_range) return(NULL) # Skip non-line elements outside range
        }
        
        # Process emph elements (decorative initials)
        emph_elements <- xml_find_all(line, ".//emph")
        for (emph in emph_elements) {
            # Get the initial letter text
            initial_letter <- xml_text(emph)
            
            # Get the size attribute (n) and style attribute (rend)
            size_attr <- xml_attr(emph, "n")
            style_attr <- xml_attr(emph, "rend")
            
            # Create the HTML for the styled initial
            styled_initial <- sprintf('<span class="decorative-initial %s" data-size="%s">%s</span>', 
                                      style_attr, size_attr, initial_letter)
            
            # Replace the emph element with the styled HTML
            xml_text(emph) <- styled_initial
        }
        
        if (version_name == "minimal") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                # Extract the text from the <orig> tag
                orig_text <- xml_text(xml_find_first(choice, ".//orig"))
                # Remove all children and set text directly
                xml_remove(xml_children(choice))
                xml_text(choice) <- orig_text
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "intermediate") {
            # Find all <choice> elements within the line
            choices <- xml_find_all(line, ".//choice")
            for (choice in choices) {
                abbr_exists <- xml_find_first(choice, ".//abbr")
                expan_exists <- xml_find_first(choice, ".//expan")
                # First check if there's an intermediate tag
                if (!is.na(abbr_exists) && !is.na(expan_exists)) {
                    intermediate_node <- xml_find_first(choice, ".//expan/intermediate")
                    if (!is.na(intermediate_node)) {
                        # If intermediate exists, use its text
                        text_to_use <- xml_text(intermediate_node)
                    } else {
                        # If no intermediate, use reg text
                        text_to_use <- xml_text(xml_find_first(choice, ".//expan/reg"))
                    }
                    xml_remove(xml_children(choice))
                    xml_text(choice) <- text_to_use
                } else {
                    orig_text <- xml_text(xml_find_first(choice, ".//orig"))
                    xml_remove(xml_children(choice))
                    xml_text(choice) <- orig_text
                }
            }
            # remove any <reg> entirely
            reg_elements <- xml_find_all(line, ".//reg")
            xml_remove(reg_elements)
            
        } else if (version_name == "extensive") {
            # remove <orig> entirely
            orig_elements <- xml_find_all(line, ".//orig")
            xml_remove(orig_elements)
            # collapse <choice> to <reg>
            choices <- xml_find_all(line, ".//choice")
            for (choice in choices) {
                reg_text <- xml_text(xml_find_first(choice, ".//reg"))
                xml_remove(xml_children(choice))
                xml_text(choice) <- reg_text
            }
        }
        
        # Remove <lb/> tags entirely
        lb_elements <- xml_find_all(line, ".//lb")
        xml_remove(lb_elements)
        
        # Replace SPACE placeholder elements with actual spaces
        space_elements <- xml_find_all(line, ".//SPACE")
        for (space_elem in space_elements) {
            xml_text(space_elem) <- " "
            xml_name(space_elem) <- "span"
            xml_attr(space_elem, "class") <- "space-marker"
        }
        
        # Extract text
        line_text <- xml_text(line)
        
        # Clean up extra whitespace but preserve intended spaces
        line_text <- trimws(line_text)
        line_text <- gsub("\\s+", " ", line_text)
        
        # Return line with number if applicable
        return(sprintf("<div style='line-height: 1.2;'>%s%s</div>", 
                       line_number, line_text))
    }
    
    # Process each line and wrap with <div class='column-break'> at each <cb/>
    for (line in lines) {
        processed_line <- process_line(line)
        if (!is.null(processed_line)) {
            
            # --- NEW: inject the folio that immediately precedes the first kept line
            if (need_prelude_folio && !folio_emitted && !is.null(last_folio)) {
                processed_lines <- c(processed_lines,
                                     sprintf("<div class='folio-number'>%s</div>", last_folio))
                folio_emitted <- TRUE
                need_prelude_folio <- FALSE
            }
            
            if (xml_name(line) == "cb" && in_desired_range) {
                # Add a closing </div> for the previous column and an opening <div> for the new column
                processed_lines <- c(processed_lines, "</div>", "<div class='column-break'>")
            } else {
                # Process the line and add it to the current column
                processed_lines <- c(processed_lines, processed_line)
            }
        }
    }
    
    # Process lines and wrap in edition-text div
    formatted_text <- paste(c("<div class='edition-text'>", processed_lines, "</div>"), collapse = "\n")
    cat(formatted_text)
}
# PRINT "MINIMAL" VERSION
convert_xml_to_html(xml_file = path_xml, version_name = "minimal")
# PRINT "INTERMEDIATE VERSION"
convert_xml_to_html(xml_file = path_xml, version_name = "intermediate")
#PRINT "EXTENSIVE" VERSION
convert_xml_to_html(xml_file = path_xml, version_name = "extensive")

Minimal

35r

Seignurs pur lamur Jhucst

kar mescutez un petit .

Si vous dirrai cest escrit

Mut i troverez grant profit. .

ke tut est fet de verite

Ni ad un mot de fausete .

bien crei volentiers lorrut

cil ki Deu servir vorrunt .

kr a tous ki de lui nunt cure

mut est sa pole aspre e dure .

Tuz cil ki pur lamur de De

Orrunt ceste verite .

35v

De ma dame sancte Marie

LEgypciene orruntla vie .

kar sachent tuit pecheur

ki forfet unt al Creatur .

ke nul pechie nest si pesant

Ne tant orrible ne tant gnt .

Dont Deu ne face le pardon

Par foi. e par confession .

Si tous ki pernet penance

Deskarkent soi de mescance .

Si hom guerpit la merci De

Cit pechie niert ja pardone .

pur co que nest gin creature

ainz est meins ke nest nate .

kunc Deus ne criad pechie

e nepurkant si ad son sie .

en chescu hom a son hostal

Si les constreint de fere mal .

Nus home nest en ceste vie

ke tant soit sage ou nait folie .

ke sovent en pechiez chairent

Li apostres ke Deu siwirent .

pur co ne me pus mveiller

Dun cheitifkant le voi pecher .

mes de celui est gnt merveille

ki tuz jurs dort e ne se veille .

36r

en ses orz pechiez se dort

Deskatant kil sent la mort .

kant la mort viet eilla sent

Lors dit primes jo me repent .

A tant ad pris le repentir

kant il est venuz a morir .

Solunc le dit seint Augtin

Nest mie bone cele fin .

kr kant le cheitif sent la mort

Il ne peut fere droit ne tort .

Guerpit donc sa iniquite

kant na mes de soi poeste .

si plus eust saunte e vie

Oncore feist il la folie .

kant lalme sen est partie

ki li peut donc fere aie .

Nul for sul Deu ki la criad

mes co qua fet si troverad .

Ceste dame dont voil conter

Marie Loi appeler .

Egypciene est pur co dite

kele feut nee de Egypte .

Illoec feut nez e baptizez

meis malemet feist entechez .

Legiere devint a bref conte

Tant konur pdit ele e honte .

36v

Tant ert esprise de Luxure

ke dautre chose navoit cure .

put co ke tant ert bele e gente

sa fiot tant en sa juvente .

Que tut fesoit le soen pleisir

Rien ne li membrot du morir .

De dous parenz ne se gardout

A tute gent sa banndonout .

Nespoir que feust en ceste vie

Feme de si grant lecherie .

Pere e mere lui viveient

Pur poi de deul na foleient .

Il la voleient chastier

Tut coe ne prisout un denier .

Ne prisout chastoi de parent

Plus que ne fist trespas de vent .

Fille coe disoi la mere

Croiez le conseil tun pere .

Si longement tiens co mest

Trop aneruns gnt reprov .

Pu Deu te pri fille Marie

Guerpez mes ceste lecherie .

Kant ceu mester avs guerpi

Richement te dorruns mari .

Nest droiz ke soies perie

Par suffrette de nostre aie .

37r

Fille tu es de grant parage

Mut sroit dol e gnt damage .

Si tu feuses si perie

Par ta male lecherie

Tis peres est issi irrez

Ja jur kil vit niert mes lez .

e maudit tute saventure

De co ke fist tel engendrure

Kant Marie lout parler

100

Trop li grevout lescuter .

Tut quke sa mere out dit

Forment lavoit en despit .

Ne pere.mere. ne parant

Ne prise vaillant un gant .

105

Pur parfere sa volentez

Sen fuit eu autre regnez

Tut son parente guerpit

unke pus nul dous ne vit .

Issi sen ala come Lere

110

Sanz seu de pere ou de mere

En chemin entra Marie

Onc ne demanda copaignie .

en Alisandre estoit venue

Au chief de la plus mestre rue

115

Chief le metz prist son hostal

Illoke fist son cors venal

37v

ele estoit blanche come flur

Des juvenceaus avoit lam .

Trestuz vienent au bordel

120

Pur sa beaute li juvencel

e le les recent volentiers

Nient sulemet pur lur denies .

Mes pur acomplir son delit

Les avoit od lui tute nuit .

125

en son delit ert ententive

Chescun hure la cheitive .

kar boire e mang e luxure

co ert en fin la sue cure .

kant ele levoit du mang

130

Od les garcons alout juer .

Tant par amout ces aveaus

Ne pensout for de beaus apeaus .

Li juvencel tut li plusur

erent si espris de samur

135

ke devat son us en lentree

Feseient de eus meite mellee

e de gisarines e des espeies

Sentre doneient gnz coleies

Li sancs ki iert espanduz

140

Corut aval par les paluz

La cheitive qui co voit

Onke pour nel enpernoit

38r

Si un morroit de ses amanz

ele avoit contre quatretanz .

145

Tut veist ele dous oscis

Ja plus tart ne froit un ris .

Ne cil qui ert pur li naffre

De lui ne serroit visite .

Plus amot a seins juer

150

ke les malades visiter .

en Alisandre estoit Marie

Ou tant demena fole vie .

Illoc a compli ses talanz

La chaitive e jurs e aunz .

155

La vile ert p li empiree

Sestoit par li maumenee .

e li pais tout environ

Si ert en gnt perdicion .

De sa beaute de sa figure

160

Si cu il est en escripture .

Voil un poi dire le semblat

Ainz co ke jo pas avant .

Ai ceu tens nert si belefeme

kar ele estoit sur tutes geme .

165

Onke cuntesse ne reine

Not el chief si bele crine .

Rondes avoit les oreilles

Tresblanches eret amveilles .

38v

Les surcius noirs e avenanz

170

e les oils clers e suz rianz .

La buche petite par mesure

e simple avoit la regardure .

La face tendre e coluree

Cum rose q sempres est nee .

175

Ne ja au nes nau mentun

Na parceussez meffacon .

Par sum le col blanc co ermine

Lui undoit la bloie crine .

Chascun des tianz la dame

180

Niert pas maire dune pome .

Suz la gule en la peitrine

ert blanche come fleur despine .

Lung bz avoit e blanche mains

Les dois ronz.greilles e pleins .

185

Gent cors avoit e bien moullez

Desuz lessele les long costez .

Ne feut trop gnt ne trop petite

Sa facon niertja descrite .

Ne la beaute de ceste dame

190

Niert ja descte pur nul aume .

Tant ert cortoise de parler

Riens ni avoit kamender .

A pleindre fist teu creature

Qnt de sun Creatur not cure .

39r

195

ele recevrit mut presenz

Sen achatot beau vestemez .

Bons dras avoit e avenanz

Pur menz pleire a ses amaz .

ele navoit soign de ds de leine

200

Par nul des jurs de la sumeine .

Ainz vesteit bliauz de osterin

e affublout mantel dermin .

Sollers bien peinz de cordewan

Chaucot trestuz les jurs del an .

205

Trestuz cous de la cite

Lamoient pur la beaute .

Li ancien hom e li sage

Disoient.hai.queu damage .

Tant mar fu nee la dolente

210

Tant fet a pleindre sa juvete .

Mar feut onke la sue vie

Quant si est pleine de folie .

Tuz diseient par la citez

kele estoit de gnt parentez .

215

kar a tuz respont par reison

e tant ert bele de fascon .

ke li fiz dun empereur

La peust prendre a gn honur .

Ce fu en may un mois deste

220

kele ert au mur de la cite .

39v

Si regardat aval au port

Ou soleit fere son deport .

Ariver vit une galie

ke de Libie ert eschapeie .

225

Tute ert pleine de pelerins

De veu genz e de meschins .

en Jerusalem sen aloient

par bon corage se hastoient .

pur estre a tens a une feste

230

ke de la Croiz i devoit estre .

Cil qui estoient plus leger

Se sai lirent fors al graver .

main amain sewut juant

par la rive lui enfant .

235

mes qnt les aparceut Marie

Ne peut muer que ne rie .

pres de lui vit vu home ester

comenca lui a demander .

Sire fet ele kar me di

240

pur lamur Jhu co te pri .

Queu part irrunt cil barun

ke la sunt issu del dromun .

e si porroie od eus aler

kar mes nai soin ci demorer .

245

aler men voil de la cite

Ceo mest vis trop i ai este .

40r

Li prodome lui respont

en Jerussalem irrunt .

Sews lur avez ke doner

250

Le meuz purras od eus aler .

par Deu sire dut la dolente

assez ai bele la juvente .

mun cors lur metti a bandon

Jo ne lur pus fere autre don .

255

Ne lur dornai autre Loer

k jo nai meskun sul dener .

kant li prodom out la folie

Ne peut muer ne sen rie .

kant ad oi le covenant

260

Guerpist la si senveit riant .

e la dolente sen turnad

Unc al hostel ne reperrad .

Aval sen vait gnt aleure

Si cu la menout saventure .

265

Unc ne fina treskau vessel

Ou estoient lui juvencel .

mes a cous parla premer

ki sesbanoient el graver .

A ous parlat auke brefmet

270

Teu sen com ad lur en despet .

Seignur dist ele pelerin

De vous mette en bone fin

40v

e vous doint teu volente

ke vous me facez charite .

275

Je sui ci une povre feme

e sui nee dautre regne .

De Egypte sui jo nee

en cest pais sui esgaree .

Jo ni ai ami ne parent

280

Si mesta mut fieblemet .

Jo nai od moi argent ne or

Tut poez ver le mien tresor .

Jo ni autre manauntie

Mes mut pris vre copaignie .

285

Sen cel vessel od vous estoie

mut volenters vos serviroie .

Si men vorroie od vous aler

Se vous me voliez mener .

Ja pur mener une cheitive

290

Ne vendrez plus tart a rive .

Respondirent li juvencel

venez od nus mut nus est bel .

Sus en lei nef la fut munter

Tantost se firent desanncrer .

295

De la rive tost sesloignerent

Deskant a nager comecerent .

Onc ne finerent li bacheler

Tant kestoient en haute mer .

41r

en haute a dreite veilles.m

300

Tute nuit curent as esteilles .

mes du dormir ni out nient

kar Marie le lur defent .

prem les prent a tastuner

Apres les comencez acoler .

305

Apres lacoler a beiser

e en tuz sens a losenger .

Nen iot un tant querus

Feust juvencel ou veuz espus .

kunqz peust prendre respit

310

ke ne pechast od lui la nuit .

Tant fu quointe de son mester

ke chescun fist en lui pecher .

kant ele vit les hautes undes

Les merveillus e les pfundes .

315

e vit venir la grant oreste

ka menout la grant tempeste .

Li soens estres estoit mut liez

De rien ne cremeit ses pechiez .

Tuz les pourus confortout

320

e a amer les enviout .

en tant lavoit luxure esprise

Tute nuit ert en la chemise .

salout les nuiz par tuz les liz

Pur acomplir lur deliz .

41v

325

e cil a grant gre lacolerent

e lur volentez acomplirent .

merveille ert dune feme sule

ke pout servir si grant fule .

mes de co nestot doter nulli

330

ke Diable ne feust ove lui .

ki mut volentiers la neiast

se Nostre Sire lui lessast .

mes il la garri bie de mort

e la fist venir an port.

335

Quant Marie fu arivee

Dolente feut e esgaree .

Suspire e se pleurt a la rive

Ne seit que fere la cheitive .

el ne ne conut home ne feme

340

mut li semble estnge regne .

A la parfin se purpensat

ken la citie sen irrat .

e frat ilokes son mester

Nad soin sa vie amender .

345

en Jerussalem est entree

Ore oiez de la maleuree .

unc ne targat de pecher

einz comencat a empirer .

Ha : Deu come gnt pdicion

350

Ainz q venist al invencion .

42r

De la Saincte Croiz auree

ke devoit estre honuree .

Tant out empire si tost le lu

meuz li feust estre gille de fu .

355

kar ele decevoit la juvente

Od co kele ert si bele e gente .

Li juvenceaus de la cite

erent espris de sa beaute .

Ne demura kun petitet

360

ke la grant feste ne veneit .

Li haut jurs del invencion

Lores vient la procession .

Des pelerins de utre mer

ki vont au temple purvrer .

365

Al temple vont par bon corage

Come pdome e come sage .

k tant les aparceut Marie

Tost se jont a la compaignie .

Tut dedenz la procession

370

Nunpas par bone entencion .

Lui pelerin ki la voient

Sa volente point ne savoiet .

k sil seussent la soue vie

Ja od eus neust compaignie .

375

Sur les degrez sut ja mutez

Dedenz le temple sunt entrez .

42v

Dedenz entrat la compaignie

mes unc ni pout entrer Marie .

kant ele voleit avant aler

380

Ariere lestuvoit reverser .

Dedenz la presse se meteit

mes nule rien ne lui valeit .

Ce lui ert vis son escient

Que ele veust une gnt gent .

385

ki sembloient chivalers

mut avoient les vis fiers .

Chescun tedoit vs lui sespee

e manacout la del entree .

kant ele voleit avant aler

390

Les branz la firent returner .

kant voit que niet nest del ente

en un angle sest reversee .

Lors se prent a purpenser

ke deit kele ni peut entrer .

395

Au paraler voit e entent

ke son pechie le lui defent .

De quor comence a suspirer

e des euls forment plorer .

A dou mains deront sa crine

400

Gran cops se fiert en la peitne .

Bien set deus ver lui marri

Ne lui osa crier merci .

43r

Hay: dist ele peccheriz

Tantmar estoie metriz .

405

Tantmar fesei les orz pechez

Par unt Deus est ver moi irez .

mau conseil ai tut tens eu

kant mo Creatur ai perdu .

Tant sui plein de veil ordure

410

De mauvestez e de luxuire .

Que au temple ne pus entrer

Ne Dampnedeu pere apeler .

ke ferai jo lasse chaitive

Ce poise mi que jo sui vive .

415

De quor li issent li suspir

meins prise vivre ke murir .

Regarda ver destre partie

Vit lymage saincte Marie .

ken la meisiere ert figuree

420

mut umblement lad reclamee .

Dame dist ele duce Mere

k en ton cors portal ton Pere .

Seint Gabriel en fu message

e tu li respondis come sage .

425

kant il te dist ave Marie

De la gce Deu replenie .

en toi prendrat humanite

Le Fiz au Roi de mageste .

43v

kankil dise tu lottrias

430

e sue ancele tapellas .

pur ce es ore au ciel Reine

De toi sule quer medicine .

A mes plaies que sut mortals

Ne quer autre medicinaus .

435

Dame si od tun Fiz mapaies

Bien erent sanees mes plaies .

Ci guepi jo la male vie

James ni averai ꝯpaignie .

en ton Fiz met ma creance

440

Toi met en plege e en fiance .

Que tut tens mes lui svirai

Ne ja de lui ne partirai .

Du tut guerpi jo ceste vie

e ma mauvoise lecherie .

445

Ja niert jur neaie pesance

mut iert aspre ma penance .

Mere de pitie jo crei bien

k unc ne feust si dure rien .

Ne si forte a pardoner

450

Ke si tun Fiz en veus proer .

semps ne nait pdon par toi

Dame aiez ui merci de moi .

uncore ai jo ema creance

ke tun Fiz feut a ta nessance .

44r

455

Il mist en toi virginte

Apres i mist sa deite .

mut gnt mveille fu del pe

ki de sa Fille fist sa Mere .

Il prist de toi humanite

460

konc ne perdis virginte .

Il est ton Fiz si rest tun Pe

Tu es sa Fille e res sa Mere .

mut fu co merveilluse chose

kant del espine issit la rose .

465

e de la rose issit le fruit

Par ki Diable fu destruit .

un nu avoms cest Marie

mes mut divse est nre vie .

Tu amas tut tens chastetez

470

e jo luxuire e maveistez .

Diable avois a enemi

e jo lai tut tens servi .

Dot de la toue humilitez

Ne nasqui feme enul regnez .

475

Jo sui povre e orguilluse

e de mon cors Luxuriuse .

Li Nostre Sire toi amad

e moi chaitive refusad .

moi refusad e amad toi

480

Dame eiez merci de moi .

44v

Dame tu portas le tresor

ke meuz vaut karget ou or .

De toi prist char le Fiz al Rei

ki sant Johan mustr al dei .

485

Veez dist il li Aigneau De

Par ki le mund sra salve .

mes kant coit lui Enemis

ki nus getat de paradis .

kil devoit le mund sauver

490

Bien tost le quidout enginn .

Cume il fist le pmehome

kil deceut par la pome .

Par trois foiz le assaiad

Li leres. riens ni espleitad .

495

mes qnt le vit arme si fort

Par treison li basti la mort .

mut fu la mort boneuree

Dout la vie feut recovree .

Se li Fiz Deu ne fust occis

500

Ja hom nentst en paradis .

Par la mort pst il la vertu

Dont li Diable estoit vencu .

Lui occis venquit lossceur

Dutut le mist a deshonur .

505

Denfern brisat la serure

e rumpit tute la closture .

45r

fors engeta sa compaignie

ki du Diable estoit ravie .

Il les couduit a som Pere

510

A la gloire .ou il ere .

Puis revint par gnt vtuz

A son cors dont esteit issuz .

A ses apostles apparut

e qrante jurs od eus feut .

515

mustra lur la novele Ley

e puis beisa chescun par sei .

Comanda lur sa doce Mere

el ciel muta pus a son Pere .

Du ciel lur tramise ten confort

520

Dut nuls ne dota pus la mort .

Le Seint Espirit lur tramist

ki tuz languages lur aprist .

Ore siet au destre sun Pere

e tu od lui sa duce Mere .

525

Quant il vendrad al Jugemet

Al sen secund avienement .

Tu serras en sa compaignie

Cume la sue chiere amie .

Tuz jugerad e morz e vifs

530

Li bons irrunt en paradis

Li maus irrunt en fu durable

Illoc les penerunt Diable .

45v

Virgne e Reine coronee

ki tant par es bonuree .

535

Que celi portas en to vetre

ki le mund ne peut ꝯpndre .

Si cum jo crei co ke jo di

Dame eiez de moi merci

Al chievement del ureiso

540

Li fesoit Jhesus le pardon .

Del ureison leva Marie

De sun novel Seignor se fie .

en lui met tote sa fiance

el temple ent sanz dutace .

545

Tut i entra sanz desturber

Si vait oir le Deu mester .

Od tremerveilluse pour

Aurout la Croiz son Seign .

mes kant ellavoit auree

550

De Deu fuit tote espiree .

kant tut conuit le Deu mest

Si revait fors du muster .

Od bone entention mebree

Droit al ymage est returnee .

555

en lui ad tote sa fiance

Conseil li qrt de sapience .

Comfaitemet ele le frat

E en queu terre sen irrat .

46r

Vint une voiz kele entent

560

ke lui ad dit apertement .

va ten al muster Saint Johan

Puis passeras al flum Jordan

A ceu must pndras mescine

Puis ten irras en la gastine

565

Illoc tes pechiez espeniras

Tuz les jurs ke mes vivas .

kant ele ot oie la voiz

Seignat sei de la seinte croiz .

Ignel pas se mist el chemin

570

Devant lui vint un pelerin .

Trois mailles lui presentat

Trois petiz pains en achatat .

Co feut tute sa sustenance

Tant cu ele feut en penance .

575

Al flum Jordan vint Marie

La nuit i prist hbergerie .

Bien ps du must Seint Joha

Sur la rive du flum Jorda .

Se herberga sanz ati

580

Un des pains manga demi .

Beut del ewe seintifiee

kant en ot beuz sestoi plulee .

Sun chief lava dela pe unde

De tuz ses pechez devit munde .

46v

585

Auques se sentit lassee

De co quavoit fet gnt jurnee .

De tere dure fist sun lit

Illoques jut tute la nuit .

Dormit . mes co fu petit

590

kar co li toli le dur lit .

par matin alad a must

si vait oir le Deu mester .

Lors conuit son Creatur

si le receut par gnt amur .

595

kant ele feut acunmeniee

Poez sauer mut en feut lee .

Puis sen entt en un calan

Utre passa le flum Jordan .

kant ele feut utre passee

600

en la forest sen est entree .

Marie veit par la gastine

sovent depria la Reine .

kele avoit mis en hostage

Le jur enceis devant sa ymage .

605

Par sa mci ne la guerpist

e du Diable la defendist .

Illoc est tute sa fiance

Ore comence la penance .

ele nad soign de repentir

610

einz se lerroit en fin morir .

47r

ele nad ke dous pains e demi

Ore ait Jesus de lui merci .

De cous ne viverad ele mie

se Deu ne li face altre aie .

615

Par le guast vert gnt aleure

en Deu se fie tute est seure .

kant ele out fete sa jurnee

suz un arbre sest acutee .

un petit mainga de son pain

620

puis dormi tskal endemain .

Tost se leva par matin

vers orient tint son chemin .

Tant alad ke jurs ke nuiz

Od feims od seifs & od dur liz .

625

ke tant parfond feut en boscage

Tote devint illoec salvage .

mes ele ne sobliat mie

De deprier saincte Marie .

sovent li mebre del ymage

630

kele avoit mis en hostage .

si drapel furent tost usez

e si souler tut deramez .

kant li drapel erent rupu

Le cors de lui remist tut nu .

635

La char de lui mua colur

keinz ert blanche come flur .

47v

ke del yver ke del este

Tut li nercirent li coste .

Colur muat la bloie cne

640

Blanche devit com ermine .

La face lui estoit bruillee

Del gnt soleil e de gelee .

La buche li ert entenvie

e denviron tote ennercie .

645

e tant avoit neir le meton

come co feust chief duntiso .

Teint e nerci erent li oil

Rien ni ot ore dorgoil .

se vos regardisez soreille

650

mut vos serroit gnt mveille .

car megres estoit e descrue

e de blanc peil tote mossue

Noire e mossue ert la peitne

Lescorce semblout despine .

655

Navoit plus char en sa tant

Ne mes ke nad en un gant .

Les bz les mains e les lung dois

Avoit plus noirs ke nule poiz .

Les ungles avoit ele mut gez

660

Si les retaillot de ses denz .

Li ventre tut lui ert caeiz

Guere ne magot.co ert droiz .

48r

Le piez lui erent escrevez

en plusur lius furent nafrez .

665

kele ne se gardoit despine

kant ele alot par la guastine .

Co lui ert vis son escient

Pur voir de co ne failli nient .

kun de ses pechiez chaeit

670

kant une espine la puigneit .

Pur co feut ele mut lee

kant ele suffri teu haschee .

Nert mveille se feust ncie

ke mut demenot aspre vie .

675

plus de qrante anz ala nue

Ne fu merveille sert mossue .

Povre despense avoit od lui

Ore ait de lui Jhesu merci .

Dous pains avoit ne guere gnz

680

De ces se garit plusurs anz .

Tut al premor devindrent dur

Cum sil feusent fet de mur .

Chescun jor en usout Marie

mes co ert petite partie .

685

kant ele out son pain use

Doncs arracot lerbe du pre .

Com autre beste la mangot

De rien ne se desconfortout .

48v

Adenz leveit un rosel

690

Dont beut not autre vessel .

Ne fet a pleindre le pechie

Dont le cors fu si chastie .

Derbe vesquit e de racine

Dis e ut. anz en la gaastine .

695

pus fu trente anz onc ne maga

si langle Deu ne lui porta .

Diables la veneient espmer

Sovent la soleient assaer .

Tut co lui firent remebrer

700

kele soleit jadis amer .

Les bons mangs e les beau lius

Ou ele soleit fere ses gius .

Lors feut ele si bonureie

ke de rien nert attameie .

705

unk en tote soue vie

Ne lui sovint puis de folie .

Ne puis entstut le boscage

Ne vit guere beste sauvage .

Nautre vive creature

710

Par la forest vait tute sure .

en plusur lius pnt son hostal

Sa vie est tute espirital .

Ore lerruns ci de Marie

Si parleru dun abbeie .

49r

715

ki feut a chief de forest.la

Si cume lestoire le retreit .

Unc Deus ne fist nule gent

Tant servissent devotemt .

A Dampnedeu lur Creatur

720

Come le firent cil seignur .

Il navoient soign de mal fere

Chascun avoit vestu sa here .

Si navoient autre estamine

For sule laspre discipline .

725

en heres erent e nuiz piez

Pur espener lur pechiez .

Nil de jurs ne il de nuiz

Ne feussent ja trovez en liz .

Tut le jur erent al muster

730

For sul al hure de manger .

Il viveient mut povremet

De pain dorge e de piment .

A tuz les venrediz del an

Viveien de noiz de glan .

735

ewe beveient non pas seigne

kar pas nestoit de fontaigne .

entrous nert pas symonie

Ne coveitise ne envie .

Navoient soign darget ne dor

740

Od Deu avoient lur tresor .

49v

Nul dous navoit propriete

Tuit erent dune volente .

Nest home ki lur bonte die

Tant esteient de sinte vie .

745

Quant veneient a Qreine

Al premer jur feseient Ceine .

Li abbes les accuminout

Le cors Jhucrist lur donout .

kant les avoit accuminez

750

Par ordre lur lavoit les piez .

Apres se vont en oreison

Cil lur feseit gent sermon .

Comandont les entrebeiser

Puis overi le hus du muster .

755

en la forest les enveout

A Dampnede les comandout .

Li seint moigne se depteient

For sul dous ki remaneient .

Nun pas pur pour de Larrun

760

kil eussent de lur maisun .

mes pur fere le Deu mester

Remistre cil dous el muster .

kar nest pas droiz en seite glise

ke la chiece le Deu servise .

765

Lui autre sen issent tuit

Tut li plus vivent de fruit .

50r

en Deu avoient gnt amur

Derbe viveient li plusur .

kant luns voit lautre el dest

770

Tost sen fuit de la ou il ert .

Issi sen alout a emblez

Par lun nert lautre saluez .

Illoc ou la nuit le perneit

Sur la freide hbe se giseit .

775

Par matin levot lendemain

Seignot sei de sa destre main .

Il ne savoit ou il alout

A Dampnedeu se comandout .

Ceste meime entenciun

780

Avoie tuit si compaignu .

Des eus pleurent tendremet

kant lur sovient del Jugemet .

Ou tuit li angle tremblerunt

De la gnt pour kil auerunt .

785

La ou verrunt le Fiz De

el siege de sa mageste .

e devant li le feu durable

Dont il tormetera le Diable .

e tote la malveise gent

790

Crucierat il tut ensement .

en puz denfern descenderut

Si ke james nen isterunt .

50v

Pur co estoient icil moigne

en la forest en tel agoigne .

795

Pur eschaper si gnt peril

estoient il en tel exil .

kant passez ert la Qretaine

e veneit au jur de la Ceine .

Jur de la Pasche Florie

800

Repeiroient tuz al abbeie .

Li seinz abes estoit mut lez

kant tuz les voit repairez .

el muster les fet entrer

Apres ous fet les hus ferm .

805

Pus erent tut lan entier

Veillanz entur le Deu mest .

Avint un an par gnt miracle

ke tuz istroient sanz obstacle .

Li abes fist co kil soleit

810

Chescuns p ordre acumineit .

encois les fist entre baiser

Pus overi les hus du muster .

en la forest les enveout

A Dampnedeu les comandot .

815

Un sevrat destre partie . se.

ki nuit estoit de seinte vie

Len lapelout dan Zozimas

mut ert vestu de povre dras .

51r

mes meuz amot ses povretez

820

ke nul quens ses gnz contez .

en la forest parfundement

Se mist od povre furnement .

ermites i quida trover

Od ous voleit de Deu parler .

825

mes qnt il ot fet vint jurnees

ke mut erent desmesurees .

cuit ke nul ne pout trover

corage nout davant aler .

endroit middi comece un hure

830

Reclaime Deu. e si laure .

kant il out sa ure finie

Turna soi vers destre ptie .

e regardat vers orient

un umbre vit son escient .

835

ki dome estoit u de feme

mes ele ert del Egipciene .

Deus lavoit illoc menee

Ne vout mes kele feust celee .

Descovir voleit le tresor

840

ke plus ert precius ke or .

Li sainz ho fu formet pesiss

kant al umbre tna son vis .

Quidat co feust enchantemet

Reclaime Deu omnipotent .

51v

845

kil le defende du Felun

e de male temptaciun .

kant loreison ert finie

La figure vit de Marie .

De Marie vit la figure

850

apertemet sanz covture .

environ li estoit sa crine

Si blanche cu peil dermine .

Li blanc cheveus e li deugez

Lui avalerent desk a piez .

855

ele nou autre vestemez

kant cous li suz levot li vez .

De fuz pareit la char broillee

Du soleil. e de la gnt gelee .

kant Zozimas vit la figure

860

ver lui alat grant aleure .

La dame kant le vit venir

Ignel pas prist a fuir .

Li seinz hom la vet chascat

e auke fueuet appelant .

865

Dame fet dist il plez a moi

Se tu od Deu as nule foi .

Je te conjur par Deu le gnt

ke tu nauges mes avant .

kant la dame oit de Deu pler

870

De joie comeca plurer .

52r

Deus dist ele duz Creatur

en toi crei jo. si taur .

Quarante sis anz a co croi

ke mes noi parler de toi .

875

Ormas un seint ho tmis

Jo ne lui os turner mo vis .

Turner ne li os ma feiture

k jo sui nue creature .

Or sest la dame areste

880

Nosat avant aler plein pe .

ele ne se vorra mes celer

Od le prodom pnt a parler .

Cheles dist ele Zozimas

Jettez moi un de tes dras .

885

De hunte nos turner v toi

Apres purras parler a moi .

kant Zozimas soit nomer

Bien sot ke Deu la fist parler .

kar ele ne seust pas son no

890

Se p le Seint Esperit nun .

Un de ses dras pus lui geta

e la dame si aprima .

Al drapel vint rusat Marie

De son cors coverit partie .

895

Kan del drapel sest affublee

Ver le seint home sest turnee .

52v

Sire dist ele duz chier amis

k me di kas tu ci quis .

Ci poez ver une dolente

900

ken cest gst plur e gimete .

pur ses pechez e se mesfez

Tant les seit orribles e leiz .

Nest ho les seust ne eust pesace

Ore faz ici la penance .

905

kant li seint ho lot si pler

De pitie comenca plurer .

As piez lui fait affliction

Si lui requort la benecon .

La dame lui rechet aspiez

910

Mut se crient de ses pechiez .

merci lui criad mut sovent

e si li recriad ensement .

Zozimas ki gist en la place

Dunt lewe li cort p la face .

915

Od gnz suspirs e gnz deuls

Mut tendremet plure des euls .

Tel angoisse ad ke tut tssue

Par la barbe kil ad chanue .

Li corut aval la suur

920

La dame requort par amur .

ke pur la gent face oreison

e lui doint sa beneicon .

53r

Sire dist ele douz amis

Tu mas benecon requis .

925

Jo nentenc pas ke soit reiso

ka toi doinge beneicon .

Tu es prestre messe chatant

Pur co est il plus avenant .

ke tu le doinges a moi

930

ke jo nel donasse ore toi .

kar Deu ta si bien regarde

De messe chant as conge

mut ert la rien seintefiee

ke de ta ma serra seignee .

935

Jo croi bien par tun sigcle

Fet Deu sur laut miracle .

ke li pains deviet son cors

e li vins sanc ken issi fors .

Deu conuit bie ton sacfise

940

Tute ta vie mad aprise .

Tu li as servi denfance

en li peus av gnt fiance .

mut en auras bon gueredo

mes ore te pri ta beneicon .

945

Dame co respont Zozimas

Ja ma beneicon nauras .

Se tu pmer ne le me fais.

Ja di ci ne leverai mais .

53v

Pur feim ne p nule suffreite

950

Ainz ke tu le maies feite .

Lors voit bie e entent Marie

ke li seinz hom ne levera mie .

Tut tens iert mes en oreison

Se il nad sa beneicon .

955

Turne soi vers orient

Depriet Deus omnipotent .

Deus dist ele douz Creatur

Toi lou jo e si taur .

Sire honure soies tu

960

e tute la toue vertu .

De nos pechez nus facez pdo

Puis aiuns Sire ta beneico .

Des ore levat danz Zozimas

en suspirant k mut ert las .

965

mes Marie lad conforte

Sovent se sut entresgarde .

ele comence a suspirer

e si lui prent a demander .

Des reis des cotes de la terre

970

Sil unt peis ou sil unt guere .

e des pasturs ke la lei tenent

Cufaitemet il se contenent .

Danz Zozimas lui respont

Deus ad mis peis p tut le mud .

54r

975

Nest home tant alast par tre

ke riens oist parler de guerre .

meis Seinte Glise ad gnt bosoin

ke pur lui facez oreison .

ke Deus li otreit peis durable

980

e la defende du Diable .

Marie lui respundi

Deu la gart par sa mci .

ele turna vers orient

Dresce ses mainsv ciel letent .

985

e Deus priat son Creatur

mut piement p gnt amur .

Si come la boche lui moveit

me nule voiz nen isseit .

De tre eut sempre ravie

990

Si kele ni attocha mie .

Zozimas ot pour mut gnt

Dampnedeu tit a garant .

ke plus ke dou piez e demi

ert entre la terre e lui .

995

Ou ele feseit sa priere

Nostre Sire lout tant chiere .

De la pour kout Zozimas

Comenca sen aler le pas .

Quida fanteime avoir trove

1000

Ariere estoit aukes reuse .

54v

kant Marie le vit turner

Souef le comence appeler .

Cheles dist ele Zozimas

Beau cher pere dot te dotas .

1005

Purquoi te vas por une feme

Sachiez ke fui crestiene .

Baptize feu en enfance

en Deu ai tute ma creance .

Il est mamur e mun desir

1010

Jol servirai geskau morir .

Sa destre main levat amut

La seinte croiz fut en so front .

Li seinz hermites bien le vit

As piez la dame si chait .

1015

e le le fist sempres lever

De rechief pristrent a plurer .

Merci dist il seintime dame

Dunt es venuz ne de qu reaume .

Descoverez moi la toue vie

1020

Pur Deu ne la me celez mie .

Di lamoi par confession

ke Deu te face verrai pardon .

Sire lui respont Marie

Ne la vous celerai mie .

1025

kant nue mas ci regardee

Ja ma vie ne tiert celee .

55r

Tute la toi descoverai

ke ja rien nen celerai .

Ore comence conter Marie

1030

Rien ni ad ke ne lui die .

Tute sa vie ad reontee

Di cel ure kele fu nee .

Dementers kele le ꝯtoit

Poez savoir gnt hute avoit .

1035

kant ele lui out conte sa vie

as piez lui chiet mci lui crie .

Zozimas. ad oi sa vie

son Creatur en glorifie .

merciz en rent au Creatur

1040

Puis lui ad dit p gnt amur .

Dame pur qi chies ames piez

Pur Deu te pri ke co lessez .

Nest pas en moi la dignitez

Nen sui de tel auctoritez .

1045

A co que tai oi conter

ka peine tos nis esgarder .

Unke mes ta per ne vi

Dame aiez de moi merci .

Par charite conseilez moi

1050

Si puis remaindre ci od toi .

Nenil beau pere Zozimas

Respont Marie einz te irras

55v

Mes ne te chaut dire mavie

Si la que soie finie .

1055

Si Deu mad a toi mustree

Par toi vorrai estre celee .

Od labbes Johan parleras

Cest message li dirras .

De ses owailles pnge cure

1060

kar tel i ad q trop sa seure .

e prenge cure dous garder

k mut i ad kamender .

mes kant viet del alt an cest tes

Tu languiras si com jo pens .

1065

kant ti per e ti compaigno

sen istrut fors de lur meiso .

e li jurs venrad de Qreme

ke chascun dous irat so esme .

Te covendra ton lit tenir

1070

Ne porras mie od ous venir .

kant jur de la Ceine vendrat

e le Quareme passe serrat .

Gariz iers si cum jo croi

Donc pri ke veignez a moi .

1075

Le cors Nostre Seignur me met

en un vessel ke mut soit net .

Del seint sac en un altre veisel

Mes gardez bien ke mut soit bel .

56r

Beau pe kant tu le porteras

1080

Plus pres de toi me troveras .

Pur toi me serrai aprimee

kant te verrai mut serai lee .

Jo serrai sachiez al autre an

Contre toi au flum Jordan .

1085

Illenc sachiez aprismerai

Purco ka cumengie serrai .

Deske passai le flum Jordan

Pres du muster Saint Jhan .

Ne receu le cors Nostre Seignur

1090

Od ki est tute ma doucor .

Ne nevi home for sul toi

Aler men voil, priez purmoi .

Par un senter sen est turnee

el grant desert sen est entree .

1095

kant li seinz hom la noit tner

A peine pout as piez ester .

As oilz la suit el desert

Mut ad gnt doel qnt il la pt .

A la tere est a genuillez

1100

La ou avoit tenu ses piez .

Beisa la tre mut sovent

e lowat Deus omnipotent .

Sire dist il louez soies tu

ke mustre mas si gnt vertu .

56v

1105

Sire toi peusse jo aurer

ke tu la moi otrias trover .

Puis lui menbt de so must

Dont estoit issu premer .

Repairez sen est a meison

1110

e li etuz si compaignon .

Li abbes Joha estoit mut lez

kant tuz les vit repeirez .

mes chescun dous sest bie teu

De tut co quil avoit veu .

1115

Nul nestoit si noveler

ke de riens senosist vant .

mut les cherist li abbe Joha

mes qnt fu tut passe cel an .

vint li prem jur de Qreme

1120

ke chescun dous ala so esme .

en son lit jut Zozimas

Malades ert ni ala pas .

A meison lestout reposer

Malade feut ni pout aler .

1125

Bien sout q co fu pphecie

Qnkil out oi de Marie .

Tute passa la Qranteine

kant vint al judi de la Ceine .

Zozimas se senti guarri

1130

Lors ad pris corpus domini .

57r

Le sanc precius ensement

Pur furnir le comandemet .

Dont la dame lavoit priez

kant ele de lui prist congiez .

1135

Zozimas enprent son eire

Od sei portat un poi de ceire .

e des lentilles ensement

Navoit soign dautre fornemt .

Al flum Jordan vint Zozimas

1140

kant il i vint vespre fu bas .

Illoc quidat trover Marie

Mes onkore ni ert ele mie .

Crient de la rie ql plus coveite

Par son pechie li soit toleite .

1145

U kele i ait ecois este

e kil eit trop demure .

De la demuere soit ennuiee

e pur co se soit returnee .

Deus dist il de majestez

1150

Ci ne me lessez esgarez .

Lai me ver oncore la feme

Dont nad sa per en cest reme .

Ja ne viverai si com jespeir

Soncore ne la puis veir .

1155

Sele ne vient a moi parler

Coment purroi jo a li passer .

57v

Cum passerai le flum Jordan

kant jo ni ai nef ne chalan .

Pere de tute creature

1160

De co peus tu prendre cure .

Tant par est gnt ta poeste

ke tut est a ta volente .

kant il out soreison finie

utre le flum vit Marie .

1165

Sor la rive la vit ester

sempres la prent a apeler .

Dame co dist Zozimas

Bele mere coment le fras .

Coment passeras tu v moi

1170

kant jo ne pus passer v toi .

Cum passeras le flum Jordan

kant il niad nef ne chalan .

kant Marie loit parler

De pitie prent a plurer .

1175

A Dompnedeu sest comandee

Dedenz le flum sen est entree .

Sur le flum vait sanz dotace

Oez cum feut de gnt penance .

Sur lewe redde vait le gnt pas

1180

Mut sesmerveille Zozimas .

Li seinz hom la vot aurer

Mes ele le prist a devoier .

58r

sempre passat la bonuree

Unc nout sa plante moillee .

1185

kant a la rive feut venue

Vait au seint ho si le salue .

Apres lui est cheu as piez

mut se crient de ses pechiez .

Aspiez lui fait afflictiun

1190

Si li requert sa beneicun .

Li seinz ho la vot relever

Pitez en out prist a plurer .

Nosa fere sur lui signacle

kant Deu fet pur li tel miracle .

1195

ke la fist aler leus sor londe

De la rive q tant ert pfunde .

kant de la terre lout drescie

Par grant amur la beisie .

Lors lui requist Credo in De

1200

ke cil li deist par charite .

Il li dist mut delivrement

e la pater nostre ensemet .

La dame respont apre lui

mut sentre esgardeiet abedui .

1205

kant eurent lur parlemet

Il lui mustra ten present .

Cum del cors Nostre Seignor

Dont serrut salve pecheur .

58v

Zozimas le tient en sa main

1210

Dame dist il co semble pain .

mes cest le cors Jhesu crist

ke li maveis poeple oscist .

en la croiz feut mise octis

Ja hom nava saint parais .

1215

Si co ne croit en sa vie

Jo le croi bien respont Marie .

e uncore aiien ma creance

kil fu feru dune lance .

Od sun pere nus fist apaie

1220

Par le sanc kissi de la plaie .

Par co furent cil si ami

ki einz erent si enemi .

Par le forfait del pmer home

ki sor son vied maga la pome .

1225

Icel seint sanc nus lessa il

Mut est cil fous ki lad en vil .

si tu las porte od toi

Pur De te pri donez le moi .

Li sanz hom lout si derainer

1230

Forment se prent a mveiller .

Le sacrifise lui mustrad

La seinte dame la urad .

Il li donad. ele le receut

Le cors mangad ele sanc beut .

59r

1235

kant ele feut accuminee

Unke de rien nestoit si lee .

Deus dist ele Douz Creatur

Pere toi lou e si taur .

Douz Sire oez ma oreison

1240

e si me rend mon gueredon .

Qrante sis anz tai servi

Des ore aiez de moi merci .

Fai de ta fille ton pleisir

Des ore vorroie jo murir .

1245

e si te plest ke vive plus

Beau Chier Pere pas nel refus .

Ceste vie ne refus jo pas

Tant le voil cu tu le vorras .

Mes site feust Sire a pleisir

1250

Des ore vorroie jo murir .

Des ore vorroie mes soudees

ke tu mal Sire aparillees .

Pri ent ton Fiz Virgne Marie

kil me mete en sa compaignie .

1255

se une foiz feusse od tei

Nen partire mes co crei .

La chanterai od tes anceles

en tes chambres q tat sut beles .

Le chant novel od le donz son

1260

ke le rei chantad Salomun .

59v

Ici nele puis jo chanter

kentendre mesteut a plurer .

kar la joie de ceste vie

Tute turnet a folie .

1265

kant loreison ot chevie

ver le seint home sumilie .

Sire dist ele danz Zozimas

Beau doz pere ore ten irras .

acompli mas mun desirer

1270

Repoire ten a tun muster .

Al autran pas ne mubliez

ka moi parler ne viegnez .

Del flum Jorda passez la rive

Si me troveras ou morte ou vive .

1275

La ou primes me trovas

Si feroi jo dist Zozimas .

mes si tu fais mon desirer

De nostre fruit testeut mag .

Lentilles tst de son sacun

1280

Ni avoit autre garison .

Il les tendit en ses dou mains

e la dame manga trois gins .

Trente anz erent ja passe

kele navoit ainz ces guste .

1285

Del ewe beut sanz nule soi

Puis li ad dit priez pur moi .

60r

A icel mot sen est turnee

en un urette ert reportee .

en cel liu ki mut fu chier

1290

Ou Zozimas la vit premer .

e si avoit meinte jurnee

mes cum Deu vot estoit mence .

kant a cel liu ert parvenue

Ou Zozimas la trova nue .

1295

ke meuz oleit eplusfor met

ke nefet baume ne piment .

a la terre sest accutee

A Dampnedeu sest comadee .

Duz Sire dist ele ki me feis

1300

e denz mon cors alme meis .

A toi me peusse jo livrer

e otrier.e comannder .

Ore sai bien ke tu mas chere

kar oi avez ma preiere .

1305

sevrer me voil de ceste vie

Ci voi venir ta compaignie .

Jo croi kele me vient qrant

malme e mun cors te comat .

Dont sest a la tere estendue

1310

Si cume ele estoit tute nue .

Ses mains croisa sur sa peitne

e sen volupad en sa crine .

60v

e clost se oilz avenantmet

Son nes e sa buche ensement .

1315

Lalme sen vait el ciel durable

Unc ni osa venir Diable .

en langeline compaignie

sen alad lalme Marie .

Le cors de lui remist tut nuz

1320

for dun drapel kert tut rupuz .

ki del cors coverit partie

Povrement estoit finie .

ensample nus dona la dame

Ce sachent li puisant du reame .

1325

ki povre ne sunt a la mort

ka Nostre Seignur fot gnt tort .

Li povre serrunt bonure

kar il avrunt le regne De .

La ou li riche ni entrunt

1330

Si einces povre ne sunt .

Sus terre jut le cors Marie

Trestut lan sanz copaignie .

Nout el desert rien tant fier

kunc i osast aprochier .

1335

Sur lui nosad oisel voler

Tant la pvot Deus honorer .

Si gnt miracle pur li fist

kuc sa char rien ne blemist .

61r

unke pur freit ne pur chalur

1340

Nen issi mauveise flaur .

Tant feut le cors desentrez

ke li ans ert tut passez .

Zozimas ne subblia mie

Repairez est en sabbeie .

1345

mes dune rien fu mut irrez

Li seinz ho qnt sest purpesez .

k od la dame avoit parle

e son nu navoit pas demade .

Ne q sun nu navoit enquis

1350

Del tut se tint entrepris .

mes qnt avint kil ot congie

kil pout issir de sun sie .

e passez ert tut i cel an

mut tost passa leflu Jordan .

1355

el desert vint pur la muiller

Par merveillus desirer

Tant lad quise par le desert

kil vint la ou le cors ert .

mes enceis kil leust trovez

1360

mut le veisset esgarez .

Grant doel fet e plurt e crie

Pres ert del cors si nel vit mie .

Duz Pere dist il ki me fesis

mustrez moi co ke jai quis .

61v

1365

sachiez james ne sloignerai

De cest liu . ne me moverai .

Treske jo veie i cele femme

Dunt nad sa per en tut cestreaume .

Sire mustrez moi la muiller

1370

kar cest tut mun desirer .

Plus ne vivrai si cum jo croi

se vive ou morte ne la voi .

Lai me ver le cors mamie

k jo croi kele soit finie .

1375

Sele vesqst si cum jo croi

ele feust ja venue a moi .

Ja esgarez ne me lessait

Sele me seust en cest guast .

Sire se tu de moi as cure

1380

Lai me fere sa sepulture .

Beau Pere Rei de magestez

Ne me lessez si esgarez .

kant il out soreison finie

Deus li mustr le cors Marie .

1385

vers destre pt sest regardez

Pres de lui vit une clartez .

une clarte vit en cel leu

Lors quida ke co feust feu .

A la clarte sest aprimez

1390

Le cors trova . mut en fu liez .

62r

A la terre geut estenduz

Poi sen faut kil nert tut nuz .

Son vis avoit vers orient

e les oiz clos avenantment .

1395

La crine avoit for son viere

ele navoit autre sueire .

Al cors saprima Zozimas

Sur lui posad un de ses dras .

Les piez sempres li vait beiser

1400

Al autre noseit apprimer .

Il regarde amunt au chief

Lettres vit cum en un bref .

el lettres ke li sainz hom vit

ert cest comandemet escrit .

1405

Zozimas pren le cors Marie

Silensevelis od la Deu aie .

kant tu laueras enseveli

priez pur lui vostre merci .

Les lettres erent de teu tor

1410

Come feussent fetes icel jur .

en la terre erent figurees

Zozimas les ad recitees

mes kant il ot le nun trove

Deus en mcit sestoit mut le .

1415

Le beau nun durement prise

Lors ad comence le servise .

62v

mes kant il ot fet son mester

e dit les seaumes du sauter .

a donc le veissez esgarez

1420

kar il not rien od soi portez .

dont il peust la tere uvrir

Nel seintime cors enfuir .

Un fust trova par aventure

Fouir en vot la tere dure .

1425

La fosse vout apareillier

mes la terre ne pot attamer .

Tut tressue dedenz sa heire

De co que rien ni pout fere .

Grant bosoign avoit il daiue

1430

Tel haan ad que tut tressue .

e nepurqnt pur le haan

Ne chevast il en tut cel an .

Se Deu ne lui donast aie

Par la deserte de Marie .

1435

Deu lui tramist compaignu

Nul autre mes kun leun .

Un leun issit del desert

Sempres venoit ou li corsert .

Les piez comencad leschier

1440

Ne savoit autrement beiser .

Signe feseit dumilitez

e kil la servireit de grez .

63r

kant li seinz ho vit le Leun

Navoit einz eu teu copaignu .

1445

Neust soign de sa compaignie

Se Deu lui donast autre aie .

Premerement volert fuir

kant il le vit au cors venir .

mes kant il le vit privez

1450

e de si grant humilitez .

e tant suef cum un aignel

sachiez q mut li feut bel .

Bien sot que Deus li ot tmis

Lors lui ad dit beau doz amis .

1455

Ceste feme kont nun Marie

Qui mut estoit de seinte vie .

mad ci demustre en un bref

ke jai trove ci a son chief .

ke ci vout estre ensevelie

1460

mes mut ai mester daie .

se tu me veus de rien aider

Cest seint cors voil entrer .

Li leuns sest apparilliez

Del comandemet joius e lez .

1465

Dekanq il sout obeir

La tre comence a fuir .

Li leun fueit la terre dure

Li sainz li mustra la mesure .

63v

As piez devant la racout

1470

A cous deriere la corout .

Grant ert la vtu du leon

kant estruot le sablun .

Par son le bois haut e cler

La tre dure fist voler .

1475

Se qtre homes i feuset mis

ki besches eussent e bon pics .

Ainz ce feussent bien lassez

ke la fosse eussent acurez .

La fosse feut semps atiree

1480

e de la terre bien voidee .

Zozimas ert lez ki co vit

Devers le chief le cors saisit .

e li leuns as piez lad prise

entroudous lunt el sarcu mise .

1485

Dedenz la terre ont mis le cors

Zozimas sen est issu fors .

Lors fist la comendaciun

Sanz ladjutoire du leon .

Cit ne lui pot fere adiue

1490

kar il ert une beste mue .

mes qnt il vint al entrer

Deriens nestouet amonest .

Tute la terre lors aunat

e sur le saint cors remenat .

64r

1495

mes qnt la tumbe ert acemee

e sobedience out a chevee .

A terre sest tost a genuillez

Signe feut kil prist congiez .

Lors sen est a riere turne

1500

el gnt desert sen est entre .

kant Zozimas le vit turner

Deu comencet a louer .

Deus dist il Loez soies tu

Tant par est gnt ta vertu .

1505

Bien mas mustre par Marie

ke mut est fous cit ki te oblie .

Bien voi . e croi sanz dotance

ke forte chose ad en penance .

James riens ma ke toi servir

1510

Ne feroi treskes au murir .

Tuz mes pechiez espenirai

Ja de mu cors merci naurai .

Li seinz ho par gnt devociun

Repairez est a sa maison .

1515

La gnt penance de Marie

Sa poverte . sa dure vie .

Son travail . ne la gnt am

kele avoit ver son Creatur .

Le repentir bon e verrai

1520

kele out aps son gnt desrai

64v

Cum Nostre Seignur lavoit chiere

Par requeste de sa douce Mere .

e cume ele entrad en sa gloire

Trestut descrit solunc lestoyre .

1525

Jhucrist le Rei celestre

Ki de la Virgne deigna nestre .

e pur nus voleit mort suffrir

Pur nus du Diable tolir .

Nus doint verrae penance

1530

e de nos pechiez repentance .

e joie aient celestiene

konur funt al Egypciene . Amen.

Intermediate

35r

Seignurs pur lamur Jhesucrist

kar mescutez un petit .

Si vous dirrai cest escrit

Mut i troverez grant profit. .

ke tut est fet de verite

Ni ad un mot de fausete .

bien crei volentiers lorrunt

cil ki Deu servir vorrunt .

kar a tous ki de lui nunt cure

mut est sa parole aspre e dure .

Tuz cil ki pur lamur de De

Orrunt ceste verite .

35v

De ma dame sancte Marie

LEgypciene orruntla vie .

kar sachent tuit pecheur

ki forfet unt al Creatur .

ke nul pechie nest si pesant

Ne tant orrible ne tant grant .

Dont Deu ne face le pardon

Par foi. e par confession .

Si tous ki pernent penance

Deskarkent soi de mescreance .

Si hom guerpit la merci De

Cit pechie niert ja pardone .

pur co que nest gin creature

ainz est meins ke nest nature .

kunc Deus ne criad pechie

e nepurkant si ad son sie .

en chescun hom a son hostal

Si les constreint de fere mal .

Nus homme nest en ceste vie

ke tant soit sage ou nait folie .

ke sovent en pechiez chairent

Li apostres ke Deu siwirent .

pur co ne me pus merveiller

Dun cheitifkant le voi pecher .

mes de celui est grant merveille

ki tuz jurs dort e ne se veille .

36r

en ses orz pechiez se dort

Deskatant kil sent la mort .

kant la mort vient eilla sent

Lors dit primes jo me repent .

A tant ad pris le repentir

kant il est venuz a morir .

Solunc le dit seint Augustin

Nest mie bone cele fin .

kar kant le cheitif sent la mort

Il ne peut fere droit ne tort .

Guerpit donc sa iniquite

kant na mes de soi poeste .

si plus eust saunte e vie

Oncore feist il la folie .

kant lalme sen est partie

ki li peut donc fere aie .

Nul for sul Deu ki la criad

mes co qua fet si troverad .

Ceste dame dont voil conter

Marie Loi appeler .

Egypciene est pur co dite

kele feut nee de Egypte .

Illoec feut nez e baptizez

meis malement feist entechez .

Legiere devint a bref conte

Tant konur perdit ele e honte .

36v

Tant ert esprise de Luxure

ke dautre chose navoit cure .

put co ke tant ert bele e gente

sa fiot tant en sa juvente .

Que tut fesoit le soen pleisir

Rien ne li membrot du morir .

De dous parenz ne se gardout

A tute gent sa banndonout .

Nespoir que feust en ceste vie

Femme de si grant lecherie .

Pere e mere lui viveient

Pur poi de deul na foleient .

Il la voleient chastier

Tut coe ne prisout un denier .

Ne prisout chastoi de parent

Plus que ne fist trespas de vent .

Fille coe disoi la mere

Croiez le conseil tun pere .

Si longement tiens co mestier

Trop aneruns grant reprover .

Pu Deu te pri fille Marie

Guerpez mes ceste lecherie .

Kant ceu mester avras guerpi

Richement te dorruns mari .

Nest droiz ke soies perie

Par suffrette de nostre aie .

37r

Fille tu es de grant parage

Mut serroit dol e grant damage .

Si tu feuses si perie

Par ta male lecherie

Tis peres est issi irrez

Ja jur kil vit niert mes lez .

e maudit tute saventure

De co ke fist tel engendrure

Kant Marie lout parler

100

Trop li grevout lescuter .

Tut quanke sa mere out dit

Forment lavoit en despit .

Ne pere.mere. ne parant

Ne prise vaillant un gant .

105

Pur parfere sa volentez

Sen fuit eu autre regnez

Tut son parente guerpit

unke pus nul dous ne vit .

Issi sen ala come Lere

110

Sanz seu de pere ou de mere

En chemin entra Marie

Onc ne demanda compaignie .

en Alisandre estoit venue

Au chief de la plus mestre rue

115

Chief les meretriz prist son hostal

Illoke fist son cors venal

37v

ele estoit blanche come flur

Des juvenceaus avoit lamur .

Trestuz vienent au bordel

120

Pur sa beaute li juvencel

e le les recent volentiers

Nient sulement pur lur deniers .

Mes pur acomplir son delit

Les avoit od lui tute nuit .

125

en son delit ert ententive

Chescun hure la cheitive .

kar boire e manger e luxure

co ert en fin la sue cure .

kant ele levoit du manger

130

Od les garcons alout juer .

Tant par amout ces aveaus

Ne pensout for de beaus apeaus .

Li juvencel tut li plusur

erent si espris de samur

135

ke devant son us en lentree

Feseient de eus meinte mellee

e de gisarines e des espeies

Sentre doneient granz coleies

Li sancs ki iert espanduz

140

Corut aval par les paluz

La cheitive qui co voit

Onke pour nel enpernoit

38r

Si un morroit de ses amanz

ele avoit contre quatretanz .

145

Tut veist ele dous oscis

Ja plus tart ne froit un ris .

Ne cil qui ert pur li naffre

De lui ne serroit visite .

Plus amot a seins juer

150

ke les malades visiter .

en Alisandre estoit Marie

Ou tant demena fole vie .

Illoc a compli ses talanz

La chaitive e jurs e aunz .

155

La vile ert par li empiree

Sestoit par li maumenee .

e li pais tout environ

Si ert en grant perdicion .

De sa beaute de sa figure

160

Si cum il est en escripture .

Voil un poi dire le semblant

Ainz co ke jo pas avant .

Ai ceu tens nert si belefemme

kar ele estoit sur tutes gemme .

165

Onke cuntesse ne reine

Not el chief si bele crine .

Rondes avoit les oreilles

Tresblanches erent amerveilles .

38v

Les surcius noirs e avenanz

170

e les oils clers e suz rianz .

La buche petite par mesure

e simple avoit la regardure .

La face tendre e coluree

Cum rose que sempres est nee .

175

Ne ja au nes nau mentun

Na parceussez meffacon .

Par sum le col blanc com ermine

Lui undoit la bloie crine .

Chascun des traianz la dame

180

Niert pas maire dune pome .

Suz la gule en la peitrine

ert blanche come fleur despine .

Lung braz avoit e blanche mains

Les dois ronz.greilles e pleins .

185

Gent cors avoit e bien moullez

Desuz lessele les long costez .

Ne feut trop grant ne trop petite

Sa facon niertja descrite .

Ne la beaute de ceste dame

190

Niert ja descrite pur nul aume .

Tant ert cortoise de parler

Riens ni avoit kamender .

A pleindre fist teu creature

Quant de sun Creatur not cure .

39r

195

ele recevrit mut presenz

Sen achatot beau vestemenz .

Bons dras avoit e avenanz

Pur menz pleire a ses amanz .

ele navoit soign de dras de leine

200

Par nul des jurs de la sumeine .

Ainz vesteit bliauz de osterin

e affublout mantel dermin .

Sollers bien peinz de cordewan

Chaucot trestuz les jurs del an .

205

Trestuz cous de la cite

Lamoient pur la beaute .

Li ancien hom e li sage

Disoient.hai.queu damage .

Tant mar fu nee la dolente

210

Tant fet a pleindre sa juvente .

Mar feut onke la sue vie

Quant si est pleine de folie .

Tuz diseient par la citez

kele estoit de grant parentez .

215

kar a tuz respont par reison

e tant ert bele de fascon .

ke li fiz dun empereur

La peust prendre a gran honur .

Ce fu en may un mois deste

220

kele ert au mur de la cite .

39v

Si regardat aval au port

Ou soleit fere son deport .

Ariver vit une galie

ke de Libie ert eschapeie .

225

Tute ert pleine de pelerins

De veu genz e de meschins .

en Jerusalem sen aloient

par bon corage se hastoient .

pur estre a tens a une feste

230

ke de la Croiz i devoit estre .

Cil qui estoient plus leger

Se sai lirent fors al graver .

main amain se vunt juant

par la rive lui enfant .

235

mes quant les aparceut Marie

Ne peut muer que ne rie .

pres de lui vit vu homme ester

comenca lui a demander .

Sire fet ele kar me di

240

pur lamur Jhesu co te pri .

Queu part irrunt cil barun

ke la sunt issu del dromun .

e si porroie od eus aler

kar mes nai soin ci demorer .

245

aler men voil de la cite

Ceo mest vis trop i ai este .

40r

Li prodomme lui respont

en Jerussalem irrunt .

Sevus lur avez ke doner

250

Le meuz purras od eus aler .

par Deu sire dut la dolente

assez ai bele la juvente .

mun cors lur metrai a bandon

Jo ne lur pus fere autre don .

255

Ne lur dornai autre Loer

kar jo nai meskun sul dener .

kant li prodom out la folie

Ne peut muer ne sen rie .

kant ad oi le covenant

260

Guerpist la si senveit riant .

e la dolente sen turnad

Unc al hostel ne reperrad .

Aval sen vait grant aleure

Si cum la menout saventure .

265

Unc ne fina treskau vessel

Ou estoient lui juvencel .

mes a cous parla premer

ki sesbanoient el graver .

A ous parlat auke brefment

270

Teu sen com ad lur en despent .

Seignur dist ele pelerin

De vous mette en bone fin

40v

e vous doint teu volente

ke vous me facez charite .

275

Je sui ci une povre femme

e sui nee dautre regne .

De Egypte sui jo nee

en cest pais sui esgaree .

Jo ni ai ami ne parent

280

Si mesta mut fieblement .

Jo nai od moi argent ne or

Tut poez ver le mien tresor .

Jo ni autre manauntie

Mes mut pris vostre compaignie .

285

Sen cel vessel od vous estoie

mut volenters vos serviroie .

Si men vorroie od vous aler

Se vous men voliez mener .

Ja pur mener une cheitive

290

Ne vendrez plus tart a rive .

Respondirent li juvencel

venez od nus mut nus est bel .

Sus en lei nef la funt munter

Tantost se firent desanncrer .

295

De la rive tost sesloignerent

Deskant a nager comencerent .

Onc ne finerent li bacheler

Tant kestoient en haute mer .

41r

en haute mer a dreite veilles.

300

Tute nuit curent as esteilles .

mes du dormir ni out nient

kar Marie le lur defent .

premer les prent a tastuner

Apres les comencez acoler .

305

Apres lacoler a beiser

e en tuz sens a losenger .

Nen iot un tant querus

Feust juvencel ou veuz espus .

kunquez peust prendre respit

310

ke ne pechast od lui la nuit .

Tant fu quointe de son mester

ke chescun fist en lui pecher .

kant ele vit les hautes undes

Les merveillus e les parfundes .

315

e vit venir la grant oreste

ka menout la grant tempeste .

Li soens estres estoit mut liez

De rien ne cremeit ses pechiez .

Tuz les pourus confortout

320

e a amer les enviout .

en tant lavoit luxure esprise

Tute nuit ert en la chemise .

salout les nuiz par tuz les liz

Pur acomplir lur deliz .

41v

325

e cil a grant gre lacolerent

e lur volentez acomplirent .

merveille ert dune femme sule

ke pout servir si grant fule .

mes de co nestot doter nulli

330

ke Diable ne feust ove lui .

ki mut volentiers la neiast

se Nostre Sire lui lessast .

mes il la garri bien de mort

e la fist venir an port.

335

Quant Marie fu arivee

Dolente feut e esgaree .

Suspire e se pleurt a la rive

Ne seit que fere la cheitive .

el ne ne conut homme ne femme

340

mut li semble estrange regne .

A la parfin se purpensat

ken la citie sen irrat .

e frat ilokes son mester

Nad soin sa vie amender .

345

en Jerussalem est entree

Ore oiez de la maleuree .

unc ne targat de pecher

einz comencat a empirer .

Ha : Deu come grant perdicion

350

Ainz que venist al invencion .

42r

De la Saincte Croiz auree

ke devoit estre honuree .

Tant out empire si tost le lu

meuz li feust estre greille de fu .

355

kar ele decevoit la juvente

Od co kele ert si bele e gente .

Li juvenceaus de la cite

erent espris de sa beaute .

Ne demura kun petitet

360

ke la grant feste ne veneit .

Li haut jurs del invencion

Lores vient la procession .

Des pelerins de utre mer

ki vont au temple purvrer .

365

Al temple vont par bon corage

Come prodome e come sage .

k tant les aparceut Marie

Tost se jont a la compaignie .

Tut dedenz la procession

370

Nunpas par bone entencion .

Lui pelerin ki la voient

Sa volente point ne savoient .

kar sil seussent la soue vie

Ja od eus neust compaignie .

375

Sur les degrez sunt ja muntez

Dedenz le temple sunt entrez .

42v

Dedenz entrat la compaignie

mes unc ni pout entrer Marie .

kant ele voleit avant aler

380

Ariere lestuvoit reverser .

Dedenz la presse se meteit

mes nule rien ne lui valeit .

Ce lui ert vis son escient

Que ele veust une grant gent .

385

ki sembloient chivalers

mut avoient les vis fiers .

Chescun tendoit vers lui sespee

e manacout la del entree .

kant ele voleit avant aler

390

Les branz la firent returner .

kant voit que nient nest de l’entree

en un angle sest reversee .

Lors se prent a purpenser

ke deit kele ni peut entrer .

395

Au paraler voit e entent

ke son pechie le lui defent .

De quor comence a suspirer

e des euls forment plorer .

A dou mains deront sa crine

400

Gran cops se fiert en la peitrine .

Bien set deus ver lui marri

Ne lui osa crier merci .

43r

Hay: dist ele peccheriz

Tantmar estoie meretriz .

405

Tantmar fesei les orz pechez

Par unt Deus est ver moi irez .

mau conseil ai tut tens eu

kant mon Creatur ai perdu .

Tant sui plein de veil ordure

410

De mauvestez e de luxuire .

Que au temple ne pus entrer

Ne Dampnedeu pere apeler .

ke ferai jo lasse chaitive

Ce poise mi que jo sui vive .

415

De quor li issent li suspir

meins prise vivre ke murir .

Regarda ver destre partie

Vit lymage saincte Marie .

ken la meisiere ert figuree

420

mut umblement lad reclamee .

Dame dist ele duce Mere

ki en ton cors portal ton Pere .

Seint Gabriel en fu message

e tu li respondis come sage .

425

kant il te dist ave Marie

De la grace Deu replenie .

en toi prendrat humanite

Le Fiz au Roi de mageste .

43v

kankil dise tu lottrias

430

e sue ancele tapellas .

pur ce es ore au ciel Reine

De toi sule quer medicine .

A mes plaies que sunt mortals

Ne quer autre medicinaus .

435

Dame si od tun Fiz mapaies

Bien erent sanees mes plaies .

Ci guerpi jo la male vie

James ni averai compaignie .

en ton Fiz met ma creance

440

Toi met en plege e en fiance .

Que tut tens mes lui servirai

Ne ja de lui ne partirai .

Du tut guerpi jo ceste vie

e ma mauvoise lecherie .

445

Ja niert jur n’en aie pesance

mut iert aspre ma penance .

Mere de pitie jo crei bien

k unc ne feust si dure rien .

Ne si forte a pardoner

450

Ke si tun Fiz en veus proer .

sempres ne nait pardon par toi

Dame aiez ui merci de moi .

uncore ai jo enma creance

ke tun Fiz feut a ta nessance .

44r

455

Il mist en toi virginte

Apres i mist sa deite .

mut grant merveille fu del Pere

ki de sa Fille fist sa Mere .

Il prist de toi humanite

460

konc ne perdis virginte .

Il est ton Fiz si rest tun Pere

Tu es sa Fille e res sa Mere .

mut fu co merveilluse chose

kant del espine issit la rose .

465

e de la rose issit le fruit

Par ki Diable fu destruit .

un nun avoms cest Marie

mes mut diverse est nostre vie .

Tu amas tut tens chastetez

470

e jo luxuire e maveistez .

Diable avois a enemi

e jo lai tut tens servi .

Dont de la toue humilitez

Ne nasqui femme ennul regnez .

475

Jo sui povre e orguilluse

e de mon cors Luxuriuse .

Li Nostre Sire toi amad

e moi chaitive refusad .

moi refusad e amad toi

480

Dame eiez merci de moi .

44v

Dame tu portas le tresor

ke meuz vaut keargent ou or .

De toi prist char le Fiz al Rei

ki sant Johan mustras al dei .

485

Veez dist il li Aigneau De

Par ki le mund serra salve .

mes kant coit lui Enemis

ki nus getat de paradis .

kil devoit le mund sauver

490

Bien tost le quidout enginner .

Cume il fist le premerhomme

kil deceut par la pome .

Par trois foiz le assaiad

Li leres. riens ni espleitad .

495

mes quant le vit arme si fort

Par treison li basti la mort .

mut fu la mort boneuree

Dout la vie feut recovree .

Se li Fiz Deu ne fust occis

500

Ja hom nentrast en paradis .

Par la mort prist il la vertu

Dont li Diable estoit vencu .

Lui occis venquit lossceur

Dutut le mist a deshonur .

505

Denfern brisat la serure

e rumpit tute la closture .

45r

fors engeta sa compaignie

ki du Diable estoit ravie .

Il les couduit a som Pere

510

A la gloire .ou il ere .

Puis revint par grant vertuz

A son cors dont esteit issuz .

A ses apostles apparut

e quarante jurs od eus feut .

515

mustra lur la novele Ley

e puis beisa chescun par sei .

Comanda lur sa doce Mere

el ciel munta pus a son Pere .

Du ciel lur tramise ten confort

520

Dunt nuls ne dota pus la mort .

Le Seint Espirit lur tramist

ki tuz languages lur aprist .

Ore siet au destre sun Pere

e tu od lui sa duce Mere .

525

Quant il vendrad al Jugement

Al sen secund avienement .

Tu serras en sa compaignie

Cume la sue chiere amie .

Tuz jugerad e morz e vifs

530

Li bons irrunt en paradis

Li maus irrunt en fu durable

Illoc les penerunt Diable .

45v

Virgne e Reine coronee

ki tant par es bonuree .

535

Que celi portas en ton ventre

ki le mund ne peut comprendre .

Si cum jo crei co ke jo di

Dame eiez de moi merci

Al chievement del ureison

540

Li fesoit Jhesus le pardon .

Del ureison leva Marie

De sun novel Seignor se fie .

en lui met tote sa fiance

el temple entra sanz dutance .

545

Tut i entra sanz desturber

Si vait oir le Deu mester .

Od tremerveilluse pour

Aurout la Croiz son Seignor .

mes kant ellavoit auree

550

De Deu fuit tote espiree .

kant tut conuit le Deu mestier

Si revait fors du muster .

Od bone entention membree

Droit al ymage est returnee .

555

en lui ad tote sa fiance

Conseil li quert de sapience .

Comfaitement ele le frat

E en queu terre sen irrat .

46r

Vint une voiz kele entent

560

ke lui ad dit apertement .

va ten al muster Saint Johan

Puis passeras al flum Jordan

A ceu muster prendras mescine

Puis ten irras en la gastine

565

Illoc tes pechiez espeniras

Tuz les jurs ke mes viveras .

kant ele ot oie la voiz

Seignat sei de la seinte croiz .

Ignel pas se mist el chemin

570

Devant lui vint un pelerin .

Trois mailles lui presentat

Trois petiz pains en achatat .

Co feut tute sa sustenance

Tant cum ele feut en penance .

575

Al flum Jordan vint Marie

La nuit i prist herbergerie .

Bien pres du muster Seint Johan

Sur la rive du flum Jordan .

Se herberga sanz ati

580

Un des pains manga demi .

Beut del ewe seintifiee

kant en ot beuz sestoi pluslee .

Sun chief lava dela pure unde

De tuz ses pechez devint munde .

46v

585

Auques se sentit lassee

De co quavoit fet grant jurnee .

De tere dure fist sun lit

Illoques jut tute la nuit .

Dormit . mes co fu petit

590

kar co li toli le dur lit .

par matin alad a muster

si vait oir le Deu mester .

Lors conuit son Creatur

si le receut par grant amur .

595

kant ele feut acunmeniee

Poez sauer mut en feut lee .

Puis sen entrat en un calan

Utre passa le flum Jordan .

kant ele feut utre passee

600

en la forest sen est entree .

Marie veit par la gastine

sovent depria la Reine .

kele avoit mis en hostage

Le jur enceis devant sa ymage .

605

Par sa merci ne la guerpist

e du Diable la defendist .

Illoc est tute sa fiance

Ore comence la penance .

ele nad soign de repentir

610

einz se lerroit en fin morir .

47r

ele nad ke dous pains e demi

Ore ait Jesus de lui merci .

De cous ne viverad ele mie

se Deu ne li face altre aie .

615

Par le guast vert grant aleure

en Deu se fie tute est seure .

kant ele out fete sa jurnee

suz un arbre sest acutee .

un petit mainga de son pain

620

puis dormi treskal endemain .

Tost se leva par matin

vers orient tint son chemin .

Tant alad ke jurs ke nuiz

Od feims od seifs & od dur liz .

625

ke tant parfond feut en boscage

Tote devint illoec salvage .

mes ele ne sobliat mie

De deprier saincte Marie .

sovent li membre del ymage

630

kele avoit mis en hostage .

si drapel furent tost usez

e si souler tut deramez .

kant li drapel erent rumpu

Le cors de lui remist tut nu .

635

La char de lui mua colur

keinz ert blanche come flur .

47v

ke del yver ke del este

Tut li nercirent li coste .

Colur muat la bloie crine

640

Blanche devint com ermine .

La face lui estoit bruillee

Del grant soleil e de gelee .

La buche li ert entenvie

e denviron tote ennercie .

645

e tant avoit neir le menton

come co feust chief duntison .

Teint e nerci erent li oil

Rien ni ot ore dorgoil .

se vos regardisez soreille

650

mut vos serroit grant merveille .

car megres estoit e descrue

e de blanc peil tote mossue

Noire e mossue ert la peitrine

Lescorce semblout despine .

655

Navoit plus char en sa triant

Ne mes ke nad en un gant .

Les braz les mains e les lung dois

Avoit plus noirs ke nule poiz .

Les ungles avoit ele mut genz

660

Si les retaillot de ses denz .

Li ventre tut lui ert caeiz

Guere ne mangot.co ert droiz .

48r

Les piez lui erent escrevez

en plusur lius furent nafrez .

665

kele ne se gardoit despine

kant ele alot par la guastine .

Co lui ert vis son escient

Pur voir de co ne failli nient .

kun de ses pechiez chaeit

670

kant une espine la puigneit .

Pur co feut ele mut lee

kant ele suffri teu haschee .

Nert merveille se feust nercie

ke mut demenot aspre vie .

675

plus de quarante anz ala nue

Ne fu merveille sert mossue .

Povre despense avoit od lui

Ore ait de lui Jhesu merci .

Dous pains avoit ne guere granz

680

De ces se garit plusurs anz .

Tut al premor devindrent dur

Cum sil feusent fet de mur .

Chescun jor en usout Marie

mes co ert petite partie .

685

kant ele out son pain use

Doncs arracot lerbe du pre .

Com autre beste la mangot

De rien ne se desconfortout .

48v

Adenz leveit un rosel

690

Dont beut not autre vessel .

Ne fet a pleindre le pechie

Dont le cors fu si chastie .

Derbe vesquit e de racine

Dis e ut. anz en la gaastine .

695

pus fu trente anz onc ne manga

si langle Deu ne lui porta .

Diables la veneient esprimer

Sovent la soleient assaer .

Tut co lui firent remembrer

700

kele soleit jadis amer .

Les bons mangers e les beau lius

Ou ele soleit fere ses gius .

Lors feut ele si bonureie

ke de rien nert attameie .

705

unk en tote soue vie

Ne lui sovint puis de folie .

Ne puis entrestut le boscage

Ne vit guere beste sauvage .

Nautre vive creature

710

Par la forest vait tute sure .

en plusur lius prent son hostal

Sa vie est tute espirital .

Ore lerruns ci de Marie

Si parleruns dun abbeie .

49r

715

ki feut a chief de forest.la

Si cume lestoire le retreit .

Unc Deus ne fist nule gent

Tant servissent devotement .

A Dampnedeu lur Creatur

720

Come le firent cil seignur .

Il navoient soign de mal fere

Chascun avoit vestu sa here .

Si navoient autre estamine

For sule laspre discipline .

725

en heres erent e nuiz piez

Pur espener lur pechiez .

Nil de jurs ne il de nuiz

Ne feussent ja trovez en liz .

Tut le jur erent al muster

730

For sul al hure de manger .

Il viveient mut povrement

De pain dorge e de piment .

A tuz les venrediz del an

Viveien de noiz de glan .

735

ewe beveient non pas seigne

kar pas nestoit de fontaigne .

entrous nert pas symonie

Ne coveitise ne envie .

Navoient soign dargent ne dor

740

Od Deu avoient lur tresor .

49v

Nul dous navoit propriete

Tuit erent dune volente .

Nest home ki lur bonte die

Tant esteient de sinte vie .

745

Quant veneient a Quaranteine

Al premer jur feseient Ceine .

Li abbes les accuminout

Le cors Jhesucrist lur donout .

kant les avoit accuminez

750

Par ordre lur lavoit les piez .

Apres se vont en oreison

Cil lur feseit gent sermon .

Comandont les entrebeiser

Puis overi le hus du muster .

755

en la forest les enveout

A Dampnede les comandout .

Li seint moigne se departeient

For sul dous ki remaneient .

Nun pas pur pour de Larrun

760

kil eussent de lur maisun .

mes pur fere le Deu mester

Remistre cil dous el muster .

kar nest pas droiz en seinte glise

ke la chiece le Deu servise .

765

Lui autre sen issent tuit

Tut li plus vivent de fruit .

50r

en Deu avoient grant amur

Derbe viveient li plusur .

kant luns voit lautre el desert

770

Tost sen fuit de la ou il ert .

Issi sen alout a emblez

Par lun nert lautre saluez .

Illoc ou la nuit le perneit

Sur la freide herbe se giseit .

775

Par matin levot lendemain

Seignot sei de sa destre main .

Il ne savoit ou il alout

A Dampnedeu se comandout .

Ceste meime entenciun

780

Avoie tuit si compaignun .

Des eus pleurent tendrement

kant lur sovient del Jugement .

Ou tuit li angle tremblerunt

De la grant pour kil auerunt .

785

La ou verrunt le Fiz De

el siege de sa mageste .

e devant li le feu durable

Dont il tormentera le Diable .

e tote la malveise gent

790

Crucierat il tut ensement .

en puz denfern descenderunt

Si ke james nen isterunt .

50v

Pur co estoient icil moigne

en la forest en tel agoigne .

795

Pur eschaper si grant peril

estoient il en tel exil .

kant passez ert la Quarentaine

e veneit au jur de la Ceine .

Jur de la Pasche Florie

800

Repeiroient tuz al abbeie .

Li seinz abes estoit mut lez

kant tuz les voit repairez .

el muster les fet entrer

Apres ous fet les hus fermer .

805

Pus erent tut lan entier

Veillanz entur le Deu mestier .

Avint un an par grant miracle

ke tuz istroient sanz obstacle .

Li abes fist co kil soleit

810

Chescuns par ordre acumineit .

encois les fist entre baiser

Pus overi les hus du muster .

en la forest les enveout

A Dampnedeu les comandot .

815

Un sevrat destre partie . se.

ki nuit estoit de seinte vie

Len lapelout dan Zozimas

mut ert vestu de povre dras .

51r

mes meuz amot ses povretez

820

ke nul quens ses granz contez .

en la forest parfundement

Se mist od povre furnement .

ermites i quida trover

Od ous voleit de Deu parler .

825

mes quant il ot fet vint jurnees

ke mut erent desmesurees .

cuit ke nul ne pout trover

corage nout davant aler .

endroit middi comence un hure

830

Reclaime Deu. e si laure .

kant il out sa ure finie

Turna soi vers destre partie .

e regardat vers orient

un umbre vit son escient .

835

ki domme estoit u de femme

mes ele ert del Egipciene .

Deus lavoit illoc menee

Ne vout mes kele feust celee .

Descoverir voleit le tresor

840

ke plus ert precius ke or .

Li sainz hom fu forment pensiss

kant al umbre torna son vis .

Quidat co feust enchantement

Reclaime Deu omnipotent .

51v

845

kil le defende du Felun

e de male temptaciun .

kant loreison ert finie

La figure vit de Marie .

De Marie vit la figure

850

apertement sanz coverture .

environ li estoit sa crine

Si blanche cum peil dermine .

Li blanc cheveus e li deugez

Lui avalerent desk a piez .

855

ele nou autre vestemenz

kant cous li suz levot li venz .

De fuz pareit la char broillee

Du soleil. e de la grant gelee .

kant Zozimas vit la figure

860

ver lui alat grant aleure .

La dame kant le vit venir

Ignel pas prist a fuir .

Li seinz hom la vet chascant

e auke fueuet appelant .

865

Dame fet dist il parlez a moi

Se tu od Deu as nule foi .

Je te conjur par Deu le grant

ke tu nauges mes avant .

kant la dame oit de Deu parler

870

De joie comenca plurer .

52r

Deus dist ele duz Creatur

en toi crei jo. si taur .

Quarante sis anz a co croi

ke mes noi parler de toi .

875

Ormas un seint hom tramis

Jo ne lui os turner mon vis .

Turner ne li os ma feiture

kar jo sui nue creature .

Or sest la dame areste

880

Nosat avant aler plein pe .

ele ne se vorra mes celer

Od le prodom prent a parler .

Cheles dist ele Zozimas

Jettez moi un de tes dras .

885

De hunte nos turner ver toi

Apres purras parler a moi .

kant Zozimas soit nomer

Bien sot ke Deu la fist parler .

kar ele ne seust pas son non

890

Se par le Seint Esperit nun .

Un de ses dras pus lui geta

e la dame si aprima .

Al drapel vint rusant Marie

De son cors coverit partie .

895

Kan del drapel sest affublee

Ver le seint homme sest turnee .

52v

Sire dist ele duz chier amis

ke me di kas tu ci quis .

Ci poez ver une dolente

900

ken cest gast plur e gimente .

pur ses pechez e ses mesfez

Tant les seit orribles e leiz .

Nest hom les seust nen eust pesance

Ore faz ici la penance .

905

kant li seint hom lot si parler

De pitie comenca plurer .

As piez lui fait affliction

Si lui requort la benecon .

La dame lui rechet aspiez

910

Mut se crient de ses pechiez .

merci lui criad mut sovent

e si li recriad ensement .

Zozimas ki gist en la place

Dunt lewe li cort par la face .

915

Od granz suspirs e granz deuls

Mut tendrement plure des euls .

Tel angoisse ad ke tut tressue

Par la barbe kil ad chanue .

Li corut aval la suur

920

La dame requort par amur .

ke pur la gent face oreison

e lui doint sa beneicon .

53r

Sire dist ele douz amis

Tu mas benecon requis .

925

Jo nentenc pas ke soit reison

ka toi doinge beneicon .

Tu es prestre messe chantant

Pur co est il plus avenant .

ke tu le doinges a moi

930

ke jo nel donasse ore toi .

kar Deu ta si bien regarde

De messe chanter as conge

mut ert la rien seintefiee

ke de ta man serra seignee .

935

Jo croi bien par tun signacle

Fet Deu sur lautel miracle .

ke li pains devient son cors

e li vins sanc ken issi fors .

Deu conuit bien ton sacrefise

940

Tute ta vie mad aprise .

Tu li as servi denfance

en li peus aver grant fiance .

mut en auras bon gueredon

mes ore te pri ta beneicon .

945

Dame co respont Zozimas

Ja ma beneicon nauras .

Se tu premer ne le me fais.

Ja di ci ne leverai mais .

53v

Pur feim ne por nule suffreite

950

Ainz ke tu le maies feite .

Lors voit bien e entent Marie

ke li seinz hom ne levera mie .

Tut tens iert mes en oreison

Se il nad sa beneicon .

955

Turne soi vers orient

Depriet Deus omnipotent .

Deus dist ele douz Creatur

Toi lou jo e si taur .

Sire honure soies tu

960

e tute la toue vertu .

De nos pechez nus facez pardon

Puis aiuns Sire ta beneicon .

Des ore levat danz Zozimas

en suspirant ke mut ert las .

965

mes Marie lad conforte

Sovent se sunt entresgarde .

ele comence a suspirer

e si lui prent a demander .

Des reis des contes de la terre

970

Sil unt peis ou sil unt guere .

e des pasturs ke la lei tenent

Cunfaitement il se contenent .

Danz Zozimas lui respont

Deus ad mis peis par tut le mund .

54r

975

Nest homme tant alast par terre

ke riens oist parler de guerre .

meis Seinte Glise ad grant bosoin

ke pur lui facez oreison .

ke Deus li otreit peis durable

980

e la defende du Diable .

Marie lui respundi

Deu la gart par sa merci .

ele turna vers orient

Dresce ses mainsver ciel lestent .

985

e Deus priat son Creatur

mut piement par grant amur .

Si come la boche lui moveit

me nule voiz nen isseit .

De terre eut sempre ravie

990

Si kele ni attocha mie .

Zozimas ot pour mut grant

Dampnedeu trait a garant .

ke plus ke dou piez e demi

ert entre la terre e lui .

995

Ou ele feseit sa priere

Nostre Sire lout tant chiere .

De la pour kout Zozimas

Comenca sen aler le pas .

Quida fanteime avoir trove

1000

Ariere estoit aukes reuse .

54v

kant Marie le vit turner

Souef le comence appeler .

Cheles dist ele Zozimas

Beau cher pere dont te dotas .

1005

Purquoi ten vas por une femme

Sachiez ke fui crestiene .

Baptize feu en enfance

en Deu ai tute ma creance .

Il est mamur e mun desir

1010

Jol servirai geskau morir .

Sa destre main levat amunt

La seinte croiz fut en son front .

Li seinz hermites bien le vit

As piez la dame si chait .

1015

e le le fist sempres lever

De rechief pristrent a plurer .

Merci dist il seintime dame

Dunt es venuz ne de quel reaume .

Descoverez moi la toue vie

1020

Pur Deu ne la me celez mie .

Di lamoi par confession

ke Deu te face verrai pardon .

Sire lui respont Marie

Ne la vous celerai mie .

1025

kant nue mas ci regardee

Ja ma vie ne tiert celee .

55r

Tute la toi descoverai

ke ja rien nen celerai .

Ore comence conter Marie

1030

Rien ni ad ke ne lui die .

Tute sa vie ad reontee

Di cel ure kele fu nee .

Dementers kele le contoit

Poez savoir grant hunte avoit .

1035

kant ele lui out conte sa vie

as piez lui chiet merci lui crie .

Zozimas. ad oi sa vie

son Creatur en glorifie .

merciz en rent au Creatur

1040

Puis lui ad dit par grant amur .

Dame pur quoi chies ames piez

Pur Deu te pri ke co lessez .

Nest pas en moi la dignitez

Nen sui de tel auctoritez .

1045

A co que tai oi conter

ka peine tos nis esgarder .

Unke mes ta per ne vi

Dame aiez de moi merci .

Par charite conseilez moi

1050

Si puis remaindre ci od toi .

Nenil beau pere Zozimas

Respont Marie einz ten irras

55v

Mes ne te chaut dire mavie

Si la que soie finie .

1055

Si Deu mad a toi mustree

Par toi vorrai estre celee .

Od labbes Johan parleras

Cest message li dirras .

De ses owailles prenge cure

1060

kar tel i ad qui trop sa seure .

e prenge cure dous garder

ke mut i ad kamender .

mes kant vient de laltre an cest tens

Tu languiras si com jo pens .

1065

kant ti per e ti compaignon

sen istrunt fors de lur meison .

e li jurs venrad de Quaremme

ke chascun dous irat son esme .

Te covendra ton lit tenir

1070

Ne porras mie od ous venir .

kant jur de la Ceine vendrat

e le Quaremme passe serrat .

Gariz iers si cum jo croi

Donc pri ke veignez a moi .

1075

Le cors Nostre Seignur me met

en un vessel ke mut soit net .

Del seint sanc en un altre veisel

Mes gardez bien ke mut soit bel .

56r

Beau pere kant tu le porteras

1080

Plus pres de toi me troveras .

Pur toi me serrai aprimee

kant te verrai mut serai lee .

Jo serrai sachiez al autre an

Contre toi au flum Jordan .

1085

Illenc sachiez aprismerai

Purco ka cumengie serrai .

Deske passai le flum Jordan

Pres du muster Saint Jehan .

Ne receu le cors Nostre Seignur

1090

Od ki est tute ma doucor .

Ne nevi homme for sul toi

Aler men voil, priez purmoi .

Par un senter sen est turnee

el grant desert sen est entree .

1095

kant li seinz hom la noit torner

A peine pout as piez ester .

As oilz la suit el desert

Mut ad grant doel quant il la pert .

A la tere est a genuillez

1100

La ou avoit tenu ses piez .

Beisa la terre mut sovent

e lowat Deus omnipotent .

Sire dist il louez soies tu

ke mustre mas si grant vertu .

56v

1105

Sire toi peusse jo aurer

ke tu la moi otrias trover .

Puis lui menbrat de son muster

Dont estoit issu premer .

Repairez sen est a meison

1110

e li etuz si compaignon .

Li abbes Johan estoit mut lez

kant tuz les vit repeirez .

mes chescun dous sest bien teu

De tut co quil avoit veu .

1115

Nul nestoit si noveler

ke de riens senosist vanter .

mut les cherist li abbe Johan

mes quant fu tut passe cel an .

vint li premer jur de Quaremme

1120

ke chescun dous ala son esme .

en son lit jut Zozimas

Malades ert ni ala pas .

A meison lestout reposer

Malade feut ni pout aler .

1125

Bien sout que co fu prophecie

Quankil out oi de Marie .

Tute passa la Quaranteine

kant vint al judi de la Ceine .

Zozimas se senti guarri

1130

Lors ad pris corpus domini .

57r

Le sanc precius ensement

Pur furnir le comandement .

Dont la dame lavoit priez

kant ele de lui prist congiez .

1135

Zozimas enprent son eire

Od sei portat un poi de ceire .

e des lentilles ensement

Navoit soign dautre fornement .

Al flum Jordan vint Zozimas

1140

kant il i vint vespre fu bas .

Illoc quidat trover Marie

Mes onkore ni ert ele mie .

Crient de la rien quil plus coveite

Par son pechie li soit toleite .

1145

U kele i ait encois este

e kil eit trop demure .

De la demuere soit ennuiee

e pur co se soit returnee .

Deus dist il de majestez

1150

Ci ne me lessez esgarez .

Lai me ver oncore la femme

Dont nad sa per en cest remme .

Ja ne viverai si com jespeir

Soncore ne la puis veir .

1155

Sele ne vient a moi parler

Coment purroi jo a li passer .

57v

Cum passerai le flum Jordan

kant jo ni ai nef ne chalan .

Pere de tute creature

1160

De co peus tu prendre cure .

Tant par est grant ta poeste

ke tut est a ta volente .

kant il out soreison finie

utre le flum vit Marie .

1165

Sor la rive la vit ester

sempres la prent a apeler .

Dame co dist Zozimas

Bele mere coment le fras .

Coment passeras tu ver moi

1170

kant jo ne pus passer ver toi .

Cum passeras le flum Jordan

kant il niad nef ne chalan .

kant Marie loit parler

De pitie prent a plurer .

1175

A Dompnedeu sest comandee

Dedenz le flum sen est entree .

Sur le flum vait sanz dotance

Oez cum feut de grant penance .

Sur lewe redde vait le grant pas

1180

Mut sesmerveille Zozimas .

Li seinz hom la vot aurer

Mes ele le prist a devoier .

58r

sempre passat la bonuree

Unc nout sa plante moillee .

1185

kant a la rive feut venue

Vait au seint hom si le salue .

Apres lui est cheu as piez

mut se crient de ses pechiez .

Aspiez lui fait afflictiun

1190

Si li requert sa beneicun .

Li seinz hom la vot relever

Pitez en out prist a plurer .

Nosa fere sur lui signacle

kant Deu fet pur li tel miracle .

1195

ke la fist aler leus sor londe

De la rive que tant ert parfunde .

kant de la terre lout drescie

Par grant amur la beisie .

Lors lui requist Credo in De

1200

ke cil li deist par charite .

Il li dist mut delivrement

e la pater nostre ensement .

La dame respont apre lui

mut sentre esgardeient ambedui .

1205

kant eurent lur parlement

Il lui mustra ten present .

Cum del cors Nostre Seignor

Dont serrunt salve pecheur .

58v

Zozimas le tient en sa main

1210

Dame dist il co semble pain .

mes cest le cors Jhesu crist

ke li maveis poeple oscist .

en la croiz feut mise octis

Ja hom navera saint parais .

1215

Si co ne croit en sa vie

Jo le croi bien respont Marie .

e uncore aiien ma creance

kil fu feru dune lance .

Od sun pere nus fist apaie

1220

Par le sanc kissi de la plaie .

Par co furent cil si ami

ki einz erent si enemi .

Par le forfait del premer homme

ki sor son vied manga la pome .

1225

Icel seint sanc nus lessa il

Mut est cil fous ki lad en vil .

si tu las porte od toi

Pur De te pri donez le moi .

Li sanz hom lout si derainer

1230

Forment se prent a merveiller .

Le sacrifise lui mustrad

La seinte dame la urad .

Il li donad. ele le receut

Le cors mangad ele sanc beut .

59r

1235

kant ele feut accuminee

Unke de rien nestoit si lee .

Deus dist ele Douz Creatur

Pere toi lou e si taur .

Douz Sire oez ma oreison

1240

e si me rend mon gueredon .

Quarante sis anz tai servi

Des ore aiez de moi merci .

Fai de ta fille ton pleisir

Des ore vorroie jo murir .

1245

e si te plest ke vive plus

Beau Chier Pere pas nel refus .

Ceste vie ne refus jo pas

Tant le voil cum tu le vorras .

Mes site feust Sire a pleisir

1250

Des ore vorroie jo murir .

Des ore vorroie mes soudees

ke tu mal Sire aparillees .

Pri ent ton Fiz Virgne Marie

kil me mete en sa compaignie .

1255

se une foiz feusse od tei

Nen partire mes co crei .

La chanterai od tes anceles

en tes chambres que tant sunt beles .

Le chant novel od le donz son

1260

ke le rei chantad Salomun .

59v

Ici nele puis jo chanter

kentendre mesteut a plurer .

kar la joie de ceste vie

Tute turnet a folie .

1265

kant loreison ot chevie

ver le seint homme sumilie .

Sire dist ele danz Zozimas

Beau doz pere ore ten irras .

acompli mas mun desirer

1270

Repoire ten a tun muster .

Al autran pas ne mubliez

ka moi parler ne viegnez .

Del flum Jordan passez la rive

Si me troveras ou morte ou vive .

1275

La ou primes me trovas

Si feroi jo dist Zozimas .

mes si tu fais mon desirer

De nostre fruit testeut manger .

Lentilles traist de son sacun

1280

Ni avoit autre garison .

Il les tendit en ses dou mains

e la dame manga trois grains .

Trente anz erent ja passe

kele navoit ainz ces guste .

1285

Del ewe beut sanz nule soi

Puis li ad dit priez pur moi .

60r

A icel mot sen est turnee

en un urette ert reportee .

en cel liu ki mut fu chier

1290

Ou Zozimas la vit premer .

e si avoit meinte jurnee

mes cum Deu vot estoit mence .

kant a cel liu ert parvenue

Ou Zozimas la trova nue .

1295

ke meuz oleit eplusforment

ke nefet baume ne piment .

a la terre sest accutee

A Dampnedeu sest comandee .

Duz Sire dist ele ki me feis

1300

e denz mon cors alme meis .

A toi me peusse jo livrer

e otrier.e comannder .

Ore sai bien ke tu mas chere

kar oi avez ma preiere .

1305

sevrer me voil de ceste vie

Ci voi venir ta compaignie .

Jo croi kele me vient querant

malme e mun cors te comant .

Dont sest a la tere estendue

1310

Si cume ele estoit tute nue .

Ses mains croisa sur sa peitrine

e sen volupad en sa crine .

60v

e clost se oilz avenantment

Son nes e sa buche ensement .

1315

Lalme sen vait el ciel durable

Unc ni osa venir Diable .

en langeline compaignie

sen alad lalme Marie .

Le cors de lui remist tut nuz

1320

for dun drapel kert tut rumpuz .

ki del cors coverit partie

Povrement estoit finie .

ensample nus dona la dame

Ce sachent li puisant du reame .

1325

ki povre ne sunt a la mort

ka Nostre Seignur font grant tort .

Li povre serrunt bonure

kar il avrunt le regne De .

La ou li riche ni entrunt

1330

Si einces povre ne sunt .

Sus terre jut le cors Marie

Trestut lan sanz copaignie .

Nout el desert rien tant fier

kunc i osast aprochier .

1335

Sur lui nosad oisel voler

Tant la parvot Deus honorer .

Si grant miracle pur li fist

kunc sa char rien ne blemist .

61r

unke pur freit ne pur chalur

1340

Nen issi mauveise flaur .

Tant feut le cors desenterrez

ke li ans ert tut passez .

Zozimas ne subblia mie

Repairez est en sabbeie .

1345

mes dune rien fu mut irrez

Li seinz hom quant sest purpensez .

k od la dame avoit parle

e son nun navoit pas demande .

Ne que sun nun navoit enquis

1350

Del tut se tint entrepris .

mes quant avint kil ot congie

kil pout issir de sun sie .

e passez ert tut i cel an

mut tost passa le flum Jordan .

1355

el desert vint pur la muiller

Par merveillus desirer

Tant lad quise par le desert

kil vint la ou le cors ert .

mes enceis kil leust trovez

1360

mut le veisset esgarez .

Grant doel fet e plurt e crie

Pres ert del cors si nel vit mie .

Duz Pere dist il ki me fesis

mustrez moi co ke jai quis .

61v

1365

sachiez james ne sloignerai

De cest liu . ne me moverai .

Treske jo veie i cele femme

Dunt nad sa per en tut cestreaume .

Sire mustrez moi la muiller

1370

kar cest tut mun desirer .

Plus ne vivrai si cum jo croi

se vive ou morte ne la voi .

Lai me ver le cors mamie

kar jo croi kele soit finie .

1375

Sele vesquist si cum jo croi

ele feust ja venue a moi .

Ja esgarez ne me lessait

Sele me seust en cest guast .

Sire se tu de moi as cure

1380

Lai me fere sa sepulture .

Beau Pere Rei de magestez

Ne me lessez si esgarez .

kant il out soreison finie

Deus li mustras le cors Marie .

1385

vers destre part sest regardez

Pres de lui vit une clartez .

une clarte vit en cel leu

Lors quida ke co feust feu .

A la clarte sest aprimez

1390

Le cors trova . mut en fu liez .

62r

A la terre geut estenduz

Poi sen faut kil nert tut nuz .

Son vis avoit vers orient

e les oiz clos avenantment .

1395

La crine avoit for son viere

ele navoit autre sueire .

Al cors saprima Zozimas

Sur lui posad un de ses dras .

Les piez sempres li vait beiser

1400

Al autre noseit apprimer .

Il regarde amunt au chief

Lettres vit cum en un bref .

el lettres ke li sainz hom vit

ert cest comandement escrit .

1405

Zozimas pren le cors Marie

Silensevelis od la Deu aie .

kant tu laueras enseveli

priez pur lui vostre merci .

Les lettres erent de teu tor

1410

Come feussent fetes icel jur .

en la terre erent figurees

Zozimas les ad recitees

mes kant il ot le nun trove

Deus en mercit sestoit mut le .

1415

Le beau nun durement prise

Lors ad comence le servise .

62v

mes kant il ot fet son mester

e dit les seaumes du sauter .

a donc le veissez esgarez

1420

kar il not rien od soi portez .

dont il peust la tere uvrir

Nel seintime cors enfuir .

Un fust trova par aventure

Fouir en vot la tere dure .

1425

La fosse vout apareillier

mes la terre ne pot attamer .

Tut tressue dedenz sa heire

De co que rien ni pout fere .

Grant bosoign avoit il daiue

1430

Tel haan ad que tut tressue .

e nepurquant pur le haan

Ne chevast il en tut cel an .

Se Deu ne lui donast aie

Par la deserte de Marie .

1435

Deu lui tramist compaignun

Nul autre mes kun leun .

Un leun issit del desert

Sempres venoit ou li corsert .

Les piez comencad leschier

1440

Ne savoit autrement beiser .

Signe feseit dumilitez

e kil la servireit de grez .

63r

kant li seinz hom vit le Leun

Navoit einz eu teu compaignun .

1445

Neust soign de sa compaignie

Se Deu lui donast autre aie .

Premerement volert fuir

kant il le vit au cors venir .

mes kant il le vit privez

1450

e de si grant humilitez .

e tant suef cum un aignel

sachiez que mut li feut bel .

Bien sot que Deus li ot tramis

Lors lui ad dit beau doz amis .

1455

Ceste femme kont nun Marie

Qui mut estoit de seinte vie .

mad ci demustre en un bref

ke jai trove ci a son chief .

ke ci vout estre ensevelie

1460

mes mut ai mester daie .

se tu me veus de rien aider

Cest seint cors voil enterrer .

Li leuns sest apparilliez

Del comandement joius e lez .

1465

Dekanque il sout obeir

La terre comence a fuir .

Li leun fueit la terre dure

Li sainz li mustra la mesure .

63v

As piez devant la racout

1470

A cous deriere la corout .

Grant ert la vertu du leon

kant estruot le sablun .

Par son le bois haut e cler

La terre dure fist voler .

1475

Se quatre hommes i feusent mis

ki besches eussent e bon pics .

Ainz ce feussent bien lassez

ke la fosse eussent acurez .

La fosse feut sempres atiree

1480

e de la terre bien voidee .

Zozimas ert lez ki co vit

Devers le chief le cors saisit .

e li leuns as piez lad prise

entroudous lunt el sarcu mise .

1485

Dedenz la terre ont mis le cors

Zozimas sen est issu fors .

Lors fist la commendaciun

Sanz ladjutoire du leon .

Cit ne lui pot fere adiue

1490

kar il ert une beste mue .

mes quant il vint a lenterrer

Deriens nestouet amonester .

Tute la terre lors aunat

e sur le saint cors remenat .

64r

1495

mes quant la tumbe ert acemee

e sobedience out a chevee .

A terre sest tost a genuillez

Signe feut kil prist congiez .

Lors sen est a riere turne

1500

el grant desert sen est entre .

kant Zozimas le vit turner

Deu comencet a louer .

Deus dist il Loez soies tu

Tant par est grant ta vertu .

1505

Bien mas mustre par Marie

ke mut est fous cit ki te oblie .

Bien voi . e croi sanz dotance

ke forte chose ad en penance .

James riens ma ke toi servir

1510

Ne feroi treskes au murir .

Tuz mes pechiez espenirai

Ja de mun cors merci naurai .

Li seinz hom par grant devociun

Repairez est a sa maison .

1515

La grant penance de Marie

Sa poverte . sa dure vie .

Son travail . ne la grant amur

kele avoit ver son Creatur .

Le repentir bon e verrai

1520

kele out apres son grant desrai

64v

Cum Nostre Seignur lavoit chiere

Par requeste de sa douce Mere .

e cume ele entrad en sa gloire

Trestut descrit solunc lestoyre .

1525

Jhesu crist le Rei celestre

Ki de la Virgne deigna nestre .

e pur nus voleit mort suffrir

Pur nus du Diable tolir .

Nus doint verrae penance

1530

e de nos pechiez repentance .

e joie aient celestiene

konur funt al Egypciene . Amen.

Extensive

35r

Seignurs pur l’amur Jhesucrist

kar m’escutez un petit .

Si vous dirrai cest escrit

Mut i troverez grant profit. .

ke tut est fet de verité

N’i ad un mot de fauseté .

bien crei volentiers l’orrunt

cil ki Deu servir vorrunt .

kar a tous ki de lui n’unt cure

mut est sa parole aspre e dure .

Tuz cil ki pur l’amur de Dé

Orrunt ceste verité .

35v

De ma dame sancte Marie

L’Egypciene orrunt la vie .

kar sachent tuit pecheur

ki forfet unt al Creatur .

ke nul pechie n’est si pesant

Ne tant orrible ne tant grant .

Dont Deu ne face le pardon

Par foi. e par confession .

Si tous ki pernent penance

Deskarkent soi de mescreance .

Si hom guerpit la merci Dé

Cil pechie n’iert ja pardoné .

pur co que n’est gin creature

ainz est meins ke n’est nature .

k’unc Deus ne criad pechie

e nepurkant si ad son sie .

en chescun hom a son hostal

Si les constreint de fere mal .

Nus homme n’est en ceste vie

ke tant soit sage ou n’ait folie .

ke sovent en pechiez chairent

Li apostres ke Deu siwirent .

pur co ne me pus merveiller

D’un cheitif kant le voi pecher .

mes de celui est grant merveille

ki tuz jurs dort e ne se veille .

36r

en ses orz pechiez se dort

Desk atant k’il sent la mort .

kant la mort vient e il la sent

Lors dit primes jo me repent .

A tant ad pris le repentir

kant il est venuz a morir .

Solunc le dit seint Augustin

N’est mie bone cele fin .

kar kant le cheitif sent la mort

Il ne peut fere droit ne tort .

Guerpit donc sa iniquité

kant n’a mes de soi poesté .

si plus eust saunte e vie

Oncore feist il la folie .

kant l’alme s’en est partie

ki li peut donc fere aie .

Nul for sul Deu ki la criad

mes co qu’a fet si troverad .

Ceste dame dont voil conter

Marie L’oi appeler .

Egypciene est pur co dite

k’ele feut nee de Egypte .

Illoec feut nez e baptizez

meis malement feist entechez .

Legiere devint a bref conte

Tant k’onur perdit ele e honte .

36v

Tant ert esprise de Luxure

ke d’autre chose n’avoit cure .

put co ke tant ert bele e gente

sa fiot tant en sa juvente .

Que tut fesoit le soen pleisir

Rien ne li membrot du morir .

De dous parenz ne se gardout

A tute gent s’abanndonout .

N’espoir que feust en ceste vie

Femme de si grant lecherie .

Pere e mere lui viveient

Pur poi de deul n’afoleient .

Il la voleient chastier

Tut coe ne prisout un denier .

Ne prisout chastoi de parent

Plus que ne fist trespas de vent .

Fille coe disoi la mere

Croiez le conseil tun pere .

Si longement tiens co mestier

Trop an eruns grant reprover .

Pu Deu te pri fille Marie

Guerpez mes ceste lecherie .

Kant ceu mester avras guerpi

Richement te dorruns mari .

N’est droiz ke soies perie

Par suffrette de nostre aie .

37r

Fille tu es de grant parage

Mut serroit dol e grant damage .

Si tu feuses si perie

Par ta male lecherie

Tis peres est issi irrez

Ja jur kil vit n’iert mes lez .

e maudit tute s’aventure

De co ke fist tel engendrure

Kant Marie l’out parler

100

Trop li grevout l’escuter .

Tut quanke sa mere out dit

Forment l’avoit en despit .

Ne pere.mere. ne parant

Ne prise vaillant un gant .

105

Pur parfere sa volentez

S’en fuit eu autre regnez

Tut son parenté guerpit

unke pus nul dous ne vit .

Issi s’en ala come Lere

110

Sanz seu de pere ou de mere

En chemin entra Marie

Onc ne demanda compaignie .

en Alisandre estoit venue

Au chief de la plus mestre rue

115

Chief les meretriz prist son hostal

Illoke fist son cors venal

37v

ele estoit blanche come flur

Des juvenceaus avoit l’amur .

Trestuz vienent au bordel

120

Pur sa beauté li juvencel

e le les recent volentiers

Nient sulement pur lur deniers .

Mes pur acomplir son delit

Les avoit od lui tute nuit .

125

en son delit ert ententive

Chescun hure la cheitive .

kar boire e manger e luxure

ço ert en fin la sue cure .

kant ele levoit du manger

130

Od les garçons alout juer .

Tant par amout ces aveaus

Ne pensout for de beaus apeaus .

Li juvencel tut li plusur

erent si espris de s’amur

135

ke devant son us en l’entree

Feseient de eus meinte mellee

e de gisarines e des espeies

S’entredoneient granz coleies

Li sancs ki iert espanduz

140

Corut aval par les paluz

La cheitive qui co voit

Onke pour nel enpernoit

38r

Si un morroit de ses amanz

ele avoit contre quatre tanz .

145

Tut veist ele d’ous oscis

Ja plus tart ne froit un ris .

Ne cil qui ert pur li naffré

De lui ne serroit visité .

Plus amot a seins juer

150

ke les malades visiter .

en Alisandre estoit Marie

Ou tant demena fole vie .

Illoc acompli ses talanz

La chaitive e jurs e aunz .

155

La vile ert par li empiree

S’estoit par li maumenee .

e li pais tout environ

Si ert en grant perdicion .

De sa beauté de sa figure

160

Si cum il est en escripture .

Voil un poi dire le semblant

Ainz ço ke jo pas avant .

A iceu tens n’ert si bele femme

kar ele estoit sur tutes gemme .

165

Onke cuntesse ne reine

N’ot el chief si bele crine .

Rondes avoit les oreilles

Tres blanches erent a merveilles .

38v

Les surcius noirs e avenanz

170

e les oils clers e suz rianz .

La buche petite par mesure

e simple avoit la regardure .

La face tendre e coluree

Cum rose qui sempres est nee .

175

Ne ja au nés n’au mentun

N’aparceussez meffaçon .

Par sum le col blanc com ermine

Lui undoit la bloie crine .

Chascun des traianz la dame

180

N’iert pas maire d’une pome .

Suz la gule en la peitrine

ert blanche come fleur d’espine .

Lung braz avoit e blanche mains

Les dois ronz.greilles e pleins .

185

Gent cors avoit e bien moullez

Desuz l’essele les long costez .

Ne feut trop grant ne trop petite

Sa façon n’iert ja descrite .

Ne la beauté de ceste dame

190

N’iert ja descrite pur nul aume .

Tant ert cortoise de parler

Riens n’i avoit k’amender .

A pleindre fist teu creature

Quant de sun Creatur n’ot cure .

39r

195

ele recevrit mut presenz

S’en achatot beau vestemenz .

Bons dras avoit e avenanz

Pur menz pleire a ses amanz .

ele n’avoit soign de dras de leine

200

Par nul des jurs de la sumeine .

Ainz vesteit bliauz de osterin

e affublout mantel d’ermin .

Sollers bien peinz de cordewan

Chaucot trestuz les jurs del an .

205

Trestuz cous de la cité

L’amoient pur la beauté .

Li ancien hom e li sage

Disoient. hai. queu damage .

Tant mar fu nee la dolente

210

Tant fet a pleindre sa juvente .

Mar feut onke la sue vie

Quant si est pleine de folie .

Tuz diseient par la citez

k’ele estoit de grant parentez .

215

kar a tuz respont par reison

e tant ert bele de fasçon .

ke li fiz d’un empereur

La peust prendre a gran honur .

Ce fu en may un mois d’esté

220

k’ele ert au mur de la cité .

39v

Si regardat aval au port

Ou soleit fere son deport .

Ariver vit une galie

ke de Libie ert eschapeie .

225

Tute ert pleine de pelerins

De veu genz e de meschins .

en Jerusalem s’en aloient

par bon corage se hastoient .

pur estre a tens a une feste

230

ke de la Croiz i devoit estre .

Cil qui estoient plus leger

Se sailirent fors al graver .

main a main se vunt juant

par la rive lui enfant .

235

mes quant les aparceut Marie

Ne peut muer que ne rie .

prés de lui vit vu homme ester

comença lui a demander .

Sire fet ele kar me di

240

pur l’amur Jhesu ço te pri .

Queu part irrunt cil barun

ke la sunt issu del dromun .

e si porroie od eus aler

kar mes n’ai soin ci demorer .

245

aler m’en voil de la cité

Ceo m’est vis trop i ai esté .

40r

Li prodomme lui respont

en Jerussalem irrunt .

Se vus lur avez ke doner

250

Le meuz purras od eus aler .

par Deu sire dut la dolente

assez ai bele la juvente .

mun cors lur metrai a bandon

Jo ne lur pus fere autre don .

255

Ne lur dornai autre Loer

kar jo n’ai meskun sul dener .

kant li prodom out la folie

Ne peut muer ne s’en rie .

kant ad oi le covenant

260

Guerpist la si s’en veit riant .

e la dolente s’en turnad

Unc al hostel ne reperrad .

Aval s’en vait grant aleure

Si cum la menout s’aventure .

265

Unc ne fina tresk’au vessel

Ou estoient lui juvencel .

mes a cous parla premer

ki s’esbanoient el graver .

A ous parlat auke brefment

270

Teu sen com ad lur en despent .

Seignur dist ele pelerin

De vous mette en bone fin

40v

e vous doint teu volenté

ke vous me facez charité .

275

Je sui ci une povre femme

e sui nee d’autre regne .

De Egypte sui jo nee

en cest pais sui esgaree .

Jo n’i ai ami ne parent

280

Si m’esta mut fieblement .

Jo n’ai od moi argent ne or

Tut poez ver le mien tresor .

Jo n’i autre manauntie

Mes mut pris vostre compaignie .

285

S’en cel vessel od vous estoie

mut volenters vos serviroie .

Si men vorroie od vous aler

Se vous m’en voliez mener .

Ja pur mener une cheitive

290

Ne vendrez plus tart a rive .

Respondirent li juvencel

venez od nus mut nus est bel .

Sus en lei nef la funt munter

Tantost se firent desanncrer .

295

De la rive tost s’esloignerent

Des kant a nager comencerent .

Onc ne finerent li bacheler

Tant k’estoient en haute mer .

41r

en haute mer a dreite veilles.

300

Tute nuit curent as esteilles .

mes du dormir n’i out nient

kar Marie le lur defent .

premer les prent a tastuner

Aprés les comencez acoler .

305

Aprés l’acoler a beiser

e en tuz sens a losenger .

Ne n’i ot un tant querus

Feust juvencel ou veuz espus .

k’unquez peust prendre respit

310

ke ne pechast od lui la nuit .

Tant fu quointe de son mester

ke chescun fist en lui pecher .

kant ele vit les hautes undes

Les merveillus e les parfundes .

315

e vit venir la grant oresté

k’amenout la grant tempesté .

Li soens estres estoit mut liez

De rien ne cremeit ses pechiez .

Tuz les pourus confortout

320

e a amer les enviout .

en tant l’avoit luxure esprise

Tute nuit ert en la chemise .

s’alout les nuiz par tuz les liz

Pur acomplir lur deliz .

41v

325

e cil a grant gre l’acolerent

e lur volentez acomplirent .

merveille ert d’une femme sule

ke pout servir si grant fule .

mes de ço n’estot doter nulli

330

ke Diable ne feust ove lui .

ki mut volentiers la neiast

se Nostre Sire lui lessast .

mes il la garri bien de mort

e la fist venir an port.

335

Quant Marie fu arivee

Dolente feut e esgaree .

Suspire e se pleurt a la rive

Ne seit que fere la cheitive .

el ne ne conut homme ne femme

340

mut li semble estrange regne .

A la parfin se purpensat

k’en la citié s’en irrat .

e frat ilokes son mester

N’ad soin sa vie amender .

345

en Jerussalem est entree

Ore oiez de la maleuree .

unc ne targat de pecher

einz començat a empirer .

Ha : Deu come grant perdicion

350

Ainz que venist a l’invencion .

42r

De la Saincte Croiz auree

ke devoit estre honuree .

Tant out empiré si tost le lu

meuz li feust estre greille de fu .

355

kar ele decevoit la juvente

Od co k’ele ert si bele e gente .

Li juvenceaus de la cité

erent espris de sa beauté .

Ne demura k’un petitet

360

ke la grant feste ne veneit .

Li haut jurs de l’invencion

Lores vient la procession .

Des pelerins de utre mer

ki vont au temple purvrer .

365

Al temple vont par bon corage

Come prodome e come sage .

k tant les aparceut Marie

Tost se jont a la compaignie .

Tut dedenz la procession

370

Nun pas par bone entencion .

Lui pelerin ki la voient

Sa volenté point ne savoient .

kar s’il seussent la soue vie

Ja od eus n’eust compaignie .

375

Sur les degrez sunt ja muntez

Dedenz le temple sunt entrez .

42v

Dedenz entrat la compaignie

mes unc n’i pout entrer Marie .

kant ele voleit avant aler

380

Ariere l’estuvoit reverser .

Dedenz la presse se meteit

mes nule rien ne lui valeit .

Ce lui ert vis son escient

Que ele veust une grant gent .

385

ki sembloient chivalers

mut avoient les vis fiers .

Chescun tendoit vers lui s’espee

e manacout la de l’entree .

kant ele voleit avant aler

390

Les branz la firent returner .

kant voit que nient n’est de l’entree

en un angle s’est reversee .

Lors se prent a purpenser

ke deit k’ele n’i peut entrer .

395

Au paraler voit e entent

ke son pechié le lui defent .

De quor comence a suspirer

e des euls forment plorer .

A dou mains deront sa crine

400

Gran cops se fiert en la peitrine .

Bien set deus ver lui marri

Ne lui osa crier merci .

43r

Hay: dist ele peccheriz

Tant mar estoie meretriz .

405

Tant mar fesei les orz pechez

Par unt Deus est ver moi irez .

mau conseil ai tut tens eu

kant mon Creatur ai perdu .

Tant sui plein de veil ordure

410

De mauvestez e de luxuire .

Que au temple ne pus entrer

Ne Dampnedeu pere apeler .

ke ferai jo lasse chaitive

Ce poise mi que jo sui vive .

415

De quor li issent li suspir

meins prise vivre ke murir .

Regarda ver destre partie

Vit l’ymage saincte Marie .

k’en la meisiere ert figuree

420

mut umblement l’ad reclamee .

Dame dist ele duce Mere

ki en ton cors portal ton Pere .

Seint Gabriel en fu message

e tu li respondis come sage .

425

kant il te dist ave Marie

De la grace Deu replenie .

en toi prendrat humanité

Le Fiz au Roi de magesté .

43v

kank’il dise tu l’ottrias

430

e sue ancele t’apellas .

pur ce es ore au ciel Reine

De toi sule quer medicine .

A mes plaies que sunt mortals

Ne quer autre medicinaus .

435

Dame si od tun Fiz m’apaies

Bien erent sanees mes plaies .

Ci guerpi jo la male vie

Ja mes n’i averai compaignie .

en ton Fiz met ma creance

440

Toi met en plege e en fiance .

Que tut tens mes lui servirai

Ne ja de lui ne partirai .

Du tut guerpi jo ceste vie

e ma mauvoise lecherie .

445

Ja n’iert jur n’en aie pesance

mut iert aspre ma penance .

Mere de pitie jo crei bien

k unc ne feust si dure rien .

Ne si forte a pardoner

450

Ke si tun Fiz en veus proer .

sempres ne n’ait pardon par toi

Dame aiez ui merci de moi .

uncore ai jo en ma creance

ke tun Fiz feut a ta nessance .

44r

455

Il mist en toi virginté

Aprés i mist sa deité .

mut grant merveille fu del Pere

ki de sa Fille fist sa Mere .

Il prist de toi humanité

460

k’onc ne perdis virginté .

Il est ton Fiz si rest tun Pere

Tu es sa Fille e res sa Mere .

mut fu co merveilluse chose

kant de l’espine issit la rose .

465

e de la rose issit le fruit

Par ki Diable fu destruit .

un nun avoms c’est Marie

mes mut diverse est nostre vie .

Tu amas tut tens chastetez

470

e jo luxuire e maveistez .

Diable avois a enemi

e jo l’ai tut tens servi .

Dont de la toue humilitez

Ne nasqui femme en nul regnez .

475

Jo sui povre e orguilluse

e de mon cors Luxuriuse .

Li Nostre Sire toi amad

e moi chaitive refusad .

moi refusad e amad toi

480

Dame eiez merci de moi .

44v

Dame tu portas le tresor

ke meuz vaut ke argent ou or .

De toi prist char le Fiz al Rei

ki sant Johan mustras al dei .

485

Veez dist il li Aigneau Dé

Par ki le mund serra salvé .

mes kant coit lui Enemis

ki nus getat de paradis .

kil devoit le mund sauver

490

Bien tost le quidout enginner .

Cume il fist le premer homme

kil deceut par la pome .

Par trois foiz le assaiad

Li leres. riens n’i espleitad .

495

mes quant le vit armé si fort

Par treison li basti la mort .

mut fu la mort boneuree

Dout la vie feut recovree .

Se li Fiz Deu ne fust occis

500

Ja hom n’entrast en paradis .

Par la mort prist il la vertu

Dont li Diable estoit vencu .

Lui occis venquit l’ossceur

Du tut le mist a deshonur .

505

D’enfern brisat la serure

e rumpit tute la closture .

45r

fors engeta sa compaignie

ki du Diable estoit ravie .

Il les couduit a som Pere

510

A la gloire .ou il ere .

Puis revint par grant vertuz

A son cors dont esteit issuz .

A ses apostles apparut

e quarante jurs od eus feut .

515

mustra lur la novele Ley

e puis beisa chescun par sei .

Comanda lur sa doce Mere

el ciel munta pus a son Pere .

Du ciel lur tramise ten confort

520

Dunt nuls ne dota pus la mort .

Le Seint Espirit lur tramist

ki tuz languages lur aprist .

Ore siet au destre sun Pere

e tu od lui sa duce Mere .

525

Quant il vendrad al Jugement

Al sen secund avienement .

Tu serras en sa compaignie

Cume la sue chiere amie .

Tuz jugerad e morz e vifs

530

Li bons irrunt en paradis

Li maus irrunt en fu durable

Illoc les penerunt Diable .

45v

Virgne e Reine coronee

ki tant par es bonuree .

535

Que celi portas en ton ventre

ki le mund ne peut comprendre .

Si cum jo crei ço ke jo di

Dame eiez de moi merci

Al chievement de l’ureison

540

Li fesoit Jhesus le pardon .

De l’ureison leva Marie

De sun novel Seignor se fie .

en lui met tote sa fiance

el temple entra sanz dutance .

545

Tut i entra sanz desturber

Si vait oir le Deu mester .

Od tre merveilluse pour

Aurout la Croiz son Seignor .

mes kant el l’avoit auree

550

De Deu fuit tote espiree .

kant tut conuit le Deu mestier

Si revait fors du muster .

Od bone entention membree

Droit a l’ymage est returnee .

555

en lui ad tote sa fiance

Conseil li qu’ert de sapience .

Comfaitement ele le frat

E en queu terre s’en irrat .

46r

Vint une voiz k’ele entent

560

ke lui ad dit apertement .

va t’en al muster Saint Johan

Puis passeras al flum Jordan

A ceu muster prendras mescine

Puis t’en irras en la gastine

565

Illoc tes pechiez espeniras

Tuz les jurs ke mes viveras .

kant ele ot oie la voiz

Seignat sei de la seinte croiz .

Ignel pas se mist el chemin

570

Devant lui vint un pelerin .

Trois mailles lui presentat

Trois petiz pains en achatat .

Ço feut tute sa sustenance

Tant cum ele feut en penance .

575

Al flum Jordan vint Marie

La nuit i prist herbergerie .

Bien prés du muster Seint Johan

Sur la rive du flum Jordan .

Se herberga sanz ati

580

Un des pains manga demi .

Beut de l’ewe seintifiee

kant en ot beuz s’estoi plus lee .

Sun chief lava de la pure unde

De tuz ses pechez devint munde .

46v

585

Auques se sentit lassee

De ço qu’avoit fet grant jurnee .

De tere dure fist sun lit

Illoques jut tute la nuit .

Dormit . mes ço fu petit

590

kar ço li toli le dur lit .

par matin alad a muster

si vait oir le Deu mester .

Lors conuit son Creatur

si le receut par grant amur .

595

kant ele feut acunmeniee

Poez sauer mut en feut lee .

Puis sen entrat en un calan

Utre passa le flum Jordan .

kant ele feut utre passee

600

en la forest s’en est entree .

Marie veit par la gastine

sovent depria la Reine .

k’ele avoit mis en hostage

Le jur enceis devant sa ymage .

605

Par sa merci ne la guerpist

e du Diable la defendist .

Illoc est tute sa fiance

Ore comence la penance .

ele n’ad soign de repentir

610

einz se lerroit en fin morir .

47r

ele n’ad ke dous pains e demi

Ore ait Jesus de lui merci .

De cous ne viverad ele mie

se Deu ne li face altre aie .

615

Par le guast vert grant aleure

en Deu se fie tute est seure .

kant ele out fete sa jurnee

suz un arbre s’est acutee .

un petit mainga de son pain

620

puis dormi tresk’a l’endemain .

Tost se leva par matin

vers orient tint son chemin .

Tant alad ke jurs ke nuiz

Od feims od seifs & od dur liz .

625

ke tant parfond feut en boscage

Tote devint illoec salvage .

mes ele ne s’obliat mie

De deprier saincte Marie .

sovent li membre de l’ymage

630

k’ele avoit mis en hostage .

si drapel furent tost usez

e si souler tut deramez .

kant li drapel erent rumpu

Le cors de lui remist tut nu .

635

La char de lui mua colur

k’einz ert blanche come flur .

47v

ke de l’yver ke de l’esté

Tut li nercirent li costé .

Colur muat la bloie crine

640

Blanche devint com ermine .

La face lui estoit bruillee

Del grant soleil e de gelee .

La buche li ert entenvie

e d’environ tote ennercie .

645

e tant avoit neir le menton

come ço feust chief d’un tison .

Teint e nerci erent li oil

Rien n’i ot ore d’orgoil .

se vos regardisez s’oreille

650

mut vos serroit grant merveille .

car megres estoit e descrue

e de blanc peil tote mossue

Noire e mossue ert la peitrine

L’escorce semblout d’espine .

655

N’avoit plus char en sa triant

Ne mes ke n’ad en un gant .

Les braz les mains e les lung dois

Avoit plus noirs ke nule poiz .

Les ungles avoit ele mut grenz

660

Si les retaillot de ses denz .

Li ventre tut lui ert caeiz

Guere ne mangot ço ert droiz .

48r

Les piez lui erent escrevez

en plusur lius furent nafrez .

665

k’ele ne se gardoit d’espine

kant ele alot par la guastine .

Ço lui ert vis son escient

Pur voir de ço ne failli nient .

k’un de ses pechiez chaeit

670

kant une espine la puigneit .

Pur ço feut ele mut lee

kant ele suffri teu haschee .

N’ert merveille se feust nercie

ke mut demenot aspre vie .

675

plus de quarante anz ala nue

Ne fu merveille s’ert mossue .

Povre despense avoit od lui

Ore ait de lui Jhesu merci .

Dous pains avoit ne guere granz

680

De ces se garit plusurs anz .

Tut al premor devindrent dur

Cum s’il feusent fet de mur .

Chescun jor en usout Marie

mes ço ert petite partie .

685

kant ele out son pain usé

Doncs arracot l’erbe du pré .

Com autre beste la mangot

De rien ne se desconfortout .

48v

Adenz leveit un rosel

690

Dont beut n’ot autre vessel .

Ne fet a pleindre le pechié

Dont le cors fu si chastié .

D’erbe vesquit e de racine

Dis e ut. anz en la guastine .

695

pus fu trente anz onc ne manga

si l’angle Deu ne lui porta .

Diables la veneient esprimer

Sovent la soleient assaer .

Tut ço lui firent remembrer

700

k’ele soleit ja dis amer .

Les bons mangers e les beau lius

Ou ele soleit fere ses gius .

Lors feut ele si bonureie

ke de rien n’ert attameie .

705

unk en tote soue vie

Ne lui sovint puis de folie .

Ne puis en trestut le boscage

Ne vit guere beste sauvage .

N’autre vive creature

710

Par la forest vait tute sure .

en plusur lius prent son hostal

Sa vie est tute espirital .

Ore lerruns ci de Marie

Si parleruns d’un abbeie .

49r

715

ki feut a chief de la forest.

Si cume l’estoire le retreit .

Unc Deus ne fist nule gent

Tant servissent devotement .

A Dampnedeu lur Creatur

720

Come le firent cil seignur .

Il n’avoient soign de mal fere

Chascun avoit vestu sa here .

Si n’avoient autre estamine

For sule l’aspre discipline .

725

en heres erent e nuiz piez

Pur espener lur pechiez .

Nil de jurs ne il de nuiz

Ne feussent ja trovez en liz .

Tut le jur erent al muster

730

For sul a l’hure de manger .

Il viveient mut povrement

De pain d’orge e de piment .

A tuz les venrediz de l’an

Viveien de noiz de glan .

735

ewe beveient non pas seigne

kar pas n’estoit de fontaigne .

entr’ous n’ert pas symonie

Ne coveitise ne envie .

N’avoient soign d’argent ne d’or

740

Od Deu avoient lur tresor .

49v

Nul dous n’avoit proprieté

Tuit erent d’une volenté .

N’est home ki lur bonté die

Tant esteient de sinte vie .

745

Quant veneient a Quaranteine

Al premer jur feseient Ceine .

Li abbés les accuminout

Le cors Jhesucrist lur donout .

kant les avoit accuminez

750

Par ordre lur l’avoit les piez .

Aprés se vont en oreison

Cil lur feseit gent sermon .

Comandont les entrebeiser

Puis overi le hus du muster .

755

en la forest les enveout

A Dampnedé les comandout .

Li seint moigne se departeient

For sul dous ki remaneient .

Nun pas pur pour de Larrun

760

k’il eussent de lur maisun .

mes pur fere le Deu mester

Remistre cil dous el muster .

kar n’est pas droiz en seinte glise

ke la chiece le Deu servise .

765

Lui autre s’en issent tuit

Tut li plus vivent de fruit .

50r

en Deu avoient grant amur

D’erbe viveient li plusur .

kant l’uns voit l’autre el desert

770

Tost s’en fuit de la ou il ert .

Issi s’en alout a emblez

Par l’un n’ert l’autre saluez .

Illoc ou la nuit le perneit

Sur la freide herbe se giseit .

775

Par matin levot l’endemain

Seignot sei de sa destre main .

Il ne savoit ou il alout

A Dampnedeu se comandout .

Ceste meime entenciun

780

Avoie tuit si compaignun .

Des eus pleurent tendrement

kant lur sovient del Jugement .

Ou tuit li angle tremblerunt

De la grant pour k’il auerunt .

785

La ou verrunt le Fiz Dé

el siege de sa magesté .

e devant li le feu durable

Dont il tormentera le Diable .

e tote la malveise gent

790

Crucierat il tut ensement .

en puz d’enfern descenderunt

Si ke ja mes n’en isterunt .

50v

Pur co estoient icil moigne

en la forest en tel agoigne .

795

Pur eschaper si grant peril

estoient il en tel exil .

kant passez ert la Quarentaine

e veneit au jur de la Ceine .

Jur de la Pasche Florie

800

Repeiroient tuz a l’abbeie .

Li seinz abés estoit mut lez

kant tuz les voit repairez .

el muster les fet entrer

Aprés ous fet les hus fermer .

805

Pus erent tut l’an entier

Veillanz entur le Deu mestier .

Avint un an par grant miracle

ke tuz istroient sanz obstacle .

Li abés fist co k’il soleit

810

Chescuns par ordre acumineit .

encois les fist entrebaiser

Pus overi les hus du muster .

en la forest les enveout

A Dampnedeu les comandot .

815

Un se sevrat destre partie .

ki nuit estoit de seinte vie

L’en l’apelout dan Zozimas

mut ert vestu de povre dras .

51r

mes meuz amot ses povretez

820

ke nul quens ses granz contez .

en la forest parfundement

Se mist od povre furnement .

ermites i quida trover

Od ous voleit de Deu parler .

825

mes quant il ot fet vint jurnees

ke mut erent desmesurees .

cuit ke nul ne pout trover

corage n’out d’avant aler .

endroit middi comence un hure

830

Reclaime Deu. e si l’aure .

kant il out sa ure finie

Turna soi vers destre partie .

e regardat vers orient

un umbre vit son escient .

835

ki d’omme estoit u de femme

mes ele ert de l’Egipciene .

Deus l’avoit illoc menee

Ne vout mes k’ele feust celee .

Descoverir voleit le tresor

840

ke plus ert precius ke or .

Li sainz hom fu forment pensiss

kant a l’umbre torna son vis .

Quidat co feust enchantement

Reclaime Deu omnipotent .

51v

845

k’il le defende du Felun

e de male temptaciun .

kant l’oreison ert finie

La figure vit de Marie .

De Marie vit la figure

850

apertement sanz coverture .

environ li estoit sa crine

Si blanche cum peil d’ermine .

Li blanc cheveus e li deugez

Lui avalerent desk’a piez .

855

ele n’ou autre vestemenz

kant cous li suzlevot li venz .

De fuz pareit la char broillee

Du soleil. e de la grant gelee .

kant Zozimas vit la figure

860

ver lui alat grant aleure .

La dame kant le vit venir

Ignelpas prist a fuir .

Li seinz hom la vet chasçant

e auke fueuet appelant .

865

Dame fet dist il parlez a moi

Se tu od Deu as nule foi .

Je te conjur par Deu le grant

ke tu n’auges mes avant .

kant la dame oit de Deu parler

870

De joie comença plurer .

52r

Deus dist ele duz Creatur

en toi crei jo. si taur .

Quarante sis anz a co croi

ke mes n’oi parler de toi .

875

Or m’as un seint hom tramis

Jo ne lui os turner mon vis .

Turner ne li os ma feiture

kar jo sui nue creature .

Or s’est la dame aresté

880

N’osat avant aler plein pé .

ele ne se vorra mes celer

Od le prodom prent a parler .

Cheles dist ele Zozimas

Jettez moi un de tes dras .

885

De hunte n’os turner ver toi

Aprés purras parler a moi .

kant Zozimas s’oit nomer

Bien sot ke Deu la fist parler .

kar ele ne seust pas son non

890

Se par le Seint Esperit nun .

Un de ses dras pus lui geta

e la dame s’i aprima .

Al drapel vint rusant Marie

De son cors coverit partie .

895

Kan del drapel s’est affublee

Ver le seint homme s’est turnee .

52v

Sire dist ele duz chier amis

ke me di k’as tu ci quis .

Ci poez ver une dolente

900

k’en cest gast plur e gimente .

pur ses pechez e ses mesfez

Tant les seit orribles e leiz .

N’est hom les seust n’en eust pesance

Ore faz ici la penance .

905

kant li seint hom l’ot si parler

De pitie comenca plurer .

As piez lui fait affliction

Si lui requort la beneçon .

La dame lui rechet aspiez

910

Mut se crient de ses pechiez .

merci lui criad mut sovent

e si li recriad ensement .

Zozimas ki gist en la place

Dunt l’ewe li cort par la face .

915

Od granz suspirs e granz deuls

Mut tendrement plure des euls .

Tel angoisse ad ke tut tressue

Par la barbe k’il ad chanue .

Li corut aval la suur

920

La dame requort par amur .

ke pur la gent face oreison

e lui doint sa beneiçon .

53r

Sire dist ele douz amis

Tu m’as beneçon requis .

925

Jo n’entent pas ke soit reison

ka toi doinge beneiçon .

Tu es prestre messe chantant

Pur ço est il plus avenant .

ke tu le doinges a moi

930

ke jo nel donasse ore toi .

kar Deu t’a si bien regardé

De messe chanter as congé

mut ert la rien seintefiee

ke de ta man serra seignee .

935

Jo croi bien par tun signacle

Fet Deu sur l’autel miracle .

ke li pains devient son cors

e li vins sanc k’en issi fors .

Deu conuit bien ton sacrefise

940

Tute ta vie m’ad aprise .

Tu li as servi d’enfance

en li peus aver grant fiance .

mut en auras bon gueredon

mes ore te pri ta beneiçon .

945

Dame ço respont Zozimas

Ja ma beneiçon n’auras .

Se tu premer ne le me fais.

Ja di ci ne leverai mais .

53v

Pur feim ne por nule suffreite

950

Ainz ke tu le m’aies feite .

Lors voit bien e entent Marie

ke li seinz hom ne levera mie .

Tut tens iert mes en oreison

Se il n’ad sa beneiçon .

955

Turne soi vers orient

Depriet Deus omnipotent .

Deus dist ele douz Creatur

Toi lou jo e si t’aur .

Sire honure soies tu

960

e tute la toue vertu .

De nos pechez nus facez pardon

Puis aiuns Sire ta beneiçon .

Des ore levat danz Zozimas

en suspirant ke mut ert las .

965

mes Marie l’ad conforté

Sovent se sunt entresgardé .

ele comence a suspirer

e si lui prent a demander .

Des reis des contes de la terre

970

S’il unt peis ou s’il unt guere .

e des pasturs ke la lei tenent

Cunfaitement il se contenent .

Danz Zozimas lui respont

Deus ad mis peis par tut le mund .

54r

975

N’est homme tant alast par terre

ke riens oist parler de guerre .

meis Seinte Glise ad grant bosoin

ke pur lui facez oreison .

ke Deus li otreit peis durable

980

e la defende du Diable .

Marie lui respundi

Deu la gart par sa merci .

ele turna vers orient

Dresce ses mains ver ciel les tent .

985

e Deus priat son Creatur

mut piement par grant amur .

Si come la boche lui moveit

me nule voiz n’en isseit .

De terre eut sempre ravie

990

Si k’ele n’i attocha mie .

Zozimas ot pour mut grant

Dampnedeu trait a garant .

ke plus ke dou piez e demi

ert entre la terre e lui .

995

Ou ele feseit sa priere

Nostre Sire l’out tant chiere .

De la pour k’out Zozimas

Comença s’en aler le pas .

Quida fanteime avoir trové

1000

Ariere estoit aukes reusé .

54v

kant Marie le vit turner

Souef le comence appeler .

Cheles dist ele Zozimas

Beau cher pere dont te dotas .

1005

Purquoi t’en vas por une femme

Sachiez ke fui crestiene .

Baptize feu en enfance

en Deu ai tute ma creance .

Il est m’amur e mun desir

1010

Jol servirai gesk’au morir .

Sa destre main levat amunt

La seinte croiz fut en son front .

Li seinz hermites bien le vit

As piez la dame si chait .

1015

e le le fist sempres lever

Derechief pristrent a plurer .

Merci dist il seintime dame

Dunt es venuz ne de quel reaume .

Descoverez moi la toue vie

1020

Pur Deu ne la me celez mie .

Di la moi par confession

ke Deu te face verrai pardon .

Sire lui respont Marie

Ne la vous celerai mie .

1025

kant nue m’as ci regardee

Ja ma vie ne t’iert celee .

55r

Tute la toi descoverai

ke ja rien n’en celerai .

Ore comence conter Marie

1030

Rien n’i ad ke ne lui die .

Tute sa vie ad reontee

D’icel ure k’ele fu nee .

Dementers k’ele le contoit

Poez savoir grant hunte avoit .

1035

kant ele lui out conte sa vie

as piez lui chiet merci lui crie .

Zozimas. ad oi sa vie

son Creatur en glorifie .

merciz en rent au Creatur

1040

Puis lui ad dit par grant amur .

Dame pur quoi chies a mes piez

Pur Deu te pri ke co lessez .

N’est pas en moi la dignitez

N’en sui de tel auctoritez .

1045

A ço que t’ai oi conter

k’a peine t’os nis esgarder .

Unke mes ta per ne vi

Dame aiez de moi merci .

Par charité conseilez moi

1050

Si puis remaindre ci od toi .

Nenil beau pere Zozimas

Respont Marie einz t’en irras

55v

Mes ne te chaut dire ma vie

Si la que soie finie .

1055

Si Deu m’ad a toi mustree

Par toi vorrai estre celee .

Od l’abbés Johan parleras

Cest message li dirras .

De ses owailles prenge cure

1060

kar tel i ad qui trop s’aseure .

e prenge cure d’ous garder

ke mut i ad k’amender .

mes kant vient de l’altre an cest tens

Tu languiras si com jo pens .

1065

kant ti per e ti compaignon

s’en istrunt fors de lur meison .

e li jurs venrad de Quaremme

ke chascun d’ous irat son esme .

Te covendra ton lit tenir

1070

Ne porras mie od ous venir .

kant jur de la Ceine vendrat

e le Quaremme passe serrat .

Gariz iers si cum jo croi

Donc pri ke veignez a moi .

1075

Le cors Nostre Seignur me met

en un vessel ke mut soit net .

Del seint sanc en un altre veisel

Mes gardez bien ke mut soit bel .

56r

Beau pere kant tu le porteras

1080

Plus pres de toi me troveras .

Pur toi me serrai aprimee

kant te verrai mut serai lee .

Jo serrai sachiez a l’autre an

Contre toi au flum Jordan .

1085

Illenc sachiez aprismerai

Pur co k’acumengie serrai .

Deske passai le flum Jordan

Pres du muster Saint Jehan .

Ne receu le cors Nostre Seignur

1090

Od ki est tute ma douçor .

Ne ne vi homme for sul toi

Aler m’en voil, priez pur moi .

Par un senter s’en est turnee

el grant desert s’en est entree .

1095

kant li seinz hom la noit torner

A peine pout as piez ester .

As oilz la suit el desert

Mut ad grant doel quant il la pert .

A la tere est a genuillez

1100

La ou avoit tenu ses piez .

Beisa la terre mut sovent

e lowat Deus omnipotent .

Sire dist il louez soies tu

ke mustre m’as si grant vertu .

56v

1105

Sire toi peusse jo aurer

ke tu la moi otrias trover .

Puis lui menbrat de son muster

Dont estoit issu premer .

Repairez s’en est a meison

1110

e li e tuz si compaignon .

Li abbés Johan estoit mut lez

kant tuz les vit repeirez .

mes chescun d’ous s’est bien teu

De tut co qu’il avoit veu .

1115

Nul n’estoit si noveler

ke de riens s’enosist vanter .

mut les cherist li abbé Johan

mes quant fu tut passé cel an .

vint li premer jur de Quaremme

1120

ke chescun d’ous ala son esme .

en son lit jut Zozimas

Malades ert n’i ala pas .

A meison l’estout reposer

Malade feut n’i pout aler .

1125

Bien sout que ço fu prophecie

Quank’il out oi de Marie .

Tute passa la Quaranteine

kant vint al judi de la Ceine .

Zozimas se senti guarri

1130

Lors ad pris corpus domini .

57r

Le sanc precius ensement

Pur furnir le comandement .

Dont la dame l’avoit priez

kant ele de lui prist congiez .

1135

Zozimas enprent son eire

Od sei portat un poi de ceire .

e des lentilles ensement

N’avoit soign d’autre fornement .

Al flum Jordan vint Zozimas

1140

kant il i vint vespre fu bas .

Illoc quidat trover Marie

Mes onkore n’i ert ele mie .

Crient de la rien qu’il plus coveite

Par son pechié li soit toleite .

1145

U k’ele i ait encois esté

e k’il eit trop demuré .

De la demuere soit ennuiee

e pur ço se soit returnee .

Deus dist il de majestez

1150

Ci ne me lessez esgarez .

Lai me ver oncore la femme

Dont n’ad sa per en cest remme .

Ja ne viverai si com j’espeir

S’oncore ne la puis veir .

1155

S’ele ne vient a moi parler

Coment purroi jo a li passer .

57v

Cum passerai le flum Jordan

kant jo n’i ai nef ne chalan .

Pere de tute creature

1160

De ço peus tu prendre cure .

Tant par est grant ta poesté

ke tut est a ta volenté .

kant il out s’oreison finie

utre le flum vit Marie .

1165

Sor la rive la vit ester

sempres la prent a apeler .

Dame ço dist Zozimas

Bele mere coment le fras .

Coment passeras tu ver moi

1170

kant jo ne pus passer ver toi .

Cum passeras le flum Jordan

kant il n’i ad nef ne chalan .

kant Marie l’oit parler

De pitié prent a plurer .

1175

A Dompnedeu s’est comandee

Dedenz le flum s’en est entree .

Sur le flum vait sanz dotance

Oez cum feut de grant penance .

Sur l’ewe redde vait le grant pas

1180

Mut s’esmerveille Zozimas .

Li seinz hom la vot aurer

Mes ele le prist a devoier .

58r

sempre passat la bonuree

Unc n’out sa plante moillee .

1185

kant a la rive feut venue

Vait au seint hom si le salue .

Aprés lui est cheu as piez

mut se crient de ses pechiez .

As piez lui fait afflictiun

1190

Si li requert sa beneiçun .

Li seinz hom la vot relever

Pitez en out prist a plurer .

N’osa fere sur lui signacle

kant Deu fet pur li tel miracle .

1195

ke la fist aler leus sor l’onde

De la rive que tant ert parfunde .

kant de la terre l’out drescie

Par grant amur l’a beisie .

Lors lui requist Credo in Dé

1200

ke cil li deist par charité .

Il li dist mut delivrement

e la pater nostre ensement .

La dame respont apre lui

mut s’entre esgardeient ambedui .

1205

kant eurent lur parlement

Il lui mustra ten present .

Cum del cors Nostre Seignor

Dont serrunt salve pecheur .

58v

Zozimas le tient en sa main

1210

Dame dist il ço semble pain .

mes cest le cors Jhesucrist

ke li maveis poeple oscist .

en la croiz feut mise octis

Ja hom n’avera saint parais .

1215

Si ço ne croit en sa vie

Jo le croi bien respont Marie .

e uncore aii en ma creance

k’il fu feru d’une lance .

Od sun pere nus fist apaie

1220

Par le sanc k’issi de la plaie .

Par ço furent cil si ami

ki einz erent si enemi .

Par le forfait del premer homme

ki sor son vied manga la pome .

1225

Icel seint sanc nus lessa il

Mut est cil fous ki l’ad en vil .

si tu l’as porté od toi

Pur Dé te pri donez le moi .

Li sanz hom l’out si derainer

1230

Forment se prent a merveiller .

Le sacrifise lui mustrad

La seinte dame l’aurad .

Il li donad. ele le receut

Le cors mangad e le sanc beut .

59r

1235

kant ele feut accuminee

Unke de rien n’estoit si lee .

Deus dist ele Douz Creatur

Pere toi lou e si t’aur .

Douz Sire oez ma oreison

1240

e si me rend mon gueredon .

Quarante sis anz t’ai servi

Des ore aiez de moi merci .

Fai de ta fille ton pleisir

Des ore vorroie jo murir .

1245

e si te plest ke vive plus

Beau Chier Pere pas nel refus .

Ceste vie ne refus jo pas

Tant le voil cum tu le vorras .

Mes si te feust Sire a pleisir

1250

Des ore vorroie jo murir .

Des ore vorroie mes soudees

ke tu mal Sire aparillees .

Pri ent ton Fiz Virgne Marie

k’il me mete en sa compaignie .

1255

se une foiz feusse od tei

N’en partire mes ço crei .

La chanterai od tes anceles

en tes chambres que tant sunt beles .

Le chant novel od le donz son

1260

ke le rei chantad Salomun .

59v

Ici ne le puis jo chanter

k’entendre m’esteut a plurer .

kar la joie de ceste vie

Tute turnet a folie .

1265

kant l’oreison ot chevie

ver le seint homme s’umilie .

Sire dist ele danz Zozimas

Beau doz pere ore t’en irras .

acompli m’as mun desirer

1270

Repoire t’en a tun muster .

A l’autr’an pas ne m’ubliez

k’a moi parler ne viegnez .

Del flum Jordan passez la rive

Si me troveras ou morte ou vive .

1275

La ou primes me trovas

Si feroi jo dist Zozimas .

mes si tu fais mon desirer

De nostre fruit t’esteut manger .

Lentilles traist de son sacun

1280

N’i avoit autre garison .

Il les tendit en ses dou mains

e la dame manga trois grains .

Trente anz erent ja passe

k’ele n’avoit ainz ces guste .

1285

De l’ewe beut sanz nule soi

Puis li ad dit priez pur moi .

60r

A icel mot s’en est turnee

en un urette ert reportee .

en cel liu ki mut fu chier

1290

Ou Zozimas la vit premer .

e si avoit meinte jurnee

mes cum Deu vot estoit mence .

kant a cel liu ert parvenue

Ou Zozimas la trova nue .

1295

ke meuz oleit e plus forment

ke ne fet baume ne piment .

a la terre s’est accutee

A Dampnedeu s’est comandee .

Duz Sire dist ele ki me feis

1300

e denz mon cors alme meis .

A toi me peusse jo livrer

e otrier.e comannder .

Ore sai bien ke tu m’as chere

kar oi avez ma preiere .

1305

sevrer me voil de ceste vie

Ci voi venir ta compaignie .

Jo croi k’ele me vient querant

m’alme e mun cors te comant .

Dont s’est a la tere estendue

1310

Si cume ele estoit tute nue .

Ses mains croisa sur sa peitrine

e s’envolupad en sa crine .

60v

e clost se oilz avenantment

Son nés e sa buche ensement .

1315

L’alme s’en vait el ciel durable

Unc n’i osa venir Diable .

en l’angeline compaignie

s’en alad l’alme Marie .

Le cors de lui remist tut nuz

1320

for d’un drapel k’ert tut rumpuz .

ki del cors coverit partie

Povrement estoit finie .

ensample nus dona la dame

Ce sachent li puisant du reame .

1325

ki povre ne sunt a la mort

k’a Nostre Seignur font grant tort .

Li povre serrunt bonure

kar il avrunt le regne Dé .

La ou li riche n’i entrunt

1330

Si einces povre ne sunt .

Sus terre jut le cors Marie

Trestut l’an sanz copaignie .

N’out el desert rien tant fier

k’unc i osast aprochier .

1335

Sur lui n’osad oisel voler

Tant la par vot Deus honorer .

Si grant miracle pur li fist

k’unc sa char rien ne blemist .

61r

unke pur freit ne pur chalur

1340

N’en issi mauveise flaur .

Tant feut le cors desenterrez

ke li ans ert tut passez .

Zozimas ne s’ubblia mie

Repairez est en s’abbeie .

1345

mes d’une rien fu mut irrez

Li seinz hom quant s’est purpensez .

k’od la dame avoit parlé

e son nun n’avoit pas demandé .

Ne que sun nun n’avoit enquis

1350

Del tut se tint entrepris .

mes quant avint k’il ot congié

k’il pout issir de sun sié .

e passez ert tut icel an

mut tost passa le flum Jordan .

1355

el desert vint pur la muiller

Par merveillus desirer

Tant l’ad quise par le desert

k’il vint la ou le cors ert .

mes enceis k’il l’eust trovez

1360

mut le veisset esgarez .

Grant doel fet e plurt e crie

Pres ert del cors si nel vit mie .

Duz Pere dist il ki me fesis

mustrez moi co ke j’ai quis .

61v

1365

sachiez ja mes n’esloignerai

De cest liu . ne me moverai .

Treske jo veie icele femme

Dunt n’ad sa per en tut cest reaume .

Sire mustrez moi la muiller

1370

kar c’est tut mun desirer .

Plus ne vivrai si cum jo croi

se vive ou morte ne la voi .

Lai me ver le cors m’amie

kar jo croi k’ele soit finie .

1375

S’ele vesquist si cum jo croi

ele feust ja venue a moi .

Ja esgarez ne me lessait

S’ele me seust en cest guast .

Sire se tu de moi as cure

1380

Lai me fere sa sepulture .

Beau Pere Rei de magestez

Ne me lessez si esgarez .

kant il out s’oreison finie

Deus li mustras le cors Marie .

1385

vers destre part s’est regardez

Pres de lui vit une clartez .

une clarté vit en cel leu

Lors quida ke ço feust feu .

A la clarte s’est aprimez

1390

Le cors trova . mut en fu liez .

62r

A la terre geut estenduz

Poi s’en faut k’il n’ert tut nuz .

Son vis avoit vers orient

e les oiz clos avenantment .

1395

La crine avoit for son viere

ele n’avoit autre sueire .

Al cors s’aprima Zozimas

Sur lui posad un de ses dras .

Les piez sempres li vait beiser

1400

A l’autre n’oseit apprimer .

Il regarde amunt au chief

Lettres vit cum en un bref .

el lettres ke li sainz hom vit

ert cest comandement escrit .

1405

Zozimas pren le cors Marie

Sil ensevelis od la Deu aie .

kant tu l’aueras enseveli

priez pur lui vostre merci .

Les lettres erent de teu tor

1410

Come feussent fetes icel jur .

en la terre erent figurees

Zozimas les ad recitees

mes kant il ot le nun trové

Deus en mercit s’estoit mut lé .

1415

Le beau nun durement prise

Lors ad comence le servise .

62v

mes kant il ot fet son mester

e dit les seaumes du sauter .

a donc le veissez esgarez

1420

kar il n’ot rien od soi portez .

dont il peust la tere uvrir

Nel seintime cors enfuir .

Un fust trova par aventure

Fouir en vot la tere dure .

1425

La fosse vout apareillier

mes la terre ne pot attamer .

Tut tressue dedenz sa heire

De ço que rien n’i pout fere .

Grant bosoign avoit il d’aiue

1430

Tel haan ad que tut tressue .

e nepurquant pur le haan

Ne chevast il en tut cel an .

Se Deu ne lui donast aie

Par la deserte de Marie .

1435

Deu lui tramist compaignun

Nul autre mes k’un leun .

Un leun issit del desert

Sempres venoit ou li corsert .

Les piez començad leschier

1440

Ne savoit autrement beiser .

Signe feseit d’umilitez

e k’il la servireit de grez .

63r

kant li seinz hom vit le Leun

N’avoit einz eu teu compaignun .

1445

N’eust soign de sa compaignie

Se Deu lui donast autre aie .

Premerement volert fuir

kant il le vit au cors venir .

mes kant il le vit privez

1450

e de si grant humilitez .

e tant suef cum un aignel

sachiez que mut li feut bel .

Bien sot que Deus li ot tramis

Lors lui ad dit beau doz amis .

1455

Ceste femme kont nun Marie

Qui mut estoit de seinte vie .

m’ad ci demustré en un bref

ke j’ai trové ci a son chief .

ke ci vout estre ensevelie

1460

mes mut ai mester d’aie .

se tu me veus de rien aider

Cest seint cors voil enterrer .

Li leuns s’est apparilliez

Del comandement joius e lez .

1465

De kanque il sout obeir

La terre comence a fuir .

Li leun fueit la terre dure

Li sainz li mustra la mesure .

63v

As piez devant l’aracout

1470

A cous deriere la corout .

Grant ert la vertu du leon

kant estruot le sablun .

Par son le bois haut e cler

La terre dure fist voler .

1475

Se quatre hommes i feusent mis

ki besches eussent e bon pics .

Ainz ce feussent bien lassez

ke la fosse eussent acurez .

La fosse feut sempres atiree

1480

e de la terre bien voidee .

Zozimas ert lez ki ço vit

Devers le chief le cors saisit .

e li leuns as piez l’ad prise

entrou dous l’unt el sarcu mise .

1485

Dedenz la terre ont mis le cors

Zozimas s’en est issu fors .

Lors fist la commendaciun

Sanz l’adjutoire du leon .

Cit ne lui pot fere adiue

1490

kar il ert une beste mue .

mes quant il vint a l’enterrer

De riens n’estouet amonester .

Tute la terre lors aunat

e sur le saint cors remenat .

64r

1495

mes quant la tumbe ert acemee

e s’obedience out achevee .

A terre s’est tost agenuillez

Signe feut k’il prist congiez .

Lors s’en est ariere turné

1500

el grant desert s’en est entré .

kant Zozimas le vit turner

Deu comencet a louer .

Deus dist il Loez soies tu

Tant par est grant ta vertu .

1505

Bien m’as mustré par Marie

ke mut est fous cil ki te oblie .

Bien voi . e croi sanz dotance

ke forte chose ad en penance .

Ja mes riens ma ke toi servir

1510

Ne feroi treskes au murir .

Tuz mes pechiez espenirai

Ja de mun cors merci n’aurai .

Li seinz hom par grant devociun

Repairez est a sa maison .

1515

La grant penance de Marie

Sa poverté . sa dure vie .

Son travail . ne la grant amur

k’ele avoit ver son Creatur .

Le repentir bon e verrai

1520

k’ele out aprés son grant desrai

64v

Cum Nostre Seignur l’avoit chiere

Par requeste de sa douce Mere .

e cume ele entrad en sa gloire

Trestut descrit solunc l’estoyre .

1525

Jhesu crist le Rei celestre

Ki de la Virgne deigna nestre .

e pur nus voleit mort suffrir

Pur nus du Diable tolir .

Nus doint verrae penance

1530

e de nos pechiez repentance .

e joie aient celestiene

k’onur funt a l’Egypciene . Amen.